Morgunblaðið - 27.03.2003, Blaðsíða 19

dag. „Við getum ekki annað enn
látið í ljósi þá von að því ljúki sem
fyrst, manntjónið og þjáningarnar
verði með allra minnsta móti, og
friður komist á fljótt,“ sagði kon-
ungurinn.
Anasagasti sagði þetta „ekkert
annað en orðagjálfur, innantómt og
falskt“ og mótmælti því að konung-
urinn skyldi ekki hafa ráðfært sig
við leiðtoga litlu flokkanna um mál-
ið.
Um milljón Spánverja tók þátt í
mótmælum gegn stríðinu í
spænskum borgum á laugardaginn
var og mótmælendur hafa ráðist á
um hundrað skrifstofur flokks for-
sætisráðherrans, Þjóðarflokksins,
á síðustu tíu dögum.
Skoðanakannanir benda til þess
að stuðningurinn við Aznar hafi
snarminnkað vegna deilunnar og
aldrei verið minni. Um 62,6% að-
spurðra voru óánægð með störf
hans í nýjustu könnuninni.
AP
Jóhann Karl Spánarkonungur.
STRÍÐ Í ÍRAK
MORGUNBLAÐIÐ FIMMTUDAGUR 27. MARS 2003 19
40% a
fslát
tur
af in
nimá
lning
u!
Allt a
ð
MÁLNINGARTILBOÐ
í verslunum Hörpu Sjafnar
1.990kr.
Norðan tíu, 4 lítrar
gljástig 10
Skeifunni 4, Reykjavík s: 568 7878
Snorrabraut 56, Reykjavík s: 561 6132
Stórhöfða 44, Reykjavík s: 567 4400
Austursíðu 2, Akureyri s: 461 3100
Hafnargötu 90, Keflavík s: 421 4790
Bæjarlind 6, Kópavogi s: 544 4411
Austurvegi 69, Selfossi s: 482 3767
Harpa Sjöfn málningarverslanir
Afgreiðslutími
allra verslana Hörpu Sjafnar!
Alla virka daga kl. 8–18 og
laugardaga kl. 11–15.
Helgarvakt
í Skeifunni 4.
Opið laugardaga kl. 11–18
og sunnudaga kl. 13–18.
VAGN Greve, lagaprófessor við Kaupmanna-
hafnarháskóla, kvaðst í gær telja að mótmælin í
Danmörku gegn stríði í Írak væru ólögleg
vegna þess að dönsk stjórnvöld hefðu lýst yfir
stríði á hendur stjórn Saddams Husseins.
Fréttastofan Ritzau hafði þetta eftir lagapró-
fessornum. Danska varnarmálaráðuneytið hef-
ur lagt áherslu á að Danir taki ekki aðeins þátt
í hernaðaraðgerðum í Írak, heldur heyi þeir
stríð gegn stjórn Saddams. Auk Bandaríkja-
manna og Breta taka þrjár þjóðir þátt í hern-
aðinum, Danir, Ástralar og Pólverjar.
Dönsk lög kveða á um að bannað sé að að-
stoða og styðja ríki sem Danir heyja stríð við
og verja hagsmuni þess. Brot á lögunum varðar
allt að sextán ára fangelsi.
Ennfremur er refsivert að birta áróður til
stuðnings óvininum eða veita honum efnahags-
lega aðstoð.
Danska lögreglan kveðst þó ekki ætla að
grípa til aðgerða gegn fólki sem mótmælir
stríðinu eða lýsir yfir stuðningi við Saddam
Hussein. „Danska stjórnarskráin tryggir
fundafrelsi, þannig að fólk hefur rétt til að fara
í kröfugöngu til að láta í ljósi andstöðu eða
stuðning við hvaða málstað sem það vill,“ sagði
talsmaður lögreglunnar.
Meirihluti Dana
hlynntur stríðinu
Samkvæmt Gallup-könnun, sem Berlingske
Tidende birti í gær, nýtur hernaðurinn í Írak
nú stuðnings meirihluta Dana í fyrsta sinn.
Hún bendir til þess að 54% Dana séu hlynnt
hernaðinum gegn stjórn Saddams og 39% and-
víg. Í samskonar könnun fyrir viku voru 48%
hlynnt stríðinu og 44% á móti.
Hins vegar eru aðeins 46% Dana hlynnt þátt-
töku danska hersins í hernaðinum og 50% and-
víg, samkvæmt nýju könnuninni. Sex dögum
áður voru 42% hlynnt þeirri ákvörðun dönsku
stjórnarinnar að taka þátt í stríðinu og 54% á
móti.
Per Stig Møller, utanríkisráðherra Danmerk-
ur, kvaðst vera ánægður með vaxandi stuðning
almennings við þá afstöðu stjórnarinnar að
beita þyrfti hervaldi til að afvopna stjórn Sadd-
ams. „Þetta getur þó breyst fljótt ef stríðið
dregst á langinn og mikið mannfall verður með-
al hermanna eða óbreyttra borgara,“ sagði
hann.
Mótmælin í Danmörku sögð ólögleg
Kaupmannahöfn. AFP.
GERHARD Schröder, kanzlari
Þýzkalands, vill efla þýzka herinn svo
að landið geti „treyst á eigin herafla“ í
framtíðinni. Lét Schröder þessi orð
falla í viðtali við þýzka vikublaðið Die
Zeit, sem kemur út í dag, fimmtudag.
„Klofningurinn í Evrópu, sem við
verðum að horfast í augu við, í örygg-
isráði Sameinuðu þjóðanna kallar líka
á að við drögum okkar eigin álykt-
anir,“ sagði kanzlarinn.
„Ef við viljum …taka aðra afstöðu
eða segja nei, eins og í tilfelli Íraks-
málsins, verðum við að geta treyst á
okkar eigin herafla,“ sagði hann. „Út
frá þessum sjónarhóli verðum við að
ræða hvernig réttast sé að útbúa og
fjármagna Sambandsherinn [þ.
Bundeswehr],“ þ.e. þýzka herinn.
Atlantshafsbandalagið, Evrópu-
sambandið og bandarísk stjórnvöld
hafa lengi hvatt Þjóðverja til að auka
útgjöld til varnarmála og nútímavæða
herinn, en skipulag hans byggist enn
á herskyldu – landvarnaher kalda
stríðs tímans, sem að mörgu leyti
þykir ekki í takt við kröfur tímans.
Átökin á Balkanskaga á tíunda ára-
tugnum opinberuðu hernaðarlegan
veikleika Evrópusambandsríkjanna
og undirstrikuðu þann gríðarlega
mun sem er á hernaðarmætti Banda-
ríkjanna og bandamanna þeirra aust-
an Atlantsála.
Eins og er eyða Þjóðverjar um
1,5% þjóðartekna til varnarmála, en
George Robertson, framkvæmda-
stjóri NATO, hefur hvatt til þess að
öll aðildarríkin verji tveimur pró-
sentustigum landsframleiðslu sinnar
til málaflokksins. Það er þó ekki
lengra en réttur mánuður síðan þýzki
varnarmálaráðherrann Peter Struck
kynnti áform um að skera varnar-
málaútgjöldin niður.
Þýzki her-
inn skuli
efldur
Hamborg. AFP.