Morgunblaðið - 29.03.2003, Side 52
SKOTLAND–ÍSLAND
52 LAUGARDAGUR 29. MARS 2003 MORGUNBLAÐIÐ
FLEST bendir til þess að Eiður
Smári Guðjohnsen og Rúnar Krist-
insson leiki saman í framlínu ís-
lenska landsliðsins gegn Skotum á
Hampden Park í dag. Atli Eðvalds-
son tilkynnir ekki byrjunarlið Ís-
lands fyrr en skömmu fyrir hádegi í
dag en líklegast er að Rúnar verði
afturliggjandi sóknarmaður að
þessu sinni, í sömu stöðu og hann
hefur leikið með Lokeren í vetur
með góðum árangri. Gangi þetta
eftir mun verða talsverð áherslu-
breyting á leik íslenska liðsins sem
þá þarf að spila boltanum með jörð-
inni til að virkja þá Eið og Rúnar, í
stað þess að senda háa bolta á sterk-
an skallamann í fremstu víglínu eins
og oft hefur verið raunin.
Árni Gautur Arason verður í ís-
lenska markinu og vörnin verður
væntanlega skipuð þeim Lárusi
Orra Sigurðssyni, Guðna Bergssyni,
Ívari Ingimarssyni og Arnari Þór
Viðarssyni. Á miðjunni er líklegast
að Atli verði með þá Þórð Guð-
jónsson, Arnar Grétarsson, Brynjar
Björn Gunnarsson og Jóhannes
Karl Guðjónsson en þó eru mögu-
leikar á að Pétur Marteinsson verði
í byrjunarliðinu og hann gæti hvort
sem er leikið í vörninni eða á miðj-
unni.
Á varamannabekknum verða
annars þeir Marel Baldvinsson,
Tryggvi Guðmundsson, Birkir
Kristinsson, Gylfi Einarsson, Indriði
Sigurðsson og Bjarni Þorsteinsson.
Eiður Smári og Rúnar
í fremstu víglínu?
Atli lék sjálfur með landsliðinu áþessum fræga velli árið 1984 og
sagði að hann væri glæsilegur sem
aldrei fyrr. „Þetta er
einn af stóru völlun-
um í knattspyrnunni,
hann er stór og mik-
ill og virkar á mann
eins og hann sé tvöfalt stærri en
Laugardalsvöllurinn. Það er erfitt
fyrir strákana að gera sér grein fyrir
vellinum daginn fyrir leik þegar
hann er tómur og það bergmálar um
allt þegar sparkað er í bolta. Þegar
þeir mæta síðan til leiks er fullt af
fólki, allt orðið brjálað og þeir fá á sig
hreina flóðbylgju.
Það getur verið erfitt fyrir þá
ungu og óreyndu í hópnum, en ein-
hvern tíma þurfa þeir að kasta sér í
djúpu laugina. Skotarnir munu byrja
með gífurlegum hraða, þeir fá auka-
kraft af öllum þessum stuðningi, en
ef við stöndumst þessa pressu þeirra
fyrstu 20–30 mínúturnar fer að
draga af þeim og þá gætu sekkjapíp-
urnar farið að baula.“
Atli sagðist vera sérstaklega
ánægður með aðdraganda leiksins.
„Stemmningin hjá okkur er búin að
vera mjög fín, það er ró yfir hópnum
og meiri friður í kringum leikinn en
ég hef áður kynnst eftir að ég tók við
þessu starfi. Það er spenna og eft-
irvænting í okkar röðum og vonandi
kemur þetta okkur til góðs þegar í
leikinn verður komið. Allir leik-
mennirnir eru heilir og tilbúnir í
slaginn, og ég vænti þess að eftir-
væntingin sem hér ríkir snúist upp í
hungur. Þetta verða mikil slagsmál
og það sem gildir hjá hverjum og ein-
um leikmanni er að vinna fyrsta ná-
vígið og að fyrsta sendingin sé góð.
