Morgunblaðið - 02.04.2003, Blaðsíða 39
Samfylkingin á Selfossi opnar
kosningaskrifstofu á morgun,
fimmtudaginn 3. apríl, kl. 20. Fram-
bjóðendur ávarpa samkomuna. Boð-
ið verður upp á léttar veitingar og
skemmtiatriði. Kosningaskrifstofa
Samfylkingarinnar er í Hótel Sel-
fossi, þar sem Betri stofan var, og
verður opin alla virka daga kl. 16–22
og um helgar kl. 11–17. Starfsmenn
verða þau Dagbjört Hannesdóttir og
Davíð Kristjánsson. Netfang: sud-
ur@samfylking.is og vefslóð: xs.is/
sudur.
STJÓRNMÁL
FRÉTTIR
MORGUNBLAÐIÐ MIÐVIKUDAGUR 2. APRÍL 2003 39
Þátttöku þarf að tilkynna til skrifstofu LV. í síma 568-9170
Námstefnan er í boði sambandsins og er öllum opin
Námstefna
Landssambands vörubifreiðastjóra
Í tilefni af 50 ára afmæli sambandsins
Haldin að Hótel Loftleiðum
5. apríl
Kl. 10:00 Setning: Jón M. Pálsson formaður LV.
Ávarp samgönguráðherra Sturlu Böðvarssonar
Kl. 10:30 Vegaframkvæmdir 2003-2004 Rögnvaldur Gunnarsson,
Vegagerðin
Kl. 11:15 Bílkranar: Skráning, CE staðall, eftirlit, réttindi
Haukur Sölvason, Vinnueftirlit ríkisins
Kl. 12:00 Hlé
Kl. 13:00 Umhverfisstefna: Tilgangur, markmið, hverju skilar hún
Úlfur Björnsson forsvarsmaður Beluga
umhverfis og vottunarfyrirtækis
Kl. 13:30 Eco Driving: Kynning, markmið
Sigurður Steinsson, Ökuskólinn í Mjódd
Kl. 14:15 MAN: Kynning, nýjungar Gunnar Margeirsson, Krafti hf.
Kl. 14:45 Mercedes Bens: Nýtt módel Actros Árni Árnason,
Ræsir hf.
Kl. 15:15 EKERI vagnar, SAF ásar, sanddreifarar
Júlíus Bjarnason, Stilling hf.
Kl. 16:00 Námstefnuslit
Námstefnustjóri: Páll Kristjánsson, Vörubílastöð Hafnarfjarðar
Inni verða fyrirtæki með kynningu og úti verða
bifreiðaumboð með bíla til sýnis
Kl. 17-19 Móttaka í boði Landssambands vörubifreiðastjóra og
samgönguráðherra í tilefni af 50 ára afmæli sambandssins.
Dagskrá
BÚNAÐARBANKI Íslands hefur
gert samning við Krabbameinsfélag
Íslands og Krabbameinsfélag
Reykjavíkur um að bankinn verði
aðalstyrktaraðili Krabbameins-
félagsins. Samningurinn er til fimm
ára og kemur í framhaldi af hlið-
stæðum samningi sem gerður var
1998.
Búnaðarbankinn verður kynntur
sem aðalstyrktaraðili félagsins í út-
gáfu- og kynningarefni þess, auglýs-
ingum og öðrum gögnum, eftir því
sem við verður komið, meðal annars
á vefsíðu og á gíróseðlum vegna
happdrættis. Þá mun bankinn
tengjast væntanlegum átaksverk-
efnum félagsins. Samningurinn var
undirritaður nýlega í húsakynnum
Krabbameinsfélagsins.
Að lokinni undirskrift samningsins: Þórður S. Óskarsson, gjaldkeri Krabba-
meinsfélags Íslands, Sigurður Björnsson, formaður Krabbameinsfélags Ís-
lands, Sólon R. Sigurðsson og Árni Tómasson bankastjórar Búnaðarbankans,
Ásthildur E. Bernharðsdóttir, gjaldkeri Krabbameinsfélags Reykjavíkur, og
Jóhannes Tómasson, formaður Krabbameinsfélags Reykjavíkur.
Búnaðarbankinn
aðalstyrktaraðili
Krabbameinsfélagsins
ALÞÝÐUSAMBAND Íslands
gengst fyrir málþingi um velferðar-
mál í dag, miðvikudaginn 2. apríl, kl.
20 á Grandhóteli í Reykjavík.
