Morgunblaðið - 07.04.2003, Síða 4
FRÉTTIR
4 MÁNUDAGUR 7. APRÍL 2003 MORGUNBLAÐIÐ
Heimsferðir bjóða nú ótrúlegt tilboð á síðustu sætunum til Budapest þann 28.
apríl í beinu flugi til þessarar heillandi borgar sem er að verða einn vinsælasti
borgaráfangastaður Íslendinga. Þú
bókar tvö flugsæti, en greiðir aðeins
fyrir eitt og getur kynnst þessari
fegurstu borg Evrópu á einstökum
kjörum. Þú getur valið um úrval góðra
hótel í hjarta Budapest á frábærum
kjörum og að sjálfsögðu nýtur þú
traustrar þjónustu fararstjóra Heimsferða
í Budapest allan tímann.
2 fyrir 1 til
Budapest
28. apríl
frá kr. 19.550
Skógarhlíð 18, sími 595 1000.
www.heimsferdir.is
Verð kr. 2.900
Verð fyrir mann, m.v. 2 í herbergi,
Tulip Inn, per nótt með morgunmat.
Völ um góð 3ja og 4 stjörnu hótel.
Ferðir til og frá flugvelli, kr. 1.800.
Verð kr. 19.550
Flugsæti til Budapest, út 28. apríl, heim
1. maí. Flug og skattar per mann miðað
við að 2 ferðist saman, 2 fyrir 1.
Munið Mastercard
ferðaávísunina
LÖGREGLAN á Snæfellsnesi lagði
hald á nokkurt magn fíkniefna í
Ólafsvík um helgina og í samstarfi
við lögregluna í Hafnarfirði var
lagt hald á fíkniefni í íbúð þar í bæ.
Aðdragandi málsins var með
þeim hætti að aðfaranótt laugar-
dags handtók lögreglan á Snæfells-
nesi pilt og stúlku um tvítugt á
skemmtistað í Ólafsvík vegna
gruns um fíkniefnamisferli. Við leit
í bifreiðum unga fólksins, með að-
stoð leitarhundsins Röskvu, fund-
ust fíkniefni; alls 27 E-töflur, 15
grömm af amfetamíni og 25 grömm
af hassi. Við framhald rannsóknar
málsins hafði lögregla samband við
lögregluna í Hafnarfirði og við hús-
leit á heimili piltsins fundust 26 E-
töflur til viðbótar. Fleiri aðilar
voru handteknir í Ólafsvík og yf-
irheyrðir vegna gruns um aðild að
málinu. Að sögn lögreglu reyndust
sumir þeirra tengjast málinu en
aðrir ekki. Málið telst að fullu upp-
lýst.
Hald lagt á nokk-
urt magn fíkniefna
„ÞETTA hefur gengið vel, viðskiptin
aukast smám saman og nýir notendur
eru að bætast við,“ segir Björn Rú-
riksson, framkvæmdastjóri Maris
ehf., sem á helminginn í Cessna-fyr-
irtækjaþotu á móti norskum aðilum.
Þotan hefur verið alveg eins mikið í
verkefnum hér á landi og jafnvel
meira en í Noregi.
Maris ehf. og Sundt AS í Noregi
keyptu þotu, Cessna Citation Exel, í
haust og hófu rekstur hennar í sam-
vinnu við Sundt Air AS í Noregi. Hún
tekur níu farþega og flýgur álíka
langt og hratt og Boeing 737. Ætlunin
var að vélin yrði gerð jöfnum höndum
út frá Reykjavíkurflugvelli og Gard-
ermoenflugvelli við Ósló.
Björn Rúriksson segir að töluvert
af verkefnum hafi fengist fyrir þot-
una, bæði hér og erlendis. Þó þurfi
hún fleiri verkefni og þau bætist við
hægt og bítandi, það taki vissan tíma
að kynna svona nýjung.
