Morgunblaðið - 03.04.2003, Blaðsíða 24
HÖFUÐBORGARSVÆÐIÐ
24 FIMMTUDAGUR 3. APRÍL 2003 MORGUNBLAÐIÐ
Fimmtudaginn 3. apríl, klukkan 16.00 - 18.00 getur þú komið og
fengið upplýsingar um nám við Háskólann á Akureyri frá fulltrúum
deildanna og námsráðgjafa skólans
Kynningin fer fram í stofu L203 á Sólborg - gengið er inn um aðalinngang.
Opin kynning í Háskólanum á Akureyri
EITURBRUGG með alls kyns
óþverra, t.d. blómaáburði og skor-
dýrum, sem ungur drengur í
Reykjavík drakk varð til þess að
hann fékk heiftarleg viðbrögð og
var fluttur á sjúkrahús. Athöfnin,
sem átti sér stað á síðasta ári, er í
anda sjónvarpsþáttarins Fear Fact-
or sem líkt og þættir á borð við
Jackass og Heimsmetabók Guinness
eru í miklu uppáhaldi hjá grunn-
skólabörnum. Þættirnir eru allir
sýndir í íslensku sjónvarpi.
Skólastjóri í grunnskóla í Reykja-
vík sem Morgunblaðið ræddi við
segir að í síðustu viku hafi komið
upp mörg tilfelli í skólanum sem
rekja megi til þáttanna enda von á
sýningu Jackass hingað til lands.
„Þetta hefur verið erfitt upp á síð-
kastið,“ segir skólastjórinn. „Ég hef
gengið í bekki og fjallað um hætt-
una sem fylgir því að apa eftir þátt-
unum. Þeir nemendur sem verða
verst úti eru á aldrinum 10–12 ára.“
Hann segir mörg atvik hafa kom-
ið upp undanfarið þar sem nem-
endur feli sig á bak við þættina, „og
að þeir séu bara að leika sér í Jack-
ass-leiknum eins og þau kalla hann.“
Sem dæmi hafi nemandi látið loka
sig ofan í saltkistu sem síðan var
velt niður tröppur á skólalóðinni.
„Það er hættulegt þegar þau geta
falið einelti og aðra óæskilega hegð-
un í nafni þessara þátta,“ segir
hann.
Krakkar sem eiga erfitt
leika oft trúðinn
Hann segir að börn geri hvað sem
er til að falla inn í hópinn og þó þau
séu ekki neydd til að taka þátt í
fíflalátunum geri þau það í þeim til-
gangi að öðlast vinsældir eða til að
fá að vera með. „Krakkar sem lenda
í erfiðleikum fara oft út í það að
leika trúðinn og þetta ýtir undir
það.“
Skólastjórinn bendir á að þætt-
irnir séu stórhættulegir og alls ekki
við hæfi barna. „Þeir ganga allir út
á meiðingar, kvalalosta, brenglað
siðferðismat og það að þola sárs-
auka. Börn gera sér ekki grein fyrir
hættunni og halda að þau geti sjálf
þolað raunirnar eins og fyrirmynd-
irnar. Enda er þetta kynnt sem
raunveruleikasjónvarp en ekki svið-
setning.
Alvarleg slys verða vonandi ekki í
skólanum þar sem er fylgst vel með
þeim en hvað gerist eftir skóla þeg-
ar þau eru eftirlitslaus í leik? Það er
sorglegt að sjá að þeir Jackass-
drengir, sem sýna svo mjög af-
brigðilega hegðun og viðurkenna
eiturlyfjaneyslu, skuli vera orðnir
einar helstu fyrirmyndir íslenskra
barna. Mér finnst slæmt að vita til
þess að fullorðið fólk standi með
börn sín í biðröðum eftir miðum á
sýningu með Jackass,“ segir skóla-
stjórinn.
Áttu að borða orma
og drekka úr drullupolli
Bára Birgisdóttir, sem er umsjón-
arkennari 8–9 ára barna í Klébergs-
skóla, brá á það ráð á þriðjudag að
senda tölvupóst heim til foreldra
barna í bekknum til að vara við um-
ræddum þáttum.
„Á innan við viku hef ég orðið vör
við þrjú atvik sem tengjast þeim og
svo er bara spurning hvort það sé
eitthvað meira sem ég veit ekki af,“
segir hún.
„Það byrjaði á því að þau komu
inn úr frímínútum og sögðust hafa
verið í Fear Factor-leik þar sem
þau hefðu tekið tímann á því hvað
þau voru lengi að hlaupa í kringum
íþróttahúsið. Mér fannst það nú
bara nokkuð sniðugur leikur enda
væri þetta bara hollt og heilbrigt.