Formönnum stjórnmálaflokkanna
hefur verið boðið að koma og kynna
viðhorf og afstöðu flokka sinna til
þeirra áherslna sem ASÍ hefur kynnt,
undir yfirskriftinni: Velferð fyrir alla.
Pallborðsumræður verða undir
stjórn Sigmundar Ernis Rúnarsson-
ar, ritstjóra DV.
Málþing um
velferðarmál
Stuðningshópur um krabbamein í
blöðruhálskirtli verður með rabb-
fund í húsi Krabbameinsfélagsins að
Skógarhlíð 8 í Reykjavík í dag, mið-
vikudaginn 2. apríl, kl. 17. Erindi
heldur Kjartan Magnússon, krabba-
meinslæknir á Landspítala – há-
skólasjúkrahúsi. Fundurinn er eink-
um ætlaður þeim sem greinst hafa
með krabbamein í blöðruhálskirtli og
aðstandendum þeirra. Kaffi verður á
könnunni.
Síðasta málstofa sálfræðiskorar
á vormisseri verður haldin í dag,
miðvikudaginn 2. apríl, kl. 12.05–
12.55, í Odda, húsi félagsvís-
indadeildar HÍ. Finnur Oddsson,
lektor við viðskiptadeild Háskólans í
Reykjavík, heldur erindið: Afleið-
ingastjórnun - hagnýt nálgun fyrir
stjórnendur. Málstofan er öllum op-
in.
Vinstrihreyfingin – grænt framboð
heldur fund um landbúnaðarmál á
Gistihúsinu Egilsstöðum, í dag, mið-
vikudaginn 2. apríl 2003, kl. 20.30.
Lárus Hreiðarsson, skógrækt-
arráðunautur, flytur erindi um skóg-
rækt og landbúnað, Guðrún Schmidt,
héraðsfulltrúi Landgræðslunnar á
Austurlandi, um landgræðslu og hag
bóndans, Þorsteinn Bergsson, bóndi,
fjallar um spurninguna hvort slátrað
verði fyrir austan. Að loknum fram-
söguerindum tekur Þuríður Back-
mann, alþingismaður, þátt í pall-
borðsumræðum.
Fundarstjóri er Ásmundur Þór-
arinsson, bóndi.
Í DAG
Málþing um tengsl akademíu og
atvinnulífs Rannsóknaþjónusta
Háskóla Íslands, Byggðastofnun og
Samtök iðnaðarins standa fyrir mál-
þingi um tengsl akademíu og at-
vinnulífs, á morgun, fimmtudaginn
3. apríl kl. 13-15.15, í fundarsal á 6.
hæð Húsi atvinnulífsins í Borgartúni
35. Gestur málþingsins er Clive
Winters sem hefur reynslu af sam-
starfi akademíu og atvinnulífs í
Bretlandi og Evrópu. Erindi halda:
Vilhjálmur Lúðvíksson, fyrrum
framkvæmdastjóri RANNÍS,
Sveinn Hannesson, framkvæmda-
stjóri Samtaka iðnaðarins, Ingjaldur
Hannibalsson, framkvæmdastjóri
rekstrar- og framkvæmdasviðs Há-
skóla Íslands, og Bjarki Jóhann-
esson, forstöðumaður Þróunarsviðs
Byggðastofnunar. Fundarstjóri er
Kristrún Heimisdóttir, lögfræðingur
SI. Nánari upplýsingar á heimasíðu
Rannsóknaþjónustu Háskóla Ís-
lands www.rthj.hi.is
Verkfræðistofunni Vista heldur
námskeiðið „Hverning getur tölvu-
sjón bætt gæðaeftirlit“ fimmtudag-
inn 3. apríl kl. 9-16.30 á Höfðabakka
9c Reykjavík. Kennari er Andrés
Þórarinsson, verkfræðingur. Nám-
skeiðið hentar tæknimönnum, kenn-
urum og stjórnendum. Efni nám-
skeiðsins er m.a.: Fyrstu kynni af
NI Vision Builder, hugbún-
aðarverkfæri til að þróa lausnir fyrir
gæðaeftirlit og framleiðsluprófanir.
Talning hluta, mæling á lengd, þver-
máli, flatarmáli o.fl. Skráning í
tölvupósti hjá vista@vista.is
Málstofa um stöðu fráveitumála
á Íslandi, verður á morgun, fimmtu-
daginn 3. apríl, kl. 16.15 í húsi verk-
og raunvísindadeildar Háskóla Ís-
lands, VR-II við Hjarðarhaga, stofu
157. Frummælandi er Ágúst Þor-
geirsson, byggingaverkfræðingur og
umhverfisfræðingur. Málstofan er á
vegum Umhverfisstofnunar Háskóla
Íslands, í samstarfi við Líf-
fræðistofnun, umhverfis- og bygg-
ingarverkfræðiskor, og jarð- og
landfræðistofu Raunvísindastofn-
unar. Allir velkomnir. Aðgangur
ókeypis.
