Morgunblaðið - 07.04.2003, Side 21
MINNINGAR
MORGUNBLAÐIÐ MÁNUDAGUR 7. APRÍL 2003 21
Ástkær móðir okkar, tengdamóðir, amma,
langamma og langalangamma,
GUÐLAUG J. VESTMANN,
sem lést þriðjudaginn 1. apríl, verður jarðsung-
in frá Akraneskirkju miðvikudaginn 9. apríl
kl. 14.00.
Blóm afþökkuð, en þeim, sem vilja minnast
hennar, er bent á Sjúkahús Akraness.
Jón G. Vestmann, Ásta Bergsteinsdóttir,
Guðmundur Vestmann,
Jóhanna M. Vestmann, Logi Jóhannsson,
Guðbjörg Vestmann, Sveinn Þorkelsson
og fjölskyldur þeirra.
✝ Haukur Sævalds-son verkfræðing-
ur fæddist í Nes-
kaupstað 24. október
1930. Hann lést á
heimili sínu í Núpal-
ind 2 í Kópavogi hinn
30. mars síðastliðinn.
Foreldrar hans voru
Sævaldur Óskar
Konráðsson, kaup-
maður í Neskaup-
stað, og síðar aðal-
bókari í Reykjavík, f.
24. júní 1905 í Hafn-
arfirði, d. 18. janúar
1988, og kona hans
Friðrika Júlíusdóttir verslunar-
maður og húsfreyja, f. 27. desem-
ber 1899 í Garðshorni í Svarfaðar-
dal í Eyjafirði, d. 13. september
1982. Bræður Hauks eru: 1) Kon-
ráð Óskar, f. 21. júní 1924, búsett-
ur í Þýskalandi, samfeðra 2) Hörð-
ur, tannlæknir, f. 7. febrúar 1934.
3) Hjörvar, matreiðslumaður, f. 4.
júní 1936.
Hinn 5. nóvember 1955 kvæntist
Haukur Báru Þórarinsdóttur, f. 2.
júlí 1934. Foreldrar hennar voru
Þórarinn Stefánsson sjómaður, f.
11. júní 1892 á Bárðarstöðum í
Loðmundarfirði í N-Múl., d. 7. jan-
úar 1959, og Lilja Vilhjálmsdóttir
húsfreyja í Garði, f. 16. desember
1916 í Miðhúsum í Grindavík, d.
30. apríl 2000. Þau slitu samvist-
um. Börn þeirra eru: 1) Hrafn, f.
14. júlí 1956, flugstjóri, sambýlis-
kona Ásdís Ósk Bjarnadóttir, f. 9.
ágúst 1961. Börn Hrafns eru a)
Atli Hilmar, f. 29. júlí 1973, í sam-
búð með Láru Björgúlfsdóttur,
sonur þeirra Úlfur, f. 9. nóvember
2000. b) Haukur Daníel, f. 27. júlí
1978, í sambúð með Gunni Gunn-
verkfræði við Háskóla Íslands þá
um haustið og lauk fyrrihlutaprófi
í verkfræði vorið 1953. Haustið
1953 sigldi Haukur með m/s Gull-
fossi til Kaupmannahafnar til að
klára verkfræðinámið og lauk
prófi í vélaverkfræði vorið 1956
frá Danmarks Tekniske Höjskole í
Kaupmannahöfn.
Eftir heimkomuna stofnaði
Haukur heimili og hóf verkfræði-
störf sumarið 1956 hjá Sameinuð-
um verktökum og starfaði þar til
1957 og hjá Vegagerð ríkisins til
1958 er hann hóf störf í verkfræði-
deild flughers Bandaríkjanna á
Keflavíkurflugvelli þar sem hann
starfaði á árunum 1958–1961.
Á árunum 1961–1965 starfaði
Haukur við hönnunar- og verk-
fræðistörf hjá vélsmiðju Björns
Magnússonar í Keflavík.
Árið 1965 fluttu Haukur og fjöl-
skylda til Kaupmannahafnar þar
sem hann starfaði við verkfræði-
störf hjá dönsku verkfræði- og
ráðgjafarfyrirtæki og eftir heim-
komuna 1967 starfaði hann sjálf-
stætt og vann að stofnun Stál-
félagsins hf., en hann var einn af
frumkvöðlum og stofnendum þess
fyrirtækis ásamt því að vera fram-
kvæmdastjóri þess um tíma.