En svo vorum við í stærðfræði og
þá heyrðist allt í einu úr bekknum:
„Bára, er hættulegt að borða
orma?“ Og í ljós kom að verið var að
undirbúa næsta atriði sem átti að
vera að borða orma og drekka úr
drullupolli.“
Tveimur dögum síðar heyrði Bára
tvo nemendur ræða um að þeir
hefðu verið í Jackass-leik heima hjá
sér sem gekk út á að lemja hvor
annan í botninn með spýtum og
takkaskóm. „Svo var það seinast í
gær að einn strákurinn í bekknum
stóð beinstífur og var að biðja ann-
an um að kýla sig þrisvar sinnum
fast í magann. Þegar ég fór að for-
vitnast meira um þetta kom í ljós að
þeir voru að herma eftir atriði úr
þættinum 70 mínútum, sem sýndur
er á Popp tíví, en nýlega var þar
sýnt atriði þar sem Hjalti Úrsus var
fenginn til að kýla einn þáttar-
stjórnandann þrisvar í magann eins
fast og hann gat. Þessi innslög eru
kölluð Áskorun vikunnar.“
Ekki reyna þetta heima
Hún segir því ljóst að krakkarnir
séu virkilega að taka asnastrikin í
þessum þáttum sér til fyrirmyndar
og telur að almennt geri foreldrar
sér ekki grein fyrir áhrifamætti
þáttanna. „Reyndar veit ég að sum
barnanna fá aldrei að horfa á þetta
heima hjá sér en þau eiga kannski
eldri systkini auk þess sem hægt er
að sjá þáttabrot í auglýsingum. Það
er kannski erfitt að koma algerlega
í veg fyrir að þau sjái þetta en það
er greinilegt að þetta smitar fljótt
út.“
Hún er sammála skólastjóranum
um að bilið á milli þess að taka sjálf-
viljugur þátt í svona leik og eineltis
geti verið óskaplega stutt. „Það get-
ur verið stutt í að einhver sé neydd-
ur í að gera eitthvað sem skaðar
hann eða er niðrandi þannig að það
þarf að fylgjast með þessu. Það þarf
líka að útskýra fyrir börnunum
merkingu orðanna „Don’t try this at
home“ því þó þau viti kannski hvað
þau þýði þá fara þau ekki eftir því.“
Karl Steinar Valsson, aðstoðaryf-
irlögregluþjónn hjá Lögreglunni í
Reykjavík, segir ekki talið tilefni til
að hafa sérstakan viðbúnað vegna
sýningar Jackass hér á landi á
næstunni. Hann segir aðstandendur
sýningarinnar hafa lagt fram öll
nauðsynleg gögn og að skemmtana-
leyfi verði að öllum líkindum gefið
út innan skamms.
Börn herma eftir sjónvarpsefni á borð við Jackass
Fyrirmyndir úr þáttum
sem ganga út á kvalalosta
Reykjavík
Í þættinum Fear Factor sýna þátttakendur ýmiskonar glannaskap og leika áhættuatriði.
AKUREYRI
SNJÓBRETTAFÓLK víðs vegar af
landinu ætlar að koma saman á Ak-
ureyri um helgina og reyna með sér
í íþrótt sinni, bæði í Hlíðarfjalli og í
Gilinu í miðbænum. „Við köllum
þetta snjóbrettagleði, þar sem
áherslan er lögð á að skemmta sér.
Það má segja að þetta sé loka-
uppgjör vetrarins og við eigum von
á fjölda fólks til bæjarins,“ sagði
Jón Heiðar Andrésson, einn þeirra
sem stendur fyrir samkomunni,
sem ber heitið Brettamót Ak-
Extreme. Jón Heiðar var ásamt fé-
lögum sínum að vinna við stökkpall
efst í Gilinu en þar fer fram stökk-
keppni á laugardagskvöld kl. 21,
þar sem 16 snjóbrettamenn munu
sýna listir sínar í stökkkeppni.
Einnig mun brettafólkið reyna með
sér í Hlíðarfjalli á föstudagskvöld
og á laugardag og sunnudag. Jón
Heiðar sagði að þótt ekki væri mik-
ill snjór í Hlíðarfjalli væru að-
stæður þar mjög góðar. „Við höfum
náð að gera þar góða stökkpalla og
þetta er því allt að smella saman.“
Það er hins vegar mun meira mál
að gera stökkpallinn í Gilinu. Jón
Heiðar sagði að Akureyrarbær,
Eimskip og samtökin Veðurguð-
irnir kæmu þar að málum. Í Gilinu
renna keppendur sér fram að 12
metra háum palli, Eimskipspall-
inum mikla, sem samanstendur af
tíu 40 feta gámum. Snjórinn verður
svo sóttur á vörubílum í nálæg gil,
eins og Jón Heiðar orðaði það.
Snjóbrettagleði á
Akureyri um helgina
Morgunblaðið/Kristján
Daði Jónsson, t.v., Jón Heiðar Andrésson og Daníel Auðunsson voru að
vinna við pallinn í Gilinu sem snjóbrettamenn renna sér fram af í keppninni
á laugardag. Pallurinn er 12 metra hár og er gerður úr tíu 40 feta gámum.
SÍÐUSTU sýningar á söngleikn-
um Chicago í uppfærslu Leik-
félags Menntaskólans á Akureyri
eru í kvöld, fimmtudagskvöld, og
verða þá tvær sýningar. Sú fyrri
er kl. 19 og hin síðari kl. 22.30.
Aðsókn á söngleikinn, sem frum-
sýndur var í lok mars, hefur verið
góð og hefur sýningin hlotið lof-
samlega dóma.
Um er að ræða kabarettsöngleik
um konur í kvennafangelsi, sögu
þeirra og drauma, en kvikmynd
sem gerð var eftir söngleiknum
hefur farið sigurför um heiminn
nýverið og unnið til Óskarsverð-
launa.
Fjöldi fólks tekur þátt í sýning-
unni, leikarar og dansarar eru um
20 talsins og 8 manna hljómsveit
sér um tónlistarflutning, en allt í
allt taka um 40 manns þátt í upp-
færslunni, við búninga, förðun,
leiksvið, lýsingu og fleira.
Þess má geta að með eitt aðal-
hlutverkanna fer Anna Katrín
Guðbrandsdóttir, sem sigraði eft-
irminnilega í Söngkeppni fram-
haldsskólanna á dögunum. Leik-
stjóri er Laufey Brá Jónsdóttir og
tónlistarstjóri er Björn Þórarins-
son.
Miðaverð er 1.800 krónur fyrir
almenning og 1.500 krónur fyrir
skólafólk. Miðapantanir eru í síma
865-0202.
Síðustu sýningar
á Chicago í kvöld