Morgunblaðið - 31.03.2003, Blaðsíða 10

FRÉTTIR
10 MÁNUDAGUR 31. MARS 2003 MORGUNBLAÐIÐ
Í STJÓRNMÁLAÁLYKTUN landsfundar
Sjálfstæðisflokksins sem samþykkt var ein-
róma undir lok landsfundarins í gær segir
m.a. að sjávarútvegur muni um ókomin ár
verða meginstoð íslensks efnahagslífs og þurfi
því að vera rekinn á grundvelli ítrustu hag-
kvæmni og með virðingu fyrir auðlindinni.
„Atvinnugreinin má ekki bera þungar byrð-
ar af sérstakri skattheimtu. Sú niðurstaða
sem fengin er með innheimtu hóflegs veiði-
gjalds er vel viðunandi fyrir atvinnugreinina
og hefur haft í för með sér meiri sátt að þessu
leyti um nýtingu helstu náttúruauðlindar okk-
ar,“ segir í stjórnmálaályktuninni.
ESB-aðild þjónar ekki hagsmunum
íslensku þjóðarinnar
Í umfjöllun um Evrópumál segir að EES-
samningurinn hafi tryggt íselnsku atvinnulífi
greiðan aðgang að helsta markaðssvæði í Evr-
ópu. „Aðild að ESB myndi skerða fullveldi
okkar, svipta þjóðina forræði yfir helstu auð-
lindum sínum, auka útgjöld ríkissjóðs, efla
skrifræði og auka þar með óhagkvæmni.
Sjálfstæðisflokkurinn telur því aðild að ESB
ekki þjóna hagsmunum íslensku þjóðarinnar
eins og málum er nú háttað.“
Aukið samstarf um rekstur
í heilbrigðisþjónustu
Í umfjöllun um velferðarkerfi og mennta-
mál segir að Sjálfstæðisflokkurinn vilji standa
vörð um velferðar- og heilbrigðiskerfið og
tryggja aðgengi allra Íslendinga að góðri heil-
brigðisþjónustu. „Ríkisvaldið á að bera
ábyrgð á fjármögnun heilbrigðisþjónustunnar.
Auka þarf samstarf opinberra aðila og einka-
aðila um rekstur einstakra þátta heilbrigð-
isþjónustunnar með það að markmiði að bæta
þjónustu og draga úr kostnaði,“ segir í stjórn-
málaályktun landsfundarins.
Á landsfundinum var einnig samþykkt sér-
stök ályktun um heilbrigðismál, en drög að
ályktun um þann málaflokk tóku nokkrum
breytingum í starfshópi á landsfundinum. Í
ályktun sem samþykkt var á fundinum í gær
er m.a. hvatt til þess að kostnaðargreiningu í
heilbrigðiskerfinu verði hraðað, svo hægt
verði að hverfa frá föstum fjárlögum til fjár-
laga þar sem greitt er fyrir unnin verk. „Sjálf-
stæðisflokkurinn vill viðhalda almannatrygg-
ingum og að greitt sé úr sameiginlegum
sjóðum fyrir heilbrigðisþjónustu. Almanna-
tryggingar greiði fyrir þjónustu við sjúklinga,
hvort sem hún er veitt af ríki eða öðrum að-
ilum, t.d. með þjónustusamningum. Sjúkra-
stofnanir, ríkisreknar sem einkareknar og
sjálfstætt starfandi heilbrigðisstarfsmenn,
selji þjónustu sína og greiðslur verði í sam-
ræmi við kostnað, óháð því hvort reksturinn
er á vegum hins opinbera eða einkaaðila.
Tryggja þarf jafna rekstrar- og samkeppn-
isstöðu þessara aðila.
Landsfundurinn hvetur til aukins samstarfs
opinberra aðila og einkaaðila um rekstur ein-
stakra þátta í heilbrigðisþjónustu með það að
markmiði að hagkvæmni og kostir einka-
rekstrar fái notið sín sem víðast. Fundurinn
telur að í heilbrigðisþjónustu, jafnt sem öðr-
um atvinnugreinum, sé þörf fyrir framtak ein-
staklinga og minnkandi opinberan rekstur.
