Morgunblaðið - 02.04.2003, Blaðsíða 12

VIÐSKIPTI/ATHAFNALÍF
12 MIÐVIKUDAGUR 2. APRÍL 2003 MORGUNBLAÐIÐ
GIVENSHIRE Ltd., sem er í eigu
Björgólfs Thors Björgólfssonar
stjórnarformanns Pharmaco hf.,
keypti á mánudag 19,9 milljónir
króna að nafnverði hlutafjár í
Pharmaco. á verðinu kr. 80. Kaup-
verð hlutarins er því 1.592 milljónir
króna. Givenshire átti ekki áður hlut
í Pharmaco. Eignarhlutur Björgólfs
og aðila tengdum honum í Pharmaco
er 184.713.891 að nafnverði eftir við-
skiptin. Markaðsvirði þess er ef mið-
að er við gengið 80 tæpir 14,8 millj-
arðar króna eða rúmlega 30% af
hlutafé í Pharmaco.
Aðalfundur Pharmaco verður
haldinn næstkomandi föstudag.
Björgólfur
Thor eykur
hlut sinn í
Pharmaco
CODE. Fyrir lægi að tekjur vegna
þegar gerðra samninga yrðu um 45
milljónir dala, eða 3,5 milljarðar
króna, og full ástæða væri jafnframt
til að ætla að félagið myndi ná nýjum
samningum á árinu sem ykju tekjur
enn frekar.
Kári Stefánsson greindi á síma-
fundinum frá nýjum samastarfsaðil-
um deCODE sem komu til á síðasta
ári og í byrjun þessa og sagði að
tekjugrunnur félagsins hefði styrkst
verulega. Hann sagði að samruni de-
CODE og bandaríska fyrirtækisins
MediChem síðastliðið vor hefði haft
gífurlega mikla þýðingu fyrir félagið, í
raun umbylt því og skapað grunn fyr-
ir lyfjaþróun hjá félaginu. Með sam-
starfi við Merck og auknu samstarfi
við Roche hefði einnig verið stigið
skref frá genaleit til þróunar lyfja.
Kári sagði að deCODE legði
áherslu á að breikka og þróa afurðir
félagsins á þessu ári, og eins og greint
hefði verið frá yrði leitast við að hraða
lyfjaþróun. Miklar væntingar væru til
DECODE Genetics, móðurfélag Ís-
lenskrar erfðagreiningar, mun nota
um 20 milljónir Bandaríkjadala, um
1,5 milljarða króna, á þessu ári, af
þeim 93 milljónum, eða um 7,2 millj-
örðum króna, sem félagið átti í hand-
bæru fé um síðustu áramót, til að ná
því marki að tekjur dugi fyrir útgjöld-
um. Þetta kom fram í máli Hannesar
Smárasonar, aðstoðarforstjóra Ís-
lenskrar erfðagreiningar, á símafundi
á Netinu í gær þar sem hann og Kári
Stefánsson forstjóri gerðu grein fyrir
afkomu félagsins á síðasta ári og horf-
um fyrir árið 2003.
Hannes sagði að fyrir lok ársins
myndu tekjur deCODE duga fyrir út-
gjöldum, sjóðsteymi yrði jákvætt.
Hann lagði áherslu á að um helming-
ur af 130 milljóna dala tapi félagsins á
síðasta ári, jafnvirði um 10 milljarða
íslenskra króna, hefði verið vegna
uppsagna á árinu og annars einstaks
kostnaðar.
Fram kom í máli Hannesar að yf-
irstandandi ár yrði sterkt hjá de-
samnings deCODE við IBM frá því í
janúar síðastliðnum. Þá væri einnig
gert ráð fyrir að hægt yrði á árinu að
segja frá tímamótum í samstarfi fé-
lagsins við Merck og Roche Diagn-
ostics og nýjum samningum.
Lægri rannsóknar- og
þróunarkostnaður
Rannsóknar- og þróunarkostnaður
deCODE á árinu 2002 nam um 86
milljónum Bandaríkjadala, jafnvirði
um 6,6 milljarða íslenskra króna, en
var 71 milljón dala, um 5,5 milljarðar
króna, árið áður. Kári sagði að gert
væri ráð fyrir að draga myndi úr
rannsóknar- og þróunarkostnaði á
þessu ári, sem þó myndi ekki leiða til
minni árangurs félagsins í þeim efn-
um. Hann sagði að tekist hefði að
draga úr kostnaði vegna þessa án
þess að það kæmi niður á afköstunum.