Björn viðurkennir að fyrirtæki og
ríkisstofnanir hafi enn ekki almennt
áttað sig á þeim sparnaði sem falist
geti í því að leigja þotuna þegar hópur
manna þurfi að fara á ráðstefnu eða
fund til Evrópu. Hópurinn geti komið
heim að kvöldi sama dags í stað þess
að vera kannski í fjóra daga í ferðinni.
Stjórnendur geti þá byrjað vinnudag-
inn með nokkurn veginn hreint borð
og þurfi ekki að takast á við verkefni
sem hlaðist hafi upp á mörgum dög-
um enda sé tími þeirra líka dýrmæt-
ur.
Á von á flugi með laxveiðimenn
Þá hefur vélin farið nokkrar ferðir
með sjúklinga og tvær ferðir með líf-
færi milli landa vegna líffæraflutn-
inga. Loks nefnir Björn að varahlutir
hafi verið sóttir svo að skipum sé ekki
haldið of lengi frá veiðum. Þá sér
Björn fram á ný verkefni í sumar,
meðal annars vegna erlendra veiði-
manna sem þurfi að skreppa einn dag
í burtu frá laxveiðunum, á fundi eða
vegna annarra brýnna verkefna, en
geti síðan lokið veiðitúrnum hér á
landi.
Um helmingur verkefna þotunnar
að undanförnu hefur verið hér á landi
og helmingur í Noregi, en í nóvember
og desember var mikill meirihluti
verkefna hennar hérlendis.
Líffæra- og vara-
hlutaflutningar
meðal verkefna
Smáþotan meira notuð hérlendis
„ÞAÐ vitlausasta sem nokkur maður
gerir þegar hann fær stóran vinning
er að halda áfram að spila því það er
alltaf happdrættið sem græðir. En
einmitt þess vegna ætla ég að halda
áfram að vera með enda telur maður
sig vera að styrkja góðan málstað,“
segir eldri maður sem vann 17,7
milljónir í heita potti Happdrættis
Háskóla Íslands á dögunum á miða
sem hann hefur átt í meira en 50 ár.
„Ég er búinn að spila í meira en
hálfa öld hjá Happdrætti Háskólans
og ég hef svo sem fengið vinning áð-
ur en ekkert líkt þessu,“ segir mað-
urinn sem ekki vill láta nafns síns
getið. „Þetta hafði gengið svona upp
og niður en ég reikna með að vera
kominn í plús núna. Ég náði fyrsta
númerinu þegar það var gefið út og
svo náði ég öllum hinum miðunum
þannig að ég er með níuna og hef
spilað með hana mjög lengi.“
Maðurinn segir að þegar hringt
hafi verið í hann og honum sagt að
hann hefði unnið tæpar 18 milljónir
hafi það ekki haft mikil áhrif á sig.
„Ég ætla engar breytingar að gera
á mínu lífi, hjartað tók ekki einu sinni
eitt slag oftar en það er vant þegar
ég fékk að vita þetta. Ég á allt þannig
að mig vantar ekki neitt sérstakt.
Nei, ég keypti enga pappíra, það
er ekkert nema tap á þessum papp-
írum. Ætli koddinn sé ekki bara besti
staðurinn fyrir þessa peninga nema
maður fær náttúrlega hálsríg þegar
það er komið svona mikið í hann. En
svona grínlaust þá setti ég þetta bara
í bankann.“
Hefur spilað í
happdrætti í
meira en hálfa öld
Vann 17,7 milljónir í heita pottinum
MIKILL fjöldi fólks fylgdist með
snjóbrettakeppni 16 ofurhuga í
Gilinu á Akureyri sl. laugardags-
kvöld. Piltarnir sýndu glæsileg til-
þrif og var vel fagnað eftir hvert
stökk. Aðstandendur keppninnar
þurftu að hafa töluvert fyrir því að
byggja stökkbrautina en þeir nutu
þó liðsinnis fjölmargra aðila.
Brautin var samsett úr gámum,
vörubrettum, timbri og heyrúllum
og snjórinn var sóttur á vörubílum
upp í Hlíðarfjall. Stökkkeppnin í
Gilinu var hápunkturinn á snjó-
brettagleði snjóbrettaáhugafólks
víðs vegar af landinu, sem að
mestu fór fram í Hlíðarfjalli um
helgina.
