Morgunblaðið - 25.03.2003, Blaðsíða 8

FRÉTTIR
8 ÞRIÐJUDAGUR 25. MARS 2003 MORGUNBLAÐIÐ
Ob, ob, ob, hættu að pússa og leggðu á merina, við erum komnir í stríð.
Barnið í brennidepli fyrir norðan
Svara áleitnum
spurningum
RÁÐSTEFNAN„Barn og sam-félag, réttindi,
ábyrgð og hefðir í ljósi lýð-
ræðis“ verður haldin í
stofu L201 í Háskólanum á
Akureyri á Sólborg og
hefst klukkan 9 laugardag-
inn 5. apríl. Skráningar-
frestur er út vikuna hjá
Háskólanum á Akureyri,
en í forsvari fyrir ráðstefn-
una er m.a. Trausti Þor-
steinsson, forstöðumaður
skólaþróunarsviðs kenn-
aradeildar Háskólans á
Akureyri. Svaraði hann
nokkrum fyrirspurnum
Morgunblaðsins.
– Hver heldur þessa
ráðstefnu og hver eru til-
drög þess að hún er hald-
in?
„Það er skólaþróunarsvið kenn-
aradeildar Háskólans á Akureyri
sem boðar til ráðstefnunnar en
sviðið hefur að undanförnu unnið
að skólaþróunarverkefni fyrir
leik- og grunnskóla Akureyrar
undir heitinu „Barnið í brenni-
depli“. Í verkefninu er sjónum
beint að þeim miklu breytingum
sem orðið hafa á þjóðfélaginu á
síðustu árum, m.a. í fjölskyldu-
mynstri og skólastarfi, og áhrifum
þeirra á uppeldisskilyrði barna.
Ráðstefnan er liður í því að efna til
umræðna um þessi mál og skerpa
drætti í þróunarverkefninu.“
– Hverjar verða helstu áherslur
þingsins?
„Uppeldi er samstarfsverkefni
fjölskyldna, skóla og samfélags.
Megináherslur ráðstefnunnar eru
að huga að því hvernig þessum
helstu hornsteinum uppeldis og
mennta eru búin skilyrði til að
rækja hlutverk sitt. Lýðræðisleg
gildi hafa um langan tíma legið til
grundvallar íslensku samfélagi.
Að baki býr það viðhorf að þegn-
um sé sýnd virðing, þeir búi við
jafnan rétt og deili með sér
ábyrgð. Lýðræðið gerir ráð fyrir
því að hver og einn einstaklingur
hafi tækifæri til að taka virkan
þátt í að móta samfélagið. Í Aðal-
námskrám grunnskóla er sérstök
umfjöllun um lýðræðisleg gildi og
lögð áhersla á að þau móti skóla-
starfið enda er skólunum ætlað að
undirbúa nemendur fyrir virka
þátttöku í lýðræðislegu þjóðfélagi.
Forsenda lýðræðis er sögð að sé
meðvitaður og ábyrgur einstak-
lingur sem er fær um að taka þátt
í opnu og frjálsu þjóðfélagi. Jafn-
framt er lögð áhersla á að sam-
skiptahættir í skólum mótist af
mannhelgi, réttlæti og félagsanda
sem virðir mismunandi einstak-
linga og leyfi sérkennum þeirra að
njóta sín og auðga skólalífið.“
– Hver er megintilgangur ráð-
stefnunnar og hvaða spurningum
verður einkum leitast við að
svara?
„Megintilgangur ráðstefnunnar
er að fjalla um stöðu barna og
unglinga með tilliti til lýðræðis-
legra gilda í samfélaginu. Leitast
verður við að svara
áleitnum spurningum
er varða stöðu barna og
unglinga á Íslandi.
Spurningum eins og
hvort ungmenni
ástundi lýðræðið í leik og starfi?
Hvort merkja megi gildi lýðræðis
í samskiptum ungmenna og full-
orðinna? Hvort samfélagið í heild
styrki þær stoðir í störfum sínum
sem ætlað er að hlúa að lýðræð-
islegu uppeldi og lýðræðislegri
vitund barna? Hvort hin almenna
fjölskylda veitir börnum það upp-
eldi sem undirstrikar mannúð,
jafnrétti og samábyrgð? Hvort
skólinn starfar þannig að nemend-
ur fái rík tækifæri til að ástunda
lýðræðisleg vinnubrögð í námi
sínu? Hvort uppvaxtarár ís-
lenskra barna mótast í leik og
starfi af jákvæðum samskiptum,
tillitssemi og virðingu fyrir
náunganum? Allt eru þetta áleitn-
ar spurningar við að glíma.“
– Um hvað munu erindi fyrir-
lesara fjalla?
