Morgunblaðið - 25.03.2003, Blaðsíða 20

HÖFUÐBORGARSVÆÐIÐ
20 ÞRIÐJUDAGUR 25. MARS 2003 MORGUNBLAÐIÐ
EINBÝLISHÚS, parhús og raðhús
verða húsagerðirnar í tillögu að
deiliskipulagi íbúðahverfis í Garða-
hrauni sem Garðabær hefur aug-
lýst. Um er að ræða nýtt deiliskipu-
lag fyrir byggðina sunnan við gamla
Álftanesveginn auk nýrrar byggðar
norðan við hann.
Svæðið sem um ræðir afmarkast
af Herjólfsgötu að vestanverðu,
Engidal að austanverðu, Vífils-
staðavegi og nýrri stofnbraut Álfta-
nesvegar að norðanverðu og loks
bæjarmörkum Hafnarfjarðar að
sunnanverðu. Að sögn Bergljótar S.
Einarsdóttur, skipulagsfulltrúa í
Garðabæ, er í aðalskipulagi bæjar-
ins gert ráð fyrir að byggð verði
þétt á þessu svæði. Uppbyggingu
hverfisins verði síðan skipt í tvo
áfanga samkvæmt deiliskipulagstil-
lögunni, hverfið sunnan gamla
Álftanesvegarins annars vegar og
hins vegar svæðið norðan hans.
Sunnan við veginn eru nú 14
íbúðarhús og og er áformað að við
bætist 22 íbúðarhúsalóðir sem yrðu
einnar til tveggja hæða einbýlis-,
rað- og parhús. Kemur fram í grein-
argerð með tillögunni að stefnt sé
að því að lóðir einbýlishúsanna
verði ekki undir 800 fermetrum að
stærð. Þeim lóðum, sem verði yfir
1800 fermetrar að stærð, verði þó
síðar hægt að sækja um að skipta í
tvennt, ef umhverfið, aðkoma og
staðsetning húsa leyfir. Þannnig
megi hugsanlega fjölga lóðum um
5–7 til viðbótar.
Í öðrum áfanga, sem er norðan
við veginn, er gert ráð fyrir að
byggja 51 íbúð, þar af 19 í einbýlis-
húsum sem yrðu einnar til tveggja
hæða. Einnar hæða par- og raðhús
yrðu staðsett næst nýjum Álftanes-
vegi og meðfram þeim eldri.
Er tekið fram í tillögunni að
nauðsynlegt sé að taka ríkt tillit til
þeirra hraunmyndana sem verða
inni á lóðum en svæðið er allt þakið
misúfnu hrauni á annars tiltölulega
sléttu landi. Þá kemur fram að ekki
sé gert ráð fyrir neinni þjónustu á
svæðinu enda verði hún í nýrri
byggð í Garðaholti í framtíðinni. Er
bent á staðsetningu grunnskólanna
Flataskóla og Garðaskóla við Vífils-
staðaveg sunnan Hafnarfjarðar í
þessu sambandi og leikskóla í nýju
hverfi í Ásum á Hraunsholti.
Að sögn Bergljótar er ekki búið
að tímasetja úthlutun lóða á þessu
svæði enda muni hún fara fram í
tengslum við uppbyggingu nýrrar
byggðar í Garðaholti í framtíðinni.
Hönnuður deiliskipulagsins er
Pálmar Ólason arkitekt.
Hönnun/Pálmar Ólason
Nokkur byggð er sunnan við gamla Álftanesveginn og verður sérbýlum þar fjölgað um 22. Ofan við veginn eða
norðan við hann er aðeins eitt hús í dag og er gert ráð fyrir að þar bætist við lóðir fyrir 51 íbúðarhús.
Byggð í Garðahrauni
verður þétt og stækkuð
Garðabær
VEGAGERÐIN og Reykjavíkur-
borg hafa auglýst hönnun og gerð út-
boðsgagna fyrir færslu Hringbraut-
arinnar. Gert er ráð fyrir að hleypa
umferð á nýja Hringbraut í lok næsta
árs.