Fundurinn leggur sérstaka áherslu á fjöl-
breytt rekstrarform og valmöguleika í heilsu-
gæslu auk tilfærslu verkefna í heilsugæslu og
einstarka verkefna í sjúkrahúsþjónustu frá
ríki til annarra aðila,“ segir í ályktun fund-
arins um heilbrigðismál.
Í ályktun um réttarfars- og stjórnskipunar-
mál segir að Landsfundurinn telji að það sé í
samræmi við nútímalýðræðisviðhorf að
stjórnarskrárbreytingar öðlist ekki gildi fyrr
en þær hafi verið samþykktar í sérstakri þjóð-
aratkvæðagreiðslu. Þá vekur fundurinn at-
hygli á því að þrátt fyrir nauðsyn á öflun,
skráningu og vörslu upplýsinga verði að virða
friðhelgi einkalífs. „Landsfundur leggur því til
að opinber birting álagninga- og skattskráa
verði lögð af.“ Þá leggur fundurinn áherslu á
að réttur manna til að standa utan félaga
verði virtur.
Í ályktun um iðnaðarmál segir að erlend
fjárfesting hafi hingað til verið hvað fyrirferð-
armest í stóriðju og að svo virðist sem enn sé
áhugi fyrir hendi á því sviði. „Samhliða því að
komið verði á samkeppni í orkubúskapnum er
sjálfsagt að gera erlendum aðilum kleift að
fjárfesta í byggingu og rekstri orkuvera.
Draga þarf úr hvers konar hindrunum sem
standa í vegi fyrir þátttöku erlendra fjárfesta
í einstökum greinum.“
Í ályktun um umhverfis- og skipulagsmál
hvetur fundurinn til þess að allar greinar at-
vinnulífs hafi sjálfbæra þróun að leiðarljósi og
taki þátt í mótun og þróun Staðardagskrár 21.
„Í þeim tilgangi er æskilegt að atvinnulífið
færi að eigin frumkvæði grænt bókhald.“
Að síðustu má geta ályktunar um sam-
göngumál en þar er m.a. hvatt til þess að
einkafjármagn verði nýtt við uppbyggingu
samgöngumannvirkja þar sem því verði við
komið. „Landsfundur hvetur til þess að enn
frekar verði farið inn á þá braut að einkaað-
ilar taki að sér fjármögnun, verkframkvæmd
og rekstur samgöngumannvirkja.“
Stjórnmálaályktun var samþykkt einróma á landsfundi Sjálfstæðisflokksins
Innheimta hóf-
legs veiðigjalds
er vel viðunandi
KONUR juku hlut sinn í miðstjórn
Sjálfstæðisflokksins við kjör til mið-
stjórnar á landsfundi flokksins í
gær. Kosið var um ellefu sæti af 33 í
miðstjórninni. Alls gáfu 17 manns
kost á sér og náðu sex konur kjöri í
miðstjórn og fimm karlar. Fjölgar
konum um tvær í miðstjórn Sjálf-
stæðisflokksins.
Gild atkvæði í kosningunni voru
952. Eftirtaldir voru kjörnir í mið-
stjórn: Birna Lárusdóttir, bæj-
arfulltrúi Ísafirði 847 atkv., Tinna
Traustadóttir, lyfjafræðingur
Reykjavík 738 atkv., Elínbjörg
Magnúsdóttir, sérhæfður fisk-
vinnslumarður Akranesi 696 atkv.,
Ragnar Sær Ragnarsson sveit-
arstjóri Bláskógarbyggð 690 atkv.,
Valgerður Sigurðardóttir, bæj-
arfulltrúi hafnarfirði 615 atkv.,
Þorbjörg Helga Vigfúsdóttir verk-
efnastjóri Reykjavík 597 atkv.,
Magnús Þór Gylfason, viðskipta-
fræðinemi við Háskólann í Reykja-
vík 592 atkv., Magni Kristjánsson,
skipstjóri og framkvæmdastjóri
Fjarðabyggð 546 atkv., Ásta Þór-
arinsdóttir, hagfræðingur, Kópa-
vogi 516 atkv., Jón Helgi Björnsson,
framkvæmdastjóri Laxamýri 499
atkv. og Grímur Gíslason, vélstjóri
Vestmannaeyjum 490 atkv.
