Morgunblaðið - 06.04.2003, Blaðsíða 3

munum hafði hann gefið við ýmis
tækifæri.“
Ívar Þ. Björnsson byrjaði að læra
leturgröft hjá föður sínum þegar
hann var 14 ára. Hann var 19 ára þeg-
ar hann kláraði árið 1971 og nokkrum
árum síðar hóf hann nám í gullsmíði
hjá Guðmundi Björnssyni bróður sín-
um, sem hann lauk árið 1984. „Guð-
mundur hafði stimpilinn Muggur, en
er hættur í dag. Amstrið sem fylgdi
rekstrinum, víxlar og skuldir, átti
ekki við hann og hann fór að vinna hjá
Flugleiðum. Það er eftirsjá að honum,
því hann var mikill fagmaður.“
Ívar er 52 ára og hefur alla tíð unn-
ið við leturgröft og gullsmíðar. Hann
keypti verslunina Gull og demanta í
Aðalstræti árið 1989 af ekkju Óskars
Kjartanssonar. Fimm árum síðar
keypti hann verslunarhúsnæði af
Halldóri Sigurðssyni gullsmið á
Skólavörðustíg. Og hann er leturgraf-
ari.
„Leturgröftur felst í að grafa og
merkja hluti úr málmi, s.s. skeiðar,
bakka, skálar og hringa. Leturgraf-
arar eru ekki háðir forminu, eins og
þeir sem nota vélar við að merkja
hluti. Þeir búa til mynstrið sjálfir, en
þurfa ekki að reiða sig á tilbúin
mynstur úr vélum. Auk þess ristir
vélgrafin merking ekki eins djúpt.
Hjá leturgrafara endist hún margar
kynslóðir, en hún máist jafnvel á sex
árum ef vélar eru notaðar.“
Konungbornir viðskiptavinir
Margir af viðskiptavinum Ívars eru
ekki af verri endanum. Þar á meðal
eru Spánarkonungur, Danaprinsessa
og íslenska ríkisstjórnin. Þá gróf Ívar
nýlega innsigli fyrir kosningarnar í
vor, en skipta þurfti um innsigli vegna
nýrrar kjördæmaskipunar. „Þegar ég
skoðaði gömlu innsiglin sá ég að þau
voru grafin af föður mínum,“ segir
hann. „Þetta eru vönduð innsigli úr
kopar notuð af yfirkjörstjórn til þess
að innsigla kjörkassana.“
Á verkstæði Ívars er eina tæki
landsins sem notar leysigeisla til við-
gerðar á skartgripum og öðrum hlut-
um. „Það sem er gott við tækið er að
hægt er að nota það á hluti, sem þola
illa hita, því geislinn bræðir saman
efni án þess að bætt sé við eða not-
aður sé hiti,“ segir Ívar. „Þetta hefur
gefist vel í viðgerðum á stáli, s.s. á
lækningatækjum, myndavélum, gler-
augum o.s.frv.“
Og Íslendingar eru að eignast nýj-
an leturgrafara, því Ívar Björn hefur
lokið fjögurra ára námi í leturgreftri
hjá föður sínum. Hann er 21 árs og
byrjaði að vinna hjá föður sínum 16
ára. Ívar Björn fékk námið í letur-
greftri metið til sveinsprófs í gull-
smíði og þurfti að bæta við sig tæpum
þremur árum. Meðfram því tekur
hann meistaranám í Iðnskólanum og
útskrifast úr báðum greinum í vor.
Teiknar heima á kvöldin
Ívar Björn segist hafa velt því fyrir
sér að fara utan þegar náminu lýkur.
„Ég er með græna kortið og get því
farið til Bandaríkjanna ef ég vil,“ seg-
ir hann. „En það sem heldur í mig er
að ég vil ekki vera í burtu frá fjögurra
ára dóttur minni.“
Hann segir það krefjast mikillar
æfingar að sérhæfa sig í leturgreftri
og að hann þurfi að teikna heima á
kvöldin til að ná árangri. „Það er svo
mikið að gera í vinnunni á daginn að
maður þarf stöðugt að vera með
pennann á lofti á kvöldin. Ég er mis-
duglegur við það,“ viðurkennir hann
fúslega og brosir.
Ívar eldri fékk blóðtappa fyrir ári
og hefur mikið verið frá vinnu síðan.
Það hefur því mikið mætt á Ívari
Birni undanfarið ár. „Ég sökkti mér í
vinnu, gerði allt og árangurinn kom
mér á óvart,“ segir hann og sýnir
blaðamanni eftirmynd úr gulli sem
hann bjó til af björgunarsveitarþyrlu,
mikla völundarsmíð. „Þetta hefur
verið lærdómsríkt. Það má segja að
þarna hafi ég fyrst kynnst því hvernig
væri að vinna. Ég fór heim þegar
mamma kom til að leysa mig af, lagði
mig og mætti svo í vinnuna aftur.“
Það er andleg næring að sitja á
vinnustofunni, sötra kaffi og fylgjast
með feðgunum að störfum. Ívar er að
flétta saman upphafsstafi og sonur
hans að leggja síðustu hönd á skreyt-
ingar á drykkjarhorni. Ef það er fyrir
goðin á það eftir að sóma sér vel í
veisluhöldunum í Valhöll.
Silfurbakki sem var „ciseleraður“ af
Birni í tilefni af brúðkaupsafmæli, en
Björn skildi eftir sig fjölda muna.
Ívar hefur stundum smíðað krossa
eða rósir sem fólk getur átt til minn-
ingar um látna ástvini.
Leturgröftur er nákvæmnisvinna og
mikið veltur á skriffærni og teikningu.
Vélmerkingar rista ekki jafn djúpt.
Ívar Björn er að smíða silfurskreytt
horn með handáletruðu mynstri, en
hann er í meistaranámi í Iðnskólanum.
pebl@mbl.is
MORGUNBLAÐIÐ SUNNUDAGUR 6. APRÍL 2003 B 3
Ef þú þarft að fara í viðskiptaferð til London eða Kaupmannahafnar á þessum tilteknu dögum
þá bjóðast tveir kostir*. Verðmunurinn er sláandi. Iceland Express: Engin sunnudagaregla, enginn
bókunarfyrirvari, flug alla daga, engin hámarksdvöl og engin lágmarksdvöl. Auðvelt og
ódýrt er að breyta bókun.
Hjá Iceland Express starfar samhentur hópur fólks sem hefur víðtæka reynslu í
ferðaheiminum. Þú hefur beint samband við þjónustufulltrúa sem gengur frá öllum
bókunum, einnig á hótelum og bílaleigubílum. Vidskiptaferdir@IcelandExpress.is
Kaupmannahöfn
Icelandair
mið. 09.04 - fös. 11.04 100.070,-*
Iceland Express
mið. 09.04 - fös. 11.04 26.660,-*
London
Keflavík
Icelandair
mán. 07.04 - mið. 09.04111.340,-*
Iceland Express
mán. 07.04 - mið. 09.04 29.660,-*
Ef allar viðskiptaákvarðanir
væru svona auðveldar ...
Upplýsingar fengnar úr bókunarvélum Icelandair
og Iceland Express á Netinu 04.04.2003 kl. 15:55
Söluskrifstofa Suðurlandsbraut 24, opið 9-17 virka daga I Sími 5 500 600 I www.IcelandExpress.is
*
M
Á
T
T
U
R
IN
N
&
D
Ý
R
Ð
IN
/
S
ÍA
0
3
.0
3