Morgunblaðið - 05.04.2003, Blaðsíða 30
ÁRBORGARSVÆÐIÐ
30 LAUGARDAGUR 5. APRÍL 2003 MORGUNBLAÐIÐ
NÝTT íslenskt eldsneyti, framleitt
úr dýrafitu, matarolíu og lýsi, var
formlega tekið í notkun í fyrradag
af Guðna Ágústssyni landbún-
aðarráðherra og Siv Friðleifs-
dóttur umhverfisráðherra.
Landbúnaðarráðherrann dældi
eldsneytinu, sem hefur fengið nafn-
ið lífdísill, á mjólkurbíl Mjólkurbús
Flóamanna og bílnum var síðan ek-
ið frá verksmiðju Kjötmjöls að
mjólkurbúinu.
Iðntæknistofnun og Kjötmjöl
hafa staðið saman að þróun elds-
neytisins undanfarin ár ásamt sam-
starfsaðilum.
Siv Friðleifsdóttir umverfis-
ráðherra og Guðni Ágústsson
landbúnaðarráðherra við lífdís-
ildæluna.
Lífdísill
knýr mjólk-
urbílinn
Selfoss
FÉLAGAR úr ungmennafélaginu
Vöku í Villingaholtshreppi frumsýn-
ir í kvöld kl. 21 leikritið Gullna hliðið
í félagsheimilinu Þjórsárveri.
Kraftmikið starf hefur verið hjá
félaginu gegnum árin bæði á íþrótta-
og menningarsviðinu. Nokkuð er síð-
an þetta verk var síðast sýnt á Suð-
urlandi en þetta verk Davíðs Stef-
ánssonar og efni þess er löngu orðið
sígilt.
Leikstjóri er Gunnar Sigurðsson
en með helstu hlutverk fara Valgerð-
ur Gróa Ingimundardóttir sem leik-
ur kerlingu, Sigmar Örn Aðalsteins-
son leikur Jón og Stefán Ólafsson
lykla Pétur. Sýningar verða einnig
6., 10. og 12. apríl á sama tíma.
Gullna hliðið í
Þjórsárveri
Gaulverjabær
UM síðustu helgi var opnuð ný
verslun og kaffihús í Þorlákshöfn.
Nafnið „VerBÚÐIN“ segið að hluta
til hvað er á boðstólum. Fiskur og
fiskréttir er uppistaðan, einnig er
boðið upp á ýmsar nýlenduvörur.
Ekki hefur verið hægt að kaupa
nýjan og ferskan fisk í Þorlákshöfn
í nokkur ár því er þessi aukna þjón-
usta við íbúana vel þegin. Harpa
Hilmarsdóttir, sem rekur versl-
unina ásamt manni sínum Benjamín
Ómari Þorvaldssyni, sagði að síðan
hún kynntist kaffi frá Kaffitári
hefði henni fundist að hún yrði að
kenna öðrum að njóta þessa dýr-
indis drykkjar, því hefði kaffihús
þar sem boðið er upp á ýmislegt
annað orðið fyrir valinu.
Benjamín Ómar, sem er sjómaður
og gerir út 30 tonna netabát í sam-
vinnu við föður sinn, sagði að sér
gengi ekki vel að sjá versluninni
fyrir fiski þar sem aflinn í netin
væri of einhæfur og þessa dagana
væri ekkert að hafa í netin. „Við
kaupum fisk á markaðnum og höf-
um aðstöðu þar til að vinna hann,“
sagði Benjamín Ómar og bætti við
að nú fiskaðist vel á línuna og það
væri mjög góður fiskur og úrvalið
fjölbreytt.
Verslunin og kaffihúsið VerBÚÐIN
Fiskréttir
og dýr-
indis kaffi
Þorlákshöfn
Morgunblaðið/Jón H. Sigmundsson
Harpa Hilmarsdóttir og Benjamín
Ómar Þorvaldsson í verslun sinni í
Þorlákshöfn. Þar er boðið upp á
kaffi, fisk og ýmsar nýlenduvörur.
ÞESSA dagana er unnið að viðgerð
og styrkingu á sjóvarnargarðinum
framan við byggðina á Eyrarbakka.
Hafði garðurinn sigið nokkuð á
kafla og dregist fram. Á stórvirkum
vélum vinna menn léttilega með
stórgrýti og raða því af mikilli kunn-
áttu svo vel fari.
