Morgunblaðið - 03.04.2003, Blaðsíða 42
UMRÆÐAN
42 FIMMTUDAGUR 3. APRÍL 2003 MORGUNBLAÐIÐ
FERÐAMÁLASAMTÖK SUÐURLANDS
Málþing um: Afkomu, samstarf og markaðs-
setningu ferðaþjónustunnar á landsbyggðinni
Hótel Selfoss föstudaginn 4. apríl kl. 13.00-17.00
Dagskrá:
13.00 Setning málþings.
Orri Hlöðversson, formaður stjórnar Atvinnuþróunarsjóðs Suðurlands.
13.10 Samstarf fyrirtækja í ferðaþjónustu á landsbyggðinni - aðferðafræði og frumniðurstöður rannsóknar.
Arnar Már Ólafsson, forstöðumaður Ferðamálsseturs Íslands.
13.30 Afkoma fyrirtækja og ferðaþjónusta á landsbyggðinni.
Pétur Rafnsson, formaður Ferðamálasamtaka Íslands.
13.50 Markaðssetning Norðurlands.
Kjartan Lárusson, verkefnisstjóri.
14.10 Hótelið eitt býr ekki til ferðamannastraum, eða hvað?
Auður Anna Ingólfsdóttir, hótelstjóri Hótel Héraðs.
14.30 Fyrirspurnir.
14.45 Kaffihlé.
15.10 Flugsamgöngur og ferðaþjónusta á landsbyggðinni.
Jón Karl Ólafsson, framkvæmdarstjóri Flugfélags Íslands hf.
15.30 Aðkoma Byggðstofnunar að fjárfestingum í ferðaþjónustu.
Vilhjálmur Baldursson, forstöðumaður fyrirtækjasviðs Byggðastofnunar.
15.50 Viðhorf fjármálastofnunar til fyrirgreiðslu í ferðaþjónustu.
Friðgeir M. Baldursson, útibústjóri Landsbankans á Selfossi.
16.10 Fyrirspurnir.
16.20 Samantekt.
Guðrún Þóra Gunnarsdóttir, deildarstjóri ferðamálabrautar Hólaskóla.
16.30 Málþingslok.
Orri Hlöðversson.
Fundarstjóri: Sigurður Ingi Jóhannsson, stjórnarmaður hjá Atvinnuþróunarsjóði Suðurlands.
Málþingið er öllum opið en vinsamlega tilkynnið um þátttöku
til Hildar Claessen á Byggðastofnun í síma 455 5443 eða hildur@bygg.is.
Enginn aðgangseyrir.
AÐ GEFNU tilefni rita ég ykkur, í
nýrri stjórn, þetta opna bréf í þeirri
von að það muni opna augu ykkar
fyrir því að Íþrótta- og ólympíusam-
band Íslands á ekki að starfa bak við
luktar dyr.
Eins og ykkur er kunnugt skrifaði
forseti ÍSÍ, Ellert B. Schram, að
minnsta kosti sex bréf til Heimssam-
bands ólympíunefnda (ANOC) þar
sem hann setti fram þá ósk að ég yrði
settur út úr nefnd Alþjóðaólympíu-
nefndarinnar (IOC) sem fjallar um
íþróttir og umhverfismál og að annar
Íslendingur yrði skipaður í minn
stað. Fyrsta bréf forsetans var sent
2. maí árið 2000 og það síðasta, sem
mér er kunnugt um, var sent í sept-
ember eða október árið 2001. Þetta
þýðir að í eitt og hálft ár stundaði for-
setinn þá iðju að hallmæla mér við
félga mína og samstarfsmenn hjá
Heimssambandi ólympíunefnda. Á
þessum sama tíma var ég einn af for-
ystumönnum íþróttahreyfingarinnar
á Íslandi, þ.e. formaður Blaksam-
bands Íslands. Þar að auki, eins og
ykkur er kunnugt, hef ég, á síðustu
30 árum gegnt formennsku í ÍBR,
HSÍ, JSÍ og ÓÍ. Við þetta má bæta að
ég var einnig í forsvari fyrir íþrótta-
mál Reykjavíkurborgar, ÍTR, í 12 ár.
Rétt er að það komi fram að ég var
ekki tilnefndur í umrædda nefnd af
stjórn ÍSÍ. Forustumenn Alþjóðaól-
ympíunefndarinnar skipuðu mig í
hana.
