Morgunblaðið - 28.03.2003, Blaðsíða 52

ÍÞRÓTTIR
52 FÖSTUDAGUR 28. MARS 2003 MORGUNBLAÐIÐ
UM 200 Íslendingar komu til Glasgow í
gær vegna landsleiksins gegn Skotum á
morgun og annar eins fjöldi er vænt-
anlegur til skosku stórborgarinnar í dag.
Í þessum hópi er meðal annars eldri
flokkur KR sem spilar gegn jafnöldrum
sínum í Kilmarnock í dag, til upphitunar
fyrir morgundaginn.
Meðal þeirra sem koma í dag er borg-
arstjórinn í Reykjavík, Þórólfur Árnason,
ásamt eiginkonu sinni. Þá er búist við
mörgum Íslendingum víðs vegar að af
Bretlandseyjum og talið að fjöldi þeirra á
leiknum geti farið hátt í eitt þúsund. Ekki
veitir af svo Hampden Park verði fullskip-
aður eins og Skotar gera sér vonir um en
áhorfendasvæðið rúmar 52 þúsund manns.
Fjölmennt
til Glasgow
Morgunblaðið/Kristinn
Bræðurnir Jóhannes og Atli Eðvaldssynir ásamt Ellen
Sigríði, 10 ára dóttur Jóhannesar. Atli lék á Hampden
Park í október 1984, er Ísland tapaði fyrir Skotum í
HM-leik, 3:0.
DAVID Winnie, fyrrverandi leik-
maður KR og síðar þjálfari, er í
hópi aðstoðarmanna Berti Vogts,
landsliðsþjálfara Skota, rétt eins
og fyrir fyrri leik þjóðanna á
Laugardalsvellinum í haust. Winn-
ie lék undir stjórn Atla Eðvalds-
sonar í tvö ár og nú er hans hlut-
verk að reyna að ráða í hvað
fyrrum þjálfari hans er með í
pokahorninu fyrir leikinn á Hamp-
den Park á morgun.
„Já, ég telst vera sérfræðingur
Vogts í íslenskri knattspyrnu og ís-
lenskum leikmönnum, reyni að sjá
fyrir hvaða áætlanir Atli er með og
hjálpa Vogts eftir bestu getu. Þeg-
ar leiknum á Hampden er lokið er
mínu hlutverki líka lokið, ég fylgi
liðinu ekki til Litháens eftir
helgina,“ sagði Winnie í spjalli við
Morgunblaðið í gær á meðan
skoska landsliðið æfði á velli
Dumbarton, liðsins sem Winnie
stjórnaði þar til um síðustu helgi
að honum var sagt upp störfum.
Winnie tók við 2. deildarliði
Dumbarton í haust og liðið stendur
höllum fæti í tvísýnni baráttu í
deildinni. „Það er í næstneðsta
sæti en deildin er ótrúlega jöfn og
það gætum meira að segja ennþá
komist upp í 1. deild,“ sagði
Winnie.
Winnie reynir
að sjá við Atla
 BERTI Vogts, þjálfari skoska
landsliðsins í knattspyrnu – og fyrr-
verandi landsliðsþjálfari Þýskalands,
hefur þótt óútreiknanlegur í liðsvali
sínu. Í undanförnum sex landsleikj-
um Skota hefur hann notað 36 leik-
menn og jafnan gert miklar breyt-
ingar á milli leikja. Þegar Skotar
töpuðu fyrir Írum, 0:2, í febrúar not-
aði hann aðeins fimm af þeim leik-
mönnum sem spiluðu besta leik liðs-
ins undir hans stjórn, gegn
Íslendingum á Laugardalsvellinum.
 FJÓRIR leikmenn til viðbótar,
sem ekkert hafa spilað í þessum sex
leikjum, eru í hópnum gegn Íslandi.
Þar á meðal er Kenny Miller frá
Wolves, sem talið er líklegt að verði í
fremstu víglínu í leiknum á morgun.
 CHRISTIAN Dailly, varnarmaður
frá West Ham, er eini leikmaðurinn
sem hefur spilað alla sex leiki liðsins
frá síðasta hausti en hann hefur
ávallt verið í byrjunarliðinu. Dailly
skoraði einmitt fyrra markið í 2:0
sigrinum gegn Íslandi í október.
 PAUL Lambert, fyrirliði frá Celt-
ic, hefur spilað fimm af þessum sex
leikjum, sem og Maurice Ross frá
Rangers, Steven Thompson frá
Rangers, Graham Alexander frá
Preston og Steve Crawford frá Dun-
fermline. Þeir Ross og Thompson
eru í banni gegn Íslandi á morgun.
 VOGTS hefur stjórnað skoska
landsliðinu í tíu leikjum frá því hann
tók við því fyrir ári. Þar af hafa sjö
tapast, allt vináttuleikir, en sigur-
leikirnir eru gegn Íslandi, 2:0, og
gegn Kanada, 3:1, í vináttuleik þrem-
ur dögum síðar. Að auki gerði skoska
liðið jafntefli, 2:2, við Færeyinga í
fyrsta leik sínum í undankeppni EM.
 FEÐGAR koma við sögu hjá
skoska landsliðinu. Scott Gemmill,
leikmaður Everton, er í hópnum og
faðir hans, Archie Gemmill, er einn
af aðstoðarmönnum Berti Vogts.
Archie, sem lék með Derby, Nott-
ingham Forest og skoska landsliðinu
á áttunda áratugnum – lék á HM í
Argentínu 1978 og á Spáni 1982,
fylgist með skoskum leikmönnum í
Englandi og gefur Vogts skýrslu um
frammistöðu þeirra.
 GARY Caldwell frá Newcastle og
Andy Webster frá Hearts voru í gær
færðir úr A-hópi Skota yfir í 21-árs
landsliðið sem mætir Íslendingum í
Cumbernauld í dag. Mikil forföll eru
í 21-árs liði Skota, sem annar Þjóð-
verji, Rainer Bonhof, stýrir, en þeir
Caldwell og Webster fara aftur yfir í
A-hópinn strax eftir leikinn í dag.
 SIGMUNDUR Kristjánsson, leik-
maður Utrecht í Hollandi, verður
ekki með íslenska 21-árs liðinu gegn
Skotum í Cumbernauld í dag en liðin
mætast þar í Evrópukeppninni og
forkeppni Ólympíuleikanna. Meiðsli
á ökkla, sem Sigmundur varð fyrir á
fyrstu æfingunni í Skotlandi í fyrra-
dag, reyndust það slæm að hann er
ekki leikfær.
FÓLK
JÓHANNES Eðvaldsson, fyrirliði
íslenska landsliðsins í knattspyrnu í
27 leikjum frá 1974 til 1979 og
bróðir Atla, landsliðsþjálfara, heils-
aði upp á forráðamenn og leikmenn
Íslands í Glasgow í gær en þar hef-
ur hann verið meira og minna bú-
settur í 28 ár. Jóhannes sagði við
Morgunblaðið að hann hefði góða
tilfinningu fyrir landsleiknum á
morgun og spáði því að Ísland
myndi vinna sigur, 2:1, en jafntefli
yrði vissulega mjög góð niðurstaða.
„Ég er mjög spenntur og er viss
um að þetta verður ágætur leikur,
enda eru aðstæður á Hampden
Park frábærar, grasið nýtt, veðrið
verður gott og ekkert því til fyr-
irstöðu að spila góða knattspyrnu.
Ég er viss um að ef íslenska liðið
fær ekki á sig mark snemma leiks,
eins og gerðist í fyrri leiknum á Ís-
landi, sem var ömurlegt, þá er það
með svo góða fótboltamenn að liðið
á að geta gert góða hluti. Ef Íslend-
ingar ná að skora og komast yfir í
leiknum hafa þeir mannskapinn til
staðar til að verja það forskot og
vinna. Við eigum fleiri góða leik-
menn í ensku úrvalsdeildinni en
Skotar, sem eiga fáa menn í topp-
liðum eins og staðan er í dag. Ég
horfði á Skota tapa fyrir Írum, 0:2,
í febrúar og eftir að Írar skoruðu 2
mörk snemma í leiknum áttu Skot-
ar engin svör. Ég er bjartsýnn á
góð úrslit á Hampden Park,“ sagði
Jóhannes „Búbbi“ Eðvaldsson, sem
gerði garðinn frægan með Celtic á
milli 1975 og 1979 og gekk þar
undir nöfnunum „The Iceman“ og
Big Shuggy“.
Jóhannes hefur trú
á íslenskum sigri
Vogts hefur 24 leikmenn til umráðavið Loch Lomond en þeir þurfa
ekki allir að ganga undir sama æf-
ingaálagið hjá þýska
þjálfaranum, sem
hefur óspart hvílt þá
sem hafa spilað mikið
að undanförnu eða
eiga við smávægileg meiðsli að stríða.
Þannig tóku aðeins 12 leikmenn þátt í
æfingu í Dumbarton í gær, sem var
opin fjölmiðlum, en flestir hinna tóku
því rólega í sveitasælunni og slöpp-
uðu af á vatnsbakkanum. Þar á meðal
voru allir leikmenn Celtic og Rang-
ers, sem hafa átt annríkt að undan-
förnu.
Steven Pressley, varnarmaður frá
skoska úrvalsdeildarliðinu Hearts í
Edinborg, sem hefur verið einn lyk-
ilmanna skoska liðsins í undanförn-
um leikjum, var einn þeirra sem
hvíldi í gær en hann á við bakmeiðsli
að stríða, ekki þó alvarleg.
„Vogts vill að við
spilum af krafti“
Pressley sagði að skosku landsliðs-
mennirnir væru hæstánægðir með
undirbúninginn og bar mikið lof á
Vogts. „Það er mikil reynsla að æfa
undir stjórn manns sem býr yfir allri
þessari þekkingu á knattspyrnunni
og hver æfing hjá honum er í hæsta
gæðaflokki. Margir í okkar hópi
þurfa ekki að æfa tvisvar á dag en það
eru allir með á nótunum um mikil-
vægi leiksins sem framundan er og
Vogts hefur kallað eftir því að við
spilum af krafti og leikum með hjart-
anu. Vonandi tekst okkur að sýna
góðan leik og knýja fram sigur – ef
við leikum með hjartanu fáum við
áhorfendur á okkar band sem skiptir
geysilega miklu máli.“
„Mikil pressa á okkur“
Pressley sagði að íslenska liðið
væri sterkt, eins og það hefði margoft
sýnt, og ætti frábæran leikmann í
Eiði Smára Guðjohnsen. „Hann hef-
ur leikið af snilld í ensku úrvalsdeild-
inni og við þurfum að hafa góðar gæt-
ur á honum. Það er mikil pressa á
okkur en við gefum allt í verkefnið
sem framundan er og ef okkur tekst
að ná sex stigum í þessum tveimur
leikjum gegn Íslandi og Litháen
verður það frábær uppskera á þess-
um 10 dögum sem liðið er saman að
þessu sinni. Við áttum mjög góðan
leik á Íslandi í haust, þar sýndi liðið
mikinn styrk og varðist einstaklega
vel, og okkur tókst að halda Guð-
johnsen í skefjum,“ sagði Steven
Pressley.
„Slakir í síðasta leik“
Rob Douglas, markvörður Celtic,
tók í sama streng. „Við vitum hvað
bíður okkar og hvað við þurfum að
gera. Ísland er gott lið með ágæta
knattspyrnumenn sem við berum
virðingu fyrir, eins og Guðjohnsen, en
hann gerir ekkert einn síns liðs. Það
er í okkar höndum að spila sem liðs-
heild, frammi fyrir okkar áhorfend-
um, sem ég vona að styðji við bakið á
okkur þrátt fyrir að við værum slakir
í síðasta leik okkar, gegn Írlandi. Við
urðum fyrir miklum vonbrigðum með
fyrsta leik okkar í keppninni, gegn
Færeyingum, en unnum góðan sigur
á Íslandi sem okkur tekst vonandi að
fylgja eftir hér í Glasgow,“ sagði
markvörðurinn, sem ekki æfði heldur
í gær en hann gekkst undir aðgerð á
nára fyrir nokkrum vikum.
Skotar hvílast í sveitasælunni fyrir leikinn gegn Íslendingum
„Sex stig gegn Íslandi og
Litháen frábær uppskera“
BERTI Vogts, landsliðsþjálfari
Skota, heldur leikmönnum sín-
um fyrir utan ys og þys Glas-
gow-borgar á meðan þeir búa
sig undir slaginn gegn Íslend-
ingum á Hampden Park á morg-
un. Skoska liðið hefur haldið til
á lúxushóteli úti í sveit, við hið
fallega stöðuvatn Loch Lo-
mond, norðvestur af Glasgow,
síðan það kom saman á mánu-
dag og æfingar þess fara fram í
nágrannabænum Dumbarton á
norðurströnd Clyde-fjarðar.
Morgunblaðið/Kristinn
David Winnie, fyrrverandi lærisveinn Atla Eðvaldssonar, ræðir hér við Berti Vogts, landsliðsþjálf-
ara Skota, á æfingu í gær í Dumbarton. Winnie er „Íslandssérfræðingur“ þýska þjálfarans.
Víðir
Sigurðsson
skrifar frá
Glasgow