Morgunblaðið - 02.04.2003, Blaðsíða 11
geta haft þá undir í nokkrum braut-
um.
Ferrari og McLaren virðast sterk-
ari en við verðum að reyna að standa
okkur vel, koma báðum bílum ætíð á
mark og þá getum við orðið í ná-
munda við toppinn í lok ársins.
Renault varð í fjórða sæti í stiga-
keppni bílsmiða í fyrra, vann 23 stig
eða 42 færra en McLaren sem varð í
þriðja sæti og enn fjær Williams, að
ekki sé minnst á Ferrari sem sigraði
með yfirburðum. Nú ætlar liðið að
skáka einhverju þeirra og telur Willi-
ams-liðið nærtækasta fórnarlambið.“
„Við búumst við að bæta okkur
miklu meira í náinni framtíð, segir
tæknistjórinn Mike Gascoyne. „Við
erum með ýmislegt í pípunum sem
eykur okkur sjálfstraust. Verulegt
framfaraskref verður stigið áður en
að Mónakókappakstrinum kemur,“
bætir hann við. „Liðið gerir sér t.a.m.
vonir um góðan árangur um komandi
helgi í Interlagos. Styrkur undir-
vagnsins og skilvirkni loftafls bílsins
muni njóta sín jafnvel enn betur þar
en til þessa.“
Til marks um ágæti frönsku bíl-
smíðinnar var grínast með það í
Melbourne, á kostnað Williams-liðs-
ins, að hefðu það og Renault skipti á
mótorum myndu gulbláu bílarnir
vinna keppnina um ráspólinn auð-
veldlega en hvítbláu drekar enska
liðsins reka lestina.
Ólíkt toppliðunum sem verja mikl-
um fjárfúlgum til tilraunaaksturs og
tefla fram sérstökum bílprófanasveit-
um á evrópskum kappakstursbraut-
um milli móta er Renault eitt fjögurra
liða sem fallist hefur á að takmarka
þróunarakstur sinn mjög en fá í stað-
inn að æfa sig í tvo klukkutíma á
keppnisstað á föstudagsmorgni á
hverri mótshelgi. Nýtti liðið tímann
vel og lögðu Alonso, Trulli og til-
raunaökuþórinn Allan McNish rúma
630 km að baki á þremur bílum á
föstudeginum.
Segir verkfræðistjórinn Pat Sym-
onds að á þessum æfingum í Sepang
hafi liðið notað tækifærið til að prófa
dekkjagerðir sem til boða standi fyrir
kappaksturinn í Sao Paulo hálfum
mánuði seinna. Sömuleiðis hafi æfing-
arnar eflt tilfinningu Alonso og Trulli
fyrir brautinni sem komið hafi sér vel
í tímatökunum þar sem þeir urðu í
fyrstu tveimur sætum.
Útlit fyrir harðan slag bílsmiða
Þótt Renault-liðið setji markið hátt
og stefni á fleiri pallsæti á árinu gætir
vissrar varfærni hvað væntingar
varðar vertíðina út í gegn. Ferrari,
McLaren og Williams hafa að líkind-
um grunnstyrk til að vinna þrjú efstu
sætin í stigakeppni bílsmiða. Þá hafa
bæði BAR og Toyota bætt bíla sína
það mikið frá í fyrra að þau veiti Ren-
ault harða keppni þegar fram í sækir
– og jafnvel toppliðunum á stundum.
Alltjént er útlit fyrir harðan bíl-
smiðaslag á árinu, það virðist a.m.k.
skoðun Briatore.
„Sem stendur virðast jafnir mögu-
leikar á því að lenda í öðru sæti sem
því áttunda. Ég hef í raun ekki hug-
mynd um hvar við höfnum. Léttara er
um sætin að tala en í að komast, allir
virðast góðir í ár og Ferrari ekki eins
langt á undan og í fyrra,“ segir Briat-
ore.
Renault tefldi fram liði undir eigin
merkjum í fyrra í fyrsta sinn frá 1984
en þá hætti franska bílasmiðjan
þátttöku í Formúlu-1 og einbeitti sér
í staðinn að smíði mótora í keppn-
isbíla. Og með góðum árangri því lið
sem unnu heimsmeistaratitil bíl-
smiða 6 ár í röð á árunum 1992–97
notuðu Renault-mótora. Þegar Ren-
ault hóf upphaflega keppni árið 1977
gerðist það með hvelli því þá leyndist
undir vélarhlífinni forþjappaður
mótor, hinn fyrsti í Formúlu-1, og
bílarnir slógu strax í gegn.
