Morgunblaðið - 27.03.2003, Blaðsíða 42
UMRÆÐAN
42 FIMMTUDAGUR 27. MARS 2003 MORGUNBLAÐIÐ
ÞAÐ var svo gaman og gleðilegt
að fá að vera viðstaddur frumsýn-
inguna á Hamlet hjá Leikfélagi Ak-
ureyrar fyrr í vetur. Ég gladdist
svo innilega fyrir hönd Akureyr-
inga en þó sérstaklega fyrir hönd
félaga minna hjá Leikfélaginu.
Sýningin var bráðskemmtileg, full
af kátínu, alvöru og listrænu
innsæi. Svona sýning sem maður
sér svo oft fyrir norðan, unnin af
leikhópi sem er tilbúinn að leggja
allt í sölurnar. Leikfélag Akureyrar
er nefnilega svo sérstakt samfélag.
Samfélag fólks sem á það sameig-
inlegt að vilja vinna að leikhúsi sem
er í senn spennandi, ögrandi, stór-
skemmtilegt og allt öðruvísi en það
sem er að gerast fyrir sunnan.
Þannig var sýningin á Hamlet. Og
viðtökur gagnrýnenda voru allar á
einn veg. Leikfélag Akureyrar
hafði metnað og frumkvæði til að
setja upp stórsýningu í litla fallega
Samkomuhúsinu. Sama má segja
um viðtökur áhorfenda. Þeir
flykktust á klassíkina, margir
gerðu sér ferð úr höfuðborginni.
Sýningar urðu miklu fleiri en ætlað
var í byrjun og verkið varð loks að
taka af fjölunum fyrir fullu húsi.
Sveinn Einarsson fékk síðar menn-
ingarverðlaun DV í leiklist fyrir
leikstjórnina. Þessi frábæra byrjun
leikársins verður því athyglisverð-
ari þegar fréttir fara nú að berast
af lífróðri þessa sama leikfélags.
Peningastaðan er í molum. Rekst-
urinn er að komast í þrot. Við horf-
um með skelfingu á hvernig leik-
félagið berst fyrir tilveru sinni.
Starfsfólki sagt upp. Stóryrði
fljúga í fjölmiðlum. Nei, Akureyr-
ingar og aðrir landsmenn, nú duga
ekki vettlingatökin. Brettum upp
ermar og björgum þessari stór-
merku menningarstofnun!
Það er mikilvægt að reka leikhús
á landsbyggðinni, rétt eins og það
er mikilvægt að standa myndarlega
að menntastofnunum. Menntun og
menning haldast hönd í hönd. Við
Íslendingar erum menningarþjóð
og við vitum hvers virði það er. Það
er mikilvægt fyrir menntunarstig-
ið, það er mikilvægt fyrir okkur
sem hugsandi verur. Leikfélag Ak-
ureyrar hefur barist áfram í alltof
mörg ár til að allt þess starf verði
nú að engu. Það hefur alið upp
marga af bestu leikhúslistamönn-
um þjóðarinnar og tekið fagnandi á
móti öðrum. Menn gleyma því oft
hvað það kostar að reka leikhús,
rétt eins og háskóla eða mennta-
skóla, en á sama tíma gleymist það
líka hversu mikill efnahagslegur
hvati það er í litlu hagkerfi. Við
gleymum hversu margir koma að
hverri leiksýningu, hvað hún skilur
eftir sig, hvað hún er hvetjandi fyr-
ir aðra upplyftingu og menningar-
starf. Manneskja sem upplifir fal-
legt listaverk heldur áfram að leita
að þeirri upplifun, góð leiksýning
styður undir góða málverkasýn-
ingu og öfugt. Og þá víla menn ekki
fyrir sér að koma um langan veg.
En menn gleyma líka öðru. Menn
gleyma hversu mikinn metnað þarf
til að reka listastofnun eins og
Leikfélag Akureyrar. Það þarf
metnað og stolt þeirra sem stjórna
fjárveitingum, þeirra sem reka
bæjarfélög og ráðuneyti. Það þarf
skilning á að stundum gengur vel
og stundum gengur illa. Það þarf
trú á nauðsyn starfsins. Ég skora á
Akureyringa að fylkja sér um leik-
félagið á erfiðum tímum, veita því
styrk og nauðsynlega trú til að
komast af. Á Akureyri hafa menn
haft kjark til að styðja myndarlega
við menntastofnanir og það dylst
engum að þar hefur uppsveiflan í
bænum legið. Íþróttirnar hafa líka
verið styrktar með glæsibrag.
Samningur um menningarhús hef-
ur verið undirritaður. En fyrst
hlýtur að vera komið að leikfélag-
inu. Enginn veit hvað átt hefur fyrr
en misst hefur. Við getum ekki allt-
af verið að byrja upp á nýtt. Það er
auðlegð í reynslunni. Við megum
aldrei gleyma Leikfélagi Akureyr-
ar og því frábæra starfi sem þar er
unnið.
Ég sendi samstarfsmönnum og
vinum hjá leikfélaginu baráttu-
kveðjur. Akureyringar vita að bær-
inn þeirra verður aldrei samur án
þess.
Forðumst menningar-
slys á Akureyri
Eftir Felix
Bergsson
„Við megum
aldrei
gleyma Leik-
félagi Akur-
eyrar og því
frábæra starfi sem þar
er unnið.“
Höfundur er leikari og formaður
Bandalags sjálfstæðra leikhúsa.
HVERFISRÁÐ Árbæjar boðar
til íbúaþings laugardaginn 29. mars
næstkomandi í samvinnu við skipu-
lags- og byggingarnefnd Reykjavík-
ur. Íbúaþing eru nýjung í samvinnu
borgaryfirvalda og íbúa sem hefur
rutt sér til rúms á undanförnum
misserum. Verkefni þingsins er ekki
síður nýtt af nálinni, þátttökuskipu-
lag þar sem útfærðar verða hug-
myndir um Árbæjartorg, hjarta Ár-
bæjarhverfis. Þingið fer fram í
Árseli frá kl. 10–15. Enga formlega
þekkingu á skipulagsmálum þarf til
þátttöku, aðeins jákvætt hugarfar,
góðar hugmyndir og metnað fyrir
Árbæjarhverfi. Ungir jafnt sem
aldnir eru því hvattir til að koma.
Nýr miðpunktur hverfisins
Væntanlegt Árbæjartorg er
svæðið á milli Árbæjarkirkju, fé-
lagsmiðstöðvarinnar Ársels og Ár-
bæjarskóla. Vonir standa til þess að
framkvæmdir við það geti hafist
þegar í sumar í tengslum við frá-
gang á lóð Árbæjarskóla. Torgið á
að geta orðið nokkurs konar mið-
punktur mannlífs í hverfinu með
greið göngutengsl við félagssvæði
Fylkis og útivistarparadísina í
Elliðaárdal í suðurátt og einn meg-
inþjónustukjarna hverfisins í norð-
urátt.
Þátttökuskipulag
Með íbúaþingi um Árbæjartorg
vilja hverfisráðið og skipulags- og
byggingarnefnd taka höndum sam-
an með íbúum um að Árbærinn
verði í fararbroddi í góðu samstarfi
borgarstjórnar og íbúa. Þátttöku-
skipulag greinir sig frá hefðbundn-
um skipulagsaðferðum í því að íbúar
og hagsmunaaðilar eru kallaðir til
verka á frumstigi á opnu íbúaþingi.
Reynt verður að komast frá hug-
myndastigi til útfærðra teikninga
sem íbúar draga sjálfir upp. Á þeim
hugmyndum verður byggt við mót-
un og útfærslu skipulagsins. Árbæj-
artorg yrði eitt fyrsta svæði borg-
arinnar sem skipulagt yrði með
þátttökuskipulagi. Það er liður í
þeirri stefnu borgaryfirvalda að
efna til aukinnar samvinnu við íbúa
við ákvarðanir og stefnumótun
borgarinnar.
Íbúaþing um
Árbæjartorg
Eftir Dag B. Eggertsson
og Steinunni Valdísi
Óskarsdóttur
„Árbæjartorg yrði eitt
fyrsta svæði borgar-
innar sem skipulagt
yrði með þátttöku-
skipulagi.“
Dagur er formaður hverfisráðs
Árbæjar.
Steinunn er formaður skipulags- og
byggingarnefndar.
Dagur B.
Eggertsson
Steinunn Valdís
Óskarsdóttir