Ef þetta tekst, erum við í góðum
málum. Vilji, agi og þolinmæði eru
lykilþættirnir í okkar leik, liðið sem
fyrr missir þolinmæðina verður sleg-
ið út af laginu.“
Talað er um leikinn í dag sem mik-
ilvægan í slagnum um annað sætið í
riðlinum en Atli vill horfa öðruvísi á
þá baráttu. „Hér eru stig í boði og
það yrði mjög ásættanlegt að ná í eitt
en stórkostlegt að ná í þrjú. Okkar
fyrsta markmið er að ná þriðja sæti í
riðlinum, halda Litháen fyrir neðan
okkur og vera áfram í þriðja styrk-
leikaflokki. Þegar það hefur tekist,
getum við farið að hugsa um að ná
lengra. Hjá Skotum er hinsvegar
nánast skylda að vinna okkur og síð-
an Litháen á miðvikudag því þeir
gera sér jafnvel vonir um að velta
Þjóðverjum úr efsta sæti riðilsins,“
sagði Atli Eðvaldsson.
Morgunblaðið/Kristinn
Ég er staddur í Glasgow! Atli Eðvaldsson svarar í símann.
Atli Eðvaldsson tilbúinn í slaginn gegn
Skotum á Hampden Park í dag
Þá gætu sekkja-
pípurnar
farið að baula
ÍSLAND hefur aldrei skorað mark í fjórum viðureignum sínum gegn
Skotlandi og hefur ávallt tapað. Atli Eðvaldsson landsliðsþjálfari
sagði við Morgunblaðið í gær að nú væri komið að því að snúa
blaðinu við. „Það skal gerast hér,“ sagði Atli einbeittur eftir loka-
æfingu íslenska liðsins sem æfði á Hampden Park síðdegis í gær.
Víðir
Sigurðsson
skrifar frá
Glasgow
Rúnar sagði að vissulega værihægt að tala um stórleik og
mikilvægi hans væri óumdeilt. „En í
svona keppni er hver
leikur mikilvægur,
sama hver mótherj-
inn er. Þeir eru allir
erfiðir, sama hvort
það er Frakkland, Ítalía, Skotland,
Litháen eða Færeyjar. Allir reyna
að leggja sig fram fyrir land sitt og
þjóð og það getur allt gerst. Það er
hægt að tapa fyrir smáliðum og
vinna stórliðin, og það sem skiptir
öllu máli er að vera alltaf á tánum.
Hér í Glasgow vitum við nákvæm-
lega út í hvað við erum að fara. Skot-
ar eru mjög erfiðir andstæðingar, við
fundum fyrir því í heimaleiknum
gegn þeim þar sem við áttum slæm-
an dag, vægast sagt, og töpuðum.
Þar áttum við að geta gert mikið bet-
ur en féllum á of mörgum mistökum
og misheppnuðum sendingum. Núna
skiptir miklu máli að spila af þolin-
mæði og yfirvegun, láta tímann
vinna með okkur, finna smátt og
smátt hversu djarft við megum
sækja og á hve mörgum mönnum,
hversu framarlega er óhætt að fara
með liðið, og við verðum að vera
sterkir og samhentir í öllum okkar
aðgerðum.“ Mestu máli skiptir, að
mati fyrirliðans, að fá ekki á sig
mark, allra síst snemma leiks eins og
gerðist á Laugardalsvellinum. „Við
verðum að halda hreinu eins lengi og
hægt er, hugsa fyrst um fyrri hálf-
leikinn og vinna okkur hægt og síg-
andi inn í leikinn. Þegar sóknarfærin
gefast þurfum við að nýta þau á
besta máta. Fyrir leikinn heima
sáum við hve taugaóstyrkir Skotarn-
ir voru eftir slæmt gengi í leikjum á
undan, en um leið og þeir skoruðu,
létti þeim heilmikið og þá fóru þeir
að spila sinn leik af miklu öryggi. Við
vorum aftur á móti yfirspenntir og
ætluðum okkur kannski of mikið.
Það var ákveðin pressa á okkur, en
ég kenni henni ekki um hvernig fór.