Vegna ágætis keppnismótorsins
sem færði Benetton og Williams
hvern meistaratitilinn á fætur öðrum
1992–97 voru miklar væntingar gerð-
ar til mótorsmíði Renault nú. Ekki
síst eftir að liðið ákvað að fara ótroðn-
ar slóðir og smíða mótor með allt að
110 gráðu horni milli strokkanna í
stað 90, eins og keppinautarnir hafa
kosið.
Enn sem komið er hefur mótorinn
samt ekki staðið undir væntingum.
Skemmst er frá því að segja að fram-
farirnar hafa orðið fremur litlar und-
anfarin þrjú ár. Innanbúðarmenn
segja jafnvel að mótorinn í ár sé
þyngri en 2002-mótorinn og jafnvel
30 hestum aflminni. Með öðrum orð-
um er hann þá allt að 130 hestöflum
máttminni en mótorar BMW og Ferr-
ari.
Ástæðan fyrir þessu, upplýsir
Jean-Jacques His, yfirmótorsmiður
Renault, er að liðið hefur einbeitt sér
að því í vetur að smíða endingar-
trausta vél sem mætti bæta að afli eft-
ir því sem hún yrði tilkeyrð meira.
Fremur en að smíða í byrjun aflmeiri
mótor en ótraustari.
Miðað við aflsmuninn þykir það til
marks um ágæti bílhönnunarinnar –
og reyndar einnig um hversu ágæt-
lega samþætting mótors og undir-
vagns í eina heild hefur tekist – að
ekki er meiri munur á Renault og öðr-
um liðum. Í Sepang hafði aflið verið
bætt um 10 hestöfl frá í Melbourne og
liðið ætlar sér enn meiri framfarir á
næstunni því heitið er allt að 40 hest-
afla viðbót áður en Mónakókappakst-
urinn rennur upp en eftir það vantar
ekki nema um 50 hesta í mótora
BMW og Ferrari.
Renault sýndi eftirminnilegt áræði
í tímatökunum í Sepang með því að
fara í þær með nokkru minna af bens-
íni um borð en þar með voru bílarnir
léttari og hraðskreiðari. Gekk her-
fræðin upp ef litið er til árangursins.
Renault hefur í áranna rás verið
ófeimið við að taka áhættu. Í því sam-
bandi hefur liðið fengið mótorgúrúinn
Bernard Dudot að nýju til liðs við sig.
Hann var höfuðsmiður keppnismót-
orsins sigursæla á síðasta áratug.
Kannski var ráðning hans það sem
þurfti til að ná settu marki og komast
í hóp þriggja bestu liðanna í Form-
úlu-1 í ár.
Fernando Alonso og Jarno Trulli á brautinni í Sepang 23. mars sl.
Jarno Trulli í viðgerðarhléi í Sepang.
MORGUNBLAÐIÐ MIÐVIKUDAGUR 2. APRÍL 2003 B 11
bílar
Steypusögun
Vegg- og gólfsögun
Múrbrot
Vikursögun
Malbiksögun
Kjarnaborun
Loftræsti- og lagnagöt
Hreinlæti og snyrtimennska
í umgengni
BT-sögun
Sími 567 7544
Gsm 892 7544
Rauðagerði 64 • sími 553 1244 • 128 Reykjavík
P.O. BOX 8804 • FAX 568 1299
Umboðsaðili fyrir TRANSPO INC. USA, sem framleiðir DIODUR
og spennustilla í flestar gerðir alternatora
LAGERVARA
Seljum einnig ALTERNATORA og STARTARA
GOTT VERÐ
Bónstöð Reykjavíkur
Tilboð
Fólksbílar í alþrif
frá kr. 3.600
Smiðjuvegi 5,
Kóp. - grá gata
Sími 551 7740
Tökum að okkur breytingar,
viðhald á pallhúsum og fellihýsum
BÍLSKÚRS
OG IÐNAÐARHURÐIR
Eldvarnar-
hurðir
Öryggis-
hurðirÁrmúla 42 - sími 553 4236
netfang: glofaxi@simnet.is
Hurðir
til á lager
Smíðað
eftir máli
Alternatorar – Startarar
í allflesta fólksbíla, vörubíla, vinnuvélar,
bátavélar á lager og hraðpantanir.
Trumatic gasmiðstöðvar
í bíla, báta o.fl.
Bílaraf Auðbrekku 20, s. 564 0400, f. 564 0404, n.bilaraf@isl.is
umboðið umboðið
Vagnhöfða 6 - 110 Reykjavík
Sími 577 6090 - Fax 577 6095
Eigum til vatnskassa/bensíntanka
og miðstöðvar, ásamt aukamiðstöðvum
ætluðum bifreiðum/bátum og vinnuvélum.
Einnig intercoolera í vörubíla og vinnuvélar.