Morgunblaðið - 30.03.2003, Blaðsíða 5

96%
fitusnau
ður
Mest seldiísdrykkur í USA!
Kringlunni (Stjörnutorg) og Ingólfstorgi
Tilboðið gildir þessa helgi.
ísálfar
í úrvali!
ískexloka
Smoothies!
Hellingur
af ídýfum!
ferskur og nána
st fitulaus!
Það voru mikil tíðindi þegar innflutningur á ítalskri
Parmaskinku var heimilaður hingað til lands í fyrsta
skipti á síðasta ári. Á dögunum urðu hins vegar engu
minni tíðindi þegar fyrsta spænska hráskinkan var
flutt inn og sneidd niður við hátíðlega athöfn á Hótel
Holti.
Hvergi í heiminum er framleidd betri skinka og
betri hrápylsur en á Spáni. Parmaskinkan er vissulega
stórkostleg en hún stenst eftir sem áður ekki sam-
anburð við spænsku vindþurrkuðu Íberíkó-skinkuna
(Jamón Ibérico). Eða kannski er slíkur samanburður
ekki mögulegur. Parma og Iberico eru tveir stórkost-
legir stílar og að mörgu leyti ólíkir. Það er því kannski
fyrst og fremst smekksatriði hvor stíllinn manni líkar
betur. Svona eins og með Búrgund og Bordeaux í
rauðvínum.
Hið einstaka við þessar spænsku kjötvörur er Íber-
íusvínið, sem er að finna í skógarhéruðum í suðvest-
urhluta Spánar, aðallega í héruðunum Andalúsíu og
Extremadura. Tegund þessi á rætur sínar að rekja til
villisvínanna er áður fyrr voru algeng við Miðjarð-
arhafsströnd Evrópu en eru nú nær horfin.
Þekktasta framleiðslusvæðið er Jabugo í Andalúsíu.
Svínategund þessi er dökk á lit og skinkulærin auð-
þekkjanleg á svörtu klaufunum. Á spænskum veit-
ingastöðum er algengt að heil læri hangi uppi og er
síðan sneitt af þeim eftir þörfum. Þannig geta líka
gestir sannreynt að klaufarnar séu svartar. Skinka
þessi er í daglegu tali Spánverja yfirleitt nefnd „Pata
Negra“ eða „svartar klaufir“ með vísun í þetta.
Skinkan nýtur mikill vinsælda á Spáni og er oft
snædd sem forréttur með tómatabrauði (sjá aðra grein
á síðunni) og glasi af rauðvíni eða þurru sérríi. Bragð
hennar er einstakt og hún bókstaflega bráðnar í
munni. Ekki spillir fyrir að þótt kjötið sé feitt þá verða
efnaskipti við framleiðslu skinkunnar, sem vís-
indamenn hafa fundið út að geri fituna líka þeirri kól-
esterólvænu fitu sem er að finna í ólívuolíu.
En það er ekki bara skinka, sem framleidd er úr
kjöti Íberíusvínsins. Pylsur úr svínalundum – cana de
llomo – eru mjög eftirsóttar og oft dýrari en skinkan,
sem þó er langt frá því að vera ódýr. Raunar er
spænska hráskinkan með dýrari kjötvörum í heim-
inum. Hvert hérað hefur sínar þurrkuðu pylsur, hver
annari betri.
Það hefur lengi verið baráttumál íslenskra sælkera
að fá skinkur sem þessar hingað til lands og nú er
þeim áfanga náð. Eygló Ólafsdóttir, hjá fyrirtækinu
Karli K. Karlssyni, segir að leyfi hafi fengist þar sem
hægt hafi verið að sýna fram á öryggi vörunnar.
„Þegar hægt hefur verið að sýna fram á að vara sé
skaðlaus og lýtur ákveðnum og ströngum reglum af
hálfu framleiðenda þá hafa menn viðurkennt þau rök.
Það er búið að sýna fram á öryggi vörunnar. Þetta er
vottuð vara og verndað vöruheiti, rétt eins og Parma-
skinkan á Ítalíu,“ segir Eygló.
Fyrsta lærið kom með kokki og vínþjóni frá Torres í
tengslum við Torres-daga en í næstu viku er von á
sendingu fyrir almennan markað. Eygló segir að
skinkan verði seld í heilum lærum á veitingahús en
einnig verði hún fáanleg forpökkuð í sneiðum í betri
verslunum. Búist er við fyrstu sendingunni í næstu
viku.
Fyrsta spænska hráskinkan
Morgunblaðið/Sverrir
MORGUNBLAÐIÐ SUNNUDAGUR 30. MARS 2003 B 5
FRAMSÓKNARFLOKKURINN
MÁNUDAGUR 31. MARS
Félagsheimilið Sævangur kl. 13:00
Guðni Ágústsson, Kristinn H. Gunnarsson,
Magnús Stefánsson, Herdís Á. Sæmundardóttir
Fundarstjóri : Guðbrandur Sverrisson
Hvammstangi kl.20:30 – Gunnu Kaffi
Jón Kristjánsson, Kristinn H. Gunnarsson,
Magnús Stefánsson, Herdís Á. Sæmundardóttir
Fundarstjóri: Elín R. Líndal
Aratunga kl. 20:30
Guðni Ágústsson, Hjálmar Árnason, Eygló Þóra Harðardóttir
Fundarstjóri: Brynjar Sigurðsson
Eskifjörður kl.20:30 – Félagsheimilið Valhöll
Halldór Ásgrímsson, Valgerður Sverrisdóttir, Dagný Jónsdóttir
Fundarstjóri: Svanhvít Aradóttir
Kópavogur kl. 20:30 – Digranesvegur 12
Siv Friðleifsdóttir, Páll Magnússon, Egill Arnar Sigurþórsson
Fundarstjóri: Una María Óskarsdóttir
vinna - vöxtur - velferð
Fundaferð Framsóknarflokksins 2003
til aukinnar velferðar
Leggjum áfram leiðina