Morgunblaðið - 31.03.2003, Blaðsíða 26
26 MÁNUDAGUR 31. MARS 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
FENG Shui er listsköpun stað-
setningar. Það byggist á náttúru-
legu flæði orku í umhverfi okkar.
Rétt notkun á Feng Shui gerir
okkur kleift að beina lífsorku inn á
öll svið lífsins. Heimili okkar og
vinnustaður eru endurskin af okk-
ar innsta kjarna. Því getum við
haft áhrif á líf okkar með breyt-
ingu á umhverfinu.
Með því að lesa úr hinu fjöl-
breytta landslagi í kringum okkur
tekst okkur að umskrifa framtíð-
ina.
Bagua skiptir húsum í orku-
svæði sem tákna ýmsa hluti í lífi
okkar, t.d vinskap og afkomu. Það
sýnir okkur hvernig við getum
nálgast ákveðin markmið í lífinu
og afhverju við náum sumum aldr-
ei! Táknmál og orka hluta sem við
komum fyrir á þessum svæðum
hefur mikil áhrif á viðkomandi at-
riði í lífi okkar. Þegar við áttum
okkur á þessum áhrifum veitist
okkur ný innsýn í af hverju lífið er
eins og það er. Það eflir okkur til
að framkvæma nauðsynlegar
breytingar.
Fólk og byggingar hafa einstakt
upplag frumkrafta og sérstæða
uppbyggingu frá stjarnfræðilegu
sjónarmiði. Þegar við skiljum
nokkur lykilatriði eins og liti, form
o.fl. og hvert þau beina okkur, er-
um við fær um að gera breytingar
sem bæta líf okkar. Við gætum
málað herbergi í ákveðnum lit,
breytt notkun þess eða snúið skrif-
borði. Grundvöllur seiðmanns
Feng Shui er að hver hlutur hafi
undirliggjandi eiginleika sem hafi
bein áhrif á okkur. Það gæti verið
sendirinn fyrir farsímann 7 km í
burtu, byggingar umhverfis okkur,
mynd með döprum minningum, lit-
urinn á svefnherberginu okkar eða
afsökunin um að tæma ekki fata-
skápinn af gömlu fötunum. Það
tekur miklu meiri orku að búa til
nýjar afsakanir en að framkvæma
verkið.
Áhrifavaldurinn er oft hulinn
svo við áttum okkur ekki á honum
og atburðir endurtaka sig í sífellu.
Feng Shui getur haft mikil áhrif á
heilsu okkar. Hvert svæði Bagua-
kortsins er tengt líkamshluta og
tilfinningum. Bakverkur er t.d. oft
tengdur stoðkerfi og forfeðrum. Ef
við setjum upp réttan stuðning og
tökumst á við fortíðina getum við
séð stórfenglegar breytingar á lík-
ama okkar og innri tilfinningum.
Feng Shui er praktískt og býður
upp á einfaldar lausnir.
Jan Hannant og Roberta Shew-
en hafa í mörg ár kynnt sér ýmis
form Feng Shui í Bretlandi, Ind-
landi, Kína, Tíbet og Nepal. Þær
stunda seiðmanns Feng Shui á
heimsvísu. Þær koma til Íslands í
lok apríl til að halda námskeið um
Feng Shui og taka einnig að sér
ráðgjöf fyrir einstaklinga og fyr-
irtæki.
Uppl. á www.geocities.com/lilly-
rokk, hjá Lilju í s: 5667748 og á
shamballa@heimsnet.is
JAN HANNANT,
einn af stofnendum bresku
Feng Shui-samtakanna.
(Þýð. Lilja Petra Ásgeirsdóttir.)
Feng Shui
Frá Jan Hannant
HVERNIG stendur á því að ís-
lenska ríkið samþykkir áform um
Kárahnjúkavirkun og álver í Reyð-
arfirði þrátt fyrir vægast sagt
vafasamt arðsemismat og viðsjár-
verðar spár um heimsmarkaðsverð
á áli? Nýjustu upplýsingar herma
að arðsemismati Landsvirkjunar
skeiki um allt að 15%. Hverjum er-
um við að gera greiða með því að
samþykkja slíkar framkvæmdir?
Eins er hægt að spurja sig hvernig
stendur á því að íslenska ríkið eltir
Bandaríkjastjórn eins og rakki
þegar uppi eru áform um einhliða,
órökstuddan hernað í Írak? Gæti
ekki eins verið að þessar ákvarð-
anir tengist og séu báðar liður í
allsherjar uppásleikingum gagn-
vart bandarísku heimsvaldastefn-
unni? Erum við virkilega í þeirri
stöðu gagnvart alþjóðasamfélaginu
að við neyðumst til að gerast óum-
beðnir já-bræður Bandaríkja-
stjórnar og þjóna þeirra hagsmun-
um umfram okkar eigin efna-
hagshagsmuni og fórna trú-
verðugleika okkar á altari
kapítalsins – allt í þágu banda-
rískra hagsmuna?
Með framgöngu sinni í báðum
þessum málum vinnur sitjandi rík-
isstjórn markvisst að því að gera
Ísland að aðhlátursefni. Við tökum
fáránlega áhættu með slíkum að-
gerðum og gerum komandi kyn-
slóðum óverjandi grikk með því að
grafa á þennan hátt undan sjálfu
sjálfstæði þjóðarinnar sem forfeð-
ur okkar börðust svo hatrammlega
fyrir.
Stuðningsyfirlýsing ríkisstjórn-
arinnar var ekki rædd á Alþingi
heldur tóku forsætis- og utanrík-
isráðherra þessa ákvörðun á ólýð-
ræðislegan hátt og geta því ekki
leyft sér að staðhæfa að stuðning-
urinn sé í nafni þjóðarinnar.
Sjálfur er ég fullur vantrúar á
heiminn eins og hann er í dag.
Gæti ekki eins verið að stuðningur
ríkisstjórnarinnar við stríð í Írak
sé ákveðin endurgreiðsla fyrir
skjót viðbrögð hins spillta álrisa
Alcoa þegar ríkisstjórnin valdi að
henda vafasömum „álbitlingum“ í
Austfirðinga kortéri fyrir kosning-
ar? Því miður læðist að mér sá
grunur að sú sé raunin. Reynist
grunur minn réttur höfum við enn
eina ástæðuna til að biðja fyrir
okkur að þjóðin kjósi ekki yfir sig
sömu spilltu ráðstjórnina enn eitt
kjörtímabilið. Því vissulega hefur
ríkisstjórnin hagað sér eins og
drusla í þessum málum báðum.
ODDUR ÁSTRÁÐSSON,
Hjarðarhaga 28, 107 Reykjavík.
Samsæri?
Frá Oddi Ástráðssyni
menntaskólanema