Morgunblaðið - 29.03.2003, Page 46

MINNINGAR
46 LAUGARDAGUR 29. MARS 2003 MORGUNBLAÐIÐ
Rangt föðurnafn
Ranglega var farið með föð-
urnafn Elvu Óskar Ólafsdóttur
leikkonu á einum stað í umsögn
um leikritið Rauða spjaldið í
blaðinu í gær. Beðist er velvirð-
ingar á þessu.
Rangt nafn undir mynd
Undir neðstu myndinni af
þremur sem fylgdu minningar-
greinum um Árna Kristjánsson
(á blaðsíðu 39) í Morgunblaðinu
í gær, föstudaginn 28. mars,
átti að standa: Árni Kristjáns-
son og Jón Nordal.
LEIÐRÉTT
FRÉTTIR
Málþing um börn, unglinga og
lýðræði Umboðsmaður barna í sam-
starfi við laganema úr mannrétt-
indahópi ELSA stendur fyrir mál-
þingi í dag, laugardaginn 29. mars, í
Valhöll á Þingvöllum. Málþingið ber
yfirskriftina: Skundum á Þingvöll …
málþing um börn, unglinga og lýð-
ræði. Kynntar verða m.a. ýmsar
leiðir, sem færar eru til að stuðla að
lýðræðisþátttöku barna og unglinga,
á vettvangi sveitarstjórna og innan
skólans. Málþingsgestir koma frá
Akranesi, Árborg, Bessastaða-
hreppi, Fjarðabyggð, Garðabæ,
Mosfellsbæ, Rangárþingi eystra,
Reykjanesbæ og Reykjavík. Börn
og unglingar verða í meirihluta mál-
þingsgesta en einnig munu taka þátt
kjörnir sveitarstjórnarmenn, skóla-
stjórar auk annarra starfsmanna
sveitarfélaga, sem vinna með börn-
um og unglingum. Rúta fer frá BSÍ
kl. 9 til Þingvalla og frá Þingvöllum
kl. 16.30.
Waldorf-skólinn í Lækjarbotnum
og Waldorf-leikskólinn Ylur verða
með opið hús í dag, laugardaginn 29.
mars, kl. 14–17 við Suðurlandsveg,
10 km akstur frá Reykjavík á leið-
inni austur. 10 og 11 ára börn sýna
tóvinnu og eldri bekkur sér um
kaffisölu.
Í DAG
Bakhlið borgarinnar Stéttarfélag
íslenskra félagsráðgjafa stendur
fyrir röð morgunverðarfunda undir
yfirskriftinni Bakhlið borgarinnar.
Fundurinn verður haldinn þriðju-
daginn 1. apríl kl. 8.15-10.15 á
Grand hóteli í Reykjavík og á FSA
Fjórðungssjúkrahúsinu (kennslu-
stofu á 2. hæð) á Akureyri. Notaður
verður fjarfundabúnaður. Erindi
halda: Freydís Jóna Freysteins-
dóttir, lektor í félagsráðgjöf, Sól-
veig Anna Bóasdóttir, guðfræð-
ingur, og Einar Gylfi Jónsson,
sálfræðingur. Fyrirspurnir og um-
ræður verða að loknum erindum.
Fundarstjóri verður Guðrún Ög-
mundsdóttir félagsráðgjafi og al-
þingismaður. Boðið verður upp á
morgunverðarhlaðborð á Grand
hóteli og er þátttökugjald kr. 2.000.
Á Akureyri er einnig boðið upp á
morgunverð og er þátttökugjald þar
kr. 1.500. Fundurinn er öllum opinn.
Þátttaka tilkynnist á netfangið gud-
runr@fel.rvk.is fyrir kl. 16 hinn 31.
mars.
Offitumeðferð Starfsfólk O-teymis
Heilsustofnunar NLFÍ í Hvera-
gerði heldur fund þriðjudaginn 1.
apríl kl. 17 í fundasal ÍSÍ í Laug-
ardal, 2. hæð. Á fundinum verður
Sigríður Eysteinsdóttir, næring-
arfræðingur. Eftir fundinn verður
farið í gönguferð um Laugardalinn.
Á NÆSTUNNI
Frambjóðendur B-listans í Norð-
vesturkjördæmi verða með opinn
fund í Holti, Önundarfirði á morgun,
sunnudaginn 30. mars kl. 14. Gestur
fundarins verður Guðni Ágústsson
landbúnaðarráðherra. Kl. 18 verður
opnuð kosningaskrifstofa í Fram-
sóknarhúsinu í Hafnarstræti 8, Ísa-
firði. Frambjóðendur ávarpa gesti.
