Morgunblaðið - 02.04.2003, Blaðsíða 19
HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 2. APRÍL 2003 19
;<=: CIFF2=
=>H> 3(2<=JC
:HCK)>KC2> ;<=: FG= L: 3( 2<=HC
FÆRSLA Hringbrautar mun ekki
valda umtalsverðum umhverfisáhrif-
um samkvæmt matsskýrslu sem
Línuhönnun hefur tekið saman fyrir
Vegagerðina og Reykjavíkurborg.
Hringbrautin, á kaflanum frá Þor-
finnstjörn að Rauðarárstíg, verður
færð suður fyrir Umferðarmiðstöð
og Læknagarð og undir brú á Bú-
staðavegi. Stefnt er að því að umferð
verði hleypt á veginn haustið 2004.
Reykjavíkurborg og Vegagerðin
standa fyrir framkvæmdunum sem
munu kosta um 1.240 milljónir
króna.
Í matsskýrslunni kemur fram að
gönguleiðir og öryggi gangandi og
akandi vegfarenda verði stórbætt.
Þar með er talið er að framkvæmdin
muni spara sem nemur 100 milljón-
um í slysakostnað á ári. Með minnk-
un umferðar á eldri Hringbraut mun
mengun og hávaði frá umferð
minnka.
Vegna framkvæmdarinnar þarf að
færa leikskólann Sólbakka ásamt því
að rífa þarf húsið á Miklubraut 16–
18. Bílasölur á svæðinu munu víkja
ásamt því að auglýsingaskilti á Vals-
svæði verður fært.
Í matsskýrslunni kemur fram að
landslag og jarðmyndanir munu ekki
verða fyrir neinum umhverfisáhrif-
um. Tryggt verður að grunnvatn og
yfirborðsvatn renni ennþá til Tjarn-
arinnar og ekki verður hróflað við
friðuðu svæði í Vatnsmýrinni. Búist
er við að loftmengun við Hringbraut
verði að mestu undir viðmiðunar-
mörkum.
Hljóðvist batnar við Landspítal-
ann og nokkur hús við Sóleyjargötu
og Miklubraut en versnar við hús er
standa við enda Eskihlíðar.
Áhrif á gróðurfar verður óveru-
legt en framkvæmdin getur haft
nokkur áhrif á fuglalíf. Segir í
skýrslunni að ráðstafanir verði gerð-
ar til að minnka áhrif á fugla og séð
til þess að endur geti áfram farið
með unga sína úr Vatnsmýrinni und-
ir Hringbrautina og yfir á Tjörnina.
Í skýrslunni segir að áhrif fram-
kvæmdarinnar á samfélag verði
mjög jákvæð og mun framkvæmdin
styrkja framtíðaruppbyggingu
Landspítalans og Háskólasvæðisins.
Skýrslan liggur frammi til kynn-
ingar til 9. maí og hafa allir rétt á að
kynna sér framkvæmdina og leggja
fram athugasemdir.
Tölvuunnin mynd sem sýnir hvar nýja Hringbrautin mun liggja, sunnan við Umferðarmiðstöð og Læknagarð.
Færsla Hringbrautar veld-
ur ekki umhverfisspjöllum
Miðborg
ALDREI hafa fleiri heimsótt Fjöl-
skyldu- og húsdýragarðinn í mars-
mánuði eins og sl. mars þegar 10.764
gestir komu í heimsókn. Er þetta
fjórða aðsóknarmetið sem slegið er í
garðinum á hálfu ári.
Í mars á síðasta ári komu 7.470
gestir sem var met þá en í ár mættu
3.293 fleiri.
„Veturinn hefur verið einstaklega
hlýr og svo hefur Styrmir storkur
verið ötull í að draga fólk að,“ sagði
Einar Karlsson, markaðsstjóri.
Hann sagði að Fjölskyldu- og hús-
dýragarðurinn hafi náð að skapa sér
jákvæða ímynd undanfarin ár og
þarna sé skemmtilegt að koma í
faðmi fjölskyldunnar. Hann sagði
garðinn í samkeppni við Kringluna
og Smáralind, en að fjölskyldufólk
hefði meira gaman af því að skoða
dýrin heldur en að versla. Þá bætti
hann við að stöðugt væri verið að
bæta við afþreyingu í garðinn ásamt
því að verði væri haldið í lágmarki.