Það er eðlilegt að hún sé til staðar og
við eigum að ráða við hana. En það
er einfaldlega ekki hægt að ætlast til
þess að íslenska landsliðið eigi fyrir
höndum auðveldan leik gegn þjóð
með jafnmikla knattspyrnuhefð á
bakvið sig og Skotar eru með. Þó
þeir séu fyrir neðan okkur á FIFA-
listanum og ekki gengið vel að und-
anförnu eru þeir stór þjóð í fótbolt-
anum og með gífurlega hefð sem er
mikils virði þegar menn mæta til
leiks.“
Rúnar sagði að skoska liðið væri
vel skipulagt og nauðsynlegt væri að
bregðast við því á réttan hátt. „Þeir
voru með góða liðsheild í leiknum
heima og með mjög skýr markmið í
sendingum. Varnarmennirnir
reyndu að finna sóknarmennina með
löngum sendingum og gerðu það vel
– sóknarmennirnir skiluðu boltanum
til baka á miðjumennina og þar með
hafði leikurinn færst yfir á okkar
vallarhelming. Lambert og Fergu-
son, sem eru góðir miðjumenn, gátu
farið að dreifa spilinu og senda út á
kantana, þaðan sem fyrirgjafirnar
komu. Þetta er hinn dæmigerði
breski fótbolti sem Skotarnir útfæra
virkilega vel og skipulega séð eru
þeir mjög sterkir. Við þurfum að
finna leiðir til að trufla þessa leik-
aðferð þeirra, við höfum skoðað hana
mjög vel saman og æft hvernig best
sé að verjast og sækja gegn skoska
liðinu. Vonandi smellur þetta allt
saman hjá okkur. Það eru ákveðnar
breytingar á okkar leikstíl, það hafa
orðið breytingar á hópnum og liðinu
og við sjáum á morgun (í dag) hvern-
ig það virkar. Við söknum Hermanns
og Heiðars mikið, þeir eru með
geysilegan styrk í loftinu sem hefði
nýst vel gegn stórum og sterkum
Skotum. En það kemur maður í
manns stað og við þurfum að fara
aðrar leiðir án þeirra. Guðni er kom-
inn í liðið á ný og í kringum hann eru
sterkir strákar eins og Ívar, Brynjar
og Lárus Orri sem spila í Englandi
og þekkja þetta allt.“
Rúnar er ekki í vafa um að Guðni
Bergsson eigi eftir að reynast ís-
lenska liðinu dýrmætur á Hampden
Park í dag. „Hann á eftir að hjálpa
okkur mikið, það er engin spurning.
Við vitum allir hvaða hæfileika hann
hefur, hann er með gífurlegan hraða
og les leikinn vel. Hann hefur spilað
geysilega vel í Englandi, er með
mikla reynslu og á eftir að ýta undir
þessa ungu stráka sem eru í kringum
hann. Guðni smitar út frá sér og það
er allt gott um það að segja að hafa
fengið hann í liðið. Hann smellur vel
inn í hópinn, þekkti kannski ekki alla
fyrst í stað, enda er liðið mikið breytt
síðan hann lék síðast með því, en
þetta er allt að koma,“ sagði Rúnar.
Morgunblaðið/Kristinn
Birkir Kristinsson kom færandi hendi til Glasgow. Í farteskinu hafði hann Conga-súkkulaði og
fleira sem hann færði félaga sínum Rúnari Kristinssyni, fyrirliða landsliðsins.
Rúnar Kristinsson í fyrsta skipti á Hampden Park
Öllu máli skiptir
að vera á tánum
RÚNAR Kristinsson, fyrirliði Íslands, bíður spenntur eftir leiknum á
Hampden Park í dag. Hann hefur aldrei áður spilað á þessum fræga
leikvangi, þrátt fyrir langan feril, og sagði við Morgunblaðið í Glas-
gow í gær að tilhlökkunin væri mikil. Ég efast ekkert um að um-
gjörðin um leikinn verður skemmtileg. Þetta er einn af stóru völl-
unum í knattspyrnunni og skoskir áhorfendur eru frábærir og halda
uppi mikilli stemningu. Auðvitað verður þetta gífurlegur stuðningur
fyrir Skota, að vera með 50 þúsund áhorfendur með sér á meðan
við verðum kannski með 500, við þekkjum það að heiman að há-
værir áhorfendur auka sjálfstraust leikmanna, en við reynum að
loka okkur frá þessum ytri áhrifum og einbeita okkur að sjálfum
okkur og leik liðsins.“
Víðir
Sigurðsson
skrifar frá
Glasgow