Morgunblaðið - 25.03.2003, Blaðsíða 21

AKUREYRI
MORGUNBLAÐIÐ ÞRIÐJUDAGUR 25. MARS 2003 21
Símenntun Háskólans á Akureyri
verður með námskeið um fjár-
málastjórnun fyrirtækja dagana 3.
og 10. apríl næstkomandi. Fjallað
verður um grundvallaratriði eins
og daglega fjármálastjórnun, sam-
skipti við fjármálastofnanir, mat
fjárfestinga, eðlilega ávöxt-
unarkröfu, fjármögnun verkefna,
áætlanagerð og eftirfylgni, og síð-
ast en ekki síst mikilvægan skiln-
ing stjórnenda á hugtakinu auð-
legð hluthafanna (shareholder
value) og hvernig stjórnun ýtir
undir hana eða dregur úr henni.
Kennari er Jóhann Viðar Ívars-
son, lektor í fjármálum og alþjóða-
viðskiptum við Háskólann í
Reykjavík.
Á NÆSTUNNI
REGLUR um stuðn-
ing við frumkvöðla og
fyrirtæki hafa verið
samþykktar í bæjar-
stjórn Akureyrar og
mun bærinn bjóða
þeim frumkvöðlum
eða fyrirtækjum sem
vilja hefja starfsemi í
nýjum atvinnurekstri
í bænum tímabundna
aðstoð sem m.a. felst
í greiðslu lóðar-,
orku- og fasteigna-
gjalda í samræmi við
umsvif þeirrar starf-
semi sem um ræðir.
Kristján Þór Júl-
íusson bæjarstjóri sagði að um væri
að ræða eitt þeirra atriða sem fram
koma í málefnasamningi meirihluta-
flokkanna í bæjarstjórn og lúta að
því á hvern hátt Akureyrarbær
hyggst koma að atvinnumálum í
sveitarfélaginu.
Bjarni Jónasson, formaður at-
vinnumálanefndar, sagði megin-
áherslur lagðar á stuðning við verk-
efni sem tengdust markmiðum
bæjarins um uppbyggingu atvinnu-
lífs í bænum, en þar væri um að ræða
nýsköpun og atvinnutækifæri í
tengslum við sjávarútveg, iðnað og
landbúnað, hátækniiðnað
og upplýsingatækni sem
og samstarfsverkefni at-
vinnulífs og Háskólans á
Akureyri.
Að sögn Bjarna verður
um tímabundna aðstoða
að ræða eða styrk að há-
marki til þriggja ára og
yrðu upphæðir til hvers
frumkvöðuls eða fyrir-
tækis misháar, gætu
numið frá einni og upp í
fjórar milljónir króna eft-
ir umfangi starfseminn-
ar. Þeir sem fá slíka
styrki en hætta starfsemi
eða flytja hana burt úr
bænum á tímabilinu þurfa að end-
urgreiða upphæðina. Bjarni sagði að
styrkirnir væru eingöngu ætlaðir
þeim sem hygðust byggja upp nýja
starfsemi, þeir væru ekki hugsaðir
sem aðstoð við rekstur sem ætti í
erfiðleikum né heldur kæmi stóriðja
til greina. „Þetta eru styrkir til
þeirra sem vilja hasla sér völl hér í
bænum með nýja starfsemi og við
bindum vonir við að þeir muni verða
atvinnulífinu til framdráttar, ný at-
vinnustarfsemi verði byggð upp á
svæðinu sem öllum kemur til góða,“
sagði Bjarni.
Bærinn styrkir
frumkvöðla
Bjarni Jónasson
HÁTT í 70 umsóknir bárust um störf
flokksstjóra og verkstjóra hjá ung-
lingavinnu Akureyrarbæjar. Þetta
er svipaður fjöldi umsókna og fyrir
síðasta sumar en í fyrra fjölgaði um-
sóknum mikið frá árinu á undan, að
sögn Lindu Óladóttur, forstöðu-
manns unglingavinnu bæjarins.
Alls verður ráðið í sex stöður
verkstjóra og nítján stöður flokks-
stjóra fyrir sumarið. Linda sagði að
margir þeirra sem störfuðu hjá ung-
lingavinnunni í fyrra sæktu nú um
aftur. Ástæðan væri m.a. erfitt
ástand á vinnumarkaðnum „en líka
vegna þess að þetta er svo skemmti-
leg vinna“. Verkstjórar og flokks-
stjórar eru ráðnir frá 1. júní nk. en
unglingavinnan hefst svo hinn 10.
júní.
Flokksstjórar og verkstjórar í unglingavinnu
Hátt í sjötíu um-
sóknir um störfin
LÉTTKLÆTT fólk má hvarvetna sjá á ferli um göt-
ur Akureyrarbæjar þessa góðviðrisdaga sem bæj-
arbúar hafa fengið að njóta. Veturinn hefur verið
einstaklega mildur og vona sjálfsagt flestir að fram-
hald verði þar á. Unnendur vetraríþrótta eru ef-
laust ekki alls kostar sammála, því þeir vilja sjá
meiri snjó á skíðasvæðunum. Á Akureyri var 14
stiga hiti í gærdag en nokkuð hvasst, það blés úr
suðri og vindur var mildur. Á slíkum dögum er til-
valið að bregða sér í sundlaugarnar rétt eins og
þessar ungu Akureyrarmeyjar gerðu og skemmtu
sér þar konunglega.
Morgunblaðið/Kristján
Skvettugangur í sumarblíðu