Morgunblaðið - 03.04.2003, Blaðsíða 6
FRÉTTIR
6 FIMMTUDAGUR 3. APRÍL 2003 MORGUNBLAÐIÐ
LOFTFERÐASAMNINGUR Kína
og Íslands sem flugmálaráðherra
Kína og utanríkisráðherra Íslands
undirrituðu í gær heimilar flug-
félögum í báðum löndum að stunda
áætlunarflug milli landanna með
farþega, frakt og póst allt að 10
sinnum í viku. Hvort ríki um sig
getur tilnefnt þrjá áfangastaði í
hvoru landi auk þriggja staða til
millilendingar. Samningurinn tekur
þegar gildi.
Yang Yuangyuan, flugmálaráð-
herra Kína sem einnig er flugstjóri
og hefur lengi starfað sem slíkur,
sagði í samtali við Morgunblaðið að
þrátt fyrir mun á stærð og fólks-
fjölda ættu löndin margt sameig-
inlegt í flugi og tilgangur samn-
ingsins væri að gefa færi á
flugsamgöngum milli landanna.
Hann sagði Kínverja hafa áhuga á
Íslandi og sagði hann að fyrir utan
að geta fjölgað ferðamönnum í báð-
ar áttir gæfi samningurinn færi á
fraktflugi milli landanna. Þá væri
samningur sem þessi ekki síður
mikilvægur í stjórnmálasamskiptum
landanna.
Loftferðasamningnum fylgir sam-
komulag um heimildir til óreglu-
bundinnar þjónustu milli landanna
og heimild fyrir flugfélög í hvoru
ríki að halda uppi flugi á tilgreind-
um leiðum í samvinnu við flugfélög
frá öðrum ríkjum, svo sem með
sameiginlegum flugnúmerum eða
annarri samvinnu. Halldór Ás-
grímsson utanríkisráðherra sagði í
samtali við Morgunblaðið að þetta
væri mikilvægt atriði og væri loft-
ferðasamningurinn, sá 14. milli Ís-
lands og annarra landa, í heild betri
en mörg önnur ríki í Evrópu hefðu
gert við Kínverja. Hann sagði
samninginn hafa verið í undirbún-
ingi lengi og hann hefði síðan verið
áritaður í Peking 26. nóvember sl.
Var það í kjölfar heimsóknar ís-
lenskrar sendinefndar íslenskra
stjórnvalda og fulltrúa flugrekenda
til Asíu þar sem flugmál voru á dag-
skrá. Í sömu ferð var einnig árit-
aður loftferðasamningur milli Ís-
lands og Suður-Kóreu sem búist er
við að verði undirritaður á næstu
mánuðum.
Þá er ráðgert að ljúka á árinu
viðræðum um loftferðasamninga við
Singapúr, Hong Kong og Macau.
Halldór sagði samninginn gefa ís-
lenskum flugfélögum ný tækifæri
og væri hann gott dæmi um þátt
stjórnvalda í útrás íslenskra fyr-
irtækja. Asíumarkaður væri mjög
vaxandi, um 75 milljónir farþega
ferðuðust með kínverskum flug-
félögum, þar í landi væri 6. mesta
flugumferð í heiminum og hvergi
jafnmikið um fraktflutninga.
Loftferðasamningur Kína og Íslands undirritaður í Ráðherrabústaðnum í gær
Tíu áætlunar-
ferðir í viku
milli landanna
heimilaðar
Morgunblaðið/Sverrir
Flugmálaráðherra Kína, Yang Yuanyuan, og Halldór Ásgrímsson utanrík-
isráðherra eftir að loftferðasamningurinn hafði verið undirritaður.
BIFREIÐ Blóðbankans var við hús-
næði Sjóvár-Almennra við Kringl-
una í gær. Blóðsöfnunin gekk von-
um framar því stöðugur straumur
var af fólki sem vildi gefa blóð.
Blóðbankabíllinn er á ferð tvisv-
ar í viku, á þriðjudögum og mið-
vikudögum, og heimsækir fyrirtæki
og skóla.
