Morgunblaðið - 03.04.2003, Blaðsíða 52
52 FIMMTUDAGUR 3. APRÍL 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
HINN 28. desember sl. birtist gagn-
rýni Vernharðs Linnet um diskinn
minn Fagra veröld. Ég er ansi ósátt
við þessa gagnrýni og finn mig
knúna til að vekja máls á þröngsýni
sums fjölmiðlafólks.
Í lokamálsgrein sinni segir Vern-
harður orðrétt: „Þetta er dálítið mis-
heppnaður djassdiskur, en kannski
var honum ætlað annað hlutverk.“
Ég er ekki þess vitandi að fyrr-
nefndur diskur hafi verið sérstak-
lega merktur sem djass. Hann var
jú tilnefndur til bestu diska ársins í
flokki djassdiska og má finna í djass-
deildum plötubúða.
En hvað er djass og hverjir eru
rammar djasstónlistar? Er hægt að
gefa út disk sem er misheppnaður
djassdiskur en góður sem eitthvað
annað? Á disknum stendur hverjir
leika og við erum víst öll djasstón-
listarmenn og virðast sumir draga
sínar ályktanir beint af því í stað
þess að gefa tónlistinni tækifæri.
Dagskrárstjóri Bylgjunnar, Bjarni
Arason, sagði við mig: „Ég held ég
viti hvernig tónlist þetta er og þetta
fer ekki í spilun.“ Svipuð viðbrögð
fékk ég frá dagskrárstjóra útvarps-
stöðvarinnar Létt, Huldu Bjarna-
dóttur, þegar ég sendi þeim jólalag í
akústískri popp-útsetningu: „Þetta
er of djassað.“
Ég er mjög ánægð með hljóm-
sveitina og finnst frábært hvernig
Kristjana Stefánsdóttir söngkona
tók á þessu efni sem er kannski
óhefðbundið fyrir hana en Vernharði
finnst það „synd því oss þyrstir að
heyra meiri sveiflu af vörum söng-
dívunnar…“ Syngur hún eitthvað
verr þegar sveiflan er minni? Er
minni sveifla í djassi okkar tíma og
ef svo er, er það eitthvað til að gráta
yfir? Á Kristjana að halda sig við
tónlist fortíðarinnar og ekkert að
færa sig fram á veginn? Afhverju
ekki að hæla henni fyrir fjölhæfni?
Vernharður er lítið hrifinn af text-
unum mínum eða „hnoði“ eins og
hann kallar það en eftir þessa gagn-
rýni fór ég að spá í hvort að hann
hefði ekki skilið þá eða bara ekki
hlustað. Hann segir að lagið Ég leyfi
mér að dreyma sé „ástarjátning
Sunnu til eiginmannsins“. Fyrsta
setning annars erindis er „Ókominn
er enn maðurinn sem lífið mun með
mér ganga“. Er Vernharður að gefa
í skyn að ást lífs míns sé enn ókom-
in? Svo segir hann að ég hefði frekar
átt að yrkja á ensku. Gerum við ekki
eins miklar kröfur til texta sem eru
á ensku eða hvað? Hvort skiptir
meira máli, innihald textanna eða að
þeir fylgi reglum um stuðla og höf-
uðstafi? Til að kóróna allt er nafn
trommarans, Scott McLemore, staf-
að á þrjá mismunandi vegu í grein-
inni og diskurinn rangnúmeraður
(726 í stað 721).
Vernharður segir margt gott um
spilamennskuna á disknum en kallar
hann jafnframt „eintóna“ án nokk-
urra skýringa. Ég veit að ég er ekki
sú eina sem finnst gagnrýnin rugl-
ingsleg og án nokkurrar niðurstöðu.
Ég hef engan rétt til að setja út á
álit gagnrýnenda en mér finnst að í
þessu tilviki hefði mátt rökstyðja
staðhæfingarnar á einhvern hátt og
vanda vinnubrögðin aðeins betur.
SUNNA GUNNLAUGSDÓTTIR
tónlistarmaður,
285 15th St. #1C Brooklyn,
NY 11215.
Djass eða ekki djass
og slæleg vinnu-
brögð gagnrýnenda
Frá Sunnu Gunnlaugsdóttur
OKKUR er sagt að útgerðin hér á
landi skuldi um 200 miljarða í dag.
Svo skulda heimilin okkar meira en
í nokkru öðru
landi. Þannig má
telja upp áfram.
Skuldirnar eru
víða of miklar.
Það er því al-
menn krafa að
vextir hér á
landi séu lækk-
aðir til samræm-
is við vexti í
næstu löndum, t.d. Danmörku og
Svíþjóð. Þar eru vextir sagðir vera
um þessar mundir svona helmingi
lægri en á Íslandi lauslega áætlað.
Ef Seðlabankinn lækkar ekki fljótt
stýrivexti sína til samræmis við
Danmörku og Svíþjóð þá á alþingi
að lækka stýrivexti á Íslandi með
lögum og handafli. Slíkt bjargar
mörgu fyrirtæki og einstaklingi frá
gjaldþroti á næstunni.
Annað alvarlegt mál eru fyrir-
ætlanir Seðlabankans um að
hækka vexti enn frekar fljótlega til
að vinna á móti peningaþenslu frá
byggingu virkjunar og álvers á
Austurlandi. Til að vinna á móti
þessari peningaþenslu á ríkissjóð-
ur í stað vaxtahækkunar Seðla-
banka að selja sjálfur verulegt
magn ríkisskuldabréfa innanlands
t.d. lífeyrissjóðum og almenningi.
Frysta verður svo peningana frá
sölunni meðan virkjað er. Það
stoppar alla peningaþenslu. Svo er
hægt að losa um þetta sama fé
seinna til að vinna á móti kreppu
og atvinnuleysi þegar búið er að
ljúka alveg við að virkja og byggja
álverið. Þá kemur annars sam-
dráttur.
Seðlabankinn verður að lækka
vexti frekar. Það mun stórbæta
hag allra, bæði almennings og fyr-
irtækja. Viljum sömu vexti og Dan-
ir og Svíar hafa í dag. Sanngjörn
krafa.
LÚÐVÍK GIZURARSON,
Grenimel 20,
107 Reykjavík.
Lækka verður vexti
Frá Lúðvík Gizurarsyni
hæstaréttarlögmanni