Árið 1970 hóf Haukur aftur
verkfræðistörf í verkfræðideild
sjóhers Bandaríkjanna á Keflavík-
urflugvelli þar sem hann starfaði
til júní 2001 og lét þá af störfum
fyrir aldurs sakir.
Í maí 2002 var haft samband við
Hauk frá Keflavíkurflugvelli og
hann beðinn að koma til starfa aft-
ur tímabundið.
Haukur kynntist árið 1998 Elísu
Magnúsdóttur, f. 16. júní 1937, og
var hún honum ákaflega tryggur
og góður vinur og ferðafélagi en
þau ferðuðust mikið saman bæði
hér innanlands og utan.
Útför Hauks verður gerð frá
Fossvogskirkju í dag og hefst at-
höfnin klukkan 13.30.
arsdóttur. c) Óskar
Þórarinn, f. 12. sept-
ember 1981 í sambúð
með Úlfhildi Þorláks-
dóttur. d) Árdís Ethel,
f. 10. desember 1986.
e) Hrafn Davíð, f. 9.
febrúar 1989. 2)
Hulda, f. 20. mars
1961, rekstrarhag-
fræðingur og verslun-
armaður, maki Jörgen
Heiðdal, f. 11. júní
1959. Börn Huldu eru:
a) Bára Björk Elvars-
dóttir, f. 30. nóvember
1979. b) Gunnar Örn,
f. 20. júní 1988. c) Helga Huld, f. 6.
júní 1996. 3) Lilja Hrönn, f. 17. maí
1965, verslunarmaður, maki Jakob
Freyr Jakobsson, f. 22. maí 1966.
Börn Lilju Hrannar eru: a) Jakob
Daníel, f. 13. október 1993. b)
Haukur Snær, f. 27. júní 1996. 4)
Haukur Örn, f. 25. október 1974,
flugmaður, maki Loraine Mata-
Hauksson, f. 1. september 1973.
Fósturbarn Hauks Arnar er a) Am-
anda, f. 25. september 1990.
Haukur ólst upp í Neskaupstað
þar sem foreldrar hans ráku versl-
un og sleit hann þar barnsskónum,
en árið 1946 þegar kom að því að
Haukur þurfti að stunda fram-
haldsnám fluttist öll fjölskyldan
búferlum til Reykjavíkur og fest
voru kaup á íbúð á Leifsgötu 8 í
Reykjavík þar sem Hauki og
bræðrum hans var búið fallegt og
notalegt heimili.
Haukur byrjaði í menntaskóla
haustið 1946 og starfaði á sumrin í
Hvalstöðinni í Hvalfirði og hjá
Vegagerðinni, útskrifaðist sem
stúdent frá Menntaskólanum í
Reykjavík vorið 1950 og hóf nám í
Pabbi minn. Þá er komið að
kveðjustundinni, sem er svo erfið og
minningarnar hrannast upp, enda
eru þær svo ótal margar sem við
höfum átt saman bæði í veiðitúrum,
jeppaferðum, utanlandsferðum og
öðrum samverustundum, sem ég
þakka Guði fyrir að við áttum sam-
an. Ég vil þakka þér allan þann
stuðning sem þú hefur veitt mér og
fyrir að vera vinur minn og faðir í
senn.
Vertu, Guð faðir, faðir minn
í frelsarans Jesú nafni,
hönd þín leiði mig út og inn,
svo allri synd ég hafni.
Hönd þín, Drottinn, hlífi mér,
þá heims ég aðstoð missi,
en nær sem þú mig hirtir hér,
hönd þína eg glaður kyssi.
Dauðans stríð af þín heilög hönd,
hjálpi mér vel að þreyja,
meðtak þá, faðir, mína önd,
mun ég svo glaður deyja.
Minn Jesú, andlátsorðið þitt
í mínu hjarta eg geymi,
sé það og líka síðast mitt,
þá sofna eg burt út heimi.
(Hallgr. Pét.)
Hvíldu í friði.
Þinn vinur og sonur
Hrafn Hauksson.