Málstofa í læknadeild verður hald-
in á morgun, fimmtudaginn 3. apríl,
kl. 16.15 í sal Krabbameinsfélags Ís-
lands, efstu hæð. Þórunn Ósk Þor-
geirsdóttir fjallar um mónóglýseríð
til meðferðar á húð- og slímhúð-
arsýkingum og þróun lyfjaforma.
Tengsl akademíu og atvinnulífs
Rannsóknaþjónusta Háskóla Ís-
lands, Byggðastofnun og Samtök
iðnaðarins standa fyrir málþingi um
tengsl akademíu og atvinnulífs á
morgun, fimmtudaginn 3. apríl, kl.
13, í fundarsal á 6. hæð í Húsi at-
vinnulífsins í Borgartúni 35. Gestur
málþingsins er Clive Winters sem
hefur reynslu af samstarfi akademíu
og atvinnulífs í Bretlandi og Evrópu.
Fræðslufundur Keldna verður á
morgun, fimmtudaginn 3 apríl, kl.
12.20. Fyrirlesari verður Hrund Ýr
Óladóttir, dýralæknanemi,
Dýralæknaháskólanum í Osló. Hún
fjallar um lokaverkefni sitt í dýra-
lækningum. Fræðslufundir eru
haldnir í bókasafni Keldna. Bóka-
safnið er í húsi 2, inngangur í bóka-
safn er á norðanverðu húsi 2.
Rabbfundur Rannsóknastofu í
kvennafræðum verður fimmtudag-
inn 3. apríl kl. 12-13 í stofu 101 í Lög-
bergi. Helga Kress flytur erindið
„Úr minjasafni föðurins. Ævisaga
Maríu Stephensen (1883-1907), laun-
dóttur Þorvalds Thoroddsen, sögð í
bréfum.“ Fjallað verður um ævi
Maríu Stephensen.
Vinnuréttindi útlendinga Alþjóða-
hús á Hverfisgötu 18 stendur fyrir
fræðslufundi á morgun, fimmtudag-
inn 3. apríl, kl. 20.15 um atvinnurétt-
indi fyrir útlendinga. Sérfræðingur
frá stéttarfélaginu Eflingu mun
fjalla um stéttarfélög, vinnuréttindi,
launaseðla og önnur málefni sem
varða réttindi launþega. Þessi fund-
ur er sérstaklega ætlaður innflytj-
endum og fer fram á íslensku og er
túlkaður á pólsku. Í næstu viku, mið-
vikudaginn 9. apríl, fer sama fræðsl-
an fram á rússnesku og á ensku
fimmtudaginn 10. apríl. Þátttaka er
ókeypis og allir velkomnir.
Hvað er að vera Íslendingur?
Hollvinafélag heimspekideildar Há-
skóla Íslands gengst fyrir almenn-
um umræðufundi í Norræna húsinu
á morgun, fimmtudaginn 3. apríl, kl.
17.15. Fjallað verður um íslenskt
þjóðerni og hvað felst í að vera Ís-
lendingur þegar menning hér á landi
er orðin fjölþjóðleg og stöðugt
stærri hluti þjóðarinnar af erlendu
bergi brotinn. Erindi halda Ólafur
Ragnarsson, formaður Hollvina-
félags heimspekideildar Háskóla Ís-
lands, Guðmundur Hálfdánarson,
prófessor í sagnfræði, Katrín Jak-
obsdóttir, íslenskufræðingur, Tosh-
iki Toma, prestur innflytjenda, og
Vigdís Finnbogadóttir, fyrrum for-
seti Íslands. Fundarstjóri verður
Ingi Bogi Bogason, cand. mag.
Fundurinn er haldinn í tilefni af 5
ára afmæli Hollvinafélags heim-
spekideildar Háskóla Íslands og er
fyrsti hluti umfjöllunar félagsins um
íslenskt þjóðerni í fjölmenning-
arsamfélagi. Aðgangur er ókeypis
og öllum heimill.