Sigríður Eik Arnardóttir, mark-
aðsstjóri hjá Sjóvá-Almennum, var
að gefa blóð í fyrsta skipti og sagð-
ist vel geta hugsað sér að gefa blóð
reglulega. Hafa Sjóvá-Almennar
styrkt starfsemi bílsins og buðu
m.a. starfsmönnum hans í hádeg-
isverð í gær.
Í næstu viku verður Blóðbanka–
bíllinn við Ráðhús Árborgar á Sel-
fossi en áætlun hans má nálgast á
veffanginu www.blodbankinn.is.
Morgunblaðið/Sverrir
Sigfríð Eik Arnardóttir og Pálína Guðmundsdóttir gáfu blóð í fyrsta skipti
í gær. Sigríður Ósk Lárusdóttir og Hulda Tryggvadóttir, starfsmenn Blóð-
bankans, höfðu í nógu að snúast við að taka á móti nýjum blóðgjöfum.
Blóði safnað í bíl í borginni
„VIÐ leggjum áherslu á að ekki
verði farið í neinar hvalveiðar hér-
lendis nema í sátt og samvinnu við
okkar helstu viðskiptalönd og að
veiðarnar verði samþykktar af Al-
þjóðahvalveiðiráðinu,“ segir Ás-
björn Björgvinsson, formaður
Hvalaskoðunarsamtaka Íslands, um
fyrirhugaðar hvalveiðar í vísinda-
skyni. Samkvæmt frétt Morgun-
blaðsins í gær gætu slíkar veiðar
hafist á þessu ári. Gunnar Örn
Kristjánsson, forstjóri SÍF, segir
nauðsynlegt að undirbúa fyrirhug-
aðar vísindaveiðar rækilega.
„Stjórnvöld þurfa að skýra mjög vel
afstöðu sína til þessara mála. Við
sem sölufyrirtæki þurfum að geta
útskýrt fyrir okkar viðskiptaaðilum
af hverju við erum að þessu.“
Ásbjörn segir hrefnuveiðar koma
til með að skaða hvalaskoðun við
landið meira en veiðar á langreyð
og steypireyð. „Hrefnuveiðar á
þeim slóðum þar sem verið er að
skoða hvalina munu skaða okkur
því gæfustu dýrin koma til með að
vera þau fyrstu sem verða tekin.
Okkur finnst ekki hægt að fara af
stað nema að undangengnum rann-
sóknum.“
Mun skaða ímynd landsins
ef ekki næst alþjóðleg sátt
Ásbjörn segir að þótt lagalega
séð sé hægt að hefja vísindaveiðar
„án þess að spyrja kóng eða prest“
kæmi það til með að skaða ferða-
þjónustuna, fiskútflutning og ímynd
landsins út á við „ef fara á fram
með þeim þjóðarrembingi sem ræð-
ur þessu máli“.
Hann segir ekki búið að tryggja
neina markaði fyrir afurðirnar eða
alþjóðlega sátt um hvalveiðar.
Hann segir það einróma álit
Hvalaskoðunarsamtakanna að
leggja þurfi áherslu á að hvala-
skoðun sé nýting á hvalastofnum
ekki síður en veiðar. „Þetta viljum
við fá viðurkennt hér heima. Þetta
er nýting sem er að skapa þjóð-
arbúinu verulegar tekjur.“ Að sögn
Ásbjörns sýna niðurstöður óháðrar
úttektar Landmats á tekjum af
hvalaskoðun að velta hvalaskoðun-
arfyrirtækja sé um 800–900 millj-
ónir en að heildaráhrif á þjóðarbúið
geti numið allt að 1,6 milljörðum
króna.