Mánudaginn 31. mars kl. 13 verða
frambjóðendur B–listans með
bændafund í Félagsheimilinu Sæ-
vangi, Strandasýslu. Gestur fund-
arins verður Guðni Ágústsson land-
búnaðarráðherra. Kl. 20.30 verða
frambjóðendur B-listans með opinn
fund í Gunnukaffi, Hvammstanga.
Gestur fundarins verður Jón Krist-
jánsson heilbrigðisráðherra.
STJÓRNMÁL
VIÐ Þinganes í Nesjum, austan
við Höfn í Hornafirði, sást
svartsvanur með 14 álftum í vik-
unni. Fuglarnir voru greinilega
að koma til landsins og er þetta
því þriðji svartsvanurinn sem sést
hér á landi í ár, hinir tveir sáust í
Lóninu. Þá sást lóan við Höfn á
mánudag, í fyrsta sinn á þessu ári.
Á Fuglavef Brynjólfs Brynjólfs-
sonar fuglaáhugamanns kemur
einnig fram að á Bjarnanesrótum
er fuglalífið að lifna um þessar
mundir, þar sást meðal annars í
fyrradag fyrsta skúföndin á svæð-
inu.
Það var Björn Arnarson fugla-
áhugamaður sem kom auga á níu
heiðlóur á flugi við Sílavík á Höfn
í skoðunarferð sinni. Um klukku-
stundu síðar sást til fjögurra
fugla til viðbótar í bænum. Fugla-
áhugamenn segja lóuna á sínum
venjulega tíma, en stærsti lóuhóp-
urinn kemur þó ekki til landsins
fyrr en um miðjan apríl.
Koma lóunnar til landsins er
alltaf mikið gleðiefni, þar sem það
er ótvíræð staðfesting þess að
vorið og sumarið sé á næsta leiti.
Í fyrra sást fyrst til lóunnar hinn
24. mars á Austurlandi, eða sama
dag og nú og einnig árið 2000. Ár-
ið 2001 var hún nokkrum dögum
fyrr á ferðinni eða 14. mars. Árið
1999 var hún heldur seinna á
ferðinni en þá sást fyrsta lóan 29.
mars við Kvísker í Öræfum.
Ljósmynd/Brynjólfur Brynjólfsson
Lóa og svartur
svanur við Höfn
Ótímabær andláts-
fregn bróður míns,
Ólafs Gunnars Sigurðs-
sonar, barst mér að
kvöldi 14. mars sl. Upp í
hugann komu minning-
ar frá æsku okkar og
uppvaxtarárum. Ég sá fyrir mér ung-
an fríðan dreng, dökkhærðan og með
hrokkið hár, í Reykjahlíð, þar sem við
ólumst upp. Ég var stóri bróðirinn og
hann fylgdi mér gjarnan eftir við
hvert fótmál. Þá var margt brallað við
leik og störf. Við vorum mjög nánir á
þessum árum, enda áttum við aðeins
hvor annan að. Hann fór alltaf vel
með dótið sitt og man ég að hann
passaði sérstaklega vel upp á rauða
brunabílinn sinn, sem hann fékk eitt
sinn í jólagjöf. Mér fannst bíllinn of
stór fyrir litla bróður minn og vildi
eignast hann, en „lilli bó“ stóð fastur á
eignarrétti sínum og gaf ekkert eftir.
Ég minnist Óla sem einstaks prúð-
mennis. Hann var kurteis í fram-
komu, ávallt snyrtilegur til fara og
ÓLAFUR GUNNAR
SIGURÐSSON
✝ Ólafur GunnarSigurðsson
fæddist í Reykjavík
4. maí 1959. Hann
lést í Hollandi 14.
mars síðastliðinn og
var útför hans gerð
frá Kapellunni í
Fossvogi 28. mars.
velviljaður. Hann var
smekkmaður, listrænn
og hafði gaman af að
mála og hlusta á góða
tónlist. Árin liðu, við
urðum fullorðnir og vor-
um alltaf í góðu sam-
bandi, en hin síðari ár
fór að bera á vaxandi
erfiðleikum hjá honum.
Bera fór á rótleysi,
hann fór að missa fót-
festuna og tókst illa ætl-
unarverk sín. Hver
ástæðan var fyrir að líf
hans þróaðist í þessa átt
geta menn sjálfsagt velt
fyrir sér. Því miður breyta slíkar
vangaveltur ekki þeirri staðreynd að
hann er farinn frá okkur og afkom-
endum sínum.
