Morgunblaðið - 04.04.2003, Blaðsíða 8
8 B FÖSTUDAGUR 4. APRÍL 2003 MORGUNBLAÐIÐ
AUÐLESIÐEFNI
HERSVEITIR Bandaríkjamanna sækja
hratt að Bagdad. Þær hafa átt í hörðum
átökum við Lýðveldis-vörðinn,
úrvalssveitir Íraks-hers, sem ver helstu
leiðir til borgarinnar. Bandaríkjamenn
segjast hafa rofið stór skörð í
Lýðveldis-vörðinn með áköfum
loftárásum.
Um miðja vikuna var bandaríska
herliðið í um 40 til 65 km fjarlægð frá
Bagdad. Herinn hefur náð á sitt vald
mikilvægum brúm og bæjum á þeim
slóðum. Talið er að varnir Íraka hafi
verið rofnar á tveimur stöðum. Búist er
þó við harðnandi bardögum eftir því sem
nær dregur höfuðborginni.
Írakar bera á móti öllum fréttum
bandamanna af sókninni. Þá var í íraska
sjónvarpinu lesin upp yfirlýsing frá
Saddam Hussein, forseta Íraks. Hann
hvatti landsmenn til að verjast því
sigurinn blasti við.
Bandamenn láta vel af gangi stríðsins.
Hernaðar-sérfræðingar segja þó að
mesta martröðin sé eftir. Það séu átökin
um Bagdad sem margir óttast að geti
orðið mjög blóðug og staðið í lengi.
ReutersBreskur hermaður fylgist með átökunum úr fjarska.
Varnir Íraka við Bagdad að rofna
BÖRN í grunnskólum á
Íslandi eru farin að herma
eftir hættulegum atriðum í
þáttum sem sýndir eru í
sjónvarpi hér á landi. Þetta
eru þættir eins og Jackass,
Fear Factor og 70 mínútur.
Ungir krakkar hafa jafnvel
skipulagt leiki þar sem þau
áttu að borða orma og drekka
úr drullu-pollum, látið loka sig
inni í saltkistu og velta sér
niður tröppur á skólalóðinni.
Þá hafa þau líka drukkið
eitur-brugg með blóma-áburði
og skordýrum, Slíkur leikur
varð til þess að einn drengur
þurfti að fara á sjúkrahús.
Skólastjóri í borginni segir
að þættirnir séu
stór-hættulegir fyrir börn.
Hann er hræddur um að slíkir
leikir geti aukið einelti á
börnum sem eiga erfitt. Þau
geti þannig verið neydd til að
gera eitthvað sem þau vilji
ekki og geti jafnvel verið
hættulegt fyrir þau.
Kennari í öðrum skóla
segir að foreldrar átti sig
kannski ekki á því hvað
börnin verði fyrir miklum
áhrifum frá þáttunum. Hann
hefur sent tölvu-póst heim til
allra foreldra í bekknum sem
hann kennir og varað þá við
þáttunum.
Krakkar í
hættuleg-
um leikjum
MENNTASKÓLINN á Akureyri
vann söngkeppni
framhalds-skólanna sem
haldin var á Akureyri um
síðustu helgi. Anna Katrín
Guðbrandsdóttir, keppandi
MA, söng þjóðlagið Vísur
Vatnsenda-Rósu. Í öðru sæti
varð Sigþór Árnason í
Fjölbrauta-skóla Suðurlands
og í því þriðja var Elísabet
Magnúsdóttir úr
Borgarholts-skóla.
Morgunblaðið/Skapti Hallgrímsson
Sigurvegarinn, Anna Katrín
Guðbrandsdóttir, brosir blítt.
MA sigraði
Söngkeppni
framhaldsskóla
MENNTASKÓLINN í
Reykjavík (MR) vann
spurninga-keppni
framhalds-skólanna í
11. skiptið í röð.
Kepnnin heitir Gettu
betur en MR vann MS,
með35 stig um gegn 22.
Í liði MR eru Snæbjörn
Guðmundsson, Oddur
Ástráðsson og Atli
Freyr Steinþórsson. Þeir
fengu hljóð-nemann að
launum og fullt af öðrum
verðlaunum. Margir
krakkar úr báðum
skólunum komu á
keppnina og studdu lið
sín.
Morgunblaðið/Golli
Lið MR ásamt liðsstjóranum sín-
um, Helga Hrafni Guðmundssyni,
lengst til vinstri.
MR vann í Gettu betur
HLJÓMSVEITIN Dáðadrengir
vann Músík-tilraunir sem
haldnar voru síðasta
föstudag. Í Músík-tilraunum
keppa margar hljómsveitir
um hver sé best og eru
verðlaun fyrir 3 efstu sætin.
Dáðadrengir spila rapp og
líka rokk. Bassa-leikarinn
heitir Sindri Eldon, en
mamma hans er Björk,
söngkonan okkar fræga.
Í öðru sæti varð Doctuz
sem leikur rokk og í þriðja
sæti varð Amos sem leikur
líka rokk.
Morgunblaðið/Björg
Dáðadrengirnir voru glaðir yfir því að hafa unnið.
Dáðadrengir sigruðu í
Músík-tilraunum
ÍSLAND tapaði fyrir
Skotlandi, 2:1, í
undan-keppni Evrópumóts
landsliða í knattspyrnu sem
fór fram í Glasgow á
laugardag. Eiður Smári
Guðjohnsen skoraði mark
Íslands. Hann jafnaði 1:1 í
byrjun síðari hálfleiks. En
það var Lee Wilkie sem
skoraði sigurmark Skota 20
mínútum fyrir leikslok.
Íslenska liðið lék mjög illa í
fyrri hálfleik en mun betur í
þeim síðari.
Ísland er með þrjú stig
eftir þrjá leiki í keppninni.
Liðið á því litla möguleika á
að komast áfram úr
riðlinum.
Guðni Bergsson, fyrirliði
enska knattspyrnu-liðsins
Bolton, hefur gefið kost á
sér til að leika með íslenska
landsliðinu gegn Færeyjum
og Litháen dagana 7. og 11.
júní. Guðni sagði við
Morgunblaðið eftir leikinn
gegn Skotum í Glasgow að
hann væri tilbúinn, ef Atli
Eðvaldsson landsliðs-þjálfari
þyrfti á sér að halda.
Guðni er að enda sinn
knattspyrnu-feril. Hann ætlar
að hætta hjá Bolton þegar
ensku úrvals-deildinni lýkur í
maí og flytja til Íslands.
Landsleikirnir tveir yrðu þá
kveðju-leikir hans á ferlinum.
Töpuðu fyrir Skotum
Morgunblaðið/Kristinn
Guðni Bergsson er tilbúinn að leika áfram með íslenska
landsliðinu í næstu tveimur leikjum þess í undankeppni EM.
Netfang: auefni@mbl.is