SÍF ekki á móti sjálfbærri
nýtingu hvalastofnsins
Gunnar Örn Kristjánsson, for-
stjóri SÍF, segir að verði nýting
hvalastofnsins sjálfbær sé SÍF ekki
á móti slíkum veiðum. „Það þurfa
hins vegar að liggja fyrir gild rök
um það hvernig menn ætla að
kynna þetta og hvaða röksemdir
liggja á bak við veiðarnar.“
Gunnar Örn segir að á sínum
tíma hafi umhverfissamtök gert at-
lögu að Færeyingum og Norðmönn-
um. „Það hefur hins vegar ekki
haldið áfram. Það er ekki hægt að
segja að þetta hafi skaðað þá neitt
sérstaklega. En við erum ekki ugg-
andi yfir þessu ef búið verður að
undirbúa kynningu og ef röksemda-
færslan er í lagi.“
Róbert Guðfinnsson, stjórnarfor-
maður SH, vildi ekki tjá sig um
hugsanleg áhrif hvalveiða í vísinda-
skyni á viðskipti fyrirtækisins að
svo stöddu. Það vildi Guðjón Arn-
grímsson, upplýsingafulltrúi Ice-
landair, ekki heldur.
„Ekki búið að
tryggja markaði
fyrir afurðir“
Stefnuskrá
afgreidd á
vorþingi
SAMFYLKINGIN heldur vorþing
sitt á Hótel Sögu í Reykjavík dagana
4. og 5. apríl og þar verður stefnuskrá
flokksins fyrir alþingiskosningarnar í
vor afgreidd. Vorþingið er opið öllum
félagsmönnum í Samfylkingunni en
það hefst í Súlnasal Hótels Sögu á
föstudag kl. 17 og því lýkur kl. 17.30
daginn eftir.
Við setningu vorþingsins flytur
Össur Skarphéðinsson, formaður
Samfylkingarinnar, ávarp og Ingi-
björg Sólrún Gísladóttir, forsætisráð-
herraefni flokksins, flytur stefnu-
ræðu. Að því loknu flytur Stefán
Ólafsson prófessor erindið Velferð á
nýrri öld þar sem hann fjallar um
rannsóknir sínar á íslenska velferð-
arríkinu og framtíð þess í nýju þjóð-
félagsumhverfi hnattvæðingar og
þekkingarhagkerfis.
Niðurstöður málefnanefnda verða
kynntar á laugardag kl. 10 en eftir há-
degið verður umræðufundur, þar sem
Gylfi Arnbjörnsson, framkvæmda-
stjóri Alþýðusambands Íslands, Ari
Edwald, framkvæmdastjóri Samtaka
atvinnulífsins, og Þorvaldur Gylfason,
rannsóknarprófessor við Háskóla Ís-
lands, ræða um ábyrga hagstjórn á
næsta kjörtímabili, en Ingibjörg Sól-
rún Gísladóttir bregst við skoðunum
hagfræðinganna.
Þá verður fyrirspurnartími kl. 14
með oddvitum lista Samfylkingarinn-
ar, en að honum loknum gera Anna
Kristín Gunnarsdóttir, Einar Karl
Haraldsson og Rannveig Guðmunds-
dóttir grein fyrir heimsóknum fram-
bjóðenda til félagasamtaka um allt
land. Össur Skarphéðinsson, formað-
ur Samfylkingarinnar, flytur kosn-
ingaávarp og slítur síðan vorþinginu.
Samfylkingin
Hefja verkefnaleit fyrir alvöru
KÍNVERSKI flugmálaráðherrann hitti fulltrúa fjögurra íslenskra
flugfélaga í heimsókn sinni hingað til lands, Flugfélagsins Atlanta,
Icelandair, Íslandsfugls og Bláfugls. Fulltrúar flugfélaganna tjáðu
Morgunblaðinu að nú væru komin skilyrði fyrir því að skoða af alvöru
verkefni í þessum heimshluta, ekki síst á sviði fraktflugs. Óvíst væri
þó hvenær slík verkefni myndu skila sér.
Arngrímur Jóhannsson, einn eigenda Atlanta, segir að samning-
urinn geri félaginu kleift að hefja ákveðinn undirbúning að því að afla
verkefna í Asíulöndum. Hann segir þau einkum verða á sviði frakt-
flugs.
Guðjón Arngrímsson, upplýsingafulltrúi Icelandair, segir það mjög
jákvætt að samningurinn skuli kominn á. Fyrirtækið hyggi á aukið
markaðsstarf í Japan og Kína en hann kvaðst þó ekki sjá fyrir sér flug
milli Íslands og Kína á vegum fyrirtækisins að svo stöddu.