Eftirtaldir náðu ekki kjöri: Gunn-
laugur Sævar Gunnlaugsson, Hall-
dór Gunnarsson, Ingibjörg Jóhann-
esdóttir, Jón Magnússon, Kjartan
Ólafsson, og Þorsteinn Halldórsson.
Konum
fjölgaði í
miðstjórn
Morgunblaðið/Sverrir
Fjölmargar ályktanir voru afgreiddar við atkvæðagreiðslur á síðasta degi landsfundar Sjálfstæðisflokksins í gær.
Morgunblaðið/Sverrir
Nokkrir landsfundarfulltrúar voru heiðraðir sérstaklega á landsfundinum
í gær fyrir að hafa tekið þátt í fleiri landsfundum Sjálfstæðisflokksins en
flestir aðrir. Þeirra á meðal var Árni Helgason úr Stykkishólmi sem hefur
setið landsfundi Sjálfstæðisflokksins í meira en sex áratugi. Á myndinni má
sjá landsfundarfulltrúa rísa úr sætum sínum og heiðra Árna með lófataki.
TEKIST var á um tillögu um að
leggja niður starfsemi ÁTVR sem
samþykkt var á landsfundi Sjálf-
stæðisflokksins í gær en tillöguna er
að finna í kafla um einkavæðingu í
ályktun fundarins um viðskipta- og
neytendamál.
Miklar umræður urðu um málið
fyrir hádegi og kvöddu tæplega 30
landsfundarfulltrúar sér hljóðs um
tillöguna. Hún var samþykkt á end-
anum með meirihluta atkvæða og
breytingartillögur, m.a. um að fella
setninguna um ÁTVR út úr álykt-
uninni eða gera á henni breytingar
t.d. um að verja andvirðinu af sölu
ÁTVR til forvarnarstarfs, voru
felldar.
Ríkið dragi sig út úr
öllum verslunarrekstri
Umræddur kafli ályktunarinnar
sem samþykktur var er svohljóð-
andi: „Í tíð tveggja síðustu ríkis-
stjórna undir stjórn Sjálfstæðis-
flokksins hefur farið fram mesta
einkavæðing í sögu íslenskrar þjóð-
ar og stór skref verið stigin í þá átt
að gera íslenskt efnahagslíf sam-
keppnishæfara. Mörg verk eru enn
óunnin. T.d. er Síminn enn í eigu
ríkisins og starfsemi Íbúðalánasjóðs
er gott dæmi um verkefni sem betur
á heima hjá einkaaðilum. Þá er mik-
ilvægt að ríkið dragi sig út úr öllum
verslunarrekstri, t.d. í Flugstöð
Leifs Eiríkssonar þar sem skilja
skal á milli fasteigna- og viðskipta-
reksturs. Leggja skal niður ÁTVR
þegar í stað og selja eignir þess.
Selja skal áfengi eftir reglum sem
Alþingi setur. Nauðsynlegt er að
einfalda opinbera kerfið með því að
leggja niður óþarfar stofnanir og
bjóða í auknum mæli út rekstur
þeirra sem eftir verða.“
Þeir sem voru meðmæltir tillög-
unni héldu því m.a. fram að þetta
væri mannréttindamál og hefði ekk-
ert með forvarnir að gera en þeir
sem voru andvígir töldu að slíkt fyr-
irkomulag myndi leiða til aukinnar
áfengisneyslu.
Skylduáskrift að fjölmiðlum
verði afnumin
Í ályktun landsfundarins um við-
skipta- og neytendamál segir einnig:
„Skylduáskrift að fjölmiðlum verði
afnumin nú þegar. Íslenskir neyt-
endur eiga sjálfir að ráða hvort og
hvaða fjölmiðla þeir kaupa. Endur-
skoða skal hlutverk ríkisins á þess-
um markaði.
