Morgunblaðið - 29.03.2003, Qupperneq 12
SAMFYLKINGIN er stærsti
flokkurinn í Suðurkjördæmi,
samkvæmt skoðanakönnun
sem nýr fjölmiðlill, tunga.is,
hefur látið gera.
35,4% þeirra sem afstöðu
tóku sögðust styðja Samfylk-
inguna, 33,3% sögðust fylgja
Sjálfstæðisflokknum, Fram-
sóknarflokkurinn hefur 17,7%
fylgi í kjördæminu, Frjálslyndi
flokkurinn 6,8% og T-listi
Kristjáns Pálssonar 3,4%. Sam-
kvæmt þessu fengi Samfylk-
ingin fjóra þingmenn kjörna,
Sjálfstæðisflokkurinn þrjá og
Framsóknarflokkurinn tvo en
Frjálslyndi flokkurinn og
T-listi Kristjáns kæmu ekki að
manni. Ekki er talið fært að
segja hvaða flokkur fengi jöfn-
unarsætið.
Skoðanakönnunin byggist á
500 manna slembiúrtaki úr
þjóðskrá og tóku 248 afstöðu í
einni eða fleiri spurningum.
Þess er getið að 40,7% þeirra
kusu að gefa ekki upp hvaða
flokk þeir hygðust kjósa.
Skoðanakönnun í
Suðurkjördæmi
Samfylk-
ingin fengi
fjóra menn
FRÉTTIR
12 LAUGARDAGUR 29. MARS 2003 MORGUNBLAÐIÐ
„HVAÐ gerir kynslóð internetsins,
krítarkorta og skyndibita vel,“ spurði
Heiðrún Lind Marteinsdóttir, laga-
nemi við Háskólann í Reykjavík, á
landsfundi Sjálfstæðisflokksins í
gær. „Jú, við erum svo lánsöm að
vera einnig kynslóð þekkingar, ný-
sköpunar og alþjóðavæðingar,“ bætti
hún við. Heiðrún Lind var ein fimm
ungra háskólanema sem fluttu erindi
á landsfundi Sjálfstæðisflokksins síð-
degis í gær, en þar ræddi unga fólkið
m.a. um ungu kynslóðina og framtíð
Íslands. Komu þau víða við í erindum
sínum.
Heiðrún Lind vék til að mynda að
þeirri deilu sem hefði skapast að und-
anförnu í kringum nýja lagadeild við
Háskólann í Reykjavík. „Mér er það
áhyggjuefni fyrir framtíð Íslands og
með öllu óskiljanlegt í raun að ágætir
menn við lagadeild Háskóla Íslands
vilji sporna við óhjákvæmilegri og
farsælli þróun laganáms með því
halda því fram að verið sé að geng-
isfella lögfræðipróf með nýrri sam-
keppni.“ Sagði hún að samkeppni
skapaði stúdentum fleiri valkosti, auk
þess sem hún myndi hvetja há-
skólana til að veita betri þjónustu.
Áslaug Hulda Jónsdóttir, grunn-
skólakennaranemi við Kennarahá-
skóla Íslands, talaði m.a. um að unga
fólkið fagnaði auknu jafnrétti
kynjanna, auknum tækifærum til
menntunar, bættu heilbrigðiskerfi og
hækkandi lífaldri. „Í allri þessari dá-
semd er þó eitt sem ég óttast,“ sagði
hún, „þetta eina atriði er staða fjöl-
skyldunnar.“ Kvaðst hún hafa
áhyggjur af því að við sem ein-
staklingar værum ekki að sinna hlut-
verki okkar sem skyldi. „Það er því
miður svo að minni kynslóð þykir
nærtækast að stofnanir – frekar en
við sem einstaklingar – axli ábyrgð á
umönnum barna okkar og for-
eldrum.“
Gullöld í menntamálum
Birgir Stefánsson, viðskipta-
fræðinemi við Háskólann í Reykja-
vík, gerði menntamál m.a. að umtals-
efni og sagði að við lifðum á gullöld í
menntamálum. „Til að mynda hafa
aldrei verið jafn fjölbreytt tækifæri
til menntunar hér á landi,“ sagði
hann. „Nú hefur fólk tækifæri til að
finna nám við sitt hæfi og stunda nám
á sínum eigin forsendum. Í dag eru
starfræktir átta háskólar og þar af
eru þrír þeirra reknir sem sjálfseign-
arstofnanir. Til fróðleiks má benda á
að fyrir tíu árum voru eingöngu þrír
háskólar starfandi hér á landi.“
Sverrir Haraldsson, sjávarútvegs-