Þar sem umrædd bréf forsetans
vörðuðu mig persónulega óskaði ég
eftir afritum af þeim. Fyrstu tvö
bréfin fékk ég strax og voru þau af-
hent mér með bréfi 13. júlí 2000. Í
þeim bréfum koma fram ósannindi
um störf mín innan íþróttahreyfing-
arinnar. Þegar mér varð ljóst að bréf-
in voru fleiri óskaði ég eftir afriti af
þeim með bréfi sem ég skrifaði til
stjórnar ÍSÍ, í september 2001. Það
erindi mitt ítrekaði ég í lok janúar
2002. Um síðir fékk ég svar, eða í
mars 2002, tæplega hálfu ári eftir að
fyrra bréfið var sent ykkur. Í millitíð-
inni fékk ég þó að skoða bréfin á
skrifstofu ÍSÍ, undir eftirliti, en afrit
fékk ég ekki og var beiðni minni hafn-
að með þeim rökum að engin lagaleg
skylda hvíldi á ÍSÍ að afhenda mér
þau. Það væri nóg að kynna mér bréf-
in. Með þeim orðum og einnig þeirri
staðreynd að mér bárust allar upp-
lýsingar um bréf forsetans erlendis
frá er ljóst, að hann ætlaði ekki að
láta mig vita um þessi einstæðu skrif
enda voru umrædd bréf ekki lögð
fram á stjórnarfundum til samþykkt-
ar eða synjunar, að undanskildu
fyrsta bréfinu, sem lagt var fram á
fundi stjórnar eftir að það var sent.
Það er áreiðanlega einstakt í
íþróttasögu Íslendinga að forseti
heildarsamtaka þessarar hreyfingar,
sem kennir sig við hinn rómaða
íþróttaanda og ólympíuhugsjón, sem
m.a. byggist á heiðarlegum vinnu-
brögðum og keppni, skuli staðinn að
verki á hendur öðrum íþróttaforystu-
manni, eins og hér er lýst. Við þetta
má bæta, að ekki er aðeins um kjör-
inn forseta hreyfingarinnar að ræða,
forsetinn er einnig starfsmaður
hennar og þiggur ágæt laun sem slík-
ur.
Íþrótta- og ólympíusamband Ís-
lands fær meginhluta tekna sinna frá
ríkissjóði og er fjallað um þær fjár-
veitingar á Alþingi, þar sem allt er
fyrir opnum tjöldum. Nýlega ritaði
forseti ÍSÍ tvær greinar í Morgun-
blaðið þar sem hann lýsti vanþóknun
sinni á baktjaldamakki og sagði m.a.
það óþolandi fyrir almenning „hvern-
ig tekist er á um hans eigin hags-
muni, hans eigið líf, bak við luktar
dyr“. Í síðari greininni segir hann að
íþróttir séu ekki einkamál og hann
hafi alltaf starfað af heilindum innan
hreyfingarinnar. Þessi orð Ellerts
vekja spurningar um stöðu og störf
hans og stjórnar ÍSÍ með hliðsjón af
því sem hér á undan er sagt. Með til-
vísun til þessa má ætla að annaðhvort
sé um að ræða gleðileg sinnaskipti
hjá forsetanum eða þá að lítið sam-
ræmi sé annars vegar í orðum hans
og hins vegar í athöfnum. Mun á það
reyna þegar ég fer nú enn einu sinni
formlega fram á það, að mér verði af-
hent afrit af umræddum bréfum sem
fjalla um mig persónulega og svar-
bréfum við þeim. Leynimakk og felu-
leikur á ekki að vera leiðarljós
íþróttaforustunnar. Ég vona að þar
með komi í ljós, að ÍSÍ sé ekki veröld
út af fyrir sig svo aftur sé vitnað í orð
forsetans í umræddri blaðagrein.
Opið bréf til stjórnar Íþrótta-
og ólympíusambands Íslands
Eftir Júlíus
Hafstein
„Leynimakk
og feluleikur
á ekki að
vera leiðar-
ljós íþrótta-
forustunnar.“
Höfundur er fyrrverandi formaður
ólympíunefndar Íslands.
Í KOSNINGUNUM 10. maí velja
landsmenn þá stefnu sem ríkja mun í
landsstjórninni næstu árin og einnig
þá forystu sem á að fylgja stefnunni
eftir. Mörg þúsund einstaklingar
ganga að kjörborðinu í alþingiskosn-
ingum í fyrsta sinn og fá þannig kær-
komið tækifæri til að hafa bein áhrif á
uppbyggingu þess samfélags sem
þeir lifa og hrærast í. Þá er mikilvægt
að vanda valið, enda ráða pólitísk úr-
lausnarefni dagsins í dag því hvernig
þjóðfélagi morgundagsins verður
háttað – því þjóðfélagi sem okkar
unga fólksins bíður að taka við.
Vilt þú vinna gegn fátækt?
Í kosningunum tökum við grund-
vallarafstöðu til þess á hvaða for-
sendum og á hvaða gildum við viljum
að þetta þjóðfélag morgundagsins
byggist. Stefna Samfylkingarinnar
er skýr. Hún vill byggja það upp á
sjónarmiðum um jöfnuð, fé-
lagshyggju og samhjálp. Samfylking-
in horfir með mikilli hryggð upp á þá
stöðugu þróun sem orðið hefur á und-
anförnum árum í átt til aukins ójafn-
aðar, vaxandi fátæktar og afturför í
þjónustu velferðarkerfisins. Gegn
þessari fátækt og þessum ójöfnuði
stendur Samfylkingin, og ég vona að
ungt fólk sé því sammála að það hlýt-
ur að vera eitt brýnasta verkefni okk-
ar kynslóðar að snúa við þessari þró-
un, vinna að auknu félagslegu
réttlæti og tryggja öllum þjóðfélags-
þegnum framtíðarinnar mannsæm-
andi lífskjör. Að því vinnur Samfylk-
ingin.
