Morgunblaðið - 28.03.2003, Blaðsíða 57
FÓLK Í FRÉTTUM
MORGUNBLAÐIÐ FÖSTUDAGUR 28. MARS 2003 57
G
ut
en
be
rg
í FÓLKVANGI á Kjalarnesi
Dúndrandi harmonikuball í Fólkvangi á Kjalarnesi föstudagskvöld 28. mars
frá kl. 22:00. Fjölbreytt dansmúsik. Dansleikur fyrir alla.
Hljómsveitir Harmonikufélags Reykjavíkur og söngvarar
halda uppi fjörinu með dansfólkinu.
HARMONIKUBALL
P.S. Miðaverð er kr. 1.200.
Ekki er unnt að taka við greiðslukortum. Harmonikufélag Reykjavíkur.
HEIMILDARMYNDIN umdeilda Í keilu
fyrir Columbine, sem á dögunum hlaut Ósk-
arsverðlaun, verður opnunarmynd kvik-
myndahátíðar sem haldin verður í Regnbog-
anum dagana 10.–27. apríl.
Fjöldi kvikmynda, leiknar myndir og heim-
ildarmyndir frá ýmsum heimshornum, verður
í boði á hátíðinni eða um það bil 13. Þótt mynd-
irnar verði eins ólíkar og þær eru margar eiga
þær það þó allar sammerkt að vera nýjar af
nálinni og hafa notið vinsælda víða um heim,
auk þess sem margar þeirra hafa hlotið verð-
laun af ýmsu tagi.
Myndirnar sem ákveðið hefur verið að sýna
á hátíðinni eru auk opnunarmyndar Michaels
Moore Í keilu fyrir Columbine (Bowling for
Columbine), mexíkóska myndin Glæpir föður
Amaros, (El crimen del Padre Amaro), dönsku
myndirnar Ég elska þig að eilífu (Jeg elsker
dig for evigt) eftir Susanne Bien og Gamlir
karlar í nýjum bílum (Gamle mænd I nye bil-
er) þar sem sögð er forsaga hinnar vinsælu Í
Kína borða þeir hunda (I Kina spiser de
hunde), ástralska verðlaunamyndin Kanínu-
netið (Rabbit-Proof Fence) eftir Phillip Noyce,
nýjasta mynd Robertos Benignis um Gosa og
heimildamyndin Grínistinn (Comedian) um
Jerry Seinfeld, David Cronenberg-myndin
Könguló (Spider), hin margrómaða Góða
stelpan (The Good Girl) með Jennifer Aniston,
sænska myndin Endurfundir (Klassfesten),
Himnaríki (Heaven) með Cate Blanchett gerð
eftir handriti Krzysztof Kieslowski heitins,
Naqoyqatsi, lokamyndin í „-qatsi“ þríleik God-
freys Reggio sem frægastir eru fyrir magnaða
tónlist Phillips Glass, og 28 dögum síðar (28
Days Later) nýjasta mynd Dannys Boyles
sem gerði Trainspotting.
101-kvikmyndahátíð í Regnboganum dagana 10.–27. apríl
Í keilu fyrir Columbine er orðin vinsælasta heimildarmynd sem
sýnd hefur verið í bandarískum kvikmyndahúsum.
Góða stelpan í leikstjórn Miguel Arteta með Jennifer Aniston í að-
alhlutverki vakti mikla athygli á Sundance-hátíðinni síðustu.
Í keilu fyrir
Columbine
opnunar-
myndin
SEX síður í nýjasta eintaki fag-
tímarits ljósmyndara, Forum, eru
tileinkaðar Kristni Ingvarssyni,
ljósmyndara á Morgunblaðinu.
„Það er mikill heiður að fá mynd-
ir í þetta blað,“ segir Kristinn og
bendir á að markhópurinn sé stór
og blaðið fari víða.
Myndavélaframleiðandinn Hass-
elblad gefur tímaritið út fjórum
sinnum á ári á fjórum tungu-
málum, ensku, spænsku, þýsku og
sænsku. Blaðið var fyrst gefið út
árið 1965.
Kristinn sendi myndir út í
tengslum við Baldvin Einarsson í
Beco, sem er umboðsmaður Hass-
elblad á Íslandi. „Hann ýtti mér af
stað útí þetta.“
Í blaðinu er ennfremur viðtal
við Kristin þar sem hann segir frá
sjálfum sér og ræðir eigin stíl.
Hann hefur vakið athygli fyrir
portrettmyndir sínar en hann ein-
beitti sér að þeim er hann var við
nám í Harrow College of Higher
Education í London. Þrjú portrett
úr lokaverkefni hans, en Kristinn
útskrifaðist árið 1989, eru í eigu
National Portrait Gallery í Lond-
on.
Í viðtalinu í Forum segist Krist-
inn hafa mest gaman af því að
taka portrettmyndir af fólki í dag-
legu lífi og í dæmigerðu umhverfi.
„Takmark mitt er að vera heið-
arlegur í því sem ég geri, að sýna
viðfangsefninu virðingu, óháð fé-
lagslegri stöðu. Ég legg áherslu á
að myndirnar mínar séu sannar
augnablikinu,“ útskýrir Kristinn.
Þrátt fyrir að vera ánægður
með umfjöllunina segir Kristinn
hana ekki breyta neinu fyrir sig í
raun. „Þetta tengist engum frama-
vonum eða neinu slíku en það
hafa allir gaman af viðurkenningu
fyrir það sem þeir eru að gera.“
Ljósmyndari Morgunblaðsins í þekktu fagtímariti
Forum er gefið út á fjórum tungumálum, ensku, spænsku, þýsku og sænsku, og eru sex síður tileinkaðar Kristni
Ingvarssyni, ljósmyndara Morgunblaðsins. Tímaritið, sem kom fyrst út 1965, kemur út fjórum sinnum á ári.
Portrett í daglegu lífi
TENGLAR
.....................................................
www.hasselblad.com
ATVINNA mbl.is