Morgunblaðið - 05.04.2003, Blaðsíða 35
LISTIR
MORGUNBLAÐIÐ LAUGARDAGUR 5. APRÍL 2003 35
SELKÓRINN á Seltjarnarnesi
heldur tónleika í Seltjarnarnes-
kirkju næstkomandi sunnudags-
og mánudagskvöld og flytur þá
tónlist eftir Antonin Dvorák, en
þetta er stærsta verk kórsins í 35
ára sögu hans, að sögn Jóns Karls
Einarssonar, stjórnanda kórsins.
Söngkonurnar Ingibjörg Guð-
jónsdóttir og Ingveldur Ýr Jóns-
dóttir með Peter Maté píanóleik-
ara sér til fulltingis flytja nokkra
Moravíska dúetta op. 32. í upphafi
tónleikanna. Á síðari hluta þeirra
flytur Selkórinn messu í D-dúr op.
86 fyrir blandaðan kór og orgel.
„Þetta er stærsta verkið, sem kór-
inn hefur ráðist í, en það tekur um
45 mínútur í flutningi,“ segir Jón
Karl, en tónleikarnir hefjast
klukkan 20.30 bæði kvöldin.
Verkið samdi Dvorák 1887 að
beiðni arkitektsins Jósefs Hlávka,
stofnanda Tékknesku vísinda- og
listaakademíunnar, í tilefni vígslu
nýrrar kapellu í landi arkitektsins.
Að sögn Jóns Karls er messan lát-
laus í uppbyggingu án þess að
nokkurs staðar sé slegið af list-
rænum eða skáldlegum kröfum.
Seinna gerði Dvorák fáeinar
breytingar á verkinu er hann
skrifaði orgelpartinn út fyrir
hljómsveit, en þannig var verkið
fyrst gefið út og er oftast flutt í
þeirri útgáfu.
Í Selkórnum eru nú 45 manns,
sem hafa notið raddþjálfunar
Matthildar Matthíasdóttur söng-
konu undanfarin misseri og segir
Jón Karl að starf hennar sé ómet-
anlegt.
Stærsta verk Selkórsins
TVÆR einkasýningar verða opnað-
ar í Listasafni ASÍ í dag, laugardag,
kl. 15. Í Ásmundarsal sýnir
Þorgerður Sigurðardóttir nýjar
blýantsteikningar á akrýlgrunnuð-
um pappír, og nefnir hún sýninguna
Himin og jörð. Myndefnið byggist á
grunnformunum hring og ferningi.
Þorgerður segir m.a. um formin:
„Hringurinn er tákn guðdómsins og
eilífðarinnar vegna þess að hann hef-
ur hvorki upphaf né endi. Ferning-
urinn er tákn jarðarinnar og hins
veraldlega. Við sjóndeildarhring
renna saman í eitt himinn og jörð.“
Þorgerður hefur haldið fjölda
einkasýninga og tekið þátt í samsýn-
ingum hérlendis og erlendis.
Í Gryfju, í stiga og á þaksvölum
safnsins er sýning G.Erlu, Hvarf.
„Þó að verkin á sýningunni eigi
það sameiginlegt að þar er nálin not-
uð sem verkfæri og þráður og dúkur
sem efni er ekki um textilsýningu að
ræða. Nær er að skilgreina verkin
sem innsetningar,“ segir G.Erla um
sýningu sína.
G.Erla hefur haldið einkasýningar
og tekið þátt í fjölda samsýninga auk
þess sem hún er höfundur leikmynda
og búninga fyrir vel á fjórða tug
verka.
Í Arinstofu stendur yfir sýning á
nokkrum konkret málverkum í eigu
Listasafns ASÍ.
Safnið er opið frá kl. 13–17 alla
daga nema máudaga og standa sýn-
ingarnar til 21. apríl. Aðgangur er
ókeypis.
Eilífðin
og nálin í
sölum ASÍ
LISTMÁLARINN Sigurður Þórir
opnar sýningu á nýjum málverkum í
Húsi málaranna í dag kl. 15. Ber hún
heitið Tveggja heima sýn og fjallar
listamaðurinn þar um manninn, frá-
sögnina og fantasíuna með vísan í
þann þjóðfélagsveruleika sem maður-
inn býr við og þá óvissu sem hann
þarf að glíma við í umhverfi sínu.
