Morgunblaðið - 29.03.2003, Blaðsíða 11
FRÉTTIR
MORGUNBLAÐIÐ LAUGARDAGUR 29. MARS 2003 11
DAVIÐ Oddsson forsætisráðherra
var spurður að því á landsfundi
Sjálfstæðisflokksins, hvort það hafi
ekki komið til greina að rík-
isstjórnin tæki sömu afstöðu og
Norðmenn í Íraksmálinu. Davíð
svaraði að Norðmenn tækju ekki af-
stöðu til stríðsins, með eða móti,
vegna þess að í Noregi er minni-
hlutastjórn og það veiki því mjög
stöðu ríkisstjórnarinnar til að taka
afstöðu í jafnviðkvæmu máli og
þessu.
Davíð sagði að ábyrgir stjórn-
málamenn ættu að taka afstöðu í
þessum málum sem öðrum, en ekki
gera eins og Samfylkingin, sem
hann sagði að eltist bara við skoð-
anakannanir í afstöðu sinni til
stríðsins. „Það er ekki ábyrg af-
staða og ekki rismikil. Við eigum
ekki að skorast undan ábyrgð. Við
eigum ekki að hlaupa eftir skoð-
anakönnunum. Við eigum að segja
okkar afstöðu og standa með okkar
bandamönnum,“ sagði Davíð.
Eigum ekki
að skorast
undan
ábyrgð í
Íraksmálinu
DAVÍÐ Oddsson forsætisráðherra
sagði í fyrirspurnartíma ráðherra á
landsfundi Sjálfstæðisflokksins í
gær, að hann teldi tillögur Alþýðu-
sambands Íslands í velferðarmálum
athyglisverðar og ágætt innlegg í
umræðuna. „Sjálfsagt hugsa þeir
þær tillögur einnig sem útspil inn í
kjarasamningaviðræður að loknum
þeim kjarasamningum sem nú gilda.
En ég hygg að menn eigi kannski
ekki í aðdraganda kosninga að líta á
þetta sem kosningaútspil Alþýðu-
sambandsins, það er út af fyrir sig
ekki þeirra hlutverk,“ sagði Davíð.
Allir ráðherrar Sjálfstæðisflokks-
ins sátu fyrir svörum í fyrirspurn-
artímanum á landsfundinum fyrir
hádegi í gær og lögðu landsfund-
arfulltrúar alls 58 spurningar fyrir
ráðherrana.
Reiknað hefur verið með að
afnotagjald RÚV yrði aflagt
Tómas Ingi Olrich, menntamála-
ráðherra, sagði í svari við fyrirspurn
Halldórs Halldórssonar að hann hafi
látið vinna frumvarp um RÚV þar
sem gert hafi verið ráð fyrir að fjár-
mögnunarkerfi Ríkisútvarpsins yrði
breytt og afnotagjöldunum yrði
breytt. „Við höfum verið því fylgj-
andi að Ríkisútvarpið yrði gert að
hlutafélagi í ríkiseign, en samstarfs-
flokkur okkar hefur ekki viljað fall-
ast á það,“ sagði Tómas Ingi.
Hann sagði að um þrjá möguleika
væri að ræða við fjármögnun RÚV;
afnotagjöld, nefskatt eða fjárfram-
lag á fjárlögum. „Við höfum látið
fara yfir þetta nákvæmlega og hafa
þessar fjármögnunaraðferðir allar
sinn galla, en sennilega hefur af-
notagjaldið flesta galla. Því var
reiknað með því að það yrði aflagt.
Hins vegar hafa flokkarnir ekki náð
samkomulagi um það hvernig
stjórnar- og rekstrarfyrirkomulag
Ríkisútvarpsins yrði. Við höfum ver-
ið því fylgjandi að Ríkisútvarpið yrði
hlutafélag í ríkiseign, en samstarfs-
flokkur okkar hefur ekki viljað fall-
ast á það. Miðað við þær aðstæður
taldi ég ekki skynsamlegt að hrófla
við þessu fyrst ekki tækist að taka á
skipulagi Ríkisútvarpsins. Ég tel að
það sé óskynsamlegt að ráðast í
breytingar á lögum um Ríkisútvarp-
ið ef ekki næst samkomulag um að
gera breytingar á stjórn fyrirtæk-
isins og færa það í hlutafélagaform í
eigu ríkisins,“ sagði hann.
