Morgunblaðið - 07.04.2003, Page 27
BRÉF TIL BLAÐSINS
MORGUNBLAÐIÐ MÁNUDAGUR 7. APRÍL 2003 27
ILLA hefur gengið hér á Íslandi
að meta náttúrufegurð til fjár. Sum
örnefni bera vott af því. Fallegur
sprengigígur ber nafnið Ljótipoll-
ur, stórfenglegar gjár heita Illagil
eða Vondagil. Þetta eru staðir sem
nýttust ekki til fjárbeitar eða veiða
og þá voru þeir einskis virði. Enn í
dag bjóðum við Íslendingar hálend-
isperlur á útsöluverði fyrir svo-
nefndar arðbærar framkvæmdir án
þess að meta þær til fjár.
Íbúafjöldi höfuðborgarsvæðisins
vex stöðugt. Þrátt fyrir eitt stykki
stórálver á Austurlandi mun þessi
þróun halda áfram.
Byggingasvæði Reykjavíkur-
borgar teygja sig stöðugt lengra
austur. Reykjavík og Mosfellsbær
eru að vaxa saman. Suður undir
Úlfarsfelli er nýtt íbúasvæði í
deiglunni.
Þegar byggðin stækkar og þétt-
ist verða útivistarsvæði innanbæjar
æ dýrmætari. Þreyttir og stress-
aðir borgarbúar hafa gott af því að
skreppa út, njóta náttúrufegurðar,
hreyfa sig og hlaða upp batteríið.
Æskilegt er að svona svæði séu í
grennd svo það kosti ekki of mikla
fyrirhöfn t.d. langar bílferðir til að
nálgast þau.
Norðan undir Úlfarsfelli þar sem
Mosfellsbær og Reykjavík mætast
er Hamrahlíðarskógur, dásamlegur
reitur rétt við Vesturlandsveginn.
Þar hefur Skógræktarfélag Mos-
fellsbæjar gróðursett í hálfa öld.
Litlar kræklóttar hríslur í hrjóstr-
ugu grjóti hafa orðið smátt og
smátt að fallegum stórum trjám.
Þarna hefur Vinnuskólinn athafnað
sig, hefur undir góðri leiðsögn
hjálpað að gróðursetja og unga
fólkið hefur fengið umhverfis-
menntun. Göngustígar hafa verið
lagðir, fræðsluskilti komið upp og
þægileg leið er þaðan upp á fjallið.
Mikil aðsókn fólks frá báðum bæj-
arfélögum er í þennan skóg. Mos-
fellsbær veitti þessari starfsemi
sérstaka viðurkenningu. En viti
menn, þetta svæði er í hættu!
Skipulagið bæði fyrir breikkun
Vesturlandsvegar og íbúabyggð að
vestan teygir sig inn í þetta gróna
land. Getur verið að núverandi
bæjarstjórn Mosfellsbæjar geri sér
ekki grein fyrir verðmæti hvers
fermetra skógivaxins lands? Hvers
virði skyldi eitt 50 ára gamalt
grenitré vera? Hvers virði er sum-
arstarf barnanna við gróðursetn-
ingu í áraraðir? Er þetta umhverf-
isvitund sem við ætlum að miðla
börnunum? Að láta þau horfa á að
vinnutæki koma og ryðja burt því
sem þau voru að hlúa að árum
saman?
Tvöföldun Vesturlandsvegar er
kannski brýnt verkefni, allavega
fyrir þá sem vilja gera einkabí-
laumferð áfram hátt undir höfði.
Spurning er hvort efling almenn-
ingssamgangna (lækka fargjöld og
auka ferðatíðni strætisvagna) mun
ekki einnig vera athyglisverð leið
til að draga úr umferðaþunga. Alla-
vega er nægilegt rými til breikk-
unar Vesturlandsvegar fyrir neðan
núverandi umferðaræð.
Ég er hissa að skipulagshug-
myndir eins og getið er hér að ofan
séu á döfinni. Að ráðast inn á gam-
algróið skógræktarsvæði ef aðrar
leiðir eru færar er alveg úr takt við
tímann.
ÚRSÚLA JÜNEMANN,
kennari.
Hvers virði er eitt tré?
Frá Úrsúlu Jünemann:
ÞEGAR lesið er opið bréf Júlíusar
Hafstein í Morgunblaðinu í dag,
3.4. 2003, virðist eitthvað fara milli
mála um heilindi Ellerts B.
Schram í orðræðu um ljós vinnu-
brögð og gagnsæ í sem flestum
málum. Hér virðist hann hafa fallið
á eigin prófi og gert það sem hann
ákærir aðra um að viðhafa. Þetta
getur vart talist í samræmi við
boðskap Ellerts í fjölmiðlum und-
anfarið og því verða menn að líta á
orð hans um einkaveröld stjórn-
málamanna í ljósi hans eigin gerða.
Það er svo að vísu nokkuð furðu-
legt, að forseti ÍSÍ hvetji erlenda
íþróttafrömuði til að víkja frá
þeim, sem þeir þekkja af góðu einu
og vilja veg sem mestan, vegna
kynna þeirra af verkum viðkom-
andi, að því er virðist, eingöngu til
að þjóna lund Ellerts og gera hon-
um kleift, að koