Morgunblaðið - 28.03.2003, Blaðsíða 11

Ellefuföldun á skuldum Reykvík-
inga er í raun ávísun á stórfellda
skattahækkun í Reykjavík fyrr en
síðar. Með sama hætti gerir
minnkun ríkisskulda okkur kleift
að lækka skatta og boða frekari
skattalækkanir. Það er ekki lítið
afrek umræðustjórnmálamanna að
auka skuldir sveitarfélagsins sem
þeim er trúað fyrir ellefufalt á
átta árum, meðan athafnastjórn-
málamenn sem búa við sama ár-
ferði lækka ríkisskuldir og lækka
skatta og boða enn frekari skatta-
lækkun fái þeir stuðning fólksins
til þeirra verka. Hitt hefur aldrei
brugðist, að vinstri stjórn hefur á
augabragði breytt kjörseðlum í
skattseðla hafi hún fengið tæki-
færi til,“ sagði Davíð ennfremur í
ræðu sinni.
Umhverfisvænsta
þjóðfélag í víðri veröld
Undir lok ræðu sinnar fjallaði
Davíð um nokkur áhersluatriði
sjálfstæðismanna þegar horft væri
til framtíðar:
„Í fyrsta lagi að nú er lag til að
lækka skatta svo um munar.
Í öðru lagi að hægt er treysta
nýja sókn fólks og fyrirtækja inn-
an lands og utan vegna þess um-
hverfis sem hefur verið skapað og
er verið að skapa.
Í þriðja lagi að hægt er að
tryggja áfram, með ábyrgri stjórn,
góða afkomu ríkissjóðs með enn
minnkandi skuldum og lægri
vaxtagreiðslum.
Í fjórða lagi að hægt er að
styrkja stöðu eldri borgara með
afnámi eignarskatts og með því að
fylgja eftir samningum við samtök
þeirra og með því að auka hjálp til
þeirra sem búa á eigin heimili og
efla hjúkrunarheimilisþáttinn
verulega svo sem þegar hafa verið
lögð drög að.
Í fimmta lagi að hægt er að
treysta öflugt atvinnustig með því
að fylgja eftir þeirri afstöðu sem
ríkisstjórnin hefur haft til fjárfest-
inga í landinu og með því að
tryggja skattaumhverfi sem laðar
fjárfesta að.
Í sjötta lagi að við getum enn
eflt menntunarstigið og aukið
metnað á því sviði og bætt ytri að-
stöðu menntunar um land allt,
ekki síst framhaldsmenntunar.
Í sjöunda lagi að við getum eflt
og aukið það orðspor sem af okk-
ur fer, að við séum eitt umhverf-
isvænsta þjóðfélag í víðri veröld.
Í áttunda lagi að við getum
komið í veg fyrir að ábyrgðarlaus
öfl grafi undan meginstoðum ís-
lensks atvinnulífs.
Í níunda lagi að við getum enn
aukið hlut einstaklinganna á
kostnað ríkisvaldsins og hins op-
inbera.
Og í tíunda lagi getum farið úr
sjöunda sæti á listanum yfir þau
lönd heims þar sem er eftirsókn-
arverðast að búa, samkvæmt sér-
stöku mati Sameinuðu þjóðanna, í
toppsætin ef rétt er á málum hald-
ið,“ sagði Davíð Oddsson í setn-
ingarræðu sinni.
FRÉTTIR
MORGUNBLAÐIÐ FÖSTUDAGUR 28. MARS 2003 11
RÁÐHERRAR Sjálfstæðisflokksins
sitja fyrir svörum fundarmanna kl.
9 í dag. Á milli klukkan 12 og 14
verða sameiginlegir hádegisverð-
arfundir landsfundarfulltrúa hvers
kjördæmis en klukkan 14:15 flytur
Kjartan Gunnarsson, fram-
kvæmdastjóri Sjálfstæðisflokksins,
skýrslu um flokksstarfið.
Í kjölfarið mun ungt fólk ræða
framtíð Íslands en klukkan 18 hefj-
ast fundir starfshópa.
Á milli klukkan 20 og 21 hefst
landsfundur Sambands ungra sjálf-
stæðismanna með ungu fólki. Dag-
skrá föstudagsins lýkur svo með
opnu húsi fyrir landsfundarfulltrúa
sem hefst í Akogessalnum í Sóltúni
3 kl. 21. Í fyrramálið hefjast svo
störf kl. 9:30.
Dagskráin í dag
DAVÍÐ Oddsson, forsætisráðherra,
sagðist í setningarræðunni ekki vera
í neinum vafa um að íslenska rík-
isstjórnin hefði gert það sem væri
bæði rétt og ærlegt í Íraksmálinu.
„Við höfnuðum þeim kosti að vera í
hópi þjóða, sem lýstu bak við tjöldin
yfir stuðningi við bandamenn, en
óskuðu nafnleyndar til að losna við
óþægindi heima fyrir.“ Hann sagðist
vona að stríðið fengi skjótan endi,
svo uppbyggingarstarfið mætti hefj-
ast sem fyrst. Afstaða Íslands fælist
fyrst og síðast í að hjálpa írösku
þjóðinni til sjálfshjálpar. „Þótt
Íraksstríðinu sé ekki enn lokið eru
úrslit þess ráðin. Dagar Saddams
[Husseins] eru taldir,“ sagði hann.
„Harðstjórinn í Írak horfir úr híði
sínu í þann eld og hræðist. Hann hef-
ur safnað glóðum elds að höfði sér
um langt árabil. Hálf milljón barna
hefur látist á rúmum áratug í ranni
Saddams Husseins. Annar eins
barnadauði þekkist aðeins í vanþró-
uðustu og fátækustu ríkjum heims.
En meðan börnin deyja byggir Sadd-
am hallir í tuga tali. Og samt leiða
menn hans fréttamenn að rúmum
barna í sjúkrahúsum til að reyna að
varpa rýrð á frelsisherinn sem kom-
inn er til að flæma óvættinn frá völd-
um. Fimmtíu prósenta atvinnuleysi
er í landinu og sextíu prósent þjóð-
arinnar eru háð matargjöfum í
þessu einu ríkasta landi veraldar.
Við Íslendingar vonuðum í lengstu
lög að Íraksstjórn myndi virða
ákvörðun Sameinuðu þjóðanna um
að afvopnast. Sú von brást. Og þegar
Öryggisráðið var komið í fullkomna
sjálfheldu varð að bregðast við og
annaðhvort standa við stóru orðin
eða gefast upp. Bandamenn tóku
þann kostinn sem útheimti kjark,
staðfestu og fórnir.
Og við Íslendingar höfum tekið af-
stöðu í þessu máli. Við höfum tekið
afstöðu með írösku þjóðinni og gegn
einræðisherranum. Við höfum tekið
afstöðu með anda ályktana hinna
Sameinuðu þjóða gegn manninum
sem ber ábyrgð á hundruðum þús-
unda mannslífa, sem hefur verið
fórnað á altari valda hans. Ég vona
að Íslendingar muni ætíð hafa burði
og styrk til að taka afstöðu með lög-
reglu og slökkviliði þegar kæfa þarf
elda sem brenna á saklausum og
góma þarf brennuvarga sem valdið
hafa hörmungum og skaða,“ sagði
Davíð.
Dagar Saddams eru taldir
„SEM betur fer er ekki lengur ráð-
ist í nokkra framkvæmd sem nemur
í þessu landi án þess að huga út í
æsar að áhrifum á náttúrufar,
gróður og fegurð landsins. Er mikl-
um tíma og fjármunum varið til
slíkra athugana og er ekki hægt að
segja að illa sé farið með það fé,“
sagði Davíð Oddsson er hann
fjallaði um stóriðju á Austurlandi
og virkjanamál í setningarræðunni.
Davíð sagði að nú stæðu fyrir dyr-
um mestu framkvæmdir Íslands-
sögunnar og sagði hann marga
hafa unnið gott verk við undirbún-
ing þeirra. Hinu væri ekki að leyna
að margt gott fólk teldi einnig að of
miklu væri fórnað eða til kostað.
„Við skulum ekki gera lítið úr mál-
stað eða áhyggjum þess fólks.“
Fjármunum vegna umhverfis-
athugana ekki illa varið
TILLÖGUR sem fram hafa komið
að undanförnu um breytingar á
stjórnkerfi fiskveiða, sem ganga út
á að ríkið taki til sín tíu prósent á ári
af kvótanum eru hreint tilræði við
landsbyggðina, sagði Davíð Odds-
son, formaður Sjálfstæðisflokksins,
í umfjöllun um sjávarútvegsmál í
setningarræðu sinni í gær.
Davíð sagði sjávarútveginn hafa
gengið í gegnum miklar sviptingar
á undanförnum árum og hefðu
menn vonað að nú fengi hann loks
sæmilegan starfsfrið og tóm til að
skila miklum verðmætum í þjóð-
arbúið eftir þá sáttargjörð sem
náðst hefði.
„En upp á síðkastið hafa andstæð-
ingar okkar hvað eftir annað, jafnt
innan þings sem utan, flutt tillögur,
ræður og ályktanir af fullkomnu
ábyrgðarleysi í garð þessarar mik-
ilvægu atvinnugreinar. Þær sem
oftast hafa heyrst opinberlega
ganga út á það að ríkið taki til sín
tíu prósent á ári af kvótanum. Ekki
þarf að orðlengja hvað slíkar til-
lögur þýddu í raun væri reynt að
framkvæma þær. Veðhæfni sjáv-
arútvegsins myndi hrynja, ekki um
tíu prósent á ári, heldur þegar í
upphafi vegna þeirrar óvissu sem
hefði skapast. Slíkar hugmyndir
geta ekki flokkast undir annað en
að vera hreint tilræði við lands-
byggðina sem þarf á öllu öðru að
halda um þessar mundir en því að
meginatvinnugreinin þar sé sett í
uppnám,“ sagði Davíð.
Óhjákvæmilegar breytingar
í landbúnaði
Hann vék einnig að þeim breyt-
ingum sem landbúnaðurinn tæki um
þessar mundir og sagði þær ekki
sásaukalausar en algjörlega óhjá-
kvæmilegar við nýtt markaðs-
umhverfi.
„Dugandi mannskapur hefur ein-
beittan ásetning um að stunda þessa
atvinnugrein og standa af sér
storminn og krefst í rauninni ekki
annars en að fá að búa við sann-
gjörn samkeppnisskilyrði. Slíkar
kröfur hljóta menn að geta stutt
fordómalaust. Bústólpar landsins
ættu að geta reitt sig á það,“ sagði
Davíð.
Ábyrgðarlausar tillögur
um kvótakerfið
Í drögum að ályktun um sjáv-
arútvegsmál segir m.a. að hvalveið-
ar séu veigamikill þáttur svo
tryggja megi sjálfbæra nýtingu á
vistkerfi sjávar. „Inngangan í Al-
þjóða hvalveiðiráðið skapar grund-
völl til að hefja hvalveiðar á ný. Um
leið og markaðir opnast skal hefja
hvalveiðar í vísindaskyni og veiðar í
atvinnuskyni hefjist árið 2006 í sam-
ræmi við þann fyrirvara sem Ís-
lendingar settu við inngöngu í ráðið
árið 2002.“
Samgöngumiðstöð við
Reykjavíkurflugvöll
Í drögum að ályktun um sam-
göngumál segir m.a. að Reykjavík-
urflugvöllur sé nú í fremstu röð
flugvalla um öryggi. „Mikilvægt er
að hlutverk hans sem miðstöð inn-
anlandsflugs á Íslandi verði tryggt,“
segir í drögunum. Þá segir að brýnt
sé að samgöngumiðstöð, sem sinni
öllum þáttum almenningssam-
gangna, að og frá Reykjavík, verði
reist í tengslum við starfsemi
Reykjavíkurflugvallar. „Hún verði
miðja samgöngukerfis þjóðarinnar
og tengi innanlands- og millilanda-
flug, áætlunarbifreiðar og strætis-
vagna.“
Maki haldi laununum og jafn
réttur til fæðingarorlofs
Í drögum að ályktun um málefni
eldri borgara er lagt til að lands-
fundur samþykki að afnema skuli
tekjutengingu við upphæð sem
nemur óskertum lífeyrisgreiðslum
almannatrygginga, þ.e. grunnlífeyri,
tekjutryggingu, tekjutryggingar-
auka og heimilisuppbót, til þeirra
sem náð hafa 67 ára aldri. „Þessi
upphæð taki árlegum breytingum í
samræmi við verðlagsbreytingar.
Við fráfall eftirlaunaþega haldi eft-
irlifandi maki/sambýlismaður
óskertum launum hins látna í 6
mánuði sem skerðist þá í áföngum
og falli niður að 12 mánuðum liðn-
um.“ Þá segir í drögunum: „Lands-
fundur hvetur til þess að hjúskap-
arlögum verði breytt þannig að
lífeyrisréttindi hjóna, sem áunnist
hafa meðan á hjónabandi stóð, skuli
skilgreind sem hjúskapareign og
falli því ekki utan skipta.“
Í drögum að ályktun um jafnrétt-
ismál segir að mikill árangur hafi
náðst í jafnréttismálum á síðustu
árum sem megi að miklu leyti
þakka frumkvæði Sjálfstæðisflokks-
ins. „Lögbundinn réttur einstak-
linga af báðum kynjum er jafn og
fæðingar- og foreldraorlofslög eru
að fullu komin til framkvæmda.
Mikilvæg viðhorfsbreyting hefur
orðið og nú tekur við jafn réttur
foreldra til fæðingarorlofs sem
stuðlar að jafnrétti kynja á vinnu-
markaði.“
Barnabætur óháðar tekjum
Í drögum að ályktun um heil-
brigðismál segir að Sjálfstæðis-
flokkurinn telji að enginn eigi að
bíða lengur en þrjá til sex mánuði
eftir nauðsynlegum læknisaðgerð-
um eða annarri heilbrigðisþjónustu
og að flokkurinn muni beita sér fyr-
ir löggjöf sem tryggi rétt sjúklinga
til tímanlegrar þjónustu.
Þá er lagt til í drögum um fjöl-
skyldumál að landsfundur fagni
hækkun barnabóta og leggi til að
þær verði óháðar tekjum foreldra.
Morgunblaðið/Sverrir
Á annað þúsund manns var viðstatt setningu 35. landsfundar Sjálfstæðisflokksins í Laugardalshöll síðdegis í gær. Setningarathöfnin hófst með leik
Lúðrasveitar Reykjavíkur, Hamrahlíðarkórinn söng nokkur lög og Davíð Oddsson, formaður Sjálfstæðisflokksins, flutti setningarræðu.