30% hækkun fjárframlaga
til lögreglunnar
Fyrirspurn var beint til Sólveigar
Pétursdóttur dómsmálaráðherra um
löggæslumál og kom fram í máli
hennar að á síðustu fimm árum hefði
orðið um 30% raunhækkun á fjár-
framlögum til lögreglunnar, lög-
reglumönnum hefði einnig fjölgað
um 7–10% á síðustu árum. Sagði hún
einnig að hlutfallslega væru fleiri
lögreglumenn hér á landi en á öðr-
um Norðurlöndum eða 441 íbúi á Ís-
landi um hvern lögreglumann sam-
anborið við 573 íbúa að meðaltali á
öðrum Norðurlöndum.
Álagning gistináttagjalds
kemur ekki til greina
Sturla Böðvarsson samgönguráð-
herra var m.a. spurður um afstöðu
til tillögu umhverfisráðherra um
álagningu gistináttagjalds á ferða-
þjónustuna. „Ég tel ekki koma til
greina að leggja á sérstakt gisti-
náttagjald. Ég tel að ferðamenn eigi
að greiða fyrir þjónustu sem keypt
er á hverjum stað og tel ekki heppi-
legt að skattleggja með þeim hætti
eins og sú tillaga gengur út á,“ sagði
Sturla.
Einnig kom fram í máli hans
vegna fyrirspurnar um flugkennslu
að Flugskóli Íslands hefði átt í vand-
ræðum að undanförnu. Sagðist hann
hafa átt viðræður við menntamála-
ráðherra um framtíðarfyrirkomulag
flugkennslunnar og í gangi væri
vinna við að endurskipuleggja Flug-
skóla Íslands hf. og styrkja fjár-
hagslega stöðu hans.
Óvissa um markaði
fyrir hvalaafurðir
Árni M. Mathiesen sjávarútvegs-
ráðherra sagðist í svari við fyrir-
spurn um hvalveiðar ekki geta sagt
til um hvenær hægt yrði að hefja
slíkar veiðar hér við land. Í raun
gætu Íslendingar hafið hvalveiðar í
vísindaskyni strax, en hann taldi það
þó ekki tímabært.
Árni sagði að óvissa væri um
markaði fyrir hvalaafurðir um þess-
ar mundir og til lítils væri að hefja
hvalveiðar ef ekki væri hægt selja
afurðirnar.
Davíð Oddsson forsætisráðherra um velferðartillögur ASÍ
Tillögurnar ágætar en
ekki útspil í kosningunum
GEIR H. Haarde fjármálaráðherra
segist telja þá þróun óhjákvæmi-
lega að almennir sjóðfélagar líf-
eyrissjóðanna fái aukinn rétt til
að velja í stjórnir sjóðanna. Þetta
kom fram í svari hans í fyrir-
spurnartíma ráðherra Sjálfstæð-
isflokksins á landsfundi í gær.
„Verkalýðshreyfingin og vinnu-
veitendur koma sér saman um
þessa hluti og stjórnarmenn eru
ekki í þeim skilningi kosnir á að-
alfundum. Ég held hins vegar að
það sé þróun sem sé óhjá-
kvæmileg að hinn almenni félagi í
lífeyrissjóðum fái þarna aukinn
rétt,“ sagði Geir.
Benti hann á að stjórnendur líf-
eyrissjóðanna bæru ábyrgð á
miklu fjármagni og mikilvægt
væri hvernig staðið væri að fjár-
festingarstefnu sjóðanna. „Ég
held að þetta muni koma með tím-
anum en ekki alveg í einni svip-
an,“ sagði Geir.
Sjóðfélagar
kjósi í
stjórnir
lífeyrissjóða
„VIÐ þurfum að brjótast út úr
gamla þungaskattskerfinu og taka
hér upp olíugjald,“ sagði Geir H.
Haarde fjármálaráðherra í fyr-
irspurnartíma ráðherra Sjálfstæð-
isflokksins á landsfundi í gær.