Að sögn Jónasar Snæbjörnssonar,
umdæmisstjóra Vegagerðarinnar á
Reykjanesi, er áformað að hönnun og
gerð útboðsgagna verði lokið á þessu
ári þannig að hægt verði að bjóða
verkið sjálft út í desember næstkom-
andi eða strax eftir næstu áramót.
Áætlað sé að hefja verkið fljótlega
eftir það.
Stefnt að því að hleypa
umferð á veginn haustið 2004
„Ef þessi áætlun gengur eftir mið-
um við við að hægt verði að hleypa
umferð á nýja Hringbraut fyrir vet-
urinn 2004–2005 eða í október, nóv-
ember árið 2004. Meginþungi fram-
kvæmdanna á ekki að þurfa að taka
meiri tíma en eitt ár og svo er alltaf
einhver frágangur sem gæti teygst
fram á vor.“
Hann segir skýrslu um mat á um-
hverfisáhrifum nýrrar Hringbrautar
vera tilbúna en hönnunin mun grund-
vallast á henni að miklu leyti. Til stóð
að senda skýrsluna til Skipulags-
stofnunar í gær eða í dag. „Það hefur
staðið svolítið lengi á henni að geta
haldið áfram með þessa hönnun,“
segir Jónas. „Svo erum við með fyr-
irvara á því að ef breytingar koma
fram á matstímanum þá verði tekið
tillit til þess í hönnuninni.“
Gert ráð fyrir að verkið
muni kosta rúman milljarð
Umhverfismatsskýrslan verður
svo auglýst á næstu dögum og að
sögn Jónasar á niðurstaða Skipulags-
stofnunar að liggja fyrir innan 10
vikna frá því að það er gert. „Það get-
ur þó dregist eitthvað ef margar at-
hugasemdir koma fram og það þarf
að afla frekari gagna eða eitthvað
slíkt. Síðan er þessi hefðbundni
kærufrestur eftir það.“
Gert er ráð fyrir að verkið muni
kosta rúman milljarð króna í heild
sinni en nákvæm kostnaðaráætlun
mun ráðast af hönnun mannvirkisins.
Hönnun nýrr-
ar Hringbraut-
ar að hefjast
Reykjavík
HUGMYNDIR eru um að end-
urnýja og breyta Sundlaug Sel-
tjarnarness en tillögur þar að lút-
andi eru til skoðunar bæjar-
yfirvalda. Meðal annars er rætt um
að koma þar fyrir lítilli inni-
barnalaug, líkamsræktaraðstöðu
og fjölga pottum.
Að sögn Jónmundar Guðmars-
sonar bæjarstjóra eru hugmynd-
irnar komnar frá Æskulýðs- og
tómstundaráði bæjarins en fyrir
liggur að þörf er á viðhaldsátaki í
lauginni.
„Þá eru hugmyndir um að nýta
tækifærið og breyta lauginni sjálfri
og gera hana meira aðlaðandi,“
segir hann. „Hún er byggð á
ákveðnum tíma og síðan hafa verið
byggðar sundlaugar í borginni sem
hafa eitthvað fram að bjóða sem
við viljum taka mið af. Það eru t.d.
hugmyndir um að setja þarna upp
litla innibarnalaug, hugsanlega að
byggja líkamsræktaraðstöðu yfir
núverandi búningsklefum, fjölga
pottum og fleira í þeim dúr.“
Hann segir gert ráð fyrir fram-
kvæmdum við laugina í þriggja ára
áætlun bæjarins. „Ég myndi segja
að það yrði ljóst með vorinu hvort
ráðist verður í þetta verkefni. Við
viljum gjarnan líta á Seltjarn-
arnesbæ sem einskonar fjölskyldu-
og heilsueflingarbæ því hér erum
við með þessa frábæru göngustíga,
góða íþróttaaðstöðu og ágætis
sundlaug sem við höfum einfald-
lega áhuga á að efla enn frekar.“
Gervigrasvöllur komi
á Hrólfsskálamel
Æskulýðs- og tómstundaráð hef-
ur einnig lagt fram tillögur um
nýja staðsetningu fyrir gervigras-
völl sem fyrirhugað er að koma
fyrir í bænum. „Upphaflega var
áætlað að hafa þann völl á núver-
andi vallarsvæði en í kjölfar íbúa-
þingsins sem við héldum í nóv-
ember komu fram aðrir mögu-
leikar á staðsetningu vallarins,“
segir Jónmundur.
