Morgunblaðið - 31.03.2003, Blaðsíða 3
SKOTLAND – ÍSLAND
MORGUNBLAÐIÐ MÁNUDAGUR 31. MARS 2003 B 3
INDRIÐI Sigurðsson kom inn
á sem varamaður í íslenska
landsliðinu seint í leiknum
gegn Skotum og spilaði sinn
fyrsta leik í stórkeppni. Hann
hafði áður tekið þátt í tveimur
leikjum á Norðurlandamóti og
fjórum vináttuleikjum, og hef-
ur spilað alla sjö landsleiki
sína til þessa á útivelli. Indriði
var fljótur að gera vart við sig
því hann fékk gult spjald fyrir
brot aðeins tveimur mínútum
eftir að honum var skipt inn á.
Það var eina gula spjaldið
sem íslenska liðið fékk í leikn-
um.
BERTI Vogts hafði aldrei fagn-
að sigri sem landsliðsþjálfari
Skota á Hampden Park, þar til á
laugardaginn. Skoskir blaða-
menn spurðu Vogts eftir leikinn
hvort það væri ekki mikill léttir
að hafa loksins náð að vinna leik
á þessum velli. „Þetta er ekkert
nýtt fyrir mér, ég sigraði á
Hampden Park þegar ég lék þar
með þýska landsliðinu,“ svaraði
Vogts og uppskar mikinn hlátur
og lófatak.
Það er greinilegt að minni
Vogts er eitthvað farið að förl-
ast, því að Morgunblaðið veit að
hann hefur aldrei fagnað sigri á
Hampden Park með þýska
landsliðinu. Vogts lék 96 lands-
leiki fyrir Vestur-Þýskaland á
árunum 1967 til 1978. Hann lék
tvisvar með þýska liðinu á
Hampden Park – fyrst 16. apríl
1969, þegar Skotland og V-
Þýskaland gerðu jafntefli, 1:1.
Gerd Müller skoraði þá mark
Þýskalands á 39. mín., en Robert
Murdoch, Celtic, jafnaði fimm
mín. fyrir leikslok. Vogts lék síð-
an á Hampden Park 4. nóv-
ember 1973 og þá varð aftur
jafntefli, 1:1. Þá skoraði James
A. Holton, Man. Utd., fyrir
Skota, en Uli Höness jafnaði fyr-
ir Þjóðverja á 82. mín.
Vogst hefur tvisvar verið í
sigurliði gegn Skotum – í Ham-
borg 1969, 3:2, og Frankfurt
1974, 2:1.
Minni
Vogts
farið að
förlast
EIÐUR Smári Guðjohnsen
skoraði fyrsta mark Íslendinga
gegn Skotum í A-landsleik frá
upphafi þegar hann jafnaði
metin á 48. mínútu á Hampden
Park á laugardaginn. Íslenska
liðinu hafði ekki tekist að
skora í fyrstu fjórum við-
ureignum liðanna og það liðu
því samtals 408 mínútur þar til
ísinn var brotinn. En Skotar
unnu sinn fimmta sigur í jafn-
mörgum leikjum gegn Íslandi
og markatalan er nú 9:1 þeim í
hag.
Mark
eftir 408
mínútur
Guðni sagði við Morgunblaðið eft-ir leikinn að hann hefði notið
þess vel að vera með landsliðshópn-
um í Glasgow síðan á miðvikudag.
„Ég hafði virkilega gaman af öllum
undirbúningnum og stemningunni
sem honum fylgdi. Á þessari stundu
er ég hinsvegar sár og svekktur yfir
því að við skyldum ekki fá í það
minnsta jafntefli, jafnvel sigur, út úr
þessari viðureign við Skota því við
áttum mjög góðan síðari hálfleik. Við
jöfnuðum, Eiður var nálægt því að
skora, átti að fá vítaspyrnu, og
möguleikarnir voru svo sannarlega
fyrir hendi.“ En eins og aðrir var
Guðni óhress með fyrri hálfleikinn.