Geir sagði þungaskattskerfið
eiga sér fáar hliðstæður í öðrum
löndum og á undanförnum árum
hefði verið reynt að skapa þær
aðstæður að hægt yrði að leggja
það niður. „Ég held það sé enginn
vafi á því að það sé þjóðhagslega
hagkvæmt að hvetja til meiri
notkunar á díselbifreiðum hér á
landi en verið hefur vegna þess að
díselolía á heimsmarkaði er ódýr-
ari en bensín og við gætum þar
með lækkað olíureikning þjóð-
arbúsins. Þar að auki eru nýlegar
díselvélar þannig að þær menga
minna en bensínvélar,“ sagði Geir.
Breytingar á þessu kerfi eru þó
flóknar í framkvæmd og skoða
þarf stöðu einstakra hópa en Geir
sagði það þó alveg skýra afstöðu
hans að hrinda eigi þessum breyt-
ingum í framkvæmd á næsta kjör-
tímabili.
Brjótast út
úr gamla
þungaskatts-
kerfinu
FORYSTA Sjálfstæðisflokksins sat
fyrir svörum á landsfundi flokksins
í gærmorgun. Allir sex ráðherrar
flokksins, Tómas Ingi Olrich, Árni
M. Mathiesen, Sturla Böðvarsson,
Sólveig Pétursdóttir, Geir H.
Haarde og Davíð Oddsson, svöruðu
fyrirspurnum frá landsfundar-
fulltrúum. Auk þeirra sátu fyrir
svörum Sigríður Anna Þórðardóttir
formaður þingflokksins og Halldór
Blöndal forseti Alþingis. Fundar-
mönnum lá margt á hjarta og alls
bárust 58 spurningar af marg-
víslegum toga. Þessir fyrirspurn-
artímar hafa viðgengist á und-
anförnum landsfundum. Á efri
myndinni má sjá forystumenn Sjálf-
stæðisflokksins sitja fyrir svörum.
Á neðri myndinni er Halldór Jóns-
son úr Kópavogi að bera fram fyr-
irspurn. Við hlið hans situr Páll
Gíslason læknir og fyrrverandi
borgarfulltrúi í Reykjavík.
Morgunblaðið/Árni Sæberg
Fundarmönnum
lá margt á hjarta
DAVÍÐ Oddsson forsætisráðherra sagði í fyr-
irspurnartíma á landsfundi Sjálfstæðisflokks-
ins í gær að hátekjuskatturinn væri tíma-
bundinn skattur, sem rynni út. Hann sagðist
ekki hafa vikið að hátekjuskattinum í umfjöll-
un sinni um skattalækkanir í setningarræðu á
landsfundinum, af þeirri ástæðu að skatturinn
væri tímabundinn og félli niður og því hefði
verið óþarfi að nefna hann sérstaklega til
sögunnar.
„Það er orðið brýnt að menn stöðvi þessa
eilífðarvél sem átti alltaf að vera tímabund-
inn. Hann hefur gengið sér til húðar, tímabili
hans er lokið og hann á að hverfa,“ sagði
Davíð.
Þetta kom fram í svari við fyrirspurn Stef-
áns Einarssonar sem spurði hvers vegna
Sjálfstæðisflokkurinn legði svo mikla áherslu
á að afnema hátekjuskattþrep þar sem það
virtist ekki skynsamlegt ef skattkerfið ætti að
jafna byrðarnar á landsmenn.
Geir H. Haarde fjármálaráðherra sagði
nauðsynlegt að afnema hátekjuskattinn, sem
hækkaði jaðarskattinn hjá þeim skattgreið-
endum sem væru að bæta við sig tekjum.
Hann sagðist vilja hafa skattkerfið einfalt.
Geir sagði að það væri óæskileg bjögun í
skattkerfinu að hafa hátekjuskatt fyrir utan
þau áhrif, sem hann hefur á hvatningu manna
til að leggja sig fram í vinnu. „Við þurfum
mikið á því að halda á næstunni að fólk leggi
hart að sér í vinnu vegna ástandsins sem fyr-
irsjáanlegt er á vinnumarkaði,“ sagði Geir.
Hátekjuskattur hefur gengið sér til húðar