Viðgerð á sjóvarnargarði
Eyrarbakki
SUÐURNES
HANNES Þ. Hafstein, björgunar-
skip Slysavarnafélagsins Lands-
bjargar í Sandgerði, hefur farið í
245 útköll og þjónustuferðir á þeim
tíu árum sem liðin eru frá því skipið
kom til landsins. Tímamótanna var
minnst við athöfn um borð í skipinu.
Margir gestir komu um borð á af-
mælisdaginn og áhöfnin fékk blóm
auk þess sem Olíufélagið Esso færði
skipinu nokkra sjónauka og fleira.
Björgunarbátasjóður Suðurnesja
rekur skipið. Sigurður H. Guðjóns-
son segir að allir séu sammála um
að skipið hafi sannað tilverurétt
sinn á þessum tíu árum, bæði slysa-
varnafélagsfólk og sjómenn sem
þyrftu á aðstoð þess að halda. Út-
köll væru mismörg eftir árum, frá
sjö og upp í 42 á ári, en samtals 245
á þessu tímabili. Í nokkrum tilvik-
um væri um beina björgun skipa og
sjómanna úr bráðri hættu.
Hannes Þ. Hafstein er stærsta og
öflugasta björgunarskip lands-
manna. Sigurður segir að skipið sé
nokkuð þungt í rekstri og erfitt að
fá tekjur til að standa undir útgjöld-
unum. Björgunarbátasjóðurinn fær
styrk í gegn um Slysavarnafélagið
Landsbjörgu en verður að öðru
leyti að treysta á greiðslur frá
tryggingafélögum og útgerðum
vegna útkalla.
Morgunblaðið/Reynir Sveinsson
Áhöfnin um borð í Hannesi Þ. Hafstein á afmælisdaginn, f.v. Agnar Júl-
íusson skipstjóri, Sigfús Magnússon, Sigurður Stefánsson, Halldór Svein-
björnsson, Hjálmar Hjálmarsson vélstjóri og Sigurður Guðjónsson.
Hannes farið í 245
útköll og leiðangra
Sandgerði
Félagar í Ættfræðifélaginu hittast
á Bókasafni Reykjanesbæjar næst-
komandi mánudagskvöld, kl. 20.
Þetta verður næstsíðasta skiptið
sem hópurinn hittist í vetur, að því
er fram kemur í tilkynningu frá
bókasafninu. Allt áhugafólk um ætt-
fræði er velkomið. Nánari upplýs-
ingar veitir Einar Ingimundarson.
Á NÆSTUNNI
FRÍSTUNDAHELGI verður haldin
í Reykjanesbæ dagana 25. til 27. apr-
íl næstkomandi. Þar verða ýmis
áhugamál íbúa í Reykjanesbæ kynnt
ásamt jaðaríþróttum og landsmenn
hvattir til að heimsækja bæinn og
skoða það sem fyrir augun ber.
Þeir sem koma að frístundahelgi í
Reykjanesbæ eru, auk bæjarins,
Tómstundabandalag Reykjanesbæj-
ar, Íþróttabandalag Reykjanesbæj-
ar, skólar og félagsmiðstöðvar,
björgunarsveitin Suðurnes, skátafé-
lögin Heiðarbúar og Víkverjar auk
fyrirtækja í Reykjanesbæ. Verkefn-
isstjóri er Jón Marinó Sigurðsson.
Fram kemur á heimasíðu Reykja-
nesbæjar að dagskrá frístundahelg-
arinnar er að taka á sig mynd. Meðal
annars verður boðið upp á frístunda-
tilboð hjá hótelum, gistiheimilum og
veitingahúsum, opnuð verður sýning
á Poppminjasafni Íslands í anddyri
Frumleikhússins, myndlistarsýning
barnanna verður haldin í skrúðgarð-
inum í Keflavík, keppt verður í brids,
hraðskák og tölvuleikjum svo eitt-
hvað sé nefnt.
Með því að efna til frístundahelg-
arinnar vill menningar-, íþrótta- og
tómstundaráð Reykjanesbæjar
hvetja áhugamannafélögin til að
markaðssetja sig betur og laða þar
með til sín fólk sem e.t.v. hefur
áhuga á að taka þátt í starfi viðkom-
andi félags á ársgrundvelli.
Áhugamálin
kynnt á frí-
stundahelgi
Reykjanesbær
FIMM verktökum hefur verið boð-
ið að leggja fram tilboð í alúboði á
viðbygginu við hús Fjölbrautaskóla
Suðurnesja í Keflavík. Tilboð verða
opnuð í maí og vonast er til að
framkvæmdir geti hafist í lok júní
eða byrjun júlí.
