Morgunblaðið - 05.04.2003, Blaðsíða 28
HÖFUÐBORGARSVÆÐIÐ
28 LAUGARDAGUR 5. APRÍL 2003 MORGUNBLAÐIÐ
HLÍÐASKÓLI sigraði í gær í
KappAbel stærðfræðikeppni 9.
bekkinga, en lokakeppnin fór fram í
Háskólabíói. Fast á hæla þeirra
fylgdi Varmárskóli en tvö auka-
verkefni þurfti til að skera úr um
hvor sigraði. Oddeyrarskóli hafnaði
í þriðja sæti en fékk aukaverðlaun
fyrir bekkjarverkefni sitt.
„Skemmtilegast við þetta var að
vinna. Þetta tók dálítið á. Við höfð-
um lítinn tíma til að undirbúa okkur
því það er söngleikur í gangi í skól-
anum hjá okkur, en við eyddum
nokkrum dögum í þetta,“ sagði
Svanfríður Harpa Magnúsdóttir úr
sigurliði Hlíðaskóla. „Við unnum
mest saman, við fjögur, en bekk-
urinn hjálpaði mikið til. Þetta eru
mest þrautir, en ekki hefðbundin
stærðfræðidæmi,“ sagði Svanfríður.
Ingibjörg Möller, stærðfræði-
kennari sigurvegaranna í Hlíða-
skóla, var ánægð að keppni lokinni.
„Ég er mjög stolt. Þau stóðu sig al-
veg með prýði sem og allir þeir sem
voru í úrslitakeppninni. Það hafa
mjög margir lagt mikla vinnu í
þetta og örugglega lært heilmikið á
því,“ sagði Ingibjörg. Hún sagði
bekkinn sem sigurvegararnir koma
úr vera góða heild sem ynni vel
saman. „Það var auðvitað mjótt á
munum og hefðu allir sem komust í
úrslit átt skilið að vinna. Þessi
keppni er mjög vel til þess fallin að
vekja áhuga á stærðfræði. Hún
reyndi mikið á bæði samvinnu og
hugvit.“
Fjórðungur tók þátt
Anna Kristjánsdóttir, umsjónar-
maður keppninnar, sagði að fjórð-
ungur allra 9. bekkinga hafi tekið
þátt í keppninni. Hún sagði það
mikilvægt fyrir unglingana að geta
fært rök fyrir máli sínu, en hver
bekkur leysti 8 verkefni. „Sá þáttur
að rökstyðja mál sitt hvert fyrir
öðru sýndi kennurum nýja hlið á
nemendum sínum því þá sáu þeir
hversu nemendurnir eru megnug-
ir,“ sagði Anna. Hún sagði umfang
keppninnar hafa aukist frá því í
fyrra. „Ég var mjög glöð að sjá
hvað íslenskir skólar tóku þessu
vel. Þetta er að breiðast út. Þetta
er í fyrsta sinn sem við leggjum í
að vera með svona lokakeppni á
sviði. Krakkarnir stóðu sig bara
býsna vel vegna þess að því fylgir
náttúrulega álag.“
Hlíðaskóli hlutskarp-
astur í stærðfræði
Morgunblaðið/Árni Sæberg
Sigurvegararnir úr Hlíðaskóla í stærðfræðikeppni KappAbel voru þau Ólafur Þ. Stefánsson, Árni Heiðar Geirs-
son, Linda Björk Kristinsdóttir og Svanfríður Harpa Magnúsdóttir.
Hlíðar
ENGIDALSSKÓLI og leikskólinn
Norðurberg fengu í gær viðurkenn-
inguna Grænfánann fyrir fram-
úrskarandi starf að umhverf-
isvernd og umhverfis- og
náttúrufræðslu.
Siv Friðleifsdóttir umhverf-
isráðherra afhenti börnunum fán-
ann við hátíðlega athöfn.
Grænfáninn er umhverfismerki
sem nýtur virðingar víða í Evrópu
sem tákn um góða fræðslu og um-
hverfisstefnu í skólum. Fánann fá
skólar í kjölfar þess að hafa leyst
fjölþætt verkefni sem efla vitund
nemenda, kennara og annarra
starfsmanna skólans um umhverf-
ismál. Verkefnin eru bæði til
kennslu og til að bæta daglegan
rekstur skóla. Þau efla þekkingu
nemenda og skólafólks og styrkja
grunn að því að tekin sé ábyrg af-
staða og innleiddar raunhæfar að-
gerðir í umhverfismálum skóla.
