Morgunblaðið - 28.03.2003, Blaðsíða 26
HÖFUÐBORGARSVÆÐIÐ
26 FÖSTUDAGUR 28. MARS 2003 MORGUNBLAÐIÐ
www.islandia.is/~heilsuhorn
Liver Blend
Hreinsandi blanda fyrir lifrina
PÓSTSENDUM
Glerártorgi, Akureyri, sími 462 1889
Fæst m.a. í Lífsins lind í Hagkaupum,
Árnesapóteki, Selfossi og
Yggdrasil, Kárastíg 1.
Ferjan Baldur
Breytt vetraráætlun frá 15. mars til 31. maí
Sæferðir ehf. Sími 438 1450.
Brottför mán./mið./ þri./fös.
fim./lau./sun.
Frá Stykkishólmi 13.30 9.00 og 15.45
Frá Brjánslæk 17.00 12.30 og 19.00
REYKJAVÍKURRÁÐ ungmenna
fundaði með borgarstjórn í Ráðhúsi
Reykjavíkur í gær þar sem fulltrúar
ráðsins lögðu fram tillögur um það
sem betur mætti fara í borginni.
Góður rómur var gerður að tillög-
unum meðal borgarfulltrúa og sam-
þykkt að vísa þeim áfram til frekari
skoðunar hjá nefndum og ráðum
borgarinnar. Jafnframt var sam-
þykkt tillaga borgarstjóra um að
taka saman skýrslu að ári um það
sem áunnist hefur í þeim efnum.
Klara Arnalds frá Ungmennaráði
vesturbæjar flutti tillögu um að
auka bæri undirbúning fyrir fram-
haldsnám innan grunnskóla og
koma þannig betur til móts við ung-
linga sem væru að taka mikilvægar
ákvarðanir um frekara nám, strax
við sextán ára aldurinn. Þá lagði hún
fram tillögu um að reist yrði menn-
ingar- og tómstundarhús sem hýsi
tómstundir unglinga innan 16 ára.
SMS-skilaboðakerfi í skólum
Birgir Ásgeirsson, Ungmennaráði
Kringluhverfis, vildi að tekið yrði
upp SMS-skilaboðakerfi í efri bekkj-
um grunnskóla til að tilkynna forföll
kennara en þannig gætu nemendur
sofið lengur á morgnana ef kennari
forfallaðist. Svefninn væri einmitt
mikilvægur þáttur í lífi einstaklings-
ins á þessum árum. Birgir mælti
einnig fyrir kennslu í grunnþáttum
táknmáls og að það yrði gert að
skyldugrein í grunnskólum.
Katla Hólm, Ungmennaráði Kjal-
arness, lagði til að strætóferðum
yrði fjölgað milli Kjalarness og Ár-
túns. Aðeins væru farnar sex ferðir
til og frá Kjalarnesi á virkum dögum
og brögð væru að því að ferðir á
áætlun væru ekki alltaf farnar.
Sigrún Erla Ólafsdóttir, Ung-
mennaráði Árbæjar, mælti fyrir
tískumiðstöð í Reykjavík sem gæfi
ungu fólki færi á að spreyta sig sem
módel, í fatahönnun, hárgreiðslu og
hverju öðru sem snertir tísku og
hönnun. Þá vildi hún að lögð yrði að-
rein frá Streng yfir á Höfðabakka.
Þar væri mikil umferð sem stýrt
væri með ljósum sem aftur leiddi til
þess að strætó væri seinn fyrir og
krakkar kæmu seint í skólann.
Kolbrún Ýr Ólafsdóttir, Ung-
mennaráði Grafarvogs, sagði opin
svæði til útivistar af skornum
skammti í Grafarvogi og lagði til að
þeim yrði fjölgað, t.a.m. á Lands-
símalóðinni.
Borð og stólar allt of lítil
Steinunn S. Kristjánsdóttir,
fulltrúi Ungmennaráð Breiðholts,
vildi sjá fleiri ruslafötur í efra og
neðra Breiðholti. Þar væri mikið
rusl á götum samanborið við Selja-
hverfi. Þá lagði hún til að ÍTR og
ÍBR yrðu sameinuð. Með því móti
yrði hægt að samnýta aðstöðu og
draga úr útgjöldum. Sparnaðinn
væri hægt að nota til að greiða niður
æfingagjöld ungmenna.
Aríel Pétursson, Ungmennaráði
miðbæjar, lagði til að kennsla í krist-
infræði í grunnskólum yrði lögð nið-
ur og þess í stað tekin upp kennsla í
siðfræði og trúarbragðarfræði. Máli
sínu til stuðnings sagði hann að fleiri
og fleiri segðu sig úr þjóðkirkjunni
og einnig hefði fjöldi innflytjenda
aukist sem iðki önnur trúarbrögð.
Kolbrún Hjartardóttir, Ungmenn-
aráði Laugarneshverfis, vildi sjá
aukna kynfræðslu í skólum og meira
framboð af getnaðarvörnum, m.a. að
komið yrði upp smokkasjálfsölum á
víð og dreif til að auðvelda aðgengi
að þeim. Þá sagði hún borð og stóla í
kennslustofum allt of lítil. Það leiddi
af sér bakmeiðsli og dæmi væru um
að nemendur fengju meðhöndlun
hjá sjúkraþjálfara vegna bakverkja.