Ríkið og sveitarfélögin á Suður-
nesjum hafa samið um að standa að
viðbyggingunni og munu sveitar-
félögin standa fyrir framkvæmd-
inni. Ákveðið var að ráðast í alút-
boð og gefa fjórum til fimm
verktökum kost á að bjóða. Sex
svöruðu þegar lýst var eftir verk-
tökum í forvali og hefur bygging-
arnefndin ákveðið að bjóða eftir-
töldum fimm fyrirtækjum að leggja
fram tilboð: Ístak hf., Íslenskir að-
alverktakar hf., Keflavíkurverktak-
ar hf., Hjalti Guðmundsson ehf. og
Húsagerðin ehf. Auk þeirra óskuðu
VSÓ ráðgjöf ehf. og Baldur Jóns-
son ehf. sameiginlega eftir að taka
þátt í útboðinu.
Verkið felur í sér hönnun hússins
og byggingu þess auk fullnaðarfrá-
gangs á húsi og lóð. Áætlað er að
byggingin verði alls um 2.800 fer-
metrar að stærð, á þremur hæðum.
Verktakar eiga að skila tilboðum í
tvennu lagi fyrir 16. maí næstkom-
andi, annars vegar hugmynd að
byggingu í samræmi við þær kröf-
ur sem gerðar eru og hins vegar
verðtilboð. Matsnefnd mun fara yf-
ir og meta lausnirnar og síðan
verða verðtilboðin opnuð 30. maí.
Ólafur Jón Arnbjörnsson skóla-
meistari segir að stefnt sé að und-
irritun verksamnings eigi síðar en
12. júní og vonar að framkvæmdir
geti hafist síðar í þeim mánuði eða
byrjun júlí. Ljúka á verkinu fyrir
27. júlí á næsta ári.
Skipuð hefur verið fimm manna
byggingarnefnd með því að Sam-
band sveitarfélaga á Suðurnesjum
hefur tilnefnt Böðvar Jónsson, for-
mann bæjarráðs Reykjanesbæjar,
og Sigurð Jónsson, sveitarstjóra í
Garði, til viðbótar þriggja manna
nefnd sem hefur starfað að und-
irbúningi verksins en í henni voru
Kristbjörn Albertsson, formaður
stjórnar FS, Hjálmar Árnason al-
þingismaður og Guðmundur
Björnsson verkfræðingur.
Fimm bjóða í Fjölbraut
Keflavík
NÝ Bónusverslun verður opnuð á
Fitjum í Njarðvík í dag, laugardag,
klukkan 10. Verslunin er í því hús-
næði sem Hagkaup voru í áður.
Verslanir Bónuss verða þar með
orðnar 20 talsins, 14 á höfuðborgar-
svæðinu og 6 á landsbyggðinni.
Húsnæðið er um 1100 fermetrar
að flatarmáli og verslunin sjálf um
900 fermetrar. Í versluninni eru sex
afgreiðslukassar, stórt mjólkurtorg
og rúmgóður grænmetiskælir, auk
þess sem frystipláss er með því
mesta sem þekkist í Bónusverslun-
um. Óhætt er því að segja að öll að-
staða fyrir starfsfólk og viðskiptavini
sé til fyrirmyndar, segir í fréttatil-
kynningu frá Bónus.
Verslunin verður með hefðbundnu
Bónussniði, allir helstu vöruliðir
matvöru og margt sérvöruliða. Að
vanda verður boðið upp á opnunartil-
boð að hætti Bónuss. Verslunin verð-
ur opin laugardaga frá 10 til 18 og
sunnudaga frá 12 til 18. Mánudaga
til fimmtudaga verður opið frá 12 til
18.30 og föstudaga frá 10 til 19.30.
Verslunarstjóri er Einar Þór Ein-
arsson og aðstoðarverslunarstjóri
Ólafur Bergsteinn Ólafsson. Átta til
níu fastir starfsmenn verða við störf
í versluninni og að auki fjöldi fólks í
hlutastörfum.
Karlakór Keflavíkur mun syngja í
versluninni um klukkan 15 og hita
þar upp fyrir tónleika sem verða í
Ytri-Njarðvíkurkirkju kl. 17.
Bónus-verslun
opnuð á Fitjum
Njarðvík
Morgunblaðið/Helgi Bjarnason
Verið er að flytja vörur í verslunina, merkja hana og ganga frá umhverfinu.