Jafnframt sýnir reynslan í Evrópu
að skólar sem taka þátt í verkefn-
inu geta sparað talsvert í rekstri.
Sjálfseignarstofnunin Founda-
tion for Environmental Education
(FEE) stendur að baki Grænfán-
anum en samtökin voru stofnuð ár-
ið 1981. Landvernd á aðild að FEE
og hefur umsjón með Grænfán-
anum á Íslandi. Verkefnið nýtur
stuðnings bæði menntamálaráðu-
neytis og umhverfisráðuneytis. Á
síðasta ári fengu fyrstu þrír skólar
á Íslandi Grænfánann, Selásskóli og
Fossvogsskóli í Reykjavík og Anda-
kílsskóli í Borgarfirði.
Fengu viðurkenningu
fyrir umhverfisvernd
Hafnarfjörður
Morgunblaðið/Árni Sæberg
Börnin á leikskólanum Norðurbergi taka á móti Grænfánanum.
VARMÁRSKÓLI tekur um þessar
mundir þátt í evrópsku samstarfs-
verkefni ásamt Belgíu, Ítalíu og
Portúgal. Verkefnið felst í því að
brúa það menningarlega bil sem er
á milli landanna.
Börnin í 4. og 5. bekk í Varmár-
skóla fá að kynnast menningu
hinna landanna ásamt því að fá
tækifæri til að kynna menningu
sína fyrir jafnöldrum sínum er-
lendis. Verkefnið kallast Come-
níus-verkefnið og svipar mjög til
Erasmus-skiptiverkefnis háskóla-
nema. Comeníus á við grunn-
skólana og eiga samskiptin sér stað
í gegnum tölvur.
Á þriggja ára tímabili kynna
börnin m.a. sinn bæ og listamenn
frá sínu landi í því skyni að brúa
bilið milli menningarheimanna.
Aðaláherslan er lögð á myndlist og
tónlist ásamt því að heimspekileg
spurning leiðir til áframhaldandi
skipta á mismunandi menningar-
legum hefðum, sköpunarþörf og
hugmyndum barnanna. Verkefnið
hófst í september 2002 og lýkur
2005.
Dagana 11. til 17. apríl koma
kennarar frá Belgíu, Portúgal og
Ítalíu í heimsókn í Varmárskóla.
Þessir kennarar vinna að sam-
starfsverkefninu í sínu landi. Tveir
kennarar úr Varmárskóla hittu
þessa kennara í haust í Porto,
Portúgal, aðrir tveir kennarar fara
og hitta hópinn síðan í júní í
Brugge í Belgíu.
Fá styrk frá
Evrópusambandinu
Varmárskóli fær um 500 þúsund
króna styrk á ári frá Evrópusam-
bandinu í samtals þrjú ár til verk-
efnisins. Skólinn þarf reyndar að
uppfylla ákveðin skilyrði hvert ár
til að halda styrknum.
Guðrún Markúsdóttir, deildar-
stjóri á miðstigi í Varmárskóla, er
tengiliður verkefnisins á Íslandi.
„Krakkarnir eru búin að gera
orðabók með flæmskum, ítölskum,
portúgölskum og íslenskum þýð-
ingum. Við erum búin að setja
orðabókina á netið en þetta eru
tæp 90 algeng orð. Þar er einnig
hægt að hlusta á orðin á hinum
tungumálunum,“ sagði Guðrún.
Börnin fengu einnig eintak af
bókinni í pappírsformi en áður en
til þess kom fór bókin milli land-
anna og myndskreyttu börnin
hana sjálf.
„Svo erum við að kynna bæinn
okkar og þau kynna bæina sína og
við setjum það allt inn á netið.“
Belgarnir kynna einnig einn
belgískan listmálara í vetur. Börn-
in í Varmárskóla læra um lista-
manninn og teikna myndir í hans
anda. Síðan eru 10 myndir valdar
úr og sendar út þar sem haldin er
listaverkasýning. Á næsta ári
kynna börnin í Varmárskóla ís-
lenskan listmálara fyrir félögum
sínum úti. Krakkarnir hafa einnig
hist á spjallþráðum á netinu.