Elsku pabbi minn. Nú er komið
að því sem ég hef kviðið mest fyrir,
að kveðja þig. Nokkrum sinnum
hefur munað mjóu en þú alltaf haft
betur og risið upp aftur. Við strídd-
um þér stundum og sögðum að þeir
hefðu ekki viljað þig strax. Í þetta
sinn, sem kom okkur svo á óvart,
því þú varst ekkert að fara, var þinn
tími kominn.
Alltaf varst þú kletturinn í lífi
mínu, gafst mér góð ráð og reyndir
að leiðbeina mér að bestu getu. Ég
tók aldrei neinar stórar ákvarðanir
án þess að ráðfæra mig við þig. Allt-
af varst þú tilbúinn að ræða málin
og rétta mér hjálparhönd. Núna síð-
ast í síðustu viku þegar þú vildir
endilega ná í Helgu Huld í skólann
af því að hún hafði verið veik. Elsku
pabbi minn, það koma svo margar
minningar upp í huga minn og allar
eru þær góðar. Þú hafðir mjög gam-
an af því að veiða og fórst í ófáa
veiðitúra með Jörgen þótt aflinn
væri ekki alltaf mikill, enda sögðum
við að þú værir fiskifæla. Síðastliðið
sumar fórum við í veiðiferð í Laxá á
Nesjum. Við ákváðum að leggja af
stað tveimur dögum áður en við átt-
um að byrja að veiða og taka felli-
hýsið með. Þetta þótti þér alveg frá-
bært og sagðir að sjaldan hefðir þú
sofið betur en í fellihýsinu þrátt fyr-
ir ömurlegt veður fyrsta daginn.
Þessi ferð kemur svo sterkt upp í
huga mér þessa daga því við höfð-
um það svo gott og þú varst svo
ánægður með þennan túr þó svo að
við fengjum engan fisk.
En núna er þessu lokið og það er
erfiðara en orð fá lýst að kveðja þig.
Takk fyrir að vera besti pabbi í
heimi. Guð og englarnir veri með
þér. Ég elska þig að eilífu.
Þín dóttir
Hulda.
Elsku hjartans pabbi minn. Kallið
er komið, kom samt svo á óvart því
aldrei er maður tilbúinn. Þú varst
besti pabbi í heimi, svo hlýr , ráða-
góður og traustur. Þú kenndir mér
svo margt sem ég hef haft að leið-
arljósi í lífi mínu. Ég var mikil pab-
bastelpa og man svo vel þegar ég
fékk minn fyrsta lax. Þú varst svo
stoltur, eins og þetta væri fyrsti
laxinn sem veiddur væri í heimin-
um. Elsku pabbi, minningarnar
þjóta í gegnum huga minn, verst er
að geta ekki hringt í þig til þess að
fá þín góðu ráð og drengirnir mínir
orðið eldri og komist í þinn visku-
brunn.
Ástvinir sem við elskum
eru eins og stjörnur.
Þeir glitra og skína
um alla eilífð,
Þín elskandi dóttir
Lilja Hrönn.
Elsku besti pabbi minn. Það voru
verstu fréttir í heimi sem ég fékk
þennan fallega sunnudagsmorgun í
Phoenix, fuglanir sungu og allt var í
ró og næði. En allt í einu varð allt
hljótt og veröldin mín hrundi. Ég
hef alla tíð óttast þetta símtal frá
því að ég fluttist til Phoenix.
Við töluðumst við ekki fyrir svo
löngu og einnmitt þá lýsti ég því
hversu erfitt það væri að geta ekki
eytt meiri tíma með þér og hjá þér,
elsku pabbi minn. En þú varst ekki
að hafa miklar áhyggjur af því,
heldur var framtíð mín þitt
áhyggjuefni, að ég kæmist áfram og
að ég uppfyllti draum okkar beggja.
Ég mun gera það. Elsku faðir minn,
þú varst vitinn í lífi mínu og ávallt
ómældur stuðningur og alltaf hafðir
þú svar á reiðum höndum við
vandamálum mínum. Ég veit ekki
hvort ég hafi nokkurn tíma þakkað
þér nægilega fyrir stuðning þinn í
gegnum allt og allt.