Að hans sögn ganga tillögur
ráðsins út á að færa gervigrasvöll-
inn að suðurströndinni á svokall-
aðan Hrólfsskálamel en staðsetn-
ing vallarins er í sjálfu sér
lykilákvörðun um áframhaldandi
skipulag Seltjarnarness. „Þetta er
svo stórt mannvirki og við höfum
svo lítið pláss að þar sem völlurinn
verður raðast allt annað í kring.
Menn hafa verið að ræða tvær,
þrjár staðsetningar í þessum efnum
og það það eru engar niðurstöður
komnar í það ennþá,“ segir hann.
Morgunblaðið/Jim Smart
Sundlaug Seltjarnarness er barn síns tíma og fyrir liggur að ráðast þurfi í
viðhaldsátak á henni á næstunni. Aðsókn að lauginni er mikil og jöfn.
Sundlauginni verði breytt
og aðstaða gesta bætt
Seltjarnarnes
LEIKTÆKI og umbúnaður á leik-
velli við Nýlendugötuna voru nýlega
stórskemmd en um er að ræða einn af
aflögðum gæsluvöllum borgarinnar.
Gera á við skemmdirnar hið fyrsta.
Að sögn Margrétar Vallý Jóhanns-
dóttur, deildarstjóra hjá Leikskólum
Reykjavíkur, er eftirlit og viðhald
slíkra valla á höndum Gatnamálastofu
enda skilgreinist þau sem opin svæði
eftir að búið er að loka þeim sem
gæsluvöllum. Hún segir að áhersla
hafi verið lögð á að fjarlægja ekki
leiktæki og annan umbúnað sem til-
heyri gæsluvöllum þegar þeim er lok-
að sem slíkum þannig að íbúar hverf-
isins geti haldið áfram að nýta sér
aðstöðuna fyrir sig og sína.
Höskuldur Tryggvason hjá Gatna-
málastofu segir að um þessar mundir
séu starfsmenn að fara yfir ástand
þessara svæða og hreinsa þau fyrir
sumarið.
„Það er búið að ræða þennan leik-
völl og við munum væntanlega fara
yfir hann í dag [í gær] en þetta kom
inn á borð til okkar seinnipartinn á
föstudaginn.“ Hann segir að gert
verði við þau tæki sem hægt er að lag-
færa en öðru verði að skipta út.
Höskuldur segir alltaf eitthvað um
að skemmdarverk séu unnin á slíkum
völlum og aukið eftirlit hafi lítið að
segja í því sambandi. Skemmdarvarg-
arnir haldi sínu striki eftir sem áður
enda athafni þeir sig yfirleitt á kvöld-
in og um helgar.
Að hans sögn eru skemmdarverk af
þessu tagi oftast kærð til lögreglu.
Leiktæki
skemmdarvörg-
um að bráð
Vesturbær
Morgunblaðið/Jim Smart
Klifurkastali á leikvellinum er nán-
ast ónothæfur eftir að skemmdar-
vargar fóru um hann.
HELLU- og varmalagnir ehf.
áttu lægsta tilboðið í endurgerð
Sólvangsvegar í Hafnarfirði þeg-
ar tilboð í verkið voru opnuð í
síðustu viku. Átta tilboð bárust í
framkvæmdina.
Tilboð fyrirtækisins hljóðaði
upp á tæpar 22 milljónir króna
en kostnaðaráætlun bæjarins var
rúmar 28 milljónir. Hæsta til-
boðið var hins vegar tæpar 30
milljónir.
Þá bárust tvö tilboð í veg-
merkingar við Sólvangsveg og
átti Vegamál ehf. lægra tilboðið
sem hljóðaði upp á tæpar sex
milljónir króna. Hærra tilboðið
var um 600 þúsund krónum
hærra en kostnaðaráætlunin var
tæpar 6,5 milljónir króna.
Átta tilboð bárust
í Sólvangsveg
Hafnarfjörður