Morgunblaðið - 29.03.2003, Blaðsíða 53

SKOTLAND–ÍSLAND
MORGUNBLAÐIÐ LAUGARDAGUR 29. MARS 2003 53
SKOTAR sigruðu Íslendinga,
1:0, í Evrópu- og Ólympíu-
keppni 21-árs landsliða í
knattspyrnu í gærkvöld en
leikið var í Cumbernauld, rétt
utan við Glasgow. Íslenska
liðið hefur þar með tapað öll-
um þremur leikjum sínum í
keppninni til þessa.
Skotar voru sterkari að-
ilinn lengst af en þeim gekk
þó illa að skapa sér marktæki-
færi. Þeir áttu stangarskot í
fyrri hálfleik en Guðmundur
Viðar Mete, besti leikmaður
Íslands, var nálægt því að
skora beint úr aukaspyrnu
sem markvörður Skota,
Derek Soutar, varði vel.
Í síðari hálfleik átti Michael
Stewart, leikmaður Man-
chester United, skot í þverslá
úr aukaspyrnu og Ómar Jó-
hannsson, markvörður Ís-
lands, varði vel skalla frá hon-
um úr dauðafæri. Shaun
Maloney frá Celtic skoraði
eina mark leiksins af stuttu
færi á 69. mínútu eftir fyr-
irgjöf frá vinstri kanti.
Íslenska liðið tók nokkuð
við sér eftir markið og þrem-
ur mínútum síðar skaut Ólaf-
ur Páll Snorrason í þverslána
á marki Skota. Í kjölfarið
braust Guðmundur Viðar inn
í vítateiginn hægra megin og
komst í gott færi en mark-
vörðurinn varði vel frá hon-
um.
Skotar höfðu betur
í ungmennaleiknum
SKOSKIR fjölmiðlar hafa fjallað
nokkuð um Guðna Bergsson og
endurkomu hans í íslenska lands-
liðið fyrir leikinn gegn Skotum í
dag. The Herald rakti söguna á
bakvið brotthvarf Guðna úr lands-
liðinu á sínum tíma og þá ákvörðun
Atla Eðvaldssonar að kalla í hann
fyrir þennan mikilvæga leik. Bent
er á hliðstæðuna við mál Richards
Goughs, sem féll á sínum tíma í
ónáð fyrir að gagnrýna þáverandi
landsliðsþjálfara Skotlands, Andy
Roxburgh. Gough hafi óumdeilan-
lega verið besti varnarmaður Skot-
lands um árabil, lykilmaður í mikilli
sigurgöngu Glasgow Rangers á síð-
asta áratug, en aldrei átt aftur-
kvæmt í skoska landsliðið þrátt fyr-
ir það. Craig Brown, sem þjálfaði
skoska liðið á undan Berti Vogts,
hafi aldrei rétt fram sáttahönd, eins
og Atli Eðvaldsson hafi nú gert
varðandi Guðna Bergsson.
Þá upplýsir Guðni í samtali við
The Herald af samherji sinn hjá
Bolton og landsliðsmaður Skota til
langs tíma, Colin Hendry, hafi verið
kallaður Braveheart af félögum
sínum hjá Bolton. Þetta grípa Skot-
arnir á lofti og slá upp í fyrirsögn,
enda er Braveheart þjóðsagnaper-
sóna þar í landi. „Við hjá Bolton
bárum mikla virðingu fyrir Colin,
sem var skoski baráttuandinn holdi
klæddur, og ég held að andi hans
svífi enn yfir vötnum í skoska
landsliðinu,“ sagði Guðni.
Gough ekki rétt sátta-
hönd eins og Guðna
Morgunblaðið/Kristinn
Atli Eðvaldsson og Guðni ræða málin.
Árni vildi sjálfur ekki gera mikiðúr þeim þætti þegar Morgun-
blaðið spjallaði við hann í Glasgow í
gær. „Auðvitað yrði
það ekki slæmt fyrir
mig að standa mig
vel og sýna mínar
bestu hliðar, en aðal-
atriðið er hinsvegar að liðið sem slíkt
standi fyrir sínu og nái góðum úrslit-
um.
Ég er ekkert sérstaklega að velta
því fyrir mér hverjir verði í stúkunni
að fylgjast með mér. Það er nauðsyn-
legt fyrir okkur að fá eitt eða þrjú
stig, hitt verður bara að koma í ljós.
Það fer ekki á milli mála að þetta
verður erfiður leikur, ég á von á mik-
illi baráttu og vonandi náum við okk-
ur betur á strik en þegar við mættum
þeim í haust. Við verðum að spila
mikið betur en við gerðum þá. Aðal-
málið er að koma í veg fyrir að þeir
skori og eftir því sem líður á leikinn