Elsku bróðir, þá er komið að
kveðjustund. Í birtu hækkandi sólar
kveð ég þig og bið þér Guðs blessunar
og fararheilla til Sólarlandsins eilífa.
Þinn bróðir
Sigþór.
Elsku Óli minn, það er undarleg til-
finning að vita að þú skulir ekki vera
hjá okkur lengur. Ég var svo ánægð
fyrir þína hönd að þú værir loks kom-
inn til Spánar en þú hafðir talað um
það í mörg ár. Síðast þegar ég heyrði í
þér varstu svo glaður og allt var svo
gott. Þú talaðir um myndir sem þú
varst að mála og ætlaðir að selja, en
þú varst alltaf góður listamaður. Það
er gott að eiga um þig minningar með
myndum sem þú málaðir. Takk fyrir
öll árin sem við áttum saman og sér-
staklega fyrir yndislegu stelpurnar
okkar, Anitu Selmu og Tinnu Mar-
gréti, sem þú elskaðir og hélst svo
mikið upp á. Allt þitt líf snerist um
stelpurnar enda var það mjög erfitt
fyrir þig að fara til Spánar vegna
þeirra. Ég kveð með orðum spá-
mannsins Kahlil Gibran:
Þegar þú ert sorgmæddur, skoðaðu þá aft-
ur huga þinn, og þú munt sjá, að þú grætur
vegna þess, sem var gleði þín. En ég segi
þér, sorgin og gleðin ferðast saman að húsi
þínu, og þegar önnur situr við borð þitt, sef-
ur hin í rúmi þínu. Þú vegur salt milli gleði
og sorgar. Jafnvægi nærð þú aðeins á þín-
um dauðu stundum. Þegar sál þín vegur
gull sitt og silfur á metaskálum, hlýtur
gleðin og sorgin að koma og fara.
(Þýðing Gunnar Dal.)
Sofðu rótt, elsku Óli, og Guð geymi
þig.
Guðrún Helga
Guðmundsdóttir.
Elsku mágur minn og frændi.
Okkur langar til að kveðja þig í
hinsta sinn. Vonandi ertu kominn á
betri og bjartari stað. Þökkum fyrir
að hafa fengið að kynnast svo góðum
dreng sem þú varst. Við viljum votta
börnum þínum og systkinum okkar
dýpstu samúð.
Guð geymi þig, elsku Óli.
Oddný, Birgitta og Þór.
Ég kynntist Óskari
fyrir 20 árum. Þá var ég
nýflutt til Reykjavíkur
og bjó í sama stigagangi
og hann í nokkur ár.
Óskar tók mig upp á
sína arma og vildi allt fyrir mig gera.
Okkur varð strax vel til vina, þrátt
fyrir að rúm hálf öld skildi að og hefur
sá vinskapur haldist alla tíð.
Óskar var með eindæmum minn-
ugur og fannst gaman að rifja upp
gamla tíma. Það var ótrúlegt að heyra
hann rifja upp minningar, allt frá
frostavetrinum mikla, en þá var hann
ungur drengur í Hafnarfirði.
Mér er sérstaklega minnisstæð
kaffihúsaferð fyrir nokkrum árum á
Kaffi Reykjavík. Þá fór Óskar að
segja mér frá því hvernig bryggja
hefði verið þarna áður í gegn um mitt
húsið og lýsti staðháttum svo vel að
mjög auðvelt var að sjá þetta fyrir
sér. Einnig rakti hann sögu húsanna
þarna í kring og var greinilega á
heimavelli þar.
Hann hafði unnið fiskvinnslustörf
lengst af og var verkstjóri í Ísbirn-
inum til margra ára. Óskar hafði því
ÓSKAR
SIGURÐSSON
✝ Óskar Sigurðs-son fæddist í
Reykjavík 27. júlí
1907. Hann andaðist
á sjúkradeild Hrafn-
istu í Hafnarfirði 20.
mars síðastliðinn og
var útför hans gerð
frá Fríkirkjunni í
Reykjavík 28. mars.
kynnst miklum fram-
förum í fiskvinnslu og
það var merkilegt að sjá
myndir allt frá því að
verið var að þurrka fisk
á gömlu reitunum.
Hann hafði mikla
ánægju af ferðalögum
og hafði ferðast með
Gullfossi á árum áður,
einnig hafði hann farið í
nokkrar sólarlandaferð-
ir og ferðaðist á meðan
heilsan leyfði. Það er
óhætt að segja að Óskar
hafi verið mikill vinnu-
þjarkur og hraust-
menni, enda bar hann þess merki.