Rétt er að afnema einkarétt á
póstdreifingu sem fyrst í því skyni
að koma á frjálsri samkeppni í þess-
ari atvinnugrein með hagsmuni
neytenda að leiðarljósi.“
Þar segir einnig að stærstur hluti
landsmanna geti ekki valið sér líf-
eyrissjóð. „Mikilvægt er að fólki
verði gert kleift að velja sér sjóð í
nánustu framtíð,“ segir í ályktun
landsfundar Sjálfstæðisflokksins,
sem samþykkt var á síðasta degi
landsfundarins í Laugardalshöll í
gær.
Miklar umræður um ályktun um
viðskipta- og neytendamál
Leggja skal niður
ÁTVR þegar í stað
NOKKRAR umræður urðu um það á
landsfundi Sjálfstæðisflokksins
hvort samþykkja ætti ályktun um að
tekin verði upp sérstök ívilnun fyrir
dagróðrabáta sem róa með línu.
Guðmundur Halldórsson skipstjóri
lagði tillöguna fyrst fram í sjávarút-
vegsnefnd flokksins, en þar var hún
felld, að sögn Guðmundar með
naumum meirihluta. Í ljósi þess
ákvað hann að bera tillöguna aftur
upp fyrir sjálfan landsfundinn. Eftir
nokkrar umræður var hún síðan
samþykkt og henni bætt við ályktun
fundarins um sjávarútvegsmál.
Í sjávarútvegsnefnd urðu miklar
umræða um hvalveiðimál og hvenær
hefja skyldi hvalveiðar að nýju. Að
lokum var eftirfarandi ályktun bætt
inn í ályktun um sjávarútvegsmál:
„Fundurinn telur tímabært að hefja
hvalveiðar í vísindaskyni sumarið
2003 og veiðar í atvinnuskyni hefjist
árið 2006 í samræmi við þann fyr-
irvara sem Íslendingar settu við inn-
göngu í ráðið árið 2002. Fundurinn
beinir því til sjávarútvegsráðherra
að hann gefi út leyfi til vísindaveiða á
hvölum sumarið 2003.“
Í sjávarútvegsnefnd var einnig
samþykkt að bæta eftirfarandi setn-
ingu inn í ályktunina um sjávarút-
vegsmál: „Lög sem kveða á um há-
marksaflahlutdeild einstakra
fyrirtækja hafa gefist vel og kemur
alls ekki til greina að breyta þeim til
rýmkunar.“ Þessar breytingar voru
síðan samþykktar á landsfundinum.
Ívilnun tekin upp
fyrir dagróðrarbáta
TILLAGA um afnám sjó-
mannaafsláttar í skattkerfinu
var felld eftir töluverðar um-
ræður á landsfundi Sjálfstæð-
isflokksins í gær.
Í upphaflegum drögum að
ályktun um skattamál sem lögð
voru fyrir fundinn sagði að leita
ætti eftir viðræðum um yfir-
töku útgerða á sjámannaaf-
slættinum. Í starfshópi fundar-
ins var þessi setning hins vegar
felld út og í staðinn lagði starfs-
hópurinn fram svohljóðandi til-
lögu: ,,Leitað verði leiða við að
afnema sjómannaafslátt.“
Við umræður um ályktunina
lögðust Grímur Gíslason, vél-
stjóri í Vestmannaeyjum, og
Guðmundur Hallvarðsson al-
þingismaður eindregið gegn til-
lögunni. Grímur sagði m.a. fá-
ránlegt að setja þessa tillögu
um afnám sjómannaafsláttar-
ins inn í ályktun landsfundar
Sjálfstæðisflokksins rétt fyrir
kosningar. Lögðu þeir til að til-
lagan yrði felld og var það sam-
þykkt með þorra atkvæða.
Tillaga um
afnám sjó-
mannaaf-
sláttar felld