án þess að þeim takist það, eykst
pressan frá áhorfendum, leikmenn-
irnir verða pirraðir og möguleikar
okkar aukast. Við þurfum að verjast
skipulega og agað, og við munum síð-
an fá okkar marktækifæri.“
Markvörðurinn býst við að hafa
nóg fyrir stafni í dag. „Jú, ég á von á
að Skotarnir reyni að pressa okkur
eins og þeir geta, þeir vilja eflaust
sækja og leggja allt upp úr því að ná í
þrjú stig. Við þurfum að vera skipu-
lagðir og berjast vel frá fyrstu mín-
útu og ég hef mikla trú á að við getum
fengið eitthvað út úr þessum leik. Það
er vissulega slæmt að hafa ekki Her-
mann fyrir framan sig í vörninni,
hann er frábær skallamaður og góður
leikmaður, en það er ekkert við fjar-
veru hans að gera og það koma aðrir í
staðinn.“
Árni hefur aldrei leikið með Guðna
Bergssyni, sem spilaði síðast með
landsliðinu í september 1997 en Árni
lék sinn fyrsta A-landsleik ári síðar
þegar hann kom inn á sem varamað-
ur gegn Lettlandi. „Það verður gam-
an að spila með Guðna, hann er frá-
bær varnarmaður með gríðarlega
reynslu sem hann miðlar eflaust í
kringum sig. Það var besta mál að fá
hann í liðið í þennan leik.“
Það er ekki langt síðan Árni gekkst
undir aðgerð á olnboga og á þeirri
stundu var mjög tvísýnt um að hann
gæti spilað gegn Skotum. Batinn hef-
ur hinsvegar verið skjótur, Árni lék
síðari hálfleikinn með Rosenborg
gegn Djurgården síðasta mánudag
og hefur ekki kennt sér neins meins í
Glasgow.
„Olnboginn átti ekki að vera orðinn
alveg 100 prósent góður á þessari
stundu en hann hefur ekkert háð
mér, ég hef ekki fundið fyrir neinu á
æfingunum hérna og á ekki von á að
þetta trufli mig á nokkurn hátt.“
Hann sér ekki að neinn einstakur
leikmaður Skota sé hættulegri en
annar upp við markið. „Eftir því sem
maður sá til þeirra í haust og ég hef
skoðað af myndböndum og séð í sjón-
varpi, er enginn einn sem þarf að
gæta sérstaklega í því sambandi.
Skoska liðið er mjög jafnt og hættan
getur komið alls staðar frá. Þeir eru
ekki með neinar stórar stjörnur,
Barry Ferguson er vissulega góður
leikmaður, en þetta er fyrst og fremst
traust lið. Skotarnir eru með sterka
skallamenn eins og hinn stóra Lee
Wilkie, sem við verðum að gæta vel
þegar hann kemur inn í vítateiginn
okkar,“ sagði Árni Gautur Arason.
Árni Gautur í sviðsljósinu
Hættan get-
ur komið alls
staðar frá
ÁRNI Gautur Arason, landsliðsmarkvörður Íslands, hefur tvöfalda
ástæðu til að standa sig vel gegn Skotum á Hampden Park í dag.
Eins og alltaf er markvörðurinn einn mikilvægasti hlekkurinn í
hverju liði og Ísland þarf á traustri frammistöðu Árna að halda. Þar
fyrir utan er hann búinn að gefa til kynna að hann vilji fara frá
norska meistaraliðinu Rosenborg, og þar með er leikur eins og
þessi honum mikilvægur til að sýna sig og sanna.
Víðir
Sigurðsson
skrifar frá
Glasgow
Morgunblaðið/Kristinn
Ber er hver að baki nema sér bróður eigi: Árni Gautur Arason
og Birkir Kristinsson markverðir.
ÞEGAR flautað verður til leiks á
Hampden Park klukkan 15 í dag
standa tvær áþekkar fylkingar
andspænis hvor annarri – sú
skoska og sú íslenska.
Eftir sigur Skota í fyrri leiknum
á Laugardalsvellinum, 2:0, standa
þeir betur að vígi og takist þeim að
vinna í dag verða þeir komnir
kirfilega með undirtökin í barátt-
unni um að komast áfram úr riðla-
keppni Evrópumótsins. En eru
þeir í raun og veru sigurstrang-
legri í þessum slag? Lítum á
nokkrar staðreyndir:

Skotar eru á heimavelli, með 50
þúsund áhorfendur á bak við sig,
sem eru með þeim líflegri sem
þekkjast ef vel gengur hjá þeirra
mönnum inni á vellinum. Ef „Tart-
an Army“ nær sér á strik verður
líf í tuskunum og skosku leikmenn-
irnir magnast upp að sama skapi.

Ísland hefur aldrei skorað
mark gegn Skotum í fjórum viður-
eignum þjóðanna.

Skotar eiga í vandræðum með
að skora mörk. Þegar þeir skor-
uðu tvívegis á Laugardalsvellinum
í haust var það meira vegna
klaufaskapar íslensku leikmann-
anna en vegna snilli Skotanna.

Skotar eiga engan jafnoka Eiðs
Smára Guðjohnsen eða Guðna
Bergssonar.

Skotar tefla fram fjórum leik-
mönnum úr ensku úrvalsdeildinni,
eins og Íslendingar, og þeir ís-
lensku eru í stærri hlutverkum.

Skotar eru með nokkra leik-
menn frá Celtic og Rangers, en
flestir þeirra sitja á varamanna-
bekknum og horfa á útlendingana
í liðunum spila.

Paul Lambert og Barry Fergu-
son eru þeir einu sem spila stöðugt
í hæsta gæðaflokki í Skotlandi,
auk Rob Douglas markvarðar.

Íslendingar eru með mun meiri
reynslu í sínum hópi. Enginn Skot-
anna er með landsleikjafjölda á við
Rúnar Kristinsson, Guðna Bergs-
son, Birki Kristinsson og Arnar
Grétarsson.

Skotar hafa meiri breidd í sín-
um leikmannahópi, því er meiri
samkeppni um sætin í liðinu og
þeir þurfa frekar að vera á tánum.
Það er í raun ekki mikið sem
skilur þessi tvö lið að í getu og ef
einstakir leikmenn þeirra væru
bornir saman og metnir er ekki
gott að segja fyrir um hvorum
megin einkunnirnar væru hærri.
Íslensku leikmennirnir þurfa því
ekki að óttast mótherja sína í dag,
þeir geta horft beint í augu þeirra,
með eðlilegri virðingu en fullir
sjálfstrausts. Þeir eiga ekki í höggi
við sér betri fótboltamenn. Það
sem kemur til með að skilja á milli
á Hampden Park er hvorum megin
sigurviljinn verður meiri, hvorum
megin hugrekkið og stoltið verður
meira. Einfalt mál.
Víðir Sigurðsson
Sigurvilji, hug-
rekki og stolt
 RÚNAR Kristinsson verður fyrir-
liði íslenska landsliðsins í tíunda
skipti í dag þegar það mætir Skotum
á Hampden Park. Rúnar, sem spilar
sinn 97. landsleik og bætir enn eigið
met, er sá tíundi frá upphafi sem nær
að vera fyrirliði 10 sinnum. Atli Eð-
valdsson hefur oftast borið fyrirliða-
bandið, 31 sinni, Guðni Bergsson 30
sinnum, Jóhannes Eðvaldsson 27
sinnum, Ríkharður Jónsson 24 sinn-
um, Marteinn Geirsson 22 sinnum,
Eyjólfur Sverrisson 19 sinnum, Sig-
urður Jónsson 18 sinnum, Jóhannes
Atlason 11 sinnum og Sævar Jóns-
son 11 sinnum.
 ÍVAR Ingimarsson er sá leikmað-
ur sem nú hefur leikið lengst með
landsliðinu án þess að missa úr leik.
Ívar hefur spilað sex síðustu lands-
leiki Íslands, alla í byrjunarliði, en þó
á hann aðeins níu landsleiki að baki í
heild.
 ÁRNI Gautur Arason er þó sá sem
mest hefur spilað undanfarin tvö ár.
Árni Gautur hefur staðið í marki í 16
af síðustu 17 landsleikjum Íslands en
hann ver ekki með í vináttuleiknum
gegn Ungverjum á Laugardalsvell-
inum síðasta haust.
 EIÐUR Smári Guðjohnsen er
markahæstur af núverandi landsliðs-
mönnum í Evrópukeppni með 3
mörk. Eiður skoraði í sínum fyrsta
Evrópuleik, gegn Andorra 1999, og
skoraði síðan tvívegis gegn Litháen
síðasta haust.
 ATLI Eðvaldsson, landsliðsþjálf-
ari, á markametið í Evrópukeppni en
þar skoraði hann 5 af 8 mörkum sín-
um með landsliðinu. Næstur honum
er Eyjólfur Sverrisson með 4 mörk
og Eiður Smári er í þriðja sæti.
 GUÐMUNDUR Jónsson, „Gassi“,
er búningastjóri landsliðsins á ný en
hann hefur ekki gegnt því embætti
síðan hann fór með liðinu til Indlands
í ársbyrjun 2001. Guðmundur varð
fyrir alvarlegum veikindum sama ár
en kominn af stað á nýjan leik og sér
til þess að keppnisbúningar, æfinga-
gallar og annar tilheyrandi búnaður
landsliðsins sé jafnan í standi.
 SKOTA vantar ekki stjórnendur
innan vallar því þeir tefla fram fjór-
um leikmönnum sem eru fyrirliðar
sinna liða í skosku úrvalsdeildinni.
Landsliðsfyrirliðinn Paul Lambert
er fyrirliði Celtic, Barry Ferguson
er fyrirliði Rangers, Steven Press-
ley er fyrirliði Hearts og Steve
Crawford er fyrirliði Dunfermline.
 ÍVAR Ingimarsson verður undir
smásjá nokkurra enskra félaga í dag,
ef hann verður í íslenska landsliðinu
gegn Skotum. Ívar, sem er á samn-
ingi hjá Wolves en í láni hjá Bright-
on, verður ekki í röðum Wolves á
næsta tímabili að öllu óbreyttu. Sam-
kvæmt heimildum Morgunblaðsins
fylgist Ipswich með Ívari.
FÓLK