Í kosningunum tökum við afstöðu
til þess hvert við teljum mikilvægi
menntakerfisins vera og hvernig við
viljum það byggt upp. Samfylkingin
leggur mikla áherslu á að fjárfesting
í menntun verði aukin og jafn að-
gangur að menntun tryggður. Öflugt
og opið menntakerfi er helsta und-
irstaða velferðarkerfisins enda skap-
ar það öllum möguleika á því að
skapa sér sem og þjóðinni bjarta
framtíð. Því miður hefur Sjálfstæð-
isflokkurinn, sem nú hefur farið með
menntamálaráðuneytið í 12 ár, sýnt
algjört skilningsleysi í menntamál-
um. Helstu einkenni þessa tímabils
hafa verið fjársvelti menntastofnana
og aukin kostnaðarþátttaka nem-
enda. Lánasjóður íslenskra náms-
manna er einnig langt frá því að
gegna því hlutverki sínu að tryggja
öllum aðgang að námi. Það þarf hug-
arfarsbreytingu í menntamálum.
Framlög til menntamála eru ekki út-
gjöld, þau eru fjárfesting til framtíð-
ar og skila sér margfalt til baka.
Þessari hugarfarsbreytingu mun
Samfylkingin standa fyrir.
Vilt þú úrræði í
húsnæðismálum?
Í kosningunum tökum við afstöðu
til úrræða við hinum sívaxandi vanda
á húsnæðismarkaði, sem kemur mjög
illa niður á ungu fólki. Núverandi rík-
isstjórn hefur ekki reynst fær til að
bregðast við vandanum, heldur þvert
á móti lagt sitt af mörkum til að auka
hann frekar, t.d. með verulegri
hækkun vaxta til félagslegra bygg-
ingaraðila. Samfylkingin kynnir hug-
myndir um átak í byggingu smárra
íbúða fyrir ungt fólk, sem hið opin-
bera kæmi að með stofnstyrkjum til
að lækka verð. Auk þess leggjum við
til að hlutfall lána hækki hjá ungu
fólki sem er að kaupa sína fyrstu
íbúð.
Í kosningunum tökum við afstöðu
til þess hvort við sættum okkur við
þær aðstæður sem ungu barnafólki
eru skapaðar. Jaðarskattar á ungt
fjölskyldufólk eru allt of háir, skóla-
gjöld leikskóla eru komin algjörlega
úr böndunum og félagslega nauðsyn-
legar tómstundir hafa orðið að for-
réttindum á grunnskólastigi. Sam-
fylkingin hefur kynnt ýmsar tillögur
til úrbóta. Hún vill m.a. taka upp
ótekjutengdar barnabætur með öll-
um börnum til 18 ára aldurs. Með því
og öðrum aðgerðum vill Samfylking-
in bæta hag fjölskyldna í landinu.
Tekur þú afstöðu gegn stríði?
Í kosningunum tökum við afstöðu
til þeirrar stefnu ríkisstjórnarinnar
að sitja möglunarlaust undir hvers
kyns hernaðarbrölti Bandaríkjanna
og bandamanna þeirra sem snið-
gengið hafa mikilvægasta samráðs-
vettvang þjóða heimsins og úthella
nú blóði í Írak. Ísland á að reka sjálf-
stæða utanríkisstefnu sem endur-
speglar vilja þjóðarinnar. Samfylk-
ingin hafnar stríðinu í Írak.
Með atkvæði okkar hinn 10. maí
höfum við unga fólkið veruleg áhrif
og tökum afstöðu til óteljandi atriða í
þjóðfélagsgerðinni. Sýn Samfylking-
arinnar er skýr. Hún vill byggja upp
samfélag á grundvelli samhjálpar og
jafnra tækifæra. Hún ætlar að ráðast
til atlögu við fátækt. Hún vill byggja
upp öflugt menntakerfi sem stendur
öllum opið. Hún vill að allir eigi raun-
hæfa möguleika á að skapa sér heim-
ili og búa sér og fjölskyldu sinni væn-
legt umhverfi. Nýttu atkvæðisréttinn
vel.
Réttur
okkar allra
Eftir Eirík
Jónsson
Höfundur er lögfræðingur og skipar
5. sæti á lista Samfylkingarinnar í
Norðvesturkjördæmi.
„Eitt brýn-
asta verk-
efni okkar
kynslóðar er
að vinna bug
á fátækt.“