Morgunblaðið - 29.03.2003, Síða 64
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 29. MARS 2003 VERÐ Í LAUSASÖLU 190 KR. MEÐ VSK.
– leiðandi í lausnum
Skeifunni 17AcoTæknival Sími 550 4000 Fax 550 4001Áskriftarsími 881 2060
Í FORMI
TVEIR karlmenn létust í geysi-
hörðum árekstri tveggja fólksbif-
reiða á Reykjanesbraut í gær-
morgun. Kona á fimmtugsaldri
slasaðist ennfremur alvarlega og
liggur á gjörgæsludeild Land-
spítalans í Fossvogi en sonur
hennar slasaðist minna. Líðan
konunnar er eftir atvikum góð að
sögn vakthafandi læknis. Að auki
lentu níu manns í áhafnarrútu
Flugleiða lítillega í árekstrinum
en sluppu án teljandi meiðsla.
Ekki er unnt að birta nöfn
hinna látnu að svo stöddu.
Tildrög slyssins eru í rannsókn
lögreglunnar í Keflavík. Ekki er
fyllilega ljóst hvað gerðist en vit-
að er að 25 ára ökumaður, sem
var einn í bíl sínum, var á leið til
Hafnarfjarðar þegar slysið varð.
Þegar hann var kominn nálægt
Vogaafleggjara mætti hann
áhafnarrútunni og lenti á vinstra
framhorni hennar. Strax í kjöl-
farið lenti bifreið hans framan á
bifreið þriggja manna fjölskyldu
sem ók á eftir rútunni. Lést 57
ára gamall ökumaður þeirrar bif-
reiðar og kona hans slasaðist sem
áður gat. Sonur þeirra sem var
með þeim slasaðist ekki alvar-
lega.
Lögreglan í Keflavík segir að
hálka hafi ekki verið á veginum
þegar hún kom á slysstað nokkr-
um mínútum eftir slysið en að-
stæður til aksturs hafi samt ekki
verið eins og best verði á kosið.
Gengið hafi á með slydduéljum
og mikil bleyta á veginum. Lög-
reglan segir að ekki séu áberandi
djúp hjólför á veginum á þessum
stað og því sé ólíklegt að vatn hafi
safnast fyrir í rásum sem getur
reynst ökumönnum mjög hættu-
legt.
Tilkynnt var um slysið klukkan
6:29 og var brugðist við með
miklum viðbúnaði. Brunavarnir
Suðurnesja og Slökkvilið höfuð-
borgarsvæðisins sendu liðsafla á
slysstað á sjúkrabifreiðum og
tækjabifreiðum ásamt neyðarbif-
reið. Lögreglan í Keflavík fékk
aðstoð lögreglunnar í Hafnarfirði
við að annast vettvang slyssins.
Reykjanesbraut var lokað til
klukkan 12 á meðan björgunarlið
var að störfum og var allri um-
ferð beint á Vatnsleysustrandar-
veg. Það sem af er þessu ári hafa
þrír látist í slysum á Reykjanes-
braut. Alls hafa 56 manns látist í
bílslysum þar frá árinu 1967.
Flest banaslysin urðu árið 2000
þegar sex manns létust og árið
1991 létust fimm manns.
Tveir biðu bana í hörðum
árekstri á Reykjanesbraut
Morgunblaðið/Hilmar Bragi Bárðarson
Mikill viðbúnaður var á slysstað af hálfu lögreglu og slökkviliðs og
lokaði lögreglan Reykjanesbrautinni til hádegis í gær.
HREYFILL á Boeing 737-300 þotu flugfélagsins
Iceland Express á leið frá Bretlandi til Íslands
með 97 farþega bilaði skömmu eftir flugtak frá
Stansted-flugvelli í gærkvöld og urðu flugmenn
þotunnar að snúa henni við eftir nokkurra mínútna
flug.
Svo virðist sem vélarhluti túrbínu hreyfilsins
hafi gefið sig með þeim afleiðingum að hvellur
kvað við með blossa og reyk aftan úr hreyflinum.
Flugmennirnir drápu á hreyflinum og lentu vélinni
aftur á Stansted klukkan 20:20 eða 10 mínútum
eftir flugtak. Fimm manna áhöfn var um borð auk
farþega og sakaði engan, þótt sumum hafi líklega
brugðið talsvert við atvikið að sögn Ólafs Hauks-
sonar, upplýsingafulltrúa Iceland Express. Eftir
lendingu var vélin sett í geymslu en flugrekstr-
arfélagið Astraeus ræsti út nýja vél og áhöfn. Var
gert ráð fyrir að sú vél lenti í Keflavík seint í gær-
kvöld. Flugatvikið verður tekið til rannsóknar að
sögn Ólafs.