Fjórða að-
sóknarmetið
á hálfu ári
Reykjavík
EKKI er gert ráð fyrir hækkun op-
inberra gjalda á nýrri þriggja ára
fjárhagsáætlun Seltjarnarnesbæjar
fyrir árin 2004–2006 sem var sam-
þykkt mótatkvæðalaust á fundi
bæjarstjórnar Seltjarnarness í síð-
ustu viku.
Gert er ráð fyrir 3,2% hækkun
tekna og rekstrargjalda á tíma-
bilinu.
Gert er ráð fyrir að skammtíma-
lánum fyrir allt að 100 milljónir
verði skuldbreytt í hagstæðari lang-
tímalán en slík breyting hefur ekki
áhrif á nettóskuldir bæjarins.
Nettóskuldir bæjarsjóðs í lok ársins
2006 eru áætlaðar 354 milljónir.
Það þýðir að skuldirnar hafa lækk-
að um 111 milljónir frá árinu 2004.
Áætlunin gerir ekki ráð fyrir að
íbúafjölgun eigi sér stað á Seltjarn-
arnesi á tímabilinu þar sem fyr-
irhugaðar byggingaframkvæmdir á
Hrófsskálamel og Suðurströnd
liggja ekki fyrir.
Í áætluninni eru sett fram mark-
mið um nýframkvæmdir og end-
urbætur, m.a. stækkun tónlistar-
skóla bæjarins, endurbætur á
þjónustukjarnanum á Eiðistorgi og
sundlaug bæjarins ásamt átaki í
gatnaframkvæmdum og fegrun
bæjarins. Einnig verður haldið
áfram vinnu við uppbyggingu í
öldrunarmálum.
Áætlað er að um hálfum milljarði
verði varið til fjárfestinga og við-
halds á tímabilinu.
Engin hækkun
opinberra gjalda
Seltjarnarnesbær
REYKJAVÍKURBORG og IMG
Gallup hleyptu í gær af stokkunum
verkefninu Hið gullna jafnvægi.
Verkefnið var fyrst tekið fyrir árið
2001 þannig að nú er um fram-
haldsverkefni að ræða. Að þessu
sinni hafa nokkur samtök, stofnanir
og fyrirtæki á vinnumarkaðinum
tekið höndum saman og munu und-
ir heitinu Hollvinir hins gullna jafn-
vægis meðal annars starfrækja nýtt
vefsvæði.
Tilgangur verkefnisins er að
styrkja umræðu um sveigjanleika á
vinnustöðum og samræmingu
starfs og einkalífs og miðla nýjum
fróðleik um það efni. Heimasíða
Hollvinanna hefur að geyma ýmsar
upplýsingar til að miðla auk þess
sem þar verða birtar niðurstöður
rannsókna. Umræður munu einnig
fara fram á vefsvæðinu.
Hollvinir munu einnig standa fyr-
ir árlegri viðurkenningu til ein-
staklings, félagasamtaka eða
vinnustaðar sem skarað hefur
framúr á þessu sviði eða lagt þýð-
ingarmikinn skerf til umræðunnar.
Hildur Jónsdóttir, jafnrétt-
isráðgjafi hjá Reykjavíkurborg, er
framkvæmdastjóri verkefnisins.
Hún kynnti m.a. fyrsta hluta verk-
efnisins á ráðstefnu sem breska rík-
isstjórnin gekkst fyrir vorið 2001.
Þórólfur Árnason borgarstjóri
opnaði í gær heimasíðu Hollvina
hins gullna jafnvægis. „Það er gott
fyrir svona verkefni að þau eigi sér
framhaldslíf og ég held að þetta sé
fordæmi um að það er hægt, með
tiltölulega litlum tilkostnaði, að búa
til gagnabanka og miðla upplýs-
ingum og þá er vefurinn alveg ein-
stakt tækifæri sem var ekki áður.
Það er ekki eins og menn þurfi að
hittast á dýrum fundum til þess að
hafa aðgengilegar upplýsingar sem
er þá uppspretta nýrra rannsókna
og hugmynda,“ sagði Þórólfur.
Hann sagði Reykjavíkurborg
hafa haft frumkvæði í að koma
verkefninu Hið gullna jafnvægi á.