„Þeim finnst eins og hinir krakk-
arnir séu einhverjar geimverur.
Þau trúa því varla að þau séu að
hugsa svona svipað og við. Þegar
við fengum pakkann með lista-
manninum kom heimspekileg
spurning með sem við leggjum fyr-
ir bekkinn. Spurt var hvort aðeins
væri til einn ég eða fleiri. Á næsta
ári útbúum við pakka og leggjum
fyrir heimspekilega spurningu,“
sagði Guðrún sem var mjög ánægð
með framvindu verkefnisins.
Kynnast menn-
ingu jafnaldra
sinna í Evrópu
Mosfellsbær
TENGLAR
...........................................
www.buildingbridges.be
OPIÐ hús var í Kennaraháskóla Ís-
lands í vikunni þar sem kennarar,
nemendur og námsráðgjafar
kynntu námsframboð í grunndeild
og svöruðu fyrirspurnum. Í
tengslum við kynninguna voru
einnig til sýnis námsgögn sem not-
uð eru á hinum ýmsu námsbrautum
og einnig sýningar á verkum nem-
enda.
„Markmiðið með þessu er að
kynna námið í skólanum og gera
það sýnilegt. Við erum að kynna
fyrst og fremst grunndeildina sem
skiptist í ýmsar brautir sem verða
allar kynntar,“ sagði Elín Jóna
Þórsdóttir, skrifstofustjóri kennslu-
skrifstofu. Hún sagði að þrátt fyrir
að aðsóknin að skólanum væri mikil
væri nauðsynlegt að sýna í verki
hvað færi fram innan veggja skól-
ans.
Gerir námið sýnilegra
Hlíðar
Morgunblaðið/Golli
Fjölmargir komu við í Kennaraháskólanum til að kynna sér námsframboðið.
Í DAG hefst myndlistarsýning
nemenda frá öllum átta grunn-
skólum Kópavogs í Gamla bóka-
safninu, Fannborg 3. Sýningin
er tileinkuð Gerði Helgadóttur
myndlistarkonu en hún hefði
orðið 75 ára hinn 11. apríl, en þá
lýkur sýningunni.
Myndlistarkennararnir í skól-
unum í Kópavogi kynntu Gerði
og verkin hennar fyrir nemend-
um sínum. Nemendurnir unnu
síðan verk í hennar anda.
Unnið var með margs konar
efni og má m.a. sjá myndverk og
skúlptúra úr leir, gleri, steinum,
vír og pappír. Nemendur á aldr-
inum 6–16 ára gerðu verkin sem
eru alls á milli 200 og 300.
Hugmyndin um að setja upp
sameiginlega myndlistarsýn-
ingu kom fram í fyrra. Húsnæð-
isskortur olli því þó að ekki var
hægt að setja hana upp. „Það
kom í ljós í vetur að gamla bóka-
safnið stæði autt, svo okkur
fannst tilvalið að nota tækifær-
ið,“ sagði Guðný Jónsdóttir,
myndlistakennari í Kársnes-
skóla. „Okkur fannst upplagt að
tileinka þetta Gerði því fljótlega
verður opnuð sýning með verk-
um hennar ásamt því að hún
hefði orðið 75 ára í ár.“
Guðný lagði áherslu á að hér
væri um alvörumyndlistarsýn-
ingu að ræða. „Þetta er alvöru-
myndlistarsýning og við leggj-
um mikinn metnað í hana. Hér
eru margir efnilegir listamenn.
Krakkar eru með svo mikinn
sköpunarkraft og hann er svo
einlægur og brýst svo óhikað
fram. Þetta er eiginleiki sem
margir fullþroska listamenn öf-
unda börn af. Það má því gera
barnamyndlist hátt undir höfði,“
sagði Guðný.
Sýningin verður opin kl. 14–
17 um helgina en kl. 15–18
mánudag til föstudags.
Fá útrás fyr-
ir sköpunar-
kraft sinn
Kópavogur
Morgunblaðið/Jim Smart
Hluti af verkum barnanna.