„Við vorum hikandi og of ragir í öll-
um okkar aðgerðum. Við héldum
ekki boltanum og sendingarnar voru
ónákvæmar, og við brugðumst ekki
einu sinni við af nægilega miklum
krafti þegar Skotarnir skoruðu
snemma í leiknum. Enda vissum við
upp á okkur skömmina í leikhléinu,
Atli minnti okkur rækilega á að við
gætum gert miklu betur og ég held
að við höfum brugðist mjög vel við
kalli hans með frammistöðunni í síð-
ari hálfleiknum. Markið var okkur
mikil lyftistöng, góð sending frá Jóa
Kalla og frábærlega afgreitt hjá
Eiði. Í kjölfarið sýndum við á köflum
góða knattspyrnu, en eins og alltaf í
fótboltanum er það ekki nóg því það
eru mörkin sem ráða úrslitum.
Sem varnarmaður er ég afar
óánægður með þessi tvö mörk sem
við fengum á okkur. Í því fyrra
komst skoski leikmaðurinn einn inn
á erfitt svæði en eftir á hugsar mað-
ur alltaf hvort maður hefði getað lok-
að á hann fyrr, fylgt betur á eftir og
komist fyrir sendinguna. Það seinna
kom upp úr aukaspyrnu þar sem við
vorum hikandi eftir að leikmaður
Skota meiddist.
Boltinn var sendur innfyrir vörn-
ina á einfaldan hátt, fyrirgjöfin var
góð og þessi stóri varnarmaður
þeirra var skrefinu á undan okkur og
skallaði boltann í markið. Það var
dálítill löðrungur fyrir okkur eftir
það sem á undan var gengið í seinni
hálfleiknum. Við vorum áfram tals-
vert með boltann en náðum ekki að
brjóta þá á bak aftur og skapa okkur
tækifæri til að jafna metin. Ég er af-
ar svekktur með þessi úrslit og stað-
an í riðlinum er orðin mjög erfið,
hæpið að ná
öðru sætinu
sem stefnt
var að, en
það er
ekki öll
nótt úti
enn,“
sagði
Guðni
Bergs-
son.
Indriði
fljótur
að fá
spjald
Morgunblaðið/Kristinn
Guðni Bergsson á hér í höggi við Don Hutchison og Steven Pressley. Rúnar fylgist með.
Guðni Bergsson aftur í landsliðinu eftir 50 leikja fjarveru
Ég er sár
og svekktur
GUÐNI Bergsson er tilbúinn til að leika áfram með íslenska lands-
liðinu í næstu tveimur leikjum þess í undankeppni EM, eins og fram
kemur í frétt á B1. Hann spilaði á laugardaginn sinn 78. landsleik,
og jafnframt þann fyrsta síðan hann var í liði Íslands gegn Írlandi á
Laugardalsvellinum 6. september 1997. Guðni sýndi gamalkunna
takta í íslensku vörninni og staðfesti að hann hefði komið að góðum
notum í mörgum af þeim 50 landsleikjum sem fram fóru á meðan
hann var „úti í kuldanum“.
EIÐUR Smári Guðjohnsen
tognaði í nára seint í leiknum
gegn Skotum og þurfti að fara
af velli af þeim sökum rétt fyr-
ir leikslok. „Ég rann til og
tognaði en ég á ekki von á að
þetta sé eitthvað alvarlegt.
Það skýrist betur þegar ég
kem aftur til Chelsea og fer í
meðferð þar eftir helgina en
ég vona að þetta komi ekki í
veg fyrir að ég geti spilað með
liðinu um næstu helgi,“ sagði
Eiður en Chelsea leikur gegn
Sunderland næsta laugardag.
Eiður
tognaði
í nára
Baksíða The Mail on
Sunday: Wilkie bjargvætt-
ur Skota.