Aldrei dróstu úr ákvörðun minni
að flytjast til útlanda til að leita
frama míns. En nú er vitinn slokkn-
aður. Ég og systkini mín erum búin
að missa þann eina sem hélt okkur
saman, en samt höfum við náð, aldr-
ei sterkar en nú, að halda saman og
leiða hvert annað í gegnum þessa
sorgarstund. Faðir minn, óskin hef-
ur ræst, við erum öll saman sem eitt
og vonandi um alla framtíð.
Þinn elskandi sonur
Haukur Örn.
Elsku Haukur. Mig langar til að
þakka þér fyrir að hafa verið
tengdafaðir minn, vinur og sem fað-
ir í tæp 20 ár. Við áttum margar
góðar stundir saman við veiðiskap,
með fjöldskyldunni,vinnufélögum
þínum eða bara einir. Þú margfull-
vissaðir þig um að maðkarnir og
önglarnir væru í lagi og ekki mátti
gleyma saltkjötinu til að gæða sér á
að kvöldi dags. Eins var það þér
mikið kappsmál þegar nær dró jól-
um að rjúpurnar væru nú rétt með-
höndlaðar og þú kenndir mér að út-
búa þær að hætti móður þinnar. Við
hamflettum, spekkuðum og steikt-
um rjúpurnar allt eftir kúnstarinn-
ar reglum. Ég vona að þér líði vel
og að þú finnir einhverja góða á til
að veiða í. Guð veri með þér
Þinn tengdasonur
Jörgen.
Elsku afi minn. Jæja, þá ertu far-
inn, afi minn. Mér fannst það og
finnst það ennþá svo skrítið hvernig
þú varst bara allt í einu tekinn í
burtu frá okkur. Þú áttir víst að
hafa verið í lagi allan laugardaginn
en svo er víst að eitthvað hefur
klikkað hjá þér um kvöldið. Þú get-
ur ekki ímyndað þér hversu mikið
ég sakna þín, það er eins og sagt er
að enginn veit hvað átt hefur fyrr
en misst hefur. Ég mun aldrei
gleyma þegar það var hringt í
mömmu og sagt að þú svaraðir ekki
símanum, mamma hálfveik fer heim
til þín og finnur þig í stólnum þín-
um. Ég var svo hrikalega hræddur
þegar ég hringdi í mömmu og
spurði hana hvort að það væri ekki
allt í lagi með þig. Þegar annað kom
í ljós þá leið mér allt í einu svo
skringilega. Fór alveg að hágráta
og fékk mikið líkamlegt áfall. Þetta
er búið að vera hryllilega erfitt
seinustu daga. Sérstaklega í skól-
anum en ég furða mig á því af
hverju þar. Við höfum átt góðar
stundir saman og ég gleymi aldrei
þegar við fórum öll saman í veiði-
ferðina miklu og veiddum eitthvað
um 300 fiska. Ég mun eflaust aldrei
gleyma því. Líka þegar mamma
sagði við mig fyrir viku að þú ætl-
aðir að sækja Helgu Huld og ná svo
í mig og við ætluðum að gera okkur
glaðan dag. Ég hlakkaði í raun og
veru mikið til. Verst að það varð
ekkert úr því. Elsku afi minn, ég
vildi að ég hefði átt meira tíma með
þér. Ég hugsa til baka og man að
þegar ég var hjá þér þá var gaman.
Afi, ég mun alltaf elska þig og ég
vona að þér líði vel þar sem þú ert
núna.
Þinn
Gunnar Örn Heiðdal.
Bróðir minn Haukur er látinn að-
eins sjötíu og tveggja ára gamall.
Snemma komu í ljós hans góðu
hæfileikar til náms enda stóðu að
honum sterkir stofnar frá Svarfað-
ardal úr móðurætt en Mjóafirði og
Hafnarfirði úr föðurætt.
Haukur var hár vexti og mynd-
arlegur, duglegur til allra verka og
skar sig úr á mannamótum með
framkomu sinni og þekkingu á
mönnum og málefnum.