„Þessi sýning er framhald af því sem
ég hef fengist við í listsköpun minni
undanfarin ár,“ segir Sigurður Þórir í
samtali við Morgunblaðið. „Þó má
greina nýjungar á þessari sýningu –
fígúran sem hefur verið ríkjandi í
myndum mínum er farin að víkja fyrir
óhlutbundnum formum að vissu
marki. Það má kannski kalla það fí-
gúratíva abstraksjón. Í verkum mín-
um hefur manneskjan alltaf verið
undirtónninn á ljóðrænum nótum –
ég hef alltaf velt fyrir mér manninum
og veruleikanum sem hann býr við,
manngerðum táknum og hinni kaot-
ísku veröld sem hann býr í, hleður í
kringum sig eða skilur eftir sig.“
Þjóðfélagsrýni hefur verið snar
þáttur í listsköpun Sigurðar Þóris
gegnum tíðina en hann segist á und-
anförnum árum hafa áttað sig meira á
gildi fegurðarinnar í myndlistinni. „Á
vissum tímapunkti á ferli mínum fór
mér að finnast að myndverk mín
væru í raun eins konar viðbót við
þjóðfélagsástandið. Þá fór ég að
hugsa um að gera myndir sem væru
alveg á skjön við það og reyna þess í
stað að færa fólki einhverja nýja feg-
urð – það gæti orðið eins konar mót-
vægi við ljótleikann sem er í heim-
inum. Þá fór ég að vinna myndir á
þessum nótum sem sjást hér á sýn-
ingunni.“
Myndir Sigurðar Þóris eru málað-
ar í sterkum litum og gefur þar að líta
bæði manneskjur og hin klassísku
frumform. „Ég hef verið að þróa litina
í verkum mínum undanfarinn rúman
áratug og hef í auknum mæli farið út í
þessa sterku liti, sem eru kannski
ekki mjög algengir í listsköpun mál-
ara. En mér finnst áhugavert að
glíma við þá og reyna að láta þá harm-
onera í myndinni – það felst í því viss
ögrun. Sterkari litir kalla á flóknari
form, svo glíman á striganum verður
enn meiri fyrir vikið,“ segir hann.
Maðurinn og
veruleiki hans
Sigurður Þórir opnar sýninguna í
Húsi málaranna, Eiðistorgi, í dag.
Morgunblaðið/Jim Smart
TVÆR einkasýningar verða opn-
aðar í Galleríi Skugga í dag, laug-
ardag, kl. 16. Á jarðhæð opnar
Kristín Pálmadóttir sýninguna
„Klæði“ og gefur þar að líta ljós-
myndaætingar þar sem hún teflir
með myndrænum hætti saman
klæðum manns og náttúru.
Kristín hefur tekið þátt í fjöl-
mörgum samsýningum og haldið
fimm einkasýningar.
Í kjallara gallerísins opnar
Ragna Hermannsdóttir sýningu á
nýjum verkum. Þar bregður lista-
konan á leik með vatnslitamyndir
og tölvuunnar myndir á pappír.
Ragna hefur haldið sautján
einkasýningar og tekið þátt í fjöl-
mörgum samsýningum.
Sýningarnar standa til 27. apríl.
Opið er í Skugga alla daga nema
mánudaga kl. 13–17. Aðgangur er
ókeypis.
Verk eftir Rögnu Hermannsdóttur í
Galleríi Skugga.
Brugðið á
leik í Skugga
TÓMAS Ingi Olrich menntamálaráð-
herra opnar sýningu á skúlptúrum úr
silfri í Listasafni Sigurjóns Ólafsson-
ar kl. 15 í dag, laugardag. Sýningin
heitir Sterling Stuff og kemur til Ís-
lands fyrir milligöngu breska brons-
steypufyrirtækisins Pangolin Edi-
tions. Hún var áður sýnd í Gallery
Pangolin og í maímánuði verður hún
til sýnis í Royal Academy í London.
Aðdragandi sýningarinnar er sá að
forstöðumaður Pangolin, Rungwe
Kingdon, bað fimmtíu og einn þekkt-
an listamann að vinna hver sitt verk
sem steypa mætti í silfur og mátti það
hvergi vera stærra um sig en 15 senti-
metrar. Á sýningunni gefst því tæki-
færi til að sjá verk eftir helstu núlif-
andi myndhöggvara Bretlands ásamt
verkum eftir Íslendingana Pétur
Bjarnason, Jóhönnu Þórðardóttur og
Sigurjón Ólafsson. Meðal listamann-
anna má nefna Lynn Chadwick, Nigel
Hall, Damien Hirst, Jonathan Ken-
worthy, David Nash og Phillip King,
sem nú er forseti Konunglegu bresku
akademíunnar.
„Á síðari árum hefur verið tilhneig-
ing til að kenna allt við „skúlptur“
þrátt fyrir að upphaflega hafi orðið
merkt hlut sem skorinn var út eða
höggvinn í stein. Slíkir „hlutir“, stórir
eða smáir, hafa ætíð haft ómælda
þýðingu fyrir áhorfendur, hvort sem
það hafa verið risastyttur goðum og
höfðingjum til dýrðar, eða örsmáir
gripir sem rúmast í lófa manns,“ segir
Birgitta Spur, forstöðumaður Lista-
safns Sigurjóns Ólafssonar. „Á þess-
ari sýningu má ganga úr skugga um
að stærð hlutarins skiptir ekki öllu
máli – lítill skúlptúr getur verið
monúmental í formi og hlutföllum.“
Breski sendiherrann á Íslandi,
John Culver, verður viðstaddur opn-
unina.
Frá Reykjavík til
Royal Academy
Verur á hraðferð eftir Chadwick.
Góður metall/Lesbók 9