Tilþrif í
snjóbretta-
keppni
Morgunblaðið/Kristján
ÞAÐ gekk á ýmsu í farfuglaheim-
ilinu í Laugardal í gær þar sem um
40 ungmenni frá Norðurlöndunum
höfðu hreiðrað um sig og unnu með
hugtakið sjálfbær þróun á nokkuð
óvenjulegan en skapandi hátt.
Linda Wester, 17 ára, frá Finn-
landi, og Haldis Kismul, 18 ára, frá
Noregi, eru í hópi höfunda að kló-
settverkinu á myndinni. Það sam-
anstendur af klósetti, fiskineti og
sitthverju fleiru sem krakkarnir
tóku sér til handargagns í farfugla-
heimilinu í gær. Krökkunum var
skipt í hópa og var hverjum þeirra
úthlutaður einn vikudagur sem þau
unnu með og tengdu við ákveðin
þemu og túlkuðu með því umhverfið
á nýjan máta.
Hér voru það föstudagur og
mánudagur, eða jörð og vetur, sem
tóku höndum saman. Linda og Hald-
is segja verkið tákna partíhelgi í lífi
einstaklings. Dósir og aðrar
drykkjarumbúðir koma að notum
framan af helgi en síðan kemur kló-
settið í þarfir þegar þynnkan hellist
yfir. Netið segja þær að tákni hvern-
ig einstaklingurinn á erfitt með að
brjóta sér leið úr viðjum vanans,
m.a. þegar sorp á víðavangi er ann-
ars vegar.
Förum hvergi án bílsins
Unglingarnir, sem eru á aldrinum
15–18 ára, hafa undanfarna daga
dvalið í nokkrum sveitarfélögum í
nágrenni Reykjavíkur og viðað að
sér upplýsingum um stöðu umhverf-
ismála hér á landi sem þau bera sam-
an við útkomu úr sams konar könn-
un sem þau gerðu í sínu heimalandi.
Samkvæmt lauslegri úttekt hafnar
Ísland í neðsta sæti listans yfir um-
hverfisvænar Norðurlandaþjóðir en
Svíar þykja umhverfisvænstir.
Þegar unglingarnir voru spurðir
hvað stingi helst í stúf hér á landi
samanborið við nágrannalöndin í
umhverfismálum nefndu flestir bíla-
flota landsmanna og þá tilhneigingu
Íslendinga að fara hvergi án bílsins.
Nokkrir nefndu jarðvarmann sér-
staklega og sögðu nýtingu hans vera
það skynsamlegasta sem Íslend-
ingar legðu af mörkum til umhverf-
ismála.
Morgunblaðið/Jim Smart
Kynna sér umhverf-
ismál á Íslandi
NÍTJÁN ára piltur sem verið hefur í
haldi lögreglunnar í Hafnarfirði í
tengslum við rannsókn á vopnuðu
ráni í útibúi Sparisjóðs Hafnarfjarðar
við Reykjavíkurveg var í fyrradag úr-
skurðaður í gæsluvarðhald til 11. apríl
vegna rannsóknar málsins.
Maðurinn er talinn hafa rænt allt
að einni milljón króna úr kassa gjald-
kera en ránið átti sér stað 1. apríl sl.
Hann hefur hins vegar neitað sök.
Sautján ára stúlka var einnig hand-
tekin á föstudag vegna rannsóknar-
innar en henni var sleppt í fyrradag.
Samkvæmt upplýsingum frá lög-
reglunni í Hafnarfirði miðar rann-
sókninni vel en við hana hefur lög-
regla notið aðstoðar tæknirannsókn-
arstofu ríkislögreglustjórans, sem og
lögregluliða út um allt land. Þá hefur
almenningur veitt fjölmargar vís-
bendingar sem nýst hafa.
Í gæsluvarðhaldi
til 11. apríl