Morgunblaðið - 28.03.2003, Blaðsíða 48
48 FÖSTUDAGUR 28. MARS 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
NÆSTKOMANDI laugardag fer
fram söngkeppni framhaldsskóla-
nema. Hún hefur verið haldin árlega
frá árinu 1991. Þangað mæta fulltrú-
ar allra framhaldsskóla landsins til
að keppa í söng og sviðsframkomu.
Í flestum, ef ekki öllum, fram-
haldsskólum sem taka þátt í henni
eru haldnar forkeppnir til að ákveða
hvaða nemandi skuli sendur sem
fulltrúi skólans í aðalkeppnina. Frá
upphafi keppninnar hefur verið í
gildi reglugerð um framkvæmd
söngkeppni framhaldsskólanema, 9.
grein þessarar reglugerðar hljómar
svona:
Sönglögin skulu flutt á íslensku.
Sönglögin mega vera bæði frumsam-
in og ófrumsamin.
Undirrituðum þykir að breyta
ætti þessari grein reglugerðarinnar
og gefa þess í stað frjálst val um það
á hvaða tungumáli sönglagið skuli
flutt, hvort sem það verði á íslensku,
ensku eða öðru tungumáli. Þannig er
það einmitt í flestum framhaldsskól-
um að þau atriði sem vinna for-
keppnirnar eru sungin á öðrum
tungumálum en íslensku. Þessi
sönglög þarf þá að þýða fyrir aðal-
keppnina, oft með hálfkjánalegum
niðurstöðum. Þetta er einmitt sama
málið ár eftir ár að sama hversu
kröftugur sem flutningurinn hljómar
á frummálinu þá vantar oftast eitt-
hvað þegar búið er að snara textan-
um yfir á móðurmálið. Nafn keppn-
innar segir til um það hvað skuli vera
aðalatriðið í keppninni; söngurinn.
Þess vegna ætti að breyta reglu sem
flækist í alltof mörgum tilfellum fyr-
ir þátttakendum svo hægt verði að
einbeita sér alfarið að því sem keppt
er í, það er söngnum.
DAGUR BJARNASON og
ÓSKAR ÖRN ARNARSON,
nemendur í MR og þátttakendur í
söngkeppni framhaldsskólanema.
Söngkeppni fram-
haldsskólanna
Frá Degi Bjarnasyni og
Óskari Erni Arnarsyni
ÞAÐ er gott að tilheyra íslenska aðl-
inum. Hann fær 7% kauphækkun á
silfurfati á meðan kotungar fá 3%.
Til þess að villa
um fyrir almenn-
ingi er talað um %
í stað krónutölu.
Fór það ekki
fram hjá öllum að
Lávarður Íslands
fékk kauphækk-
un sem svarar til
mánaðarlauna
kotunga eða í
kringum 80 þús-
und krónur? Kotkarlinn fék 2.400
króna hækkun.
Aðallinn fær þar að auki alls konar
aukasporslur fyrir nefndastörf o.fl.
Stórmennum nægir að sitja svo sem
1-3ja tíma stjórnarfund í mánuði til
að fá litlar 140 þúsund krónur í auka-
tekjur. Eftir skatt eiga þeir um
helminginn eftir. En ef kotkarl ætlar
að næla sér í 10 þúsund króna auka-
tekjur, þarf hann að vinna 20 klst.
vegna þess að 40% skattur er af
tekjum yfir 70 þúsund krónur. Aldr-
aðir og öryrkjar eru ekki með...
Nú stefnir allt í 4% atvinnuleysi í
góðærinu hans Davíðs, þar sem eng-
in er fátækur. Þá fyrst batnar hagur
kotbóndans. Atvinnulaus hefur hann
engin tækifæri til þess að bæta hag
sinn.
Það er allt of dýrt fyrir ríkið að
færa skattleysismörkin upp í 110
þúsund krónur. En það færir út kví-
arnar í utanríkisþjónustunni. Byggja
hallir í Japan og Berlín, þótt aðrar
þjóðir, svo sem Danir spari í þeim
geira. Með nútímafjarskiptum er
hægt að halda fundi á skrifstofum og
til er tölvupóstur. Þetta gæti leyst
rándýrar hallir af hólmi. Hafa hinir
nýjungagjörnu Íslendingar ekki
uppgötvað þetta?
Íslendingar eru selskapsmenn og
þurfa að láta á sér bera. Myndir eru
teknar af Davíð með krónprinsi Jap-
ana, að drekka te eftir kúnstarinnar
reglum. En ekki dugir eitt og sér að
stórmenni fari utan. Það þarf að
gjalda líku líkt og bjóða heim í stað-
inn. Næst á að bjóða Pútín. Þá þarf
að halda úti njósnurum, svo ekki
slæðist hingað óæskilegir útlending-
ar. Löggan er á hverju strái, en sést
ekki á götum til þess að aðstoða kot-
unga á hættustundum.
Naglasúpa Péturs Blöndals
Pétur Blöndal segir það engan
vanda að lifa á 90 þúsund krónum á
mánuði. Hvernig væri að Pétur skil-
aði mismuninum á prósentuhækkun
kotunga og sínum í krónum. Bezt
væri að laun hans færu niður í 90
þúsund krónur og hann sýndi kot-
ungum í tölum hvernig hann sparar
og hvernig hann eyðir. Endilega Pét-
ur, gefðu okkur svo uppskriftina að
naglasúpunni, svo við getum fetað í
fólspor þín, meistari.
Aumingja Villi Egilsson vann ekki
slaginn í prófkjörinu fræga. Hann
klagaði og klagaði. Ekkert gekk. En
þá hlaut hann, alveg óvænt, djobb í
henni Ameríku og steinhætti að
klaga. Ekki var það betra með Finn
Ingólfsson, sem var fádæma óvin-
sæll ráðherra. Handa honum losnaði
fín staða í tryggingageiranum með
háum launum. Ekki nóg fyrir Finn.
Hann nælir sér líka í aukavinnu.
Fiskveiðistjórnun á Íslandi er svo
frábær að aðrar þjóðir koma hingað
til að læra um undrið. Kvótakerfið
færir kvótakóngum háar peninga-
fúlgur svo að þeir geti fjárfest í út-
löndum. Á meðan leggur það blóm-
legar sjávarbyggðir á Fróni í eyði.
Kvótakerfið veldur því að Íslending-
ar mega fiska minna og minna og
minna og fiski er hent. Á meðan
blómstra Færeyingar, með sóknar-
markskerfi, veiða meira og meira og
henda engu.
ERNA V. INGÓLFSDÓTTIR,
hjúkrunarfræðingur,
Krummahólum 10, 111 Reykjavík.
Vel settir kotungar?
Frá Ernu V. Ingólfsdóttur
Erna V.
Ingólfsdóttir