fræðinemi við Háskólann á Akureyri,
lagði áherslu á sjávarútvegsmál í
sinni ræðu og sagði að það þyrfti að
skapa ný tækifæri í sjávarútvegi. Það
væri m.a. hægt að gera með því að
efla fiskeldi. „Mikilvægi fiskeldis í al-
þjóðlegu samhengi hefur verið að
aukast og á eftir að aukast enn frekar
á komandi árum,“ sagði hann. „Fisk-
veiðar í heiminum hafa dregist sam-
an á meðan eftirspurnin eftir fiski
hefur aukist. Eina leiðin til að brúa
það bil sem þarna skapast er fisk-
eldi.“ Steinunn Vala Sigfúsdóttir,
byggingarverkfræðinemi við Há-
skóla Íslands, var síðust til að halda
erindi. Gerði hún jafnréttismál
kynjanna m.a. að umræðuefni og
sagði að mikill og óumdeildur árang-
ur hefði náðst í þeim málum á um-
liðnum áratugum. „Má segja að sú
kynslóð kvenna sem ég tilheyri njóti
góðs af því mikla starfi og þeirri
miklu baráttu sem margar af eldri
kynsystrum okkar hafa háð fyrir
okkar hönd. Þó er vitaskuld nokkuð í
land að fullkomið jafnrétti kynjanna
verði staðreynd. Það er von mín og
trú að með tímanum muni sú staða
koma upp að fólk verði aldrei dæmt
eða metið út frá kyni.“
Ungir háskólanemar halda erindi um framtíð Íslands
Kynslóð þekkingar, nýsköp-
unar og alþjóðavæðingar
Morgunblaðið/Sverrir
Steinunn Vala Sigfúsdóttir, Sverrir Haraldsson og Heiðrún Lind Marteinsdóttir voru meðal þeirra fimm há-
skólanema sem fluttu erindi á landsfundi Sjálfstæðisflokksins í Laugardalshöllinni í gær.
KJARTAN Gunnarsson,
framkvæmdastjóri Sjálf-
stæðisflokksins, sagði á
landsfundi Sjálfstæðisflokks-
ins í gær, er hann flutti
skýrslu um flokksstarfið, að
ljóst væri að kosningabarátt-
an vegna komandi alþingis-
kosninga yrði harkaleg af
hálfu andstæðinga Sjálfstæð-
isflokksins.
Andstæðingarnir myndu
leggja allt kapp á að rýra
traust á Sjálfstæðisflokkn-
um. „Það er raunar eina yf-
irlýsta markmið helsta leið-
toga stærsta stjórnarand-
stöðuflokksins að koma
Sjálfstæðisflokknum úr rík-
isstjórn og formanni hans úr
forsætisráðuneytinu.
Þetta markmið er ekki
stórmannlegt.
Að heyja kosningabaráttu
með dylgjum og upplognum
ásökunum sem er síðan fylgt
eftir með óvönduðum og
óheiðarlegum hætti af
ómerkilegum fjölmiðlum er í
sannleika sagt dapurlegur
vitnisburður um stefnu þessa
stjórnmálaflokks þar sem
rógurinn er í öndvegi.“
Kjartan lagði áherslu á að á móti
þessu tefldi Sjálfstæðisflokkurinn
fram ótrúlegum árangri síðustu kjör-
tímabila.
Kjartan fór í ræðu sinni yfir störf
Sjálfstæðisflokksins sl. tvö ár, eða frá
síðasta landsfundi. Hann vék m.a. að
borgarstjórnarkosningunum í
Reykjavík á síðasta ári.
„Kosningaúrslitin í Reykjavík voru
auðvitað mjög mikil vonbrigði fyrir
Sjálfstæðisflokkinn,“ sagði hann.
Kjartan sagði að flokkur-
inn hefði háð mjög um-
fangsmikla kosningabar-
áttu en hefði bæði átt í
höggi við sameinaða lista
vinstri manna, Reykjavík-
urlistann, og klofnings-
framboð úr Sjálfstæðis-
flokknum, þ.e. framboð
Ólafs F. Magnússonar.
„Hygg ég þegar málið er
skoðað eftir á að hans
framboð hafi dregið mun
meira úr sigurlíkum Sjálf-
stæðisflokksins heldur en
við gerðum okkur grein
fyrir meðan á kosninga-
baráttunni stóð.“ Kjartan
sagði að staða R-listans
eftir kosningarnar hefði
ekki styrkst heldur hefði
hann tapað um einu pró-
sentustigi frá kosningun-
um 1998.
