Morgunblaðið - 07.04.2003, Síða 7

FRÉTTIR
MORGUNBLAÐIÐ MÁNUDAGUR 7. APRÍL 2003 7
Fæst í öllum
betri bókabúðum
PARKER
Frontier
í glæsilegr
i gjafaösk
ju:
1795kr.
T
IL
B
O
Ð
Laugavegi 87
Sími 511 2004
www.dunogfidur.is
SJÖUNDI apríl ár hvert er alþjóða
heilbrigðisdagur og er hann í ár
haldinn undir kjörorðinu Heilbrigt
umhverfi–heilbrigð börn. Í brenni-
punkti eru að þessu sinni þeir þættir
í umhverfi okkar sem áhrif hafa á
heilsufar barna. Menn beina m.ö.o.
sjónum sínum að þeim hættum sem
ógna heilbrigði barna í nánasta um-
hverfi þeirra.
„Hvað er það í víðtækasta skiln-
ingi sem ógnar öryggi barna í skól-
anum, í borg og bæ, eða á heimilun-
um? Þetta er ein af fjölmörgum
spurningum sem heilbrigðisyfirvöld
í þeim löndum sem aðild eiga að Al-
þjóðaheilbrigðismálastofnuninni,
WHO, spyrja þann 7. apríl n.k.
Alþjóðaheilbrigðismálastofnunin
bendir á að um fimm milljónir barna
yngri en 14 ára deyja á ári hverju af
völdum sjúkdóma, sem beint og
óbeint má rekja til þátta í umhverfi
okkar,“ segir m.a. í frétt frá heil-
brigðisráðuneytinu.
Vitnað er í ávarp Gro Harlem
Brundtland, framkvæmdastjóra Al-
þjóða heilbrigðismálastofnunarinn-
ar, í tilefni dagsins þar sem segir
meðal annars að unnt sé að koma í
veg fyrir mörg dauðsföllin. Hún seg-
ir að til séu áætlanir um fyrirbyggj-
andi aðgerðir sem brýnt sé að hrinda
í framkvæmd.
Heilbrigðis- og tryggingamála-
ráðuneytið og Landlæknisembættið
halda morgunverðarfund mánudag-
inn 7. apríl 2003, kl. 8:15 – 9.30, á
Grand Hótel við Sigtún í Reykjavík.
Auk ávarps heilbrigðismálaráðherra
verða flutt þar nokkur erindi um efni
sem tengist umfjöllun dagsins.
Heilsa barna
rædd á heil-
brigðisdegi
TÓMAS Ingi Olrich menntamála-
ráðherra hefur tekið við gjöf sem
Húsasmiðjan afhenti tíu framhalds-
skólum. Árni Hauksson forstjóri af-
henti gjöfina í Verkmenntaskól-
anum á Akureyri.
Skólarnir fengu rafmagnshand-
verkfæri, hleðsluborvél, hjólsög,
stingsög, slípirokk og fræsara, en
heildarverðmæti gjafarinnar er um
tvær milljónir króna. Skólarnir sem
hér um ræðir eru Fjölbrautaskólinn
í Breiðholti, Fjölbrautaskóli Norð-
urlands vestra, Fjölbrautaskóli
Suðurlands, Fjölbrautaskóli Suður-
nesja, Fjölbrautaskóli Vesturlands,
Menntaskólinn á Ísafirði, Iðnskól-
inn í Hafnarfirði, Iðnskólinn í
Reykjavík, Verkmenntaskólinn á
Akureyri og Verkmenntaskólinn á
Austurlandi. Hver skóli fékk eitt
verkfæri af hverri gerð, en fjöl-
mennustu skólarnir tvö til þrjú tæki
eftir nemendafjölda.
Markmið Húsasmiðjunnar með
gjöfinni er að stuðla að bættum að-
búnaði nemenda við skóla sem
kenna iðngreinar sem fyrirtækið
þjónar. Aðsókn að hefðbundnu ið-
námi hefur minnkað undanfarin ár.
Tíu iðnskól-
ar fá búnað
frá Húsa-
smiðjunni
Morgunblaðið/Kristján
Menntamálaráðherra, Tómas Ingi Olrich, veitti viðtöku gjöfinni til tíu
framhalds- og iðnskóla hjá Árna Haukssyni, forstjóra Húsasmiðjunnar.