Síðustu árunum eyddi hann á Hrafn-
istu í Hafnarfirði. Höfðum við orð á
því að nú væri hann kominn í hring,
þar sem hann eyddi fyrstu árum ævi
sinnar þar.
Ég á margar góðar minningar um
hann Óskar. Ég sé hann fyrir mér
fyrir mér hossandi syni mínum á hné
sér, einnig minnist ég þess með bros á
vör þegar hann plataði mig til að gefa
honum fyrsta kóksopann. Oft var set-
ið í portinu á Ásvallagötunni í sólbaði,
en þangað var hann fljótur út þegar
sólin tók að skína. Einu sinni fórum
við í dagsferð til Þingvalla en þá var
Óskar í essinu sínu og reytti af sér
skemmtisögur og fróðleik í bland.
Ef ég ætti að lýsa Óskari í tveimur
orðum segði ég hann harðjaxl með
hjarta úr gulli. Þannig væri honum
ágætlega lýst.
Ég er mjög þakklát fyrir að hafa
kynnst Óskari, í honum fékk ég afann
sem ég aldrei átti.
Hrönn Harðardóttir.
Óskar afi er látinn. Löng og farsæl
ævi er að kveldi komin. Hetja er fallin
frá.
Hetja? Já, hetja. Afi var einn af
þessum hörkuduglegu harðjöxlum
sem íslenska þjóðin stendur í þakk-
arskuld við. Miklir athafnamenn réð-
ust í útgerð og fiskvinnslu. Aflaklær
sóttu miðin. Stjórnmálaskörungar
stækkuðu landhelgina. Afi og hans
líkar sáu um verðmætasköpun í landi.
Undir dyggri verkstjórn afa, með
dugnaði og ósérhlífni, urðu til þær af-
urðir sem urðu undirstaða velmegun-
ar á Íslandi á 20. öld.
Afi naut sín best þegar hann var
umkringdur fjölskyldu sinni. Hann
var hrókur alls fagnaðar og „sjarmör“
á sinn hátt. Hann var af þeirri kynslóð
sem bar tilfinningar sínar ekki á torg
en undir hinni hörðu skel skynjaði
maður mikla væntumþykju.
Ég kveð þig með djúpri virðingu.
Mér þótti vænt um þig.
Sturla Óskar Bragason.
Þökkum öllum þeim sem heiðruðu minningu
móður okkar, tengdamóður, ömmu, lang-
ömmu og langalangömmu,
RAGNHEIÐAR JÓNSDÓTTUR
frá Kollafjarðarnesi,
áður til heimilis
í Skipasundi 68,
og sýndu okkur hlýhug og samúð.
Guð blessi ykkur öll.
Elín Skeggjadóttir,
Guðný Skeggjadóttir, Guðmundur Ingimarsson,
Ormar Skeggjason, Sigríður Ingvarsdóttir,
Guttormur Þormar
og aðrir afkomendur.
Sérfræðingar
í blómaskreytingum
við öll tækifæri
Skólavörðustíg 12,
á horni Bergstaðastrætis,
sími 551 9090.
Afmælis- og minningargreinum má skila í
tölvupósti eða á disklingi (netfangið er
minning@mbl.is, svar er sent sjálfkrafa um
leið og grein hefur borist). Ef greinin er á
disklingi þarf útprentun að fylgja. Nauð-
synlegt er að símanúmer höfundar og/eða
sendanda (vinnusími og heimasími) fylgi
með. Þar sem pláss er takmarkað getur
þurft að fresta birtingu greina, enda þótt
þær berist innan hins tiltekna frests. Nán-
ari upplýsingar eru á mbl.is. Um hvern lát-
inn einstakling birtist formáli og ein aðal-
grein af hæfilegri lengd á útfarardegi, en
aðrar greinar skulu ekki vera lengri en 300
orð, u.þ.b. 1.500 slög (með bilum) eða um 50
línur í blaðinu (17 dálksentimetrar). Tilvitn-
anir í sálma eða ljóð takmarkast við eitt til
þrjú erindi. Einnig er hægt að senda ör-
stutta kveðju, HINSTU KVEÐJU, 5–15 lín-
ur, og votta virðingu án þess að það sé gert
með langri grein. Greinarhöfundar eru
beðnir að hafa skírnarnöfn sín en ekki stutt-
nefni undir greinunum.