„Nú hafa hins vegar þau
tíðindi orðið að telja má
daga R-listans talda.“ Vís-
aði Kjartan m.a. til þess að
framboðslistarnir sem í
upphafi hefðu myndað R-
listann hefðu efnt til „mik-
illa og alvarlegra átaka sl.
áramót þegar fyrrverandi
borgarstjóri yfirgaf borgarstjórastól-
inn og gerðist þingframbjóðandi
Samfylkingarinnar í Reykjavík og
skildi meirihlutann í borgarstjórn eft-
ir í þeirri stöðu að nánast útilokað er
að samstarf þeirra verði langlíft.“
Kjartan Gunnarsson framkvæmdastjóri
Kosningabaráttan verð-
ur harkaleg af hálfu
andstæðinga flokksins
Kjartan Gunnarsson flytur skýrslu um flokksstarfið.
ASÍ og sjávarútvegsráðuneytið
eru ekki sammála um hvernig
eigi að þýða yfir á íslensku nið-
urstöður stjórnarnefndar Al-
þjóðavinnumálastofnunarinnar
(ILO) en nefndin telur að ís-
lensk stjórnvöld hafi brotið
samþykktir ILO, sem stjórn-
völd hafa gengist undir að
virða.
Í niðurstöðum stjórnar-
nefndar ILO segir að nefndin
minni á að nefndir sem skipað-
ar séu til þess að setja niður
deilur aðila að kjarasamnings-
gerð eigi að vera sjálfstæðar og
að málskot til þeirra eigi að
vera aðilum frjálst nema þegar
um sé að ræða „an acute nation-
al crisis which, in the present
case, the Committee was not in
a position to determine“.
Þýðing ASÍ á þessari síðustu
setningu er: „...nema þegar um
er að ræða meiriháttar sam-
félagsleg áföll sem nefndin var
ekki í aðstöðu til að sjá að væru
fyrir hendi í þessu máli“.
Áföll eða kreppa?
Sjávarútvegsráðuneytið tel-
ur hins vegar að það eigi að
þýða setninguna með eftirfar-
andi hætti: „nema um sé að
ræða bráða þjóðfélagslega
kreppu, sem nefndin var í
þessu máli ekki í aðstöðu til að
skera úr um“.
Annars vegar er deilt um
hvort þýða beri „acute national
crisis“ sem „meiriháttar sam-
félagsleg áföll“ eða „bráða
þjóðfélagslega kreppu“.
Hins vegar er deilt um hvort
nefndin hafi reynt að meta
efnahagsleg áhrif verkfallsins.
Í þessu sambandi bendir
Magnús Norðdahl, lögfræðing-
ur ASÍ, á að að í greinargerð
með niðurstöðum nefndarinnar
segi: „Jafnvel þótt nefndin telji
að vinnustöðvun í fiskiðnaði
geti haft þýðingarmiklar afleið-
ingar á efnahaginn telur stjórn-
arnefndin að slík vinnustöðvun
stofni ekki öryggi eða heilsu
fólks í hættu.“ (Þýðing Morg-
unblaðsins.)
Deila um
þýðingu á
niður-
stöðunum
VEL ER hugsanlegt að álagn-
ing skatta fari í framtíðinni
fram í svonefndri sívinnslu
þannig að þeir sem skila fram-
tölum sínum t.d. í janúar fái
álagningu strax í næsta mán-
uði þar á eftir. Sívinnsla skatt-
framtala og álagningar gæti
þannig dreifst yfir allt árið.
Þetta kom fram í máli Geirs H.
Haarde fjármálaráðherra í
fyrirspurnartíma á landsfundi
Sjálfstæðisflokksins.
Hann sagði möguleika á sí-
vinnslu skattaupplýsinga til
skoðunar hjá Ríkisskattstjóra
og í fjármálaráðuneytinu.
Er framtíðin
„Þetta er framtíðin, á sama
hátt og menn töluðu um það
fyrir nokkrum árum hvenær
upplýsingar yrðu forskráðar á
skattframtöl en nú eru slíkar
upplýsingar komnar í miklum
mæli inn á framtölin til að auð-
velda mönnum sín framtals-
skil. Í framhaldinu er vel
hugsanlegt að skattaálagn-
ingin fari fram í sívinnslu
þannig að þeir sem skila fram-
tölum sínum í janúar fái álagn-
ingu í febrúar, þeir sem skila í
febrúar fái álagningu í mars
og svo framvegis yfir allt árið.
Þetta væri að mörgu leyti
heppileg og æskileg þróun,“
sagði Geir.
Sívinnsla
skattupplýsinga
til skoðunar
Álagning
strax í
næsta
mánuði eftir
framtalsskil