Kári var á símafundinum spurður
um hugsanleg áhrif væntanlegra
kosninga til Alþingis á ábyrgð vegna
útgáfu deCODE á skuldabréfum að
fjárhæð allt að 200 milljónum dala,
eða sem nemur um 15,4 milljörðum
króna, til uppbyggingar nýrrar starf-
semi Íslenskrar erfðagreiningar á
sviði lyfjaþróunar. Hann svaraði því
til að aldrei væri hægt að leggja mat á
áhrif kosninga fyrirfram. Stjórnar-
flokkarnir og hluti stjórnarandstöð-
unnar hefðu þó lýst yfir stuðningi við
málið og því gerði hann ekki ráð fyrir
að úrslit kosninganna myndu hafa
áhrif í þessum efnum. Það væri þó
enn til skoðunar hjá ESA, eftirlits-
stofnun EFTA, en niðurstaðna þaðan
væri að vænta í vor.
Hannes var spurður hvort reikna
mætti með að fleiri samningum sem
deCODE hefði gert yrði lokið áður en
þeir rynnu út, eins og tilkynnt var
varðandi samning félagsins og Appl-
ied Biosystems í síðustu viku. Hann
sagðist ekki gera ráð fyrir því. Alltaf
væri spurning hver væri besti sam-
starfsaðilinn á hverjum tíma. IBM
hefði verið heppilegri samstarfsaðili í
þessu sambandi.
Forstjóri og aðstoðarforstjóri ÍE á símafundi á Netinu um afkomu félagsins
Gera ráð fyrir
umskiptum í lok árs
FYRSTI fundur um mögulega sam-
einingu Búnaðarbankans hf. og
Kaupþings banka hf. verður haldinn
á morgun að sögn formanns banka-
ráðs Búnaðarbankans.
„Menn hafa verið að nota síðustu
daga til að undirbúa viðræður og
fyrsti fundurinn verður haldinn á
morgun,“ segir Hjörleifur Jakobs-
son, formaður bankaráðs Búnaðar-
bankans.
Fundað um
sameiningu BÍ
og Kaupþings
AÐ sögn Kára Stefánssonar, forstjóra deCODE,
er hagur hluthafa fyrirtækisins nú um stundir
miklu frekar undir fjármálamörkuðum kominn en
stjórn fyrirtækisins. „Ég vona að við getum sann-
fært hluthafa deCODE um að fyrirtækið sé vel
rekið, að það sé að skila árangri, að við séum að fá
mikið fyrir það fé sem var lagt inn í fyrirtækið og
að við séum að afla tekna og búa til vörur sem séu
á leið inn á markað. Það er það eina sem við getum
gert. Við getum bara reynt að hafa þau áhrif á
markaðinn að hann meti okkur að verðleikum. Við
getum hins vegar ekki borið uppi þennan fjár-
málamarkað. Það þarf nokkuð mikið til að hrifsa
hann upp úr þessari holu sem hann er í núna.
Hvaða arð hluthafar fá fyrir fjárfestingu í de-
CODE kemur, því miður, til með að markast
miklu miklu meira af því hvað gerist á fjár-
málamörkuðum almennt en af því sem við ger-
um.“
Spurður um minnkun á eigin fé segir Kári hana
ekki vera óeðlilega. „Við öfluðum 200 milljóna
dollara með hlutafjárútboðinu í upphafi og það
gerðum við með því loforði að setja það fé í upp-
byggingu fyrirtækisins. Ef eigið fé hefði ekki
minnkað hefðum við brugðist fjárfestunum,
brugðist hluthöfunum. Sú staðreynd að eigið fé er
að minnka endurspeglar það að við höfum fram-
fylgt þeirri viðskiptaáætlun sem við settum fram.
Ef það hefði ekki minnkað værum við ekki að
standa okkur. Okkar hlutverk er ekki að geyma fé
á bankareikningi, það hefðu fjárfestarnir getað
gert sjálfir.“
Kári segir áætlanir fyrirtækisins gera ráð fyrir
að jafnvægi verði komið á reksturinn á síðari
hluta þessa árs. „Við gerum ráð fyrir að á þessu
ári, að öllum líkindum á seinni helmingi þess,
verðum við komin í þá aðstöðu að tekjur okkar
verði jafnmiklar eða meiri en útgjöld. Þetta er
ákvörðun sem við höfum tekið.“
Hvað ríkisábyrgðina varðar segir Kári að í
áætlunum fyrirtækisins sé ekki gert ráð fyrir að
hún fáist. Hann á ekki von á að kosningarnar í vor
breyti miklu. „Það getur allt gerst í kosningum.