„Aðalfyrirlesarar á ráðstefn-
unni verða Páll Skúlason, rektor
HÍ, sem nefnir erindi sitt „Barn
og lýðræði“. Sigrún Sveinbjörns-
dóttir, lektor við HA, mun fjalla
um heilbrigði til sálar og líkama
og Kristján Kristjánsson, prófess-
or við HA, fjallar um þegnskap-
armenntun. Auk þess verða mál-
stofur þar sem Jón Björnsson,
sálfræðingur og fyrrverandi fé-
lagsmálastjóri, Þórhildur Líndal,
umboðsmaður barna, Snæfríður
Egilsson, lektor við HA, og Karl
Frímannsson, skólastjóri Hrafna-
gilsskóla, munu fjalla um ofan-
greint viðfangsefni út frá mismun-
andi sjónarmiðum. Þá munu
nemar úr Verkmenntaskólanum
fjalla um reynslu sína af skóla-
kerfinu og nemar úr kennaradeild
Háskólans á Akureyri greina frá
niðurstöðum rannsóknar sinnar á
samskiptum nemenda í leikskóla.“
– Fyrir hverja er þessi ráð-
stefna?
„Ráðstefnan er öllum opin en
við viljum gjarnan ná til allra sem
láta sig aðstæður barna
og ungmenna ein-
hverju varða. Stærsti
hópurinn er að sjálf-
sögðu foreldrar og
kennarar en auk þess
hafa heilbrigðisyfirvöld sýnt mál-
inu áhuga en um þessar mundir er
unnið að sambærilegu verkefni á
vegum Landlæknisembættisins
og fellur ráðstefnan „Barn og
samfélag“ vel inn í þá umræðu
sem þar er hafin. Þá er ótalið
starfsfólk í félagsþjónustu sem
hefur margháttuð samskipti við
börn og unglinga og fjölskyldur
þeirra.“
Trausti Þorsteinsson
 Trausti Þorsteinsson er fædd-
ur á Selfossi 1949. Lauk kenn-
araprófi frá Kennaraskóla Ís-
lands 1970, BA-prófi í sérkennslu
frá KHÍ 1993 og M.Ed. frá KHÍ
2001. Grunnskólakennari nyrðra
frá 1970 og skólastjóri Dalvík-
urskóla 1977–89. Fræðslustjóri á
Norðurlandi eystra 1989–96,
framkvæmdastjóri Rannsókn-
arstofnunar Háskólans á Akur-
eyri 1997–2001. Er nú for-
stöðumaður skólaþróunarsviðs
kennaradeildar HA. Maki er
Anna Bára Hjaltadóttir, for-
stöðumaður bæjarbókasafns Dal-
víkur, og eiga þau fjögur börn.
…það viðhorf
að þegnum sé
sýnd virðing
SAMKVÆMT nýrri skoðana-
könnun Fréttablaðsins mælist
Frjálslyndi flokkurinn með 7,8%
fylgi og fengi fimm menn kjörna
á þing. Nú er hann með tvo þing-
menn. Hefur flokkurinn ekki áð-
ur mælst með svona mikið fylgi í
könnun blaðsins.
Sjálfstæðisflokkurinn fékk
32,3% atkvæða í könnuninni, sem
gerð var sl. laugardag, Samfylk-
ingin 38,3%, Framsóknarflokkur-
inn 11% og Vinstri hreyfingin –
grænt framboð 9,4%.
Skipting þingmanna yrði að
öðru leyti sú að Samfylkingin
fengi samkvæmt þessum niður-
stöðum 24 þingmenn, Sjálfstæð-
isflokkurinn 21, Framsóknar-
flokkurinn 7 menn, vinstrigrænir
fengju 6 og frjálslyndir 5. Sem
fyrr var hringt í 600 manns í
könnun blaðsins og afstöðu tóku
62,2% aðspurðra.
Sjálfstæðisflokkurinn
stærstur í könnun Stöðvar 2
Þá birti Stöð 2 í gærkvöldi nið-
urstöður könnunar sem IMB
framkvæmdi á fylgi stjórnmála-
flokkanna frá fimmtudegi til
sunnudags s.l. Samkvæmt þeirri
könnun var Sjálsstæðisflokkur-
inn með 41,5% fylgi, Samfylk-
ingin með 34,2%, Framsóknar-
flokkurinn með 10,2%, Vinstri
grænir með 8,2% og Frjálslyndi
flokkurinn með 4,8% fylgi þeirra
sem afstöðu tóku. Er þetta
mesta fylgi sem Frjálslyndi
flokkurinn hefur mælst í könn-
unum Stöðvar 2.
Ekki var tekið fram hve úrtak
könnunarinnar var stórt.
Fréttablaðið spurði einnig um
afstöðu fólks til stríðsins í Írak.
Rúmlega 76% sögðust vera and-
víg stuðningi Íslands við innrás
Bandaríkjamanna og Breta. 63%
fylgjenda Framsóknarflokksins
reyndust vera andvígir stuðningi
Íslands en 27% fylgjandi.Af þeim
sem studdu Sjálfstæðisflokkinn
voru 48% fylgjandi ákvörðun
stjórnvalda en 38% andvíg. Sam-
svarandi tölur fyrir Frjálslynda
flokkinn voru 79% andvígir en
14% fylgjandi, hjá Samfylkingu
85% andvígir en 11% fylgjandi
og hjá Vinstri grænum 88% and-
vígir og 6% fylgjandi.. Um 85%
kvenna reyndust andvíg stefnu
stjórnvalda en 68% karla.
Frjálslyndir auka fylgið
í skoðanakönnunum
Mikill meirihluti er andvígur stuðningi Íslands við stríð