„Mér finnst það til fyrirmyndar
þegar borgin getur virkjað fyr-
irtæki úti í bæ með svona áhuga-
verðu verkefni. Ég þekki málið frá
þeim glugga, að hafa orðið hrifinn
af þessu sem forstjóri Tals. Ég sá
hvað starfsmannastefna skiptir
sérstaklega ný fyrirtæki gífurlega
miklu máli. Einnig að það sé sam-
ræmi milli einkalífs og vinnu. Á
fyrirtækjasviði er maður oft tregur
að gefa upp upplýsingar um
rekstrarlega þætti og faglega
þekkingu en í starfsmannamálum
er maður mjög opinn, maður lærir
svo mikið á því að tala við stjórn-
endur,“ sagði Þórólfur og bætti við
að að verkefninu kæmu launþega-
samtök, Samtök atvinnulífsins,
Reykjavíkurborg ásamt fyrir-
tækjum.
„Fyrirtækin eru mjög ánægð
með þetta og svo hefur þetta nýst
borginni ekki síður í að lyfta upp
gæðum sinnar starfsmannastefnu.“
Aukin sam-
ræming
einka- og
atvinnulífs
Morgunblaðið/Jim Smart
Linda Rut Benediktsdóttir, ritstjóri nýs vefsvæðis Hollvina hins gullna
jafnvægis, kynnir síðuna. Við hlið hennar eru Tómas Bjarnason, stjórn-
armaður fyrirtækja- og starfsmannarannsókna hjá IMG Gallup, Hafsteinn
Már Einarsson, forstöðumaður IMG Gallup, Þórólfur Árnason borgarstjóri
og Hildur Jónsdóttir, jafnréttisráðgjafi hjá Reykjavíkurborg og fram-
kvæmdastjóri verkefnisins.
Reykjavík
TENGLAR
.............................................
www.hgj.is
BÖRN og unglingar á aldrinum
tólf til tvítugs kepptu í stærð-
fræðikeppni Fjölbrautaskólans í
Garðabæ sem haldin var nýlega.
Keppnin, sem er haldin fyrir
grunnskólanemendur í 7.–10.
bekk og nemendur í FG, fór fram í
sjötta sinn.
Stærðfræðikennarar í FG sáu
um skipulagningu og framkvæmd
keppninnar en kennarar í Garða-
skóla sáu um að auglýsa keppnina
og skráðu þátttakendur.
Keppt var í þremur flokkum,
skipt eftir aldri og alls tóku 79
nemendur þátt, 54 úr Garðaskóla
og 25 úr Fjölbrautaskólanum í
Garðabæ.
Í yngsta flokki sigraði Svein-
björn Finnsson, Guðbjörg Rist
Jónsdóttir varð önnur og Dóra
Hrund Gísladóttir varð þriðja. Í
miðflokknum sigraði Petra Andr-
ea Maack, Einar Hjörleifsson
varð annar og Daði Bjarnason
þriðji. Í flokki nema í FG voru þeir
Tómas Örn Snorrason og Brynj-
ólfur V. Ólafsson jafnir í fyrsta til
öðru sæti og Orri Hafsteinsson
varð þriðji.
Þeir sem höfnuðu í fimm efstu
sætunum fengu viðurkenningar-
skjal en þeir sem lentu í þremur
efstu sætunum fengu verðlaun að
auki sem afhent voru í FG sl. laug-
ardag.
Að sögn Hörpu Rúnarsdóttur,
stærðfræðikennara í FG, fór
keppnin afar vel fram. Hún sagði
eftirtektarvert að þeir Tómas og
Brynjólfur sem deildu efsta sæt-
inu í keppni FG-nemenda eru báð-
ir á fyrsta ári sínu í framhalds-
skóla. Harpa var einnig mjög
ánægð með þátttökuna að þessu
sinni.
Börn og unglingar
öttu kappi í stærðfræði
Garðabær
FRAMKVÆMDIR á nýju húsnæði
Bókasafns Seltjarnarness á Eiðis-
torgi eru komnar vel á veg og er
stefnt að því að opna safnið hinn 17.
júní. Samkvæmt fréttatilkynningu
frá bænum mun hið nýja húsnæði
gjörbylta starfsemi bókasafnsins.
Bókasafn á
undan áætlun
Seltjarnarnesbær