Morgunblaðið - 02.04.2003, Blaðsíða 8
8 B MIÐVIKUDAGUR 2. APRÍL 2003 MORGUNBLAÐIÐ
bílar
Bílasala Guðfinns
sími 5621055
- Vöktuð bílasala -
M. Benz 500 sl , árg. 96,
ekinn 52 þús. Til sýnis og sölu
á Bilasölu Guðfinns.
LAND ROVER 130, árg. 01,
35 tommu, ekinn 35 þús.
Verð 2700 þús.
Athugið að þetta "logo"
bílasölunnar er EKKI til sölu,
en við höfum ávallt pláss fyrir
bíla á skrá og í stæði.
ÞEIR sem eiga leið yfir Elliðaárdal-
inn komast ekki hjá því að virða fyrir
sér safn fornbíla við íbúðarhús
skammt frá stíflunni. Þetta er mynd-
arlegur floti bandarískra forngripa
sem eigandinn, Ársæll Árnason, hefur
sankað að sér í gegnum árin. Ársæll
eignaðist líka Hudson Commandore
árgerð 1947 árið 1977, en bíllinn var
fluttur inn nýr af Heklu. Fyrsti eig-
andi hans var Óskar Einarsson, lyfsali
Lyfjabúðinni Iðunni. Hann átti bílinn
fram til ársins 1955 og eignaðist þá
föðurbróðir hans bílinn, Jón Óskar
Guðjónsson. Sonur Jóns Óskars fékk
síðan bílinn en gaf Ársæli hann þegar
það átti að farga honum árið 1974. Þá
var hann orðinn hálfgerður ryðhaug-
ur. Það hafa því aðeins verið fjórir eig-
endur að bílnum frá upphafi; eða
reyndar fimm því Ársæll gaf syni sín-
um, Árna, bílinn í vöggugjöf 1980. Ár-
sæll hefur notað bílinn í gegnum árin
eins og hvern annan brúksbíl en þó er
hann hættur að nota hann á veturna.
Þetta er einn af þekktustu fornbílum
landsins og hefur m.a. brugðið fyrir í
nokkrum íslenskum bíómyndum.
Notaði bílinn samfleytt í 17 ár
Var bíllinn illa farinn þegar þú
fékkst hann?
„Já, það vantaði á hann eitt fet upp
og eitt fet inn; hann var svo ryðgaður.
Ég þurfti mikið að ryðbæta hann og
margt varð ég að smíða upp á nýtt.
Það er í sjálfu sér hægt að fá flest í
þessa bíla í Bandaríkjunum en Hud-
son er samt ekki vinsælasti fornbíll-
inn í Ameríku. Maður fær allt í Ford
og Chevrolet en erfiðara er að fá í
dauðu bílana, eins og Hudson, nema á
ruslavöllum í Ameríku,“ segir Ársæll.
Dauðu bílana nefnir hann þá sem ekki
eru lengur framleiddir og framleið-
andinn lagt upp laupana.
Ársæl byrjaði að nota bílinn eftir
uppgerð árið 1977 og notaði hann
samfleytt í 17 ár. Um tíma bjó hann á
Siglufirði og ók honum á milli Siglu-
fjarðar og Reykjavíkur nokkrum
sinnum.
Bíllinn er ekki lengur með upphaf-
legu krami. Hann er með sex strokka,
300 kúbiktommu Ford-vél. Upphaf-
lega var bíllinn beinskiptur en Ársæll
setti í hann sjálfskiptingu, vökvastýri
og aflhemla. Bíllinn var með 6 volta
rafkerfi en sett var í hann 12 volta
kerfi og af þeim sökum er útvarpið,
sem er upprunalegt og gert fyrir 6
voltin, ekki nothæft. Að öðru leyti er
bíllinn að mestu leyti eins og þegar
hann kom frá verksmiðjunni, þ.e.a.s.
að utan og innan. „Það sem gerði út af
við þessa bíla var kramið frá Hudson
sem var lélegt,“ segir Ársæll.
Leigður út í brúðkaup
Árið 1987 fór Ársæll á bílnum
hringinn í kringum landið með Forn-
bílaklúbbnum og þá var
sett á bílinn taxaskilti og
hann merktur Hreyfli.