Á MORGUN
Brunavarnaþing Brunatæknifélag
Íslands heldur sitt árlega bruna-
varnaþing föstudaginn 4. apríl á Hót-
el Loftleiðum kl. 10–16, móttaka og
skráning fer fram frá kl. 9.30. Meg-
inþema þessa þings verður ,,Bruna-
varnir - Eftirlit“. Þingið er opið öllum
sem hafa áhuga á þessum málum.
Þátttökugjald er kr. 3.500 fyrir aðra
en skuldlausa félagsmenn. Eftir
þingið verður aðalfundur félagsins
haldinn á sama stað kl. 16. Boðið
verður upp á léttar veitingar að aðal-
fundi loknum. Skráning þátttakenda
er á adgat@simnet.is
Skógrækt áhugamannsins nefnist
skógræktarnámskeið Björns Jóns-
sonar, fyrrv. skólastjóra Hagaskóla.
Björn fjallar um ýmsa hagnýta þætti
fyrir áhugafólk um skógrækt, ekki
síst sumarhúsaeigendur. Fyrirhuguð
eru þrjú námskeið í Reykjavík í vor,
námskeið A) 7. og 10. apríl, námskeið
B) 29. og 30. apríl og námskeið C) 6.
og 7. maí. Skráning á námskeiðin er
hjá Skógræktarfélagi Íslands, Rán-
argötu 18, síma eða skog@skog.is.
Verð kr. 5.900, innifalin eru nám-
skeiðsgögn og kaffi. Félagar í skóg-
ræktarfélögum fá afslátt, svo og hjón.
Á NÆSTUNNI
EFTIRFARANDI yfirlýsing hefur
borist frá Inga Guðjónssyni fram-
kvæmdastjóra Lyfju hf.:
„Eins og fram hefur komið í fjöl-
miðlum var ráðist inn í lyfjaaf-
greiðslu Lyfju í Lágmúla um miðjan
mars og lyfjum stolið. Þjófurinn
fannst fyrir nokkru síðan og viður-
kenndi hann verknaðinn og lögregl-
an telur málið að fullu upplýst. Und-
irritaður vill af þessu tilefni taka
eftirfarandi fram. Það er rangt sem
fram kom í fjölmiðlum að ekki væru
öryggisverðir í verslunum Lyfju.
Hið rétta er að á ákveðnum tím-
um er algengt að öryggisverðir
vakti verslanir Lyfju, ýmist ein-
kennis- eða óeinkennisklæddir. Mik-
il áhersla er lögð á öryggismál í
Lyfju og eru þau með því besta sem
gerist hér á landi. Engu að síður
verður enn frekar skerpt á öryggis-
málum í ljósi þess atviks sem átti
sér stað.“
Yfirlýsing frá Lyfju hf.
FLUGIÐ í heiminum fagnar í ár 100
ára afmæli sínu og minnist Fyrsta
flugs félagið, félag áhugamanna um
flugmál, aldarafmælis flugafreks
Wright-bræðra með margvíslegum
hætti á þessu ári. Fyrsti viðburð-
urinn verður rúmlega klukkutíma
langt útsýnisflug á Boeing 747 risa-
þotu frá Flugfélaginu Atlanta föstu-
daginn 4. apríl.
Brottför verður frá Keflavík-
urflugvelli kl. 17 síðdegis og stefn-
an tekin á hálendi Íslands þar sem
flugið verður lækkað til að farþeg-
ar njóti útsýnisins. Flugvélin rúmar
460 farþega en aðeins verður selt í
330 sæti þannig að sem flestir geti
notið þess sem fyrir augu ber.
Flugstjóri verður Arngrímur Jó-
hannsson, einn af eigendum Flug-
félagsins Atlanta og hinn góðkunni
flugáhugamaður Ómar Ragnarsson
mun lýsa landslaginu. Þá verða
fimm trúðar um borð, en þeirra
hlutverk verður að létta lund far-
þega og leika á hljómfæri. Í ferða-
lok munu allir þátttakendur fá heið-
ursskjal til staðfestingar um að hafa
verið með í þessari óvenjulegu ferð
á 100 ára flugafmælinu.
Ásamt Fyrsta flugs félaginu
stendur Flugmálafélag Íslands fyrir
fluginu en samstarfsaðilar eru einn-
ig Flugfélagið Atlanta og Vífilfell.
Unnt er að panta sæti í ferðina
hjá Flugmálafélagi Íslands. Verð
fyrir fullorðna er 8.900 en 6.900
fyrir börn.
Morgunblaðið/RAX
Flogið verður með breiðþotu Atlanta í útsýnisfluginu á föstudag.
Útsýnisflug á Boeing
747 yfir hálendið
♦ ♦ ♦