Mér finnst ólíklegt að niðurstöður úr þessum
kosningum komi til með að vera það sem ræður
því hvort þessi ríkisábyrgð verður veitt eða ekki.
Það fyrsta sem þarf að gerast er að ESA verður
að skera úr um hvort þetta samræmist reglum. Ef
þeir koma með þann úrskurð að svo sé verður rík-
isstjórnin að taka ákvörðun um það hvort hún líti
svo á að það sé skynsamlegt að veita þessa
ábyrgð. Ef hún kemst að þeirri niðurstöðu verð-
um við sem fyrirtæki að meta það hvort við viljum
hana, því þetta kemur án nokkurs vafa til með að
kosta okkur eitthvað, bæði peningalega og í formi
skuldbindinga. Hvort þetta gerist eða ekki veltur
því á ýmsu. Áætlanir okkar byggjast ekki á því að
við fáum þessa ríkisábyrgð. En hvort sem við
fáum hana eða ekki mun ákvörðunin án nokkurs
vafa hafa áhrif á fyrirtækið. Markaðurinn mun að
öllum líkindum bregðast við því ef ríkið veitir okk-
ur ekki þessa ábyrgð, að minnsta kosti til skamms
tíma, því áformin og lagasetningin eru auðvitað
þekktar staðreyndir.“
Með hvaða hætti verður séð til þess að endar
nái saman hjá fyrirtækinu í lok þessa árs? „Við
munum gera það sem til þarf til að koma jafnvægi
á reksturinn og sjá til þess að fyrirtækið eigi sér
langt líf. Ég vonast til þess að markaðsaðstæður
batni og við getum stækkað fyrirtækið frekar en
að minnka.“
Í áætlunum félagsins er gert ráð fyrir að stjórn-
unarkostnaður og annar kostnaður lækki á þessu
ári. „Stjórnunarkostnaður jókst töluvert í fyrra en
stór hluti hans fólst í markaðssetningu. Við lögð-
um miklu meiri áherslu á skipulagða markaðs-
setningu á síðasta ári og í því liggur mikill kostn-
aður.
Við keyptum MediChem í fyrra og það var rek-
ið framan af sem tiltölulega sjálfstæð eining. Í því
felst töluverður kostnaður að hafa sjálfstæða yf-
irstjórn og yfirbyggingu. Nú höfum við verið að
bræða þetta saman og ég reikna með að það muni
leiða til mikils sparnaðar í stjórnun. Þar liggja
ákveðnir möguleikar til hagræðingar.“
Kári Stefánsson, forstjóri deCODE, um ársuppgjör fyrirtækisins
Eðlileg minnkun á eigin fé
„Við gerum það sem til þarf,“ segir Kári
Stefánsson, forstjóri deCODE.
AIR Atlanta hefur undirritað
samning til fimm ára um reglu-
bundnar skoðanir á Boeing 747-
flugvélum sínum við AMECO
(Aircraft Maintenance and Eng-
ineering Corporation) í Beijing.
Í tilkynningu frá félaginu segir
að um umfangsmiklar skoðanir sé
að ræða sem taka allt að fjórar
vikur og fara fram á 14 til 36 mán-
aða fresti eftir flugtíma hverrar
vélar. Andvirði þjónustusamnings-
ins er allt að 20 milljón dollarar
eða sem nemur 1,6 milljörðum ís-
lenskra króna, að því er segir í til-
kynningunni.
Air Atlanta leigir vélar til ann-
arra flugfélaga og ferðaskrifstofa
vítt um heim ásamt áhöfnum, við-
haldi og tryggingum. Flugfélagið
rekur nú samtals 27 Boeing vélar
– sextán Boeing 747, þrjár Boeing
757 og átta Boeing 767 flugvélar.
Í fréttatilkynningunni segir að
félagið sé um þessar mundir
stærst sinnar tegundar í heimin-
um.