Þotu Iceland Express
var snúið til Lundúna
Hreyfill gaf
sig með hvelli
eftir flugtak
TVEIR menn komust lífs með ótrú-
legum hætti úr flugslysi seint í gær-
kvöld þegar tveggja sæta flugvél af
gerðinni Cessna 152 brotlenti á Mið-
fjallsmúla á Hvalfjarðarströnd í um
100 m hæð. Samkvæmt upplýsingum
blaðsins var vélin að fljúga í éli þegar
hún skall í jörðina. Þegar mennirnir
rönkuðu við sér lágu þeir við hliðina
á brennandi flakinu.
Um borð voru flugkennari og
nemandi og þeim var bjargað af
bónda af nálægum bæ. Annar þeirra
er talinn fótbrotinn og brenndur og
gat sig hvergi hreyft en félagi hans
slasaðist minna.Voru þeir fluttir með
sjúkrabifreiðum á slysadeild.
Fyrstur á vettvang var Jón Val-
garðsson, bóndi á Eystra-Miðfelli,
og er ljóst að hann átti stærstan þátt
í giftusamlegri björgun mannanna.
Hann fór upp í fjallið og kom að öðr-
um flugmanninum liggjandi aðeins
10 metrum frá flakinu og bar hann
50 metra niður fjallshlíðina að bíl sín-
um. Var flugmaðurinn þá orðinn
mjög kaldur og illa haldinn vegna
meiðsla. Hinn manninn hafði Jón ekið
fram á skömmu áður og tók hann
einnig í bíl sinn.
Jón frétti fyrst af slysinu frá systur
sinni sem séð hafði torkennilegan eld
í fjallshlíðinni og fór hann strax af
stað til kanna málið. „Ég sá strax
hvað þetta var og þegar nær dró
mætti ég öðrum manninum á gangi,“
sagði Jón. „Ég tók hann strax upp í
bílinn og hann sagði mér frá slösuð-
um félaga sínum. Ég hélt því áfram
og komst inn undir flakið. Ég stökk út
og sá hinn slasaða og kom honum inn í
bíl. Hann var meiddur á fæti og
mjöðm, brenndur á höndum og fötin
hans brennd. Hann lá í snjónum og
var orðinn mjög kaldur og ég sá að
vænlegast væri að ná honum inn í
heitan bílinn.“ Jón sagði hinn slasaða
hafa orðið fegnari en orð fá lýst þegar
hjálpin barst og endir þar með bund-
inn á ömurlega vist hans við flugvéla-
flakið. Jón bar manninnað bílnum
niður hlíðina í hálku og erfiðu færi og
gat hinn slasaði hjálpað til með heila
fætinum. „Þetta tókst hjá okkur, en
mennirnir voru báðir orðnir mjög illa
haldnir af kulda,“ sagði Jón.
Hann telur að mennirnir hafi verið
við brennandi flakið í um eina og
hálfa klukkustund og var það ekki
fyrr en þeir sáu bílljósin frá Jóni að
annar þeirra freistaði þess að ganga
til móts við hann. „Þetta var mikil
lífsreynsla, en maður er feginn þegar
vel tekst til,“ sagði Jón. „Ég bara skil
ekki hvernig mennirnir sluppu lif-
andi frá þessu slysi.“
Veður hamlaði för
Flugvélin sem er frá Flugtaki hf.
með einkennisstafina TF-TFR,
smíðuð 1978, fór í loftið frá Reykja-
vík klukkan 18:15 í gær til að fara í
flug í nágrenni borgarinnar. Veður
hamlaði því að vélin kæmist aftur til
baka og því neyddust flugmennirnir
til að lenda henni við bæinn Stóra-
Kropp klukkan 19:15. Þegar þeir
voru komnir í loftið nokkru síðar létu
þeir vita af sér í gegnum talstöð.
Þegar þeir skiluðu sér hins vegar
ekki til Reykjavíkur var farið að ótt-
ast um þá. Þegar engin svör bárust
frá Cessnunni voru flugvélar á leið-
inni yfir landið beðnar um svipast
um eftir vélinni. Klukkan 22:53 barst
flugturni tilkynning um að mennirn-
ir væru fundnir.
Tveir menn lifðu af þegar
flugvél brotlenti í Hvalfirði
„Skil ekki hvernig mennirnir sluppu lifandi“
Morgunblaðið/Golli
!
"#$%& '(%
+$! 3+/
*+
/4
/1%++
+
5 6
71%++
86
%9++
5 9