Ársæll segir að á árum
áður hafi margir Hud-
son-bílar verið í leigu-
bílaakstri. Inni í bílnum
er líka handtrekktur
HALDA-gjaldmælir og
á sólskyggninu er gjald-
skrá sem gaf til kynna
gjaldið ef um nætur-
vinnu var að ræða. Forn-
bílaklúbburinn hefur
tvisvar efnt til hringferð-
ar um landið og Hudson-
inn er eini fornbíllinn
sem hefur farið í þær
báðar, að sögn Ársæls. Í
seinni ferðinni, 1997, var
Árni bílstjórinn, þá ný-
orðinn sautján ára.
Bíllinn er aðallega
notaður á sumrin núna.
Hann er leigður út með
bílstjóra í kringum brúð-
kaup en Ársæll segir, að
það sé einungis tilfall-
andi verkefni. Blaða-
manni þykir miður að
ekki sé hægt að bjóða
upp á almennan leigu-
bílaakstur í bílnum, en Ársæll bendir
á að hann sé of erfiður í rekstri til að
henta sem atvinnubíll. „Bíllinn hefur
hins vegar verið í mörgum íslenskum
bíómyndum; þ.e. Djöflaeyjunni,
Mávahlátri og Bíódögum og líka í
tónlistarmyndböndum. Það er lítið
upp úr þessu að hafa. Það eru svo
sjaldan gerðar bíómyndir á Íslandi.
En ég lít bara á þetta sem bíl og ekk-
ert umfram það. Mörgum þykir hins
vegar svo vænt um bílana sína og
telja sig hafa lagt svo mikla fjármuni
og tíma í þá, að þeir vilja helst ekki
fara með þá út úr bílskúr ef einhver
vafi er á því að hann haldist þurr. En
ég hef keyrt í brúðkaupi jafnvel um
harðasta vetur í ófærð og set þá bara
keðjur undir.“
13 af 17 bílum í Djöflaeyjunni
Hudson-inn er ekki eini fornbíll
Ársæls sem kom fram í Djöflaeyjunni
því hann átti þrettán af sautján bílum
sem þar sáust. „Það var mjög gaman
að vinna að þessu verkefni. Þetta er
annar heimur.“
Hvers vegna eru menn að halda
upp á svona gamla bíla?
„Ætli það sé ekki bara bilun. Sumir
líta þannig á málið að verið sé að
bjarga sögulegum verðmætum en ég
hef ekki það sjónarmið. Ég er vissu-
lega í Fornbílaklúbbnum og einn af
stofnfélögunum. Ég er búinn að eiga
svona gamla bíla frá því ég eignaðist
bíl fyrst. Ökuréttindi fékk ég 1962 og
það skildi það enginn þá hvernig ég,
unglingurinn, gat átt 1955-módelið af
bíl. Það þótti nýr bíll þá. Fyrsti bíllinn
minn var reyndar 1942-módelið af
Plymouth sem ég fékk í skiptum fyrir
skellinöðru sem ég átti. En það er
ekkert vit í því að eiga svona gamla
bíla. Það þarf að taka þá í gegn á 10–
15 ára fresti og gera þá upp liggur við
frá grunni. Ég er búinn að gera þenn-
an bíl upp tvisvar síðan 1977. Síðast
1994 og það fer að koma tími á hann
aftur.“
Árni hlær þegar blaðamaður spyr
Ársæl hve marga bíla hann hafi átt í
gegnum tíðina. „Núna ertu að leggja
fram mjög erfiða spurningu. Það er
einhver slatti. Árni hélt því reyndar
fram að ég ætti núna sautján bíla, en
ég held hann sé að plata mig. Þetta
eru allt fornbílar og allir í ökufæru
ástandi. Ég er líklega með flesta forn-
bíla í umferð,“ segir Ársæll.
Morgunblaðið/Guðjón Guðmundsson
Mikið af krómi og sams konar litur á bílnum frá upphafi.
Hudson Commandore árgerð 1947
Leikmunur í
þremur íslensk-
um bíómyndum
Ársæll Árnason á u.þ.b. sautján fornbíla í ökufæru
ástandi. Einn þeirra er Hudson Commandore árgerð
1947 sem hefur víða komið við, m.a. í íslenskum bíó-
myndum. Guðjón Guðmundsson ræddi við Ársæl sem
sagði að líklega væri það bara bilun að eiga gamla bíla.
Feðgarnir Árni og Ársæll Árnason kunna vel við sig í Hudson Commandore. Farangursrýmið er ekki stórt en tók samt nokkrar töskur.
FORNBÍLAR
Hudson Commandore
Eigandi Ársæll Árnason
.
Eins og leigubíll á sjötta áratugnum.
Klukka, olíu- og hleðsluljós.