Atlanta gerir
1,6 milljarða
samning
TAP Vaka-DNG hf. nam 66,6 millj-
ónum króna á síðasta ári en árið 2001
hagnaðist félagið um rúmar 2 millj-
ónir króna. Rekstrargjöld samstæð-
unnar drógust saman um 9,2% milli
ára, námu 374,9 milljónum króna
2002. Rekstrartekjur drógust saman
um 21% og námu um 92,3 milljónum
króna í fyrra. Styrking krónunnar
hafði slæm áhrif á reksturinn en út-
flutningur er um 70% af tekjum
Vaka og aðeins lítill hluti rekstrar-
gjalda félagsins er í erlendri mynt,
segir í tilkynningu frá Vaka-DNG.
Tap samstæðunnar fyrir afskriftir
og fjármagnsliði, EBITDA, var 28,4
milljónir króna en EBITDA hagn-
aður á árinu 2001 nam tæpum 26
milljónum króna. Afskriftir sam-
stæðunnar voru 9,5 milljónir króna á
síðasta ári og fjármagnsgjöld 29,0
milljónir króna en voru 11,5 milljónir
króna árið áður.
Í tilkynningu frá Vaka-DNG kem-
ur fram að heildareignir samstæð-
unnar í árslok 2002 voru 310,3 millj-
ónir króna og skuldir námu 258,7
milljónum króna. Eigið fé nam 51,6
milljónum króna og eiginfjárhlutfall
var í árslok 16,6%.
Ástand á fiskeldismörkuðum hef-
ur verið erfitt að undanförnu og er
ekki búist við umtalsverðum breyt-
ingum fyrr en á seinni hluta ársins,
að því er fram kemur í tilkynning-
unni. Segir að rekstur Vaka-DNG
hafi verið sniðinn að þessum horfum
með því að draga verulega úr kostn-
aði. „Áætlanir ársins gera ráð fyrir
að rekstur ársins verði í jafnvægi og
samkvæmt bráðabirgðauppgjöri er
rekstur fyrstu þrjá mánuði yfir-
standandi árs á áætlun,“ segir í til-
kynningu.
Gert er ráð fyrir að nokkur hagn-
aður verði af sölu helmings hlutafjár
DNG ehf., sem sér um framleiðslu á
handfæravindum og línuveiðabún-
aði, til O. Mustad & Son, norsks fyr-
irtækis sem mun sjá um markaðs-
setningu á búnaði DNG ehf. Hagn-
aðurinn kemur fram á fyrsta árs-
fjórðungi þessa árs.
Aðalfundur Vaka DNG hf. verður
haldinn fimmtudaginn 15. maí nk. kl.
16.00 í húsakynnum félagsins í Akra-
lind 4, Kópavogi.
Aukið tap hjá Vaka-DNG
♦ ♦ ♦
ÖLGERÐIN Egill Skallagrímsson
og Handtölvur ehf. (handPoint) hafa
gengið frá samkomulagi um nýjar
handtölvur og hugbúnað fyrir sölu-
menn Ölgerðinnar. Lausnin gerir
sölumönnum Ölgerðarinnar kleift að
taka niður pantanir á handtölvur hjá
viðskiptavinum og senda þær þráð-
laust til höfuðstöðva til afhendingar.
„Fjárfesting Ölgerðarinnar í þessari
nýju lausn kemur til með að gera
söluferlið skilvirkara og öruggara
auk þess að flýta fyrir afhendingu
pantana, segir Björn Ársæll Péturs-
son, framkvæmdastjóri verslunar-
sviðs Ölgerðarinnar, í tilkynningu.
Davíð Guðjónsson, framkvæmda-
stjóri Handtölva, segir að lausnin
byggist á stöðluðum hugbúnaði fyr-
irtækisins sem nú sé í notkun hjá
flestum stærstu verslanakeðjum og
heildsölum á Íslandi. Hugbúnaður-
inn er einnig í mikilli sókn erlendis.
„Við erum að afhenda framúrskar-
andi lausn til Ölgerðarinnar sem hef-
ur verið í þróun frá árinu 1999 og er
nú í notkun á öllum Norðurlöndun-
um og í uppsetningu víðs vegar í
Evrópu,“ að því er haft er eftir Davíð
í fréttatilkynningu.
Davíð Guðjónsson og Björn Ársæll
Pétursson handsala samninginn.
Ölgerðin
semur við
Handtölvur
♦ ♦ ♦