Ég vil minnast Hauk sem góðs
bróður og vinar sem gott var að
leita til ef með þurfti. Hann var
sannarlega góður bróðir. Margar
veiðiferðir fórum við saman í fisk
eða fugl meðan heilsa hans leyfði og
var hann sannarlega liðtækur í
þeim efnum. Bridgespilari var hann
góður og félagi í hinum þekkta
Krummaklúbbi til margra ára. Þá
mun ég sakna þeirra stunda sem við
áttum saman og spjallað var um líð-
andi stund, pólitík eða annað sem
var efst á baugi.
Hauki var mjög annt um velferð
barna sinna og var í nánu sambandi
við þau. Um leið og ég kveð bróður
minn og þakka honum samfylgdina
sendi ég börnum hans, tengda- og
barnabörnum samúðarkveðjur og
bið góðan Guð að styrkja þau á
kveðjustund.
Hörður Sævaldsson.
Haukur minn, það var alltaf gam-
an að koma á þitt fallega heimili í
Álfheimunum. Alltaf varstu svo
hress og kátur. Það var gaman að
hitta þig, en það er langt síðan ég
hitti þig síðast. Það er búið að vera
svo mikið að gera hjá mér.
Ég vona að þér líði vel núna. Guð
geymi þína fjölskyldu og gefi henni
styrk.
Þinn frændi,
Stefán Konráðsson.
Þau sorgartíðindi bárust okkur
að morgni 31. mars síðastliðinn að
Haukur Sævaldsson væri allur.
Við, vinnufélagar Hauks á verk-
fræðideild varnarliðsins á Keflavík-
urflugvelli, viljum minnast hans
með nokkrum orðum. Haukur á að
baki farsælt starf á verkfræðideild-
inni, þar sem hann starfaði mestan
hluta starfsævi sinnar. Mörg okkar
störfuðu þar með honum til margra
ára.
Haukur var einstaklega fjölhæfur
og traustur verkfræðingur, sveigj-
anlegur í samstarfi, en þó fastur
fyrir og trúr sínum skoðunum.
Hann var ávallt jákvæður og hisp-
urslaus í framkomu. Hann var
framkvæmdamaðurinn í hópnum og
oftar en ekki í forystuhlutverki.
Hauki var í mun að allt gengi
snurðulaust fyrir sig og var góður
verkstjórnandi. Hann miðlaði yngri
mönnum af langri reynslu og í
viskubrunn hans var gott að leita.
Var hann alla tíð vel liðinn af þeim,
sem kynntust honum. Hann var
ávallt mjög virkur í félagslífinu á
vinnustað okkar.
Fyrir rúmum áratug var Haukur
fenginn til að setja á stofn þá deild
sem sér um að útvega verkfræði-
þjónustu hér innanlands fyrir varn-
arliðið. Fram að því hafði öll að-
keypt verkfræðiþjónusta komið frá
Bandaríkjunum. Þetta brautryðj-
endastarf fórst honum einstaklega
vel úr hendi og má segja að lengi
búi að fyrstu gerð.
Skömmu eftir að Haukur lét af
störfum sökum aldurs þurftum við
enn að leita til hans. Á seinni hluta
liðins árs starfaði hann því hjá okk-
ur við ýmis sérverkefni. Hafði hann
alltaf mikla ánægju af starfinu og
við vinnufélagarnir nutum samvist-
anna við hann. Þó var ljóst að dreg-
ið hafði úr líkamlegu þreki Hauks
en hugurinn og viljinn var sá sami.
Hauks verður sárt saknað af öll-
um sem kynntust honum, en eftir
lifa minningar um hjartahlýjan
dreng.
Við vottum ættingjum Hauks og
vinum dýpstu samúð.
Vinnufélagar á verkfræði-
deild varnarliðsins.
HAUKUR
SÆVALDSSON
Fleiri minningargreinar
um Hauk Sævaldsson bíða birt-
ingar og munu birtast í blaðinu
næstu daga.
Minningargreinum þarf að
fylgja formáli með upplýsing-
um um hvar og hvenær sá sem
fjallað er um er fæddur, hvar
og hvenær dáinn, um foreldra
hans, systkini, maka og börn og
loks hvaðan útförin verður gerð
og klukkan hvað. Ætlast er til
að þetta komi aðeins fram í for-
málanum, sem er feitletraður,
en ekki í greinunum sjálfum.
Formáli
minning-
argreina