Ný leiðaáætlun í smíðum
Þórólfur Árnason borgarstjóri
steig fyrstur í pontu af hálfu borg-
arfulltrúa þegar tillögurnar höfðu
verið bornar upp. Hann fór hratt yf-
ir sögu, sagði að vel væri mögulegt
að taka upp SMS-skilaboðakerfi í
skólum og innan þess gætu rúmast
fleiri skilaboð, m.a. tilkynningar frá
skólayfirvöldum. Hann upplýsti að
ný leiðaáætlun fyrir höfuðborg-
arsvæðið yrði kynnt á næstunni og
frá næsta hausti yrði nýtt leiðakerfi
tekið í notkun. Þá lagði borgarstjóri
til að skoðað yrði hvort hægt væri að
koma aðrein fyrir á Höfðabakka.
Hann upplýsti einnig að hann hefði
verið á húsgagnasýningu á dög-
unum og skildi vanda ungmennanna
sem kvörtuðu undan of litlum borð-
um og stólum.
Reykjavíkurráð ungmenna, sem
fundaði í gær, var stofnað í janúar
2002 en í því eiga sæti tveir fulltrúar
úr átta ungmennaráðum sem starfa í
hverfum borgarinnar, alls 16 ung-
menni á aldrinum 13–18 ára.
Árni Þór Sigurðsson, forseti borg-
arstjórnar, rifjaði upp að þegar
Reykjavíkurráð fundaði með
borgarstjórn í fyrra hefðu 24 til-
lögur verið fluttar, sem allar hlutu
umfjöllun og sumum vísað til viðeig-
andi nefnda. Þórólfur Árnason borg-
arstjóri bætti við að tekið hefði verið
tillit til þó nokkurra þeirra og sæi
þess stað í borginni nú þegar.
Birgir Ásgeirsson, sem sæti á í
ráðinu, sagði eftir fundinn í gær að
hann væri sáttur við viðtökurnar
sem tillögurnar fengu. Venjulega
funduðu ráðin á tveggja vikna fresti
í sínu hverfi og þar yrðu til alls kyns
hugmyndir sem unnið væri með uns
þær væru jafnvel lagðar fyrir á
fundi sem þessum. „Nú erum við bú-
in að koma tvisvar fyrir borg-
arstjórn og það fer bara eftir því
hvernig þeir taka okkur hvort þetta
muni í framtíðinni vera vettvangur
fyrir skoðanir ungs fólks.“
Reykjavíkurráð ungmenna fundar með borgarstjórn
Vettvangur fyrir ungt fólk
Morgunblaðið/Árni Sæberg
Fjölmenni var á pöllunum á fundi borgarstjórnar í Ráðhúsinu í gær.
Reykjavík
ÍBÚAR í Árbæ munu beina sjónum
sínum að nýju torgi, sem fyrirhugað
er að setja upp milli Árbæjarkirkju,
Árbæjarskóla og félagsmiðstöðvar-
innar Ársels, á íbúaþingi næstkom-
andi laugardag. Formaður hverfis-
ráðs Árbæjar segist fullviss að
Árbæingar lumi á góðum hugmynd-
um um útfærslu torgsins sem verður
eins konar miðsvæði hverfisins.
Að sögn Dags B. Eggertssonar,
formanns hverfisráðs Árbæjar,
tengir svæðið sem um ræðir ekki að-
eins kirkjuna, skólann og félagsmið-
stöðina heldur myndiar það göngu-
tengsl við aðra mikilvæga staði í
hverfinu, svosem sundlaugina og
Fylkissvæðið. „Svo tengist þetta yfir
í ásinn hinum megin þar sem fram-
tíðarheilsugæslustöðin, pósthúsið og
frekari þjónustukjarni er. Þannig að
þetta er miðsvæðið í hverfinu og þess
vegna fannst okkur spennandi að
gera tilraun með þátttökuskipulag
þar sem fólk kæmi að hugmynda-
vinnunni á frumstigi.“
Hann bendir á að færanlegar
kennslustofur, sem hafi verið á hluta
fyrirhugaðs torgsvæðis verði bráð-
lega fjarlægðar þar sem viðbyggingu
við Árbæjarskóla fari að ljúka. „Þá
viljum við ganga frá þessu þannig að
þetta verði torg sem fólk nýti. Fólk
hittist náttúrulega í lauginni, búð-
inni, í tengslum við skólann og ann-
ars staðar en það er kannski síður til
samkomustaður fyrir tónleika, kaffi-
hús eða eitthvað slíkt.“
Dagur segir að gaman væri ef
torgið endurspeglaði fjölbreytileika
hverfisins. „Styrkur hverfisins er að
það er mjög barnvænt og nálægt
náttúrunni því það liggur að Elliða-
árdalnum og það væri gaman ef
þetta torg gæti tengt saman þá þjón-
ustuþætti sem fólk sækir í.“
Þingið, sem haldið verður í Árseli,
hefst klukkan 10 á laugardag og seg-
ir Dagur að dagskráin geri ráð fyrir
að því ljúki í síðasta lagi klukkan 15
og jafnvel fyrr. Meðal annars er gert
ráð fyrir að þátttakendur komi fram
með hugmyndir sínar um torgið,
teikni það upp í sérstökum vinnuhóp-
um og kynni síðan niðurstöður sínar.
Þingað um torg
í miðju hverfisins
Árbær
!""
$%&'($
)*
+
'
(
$
,
(
$
&-
*
.)
/0
1
2
$
@! 4$
01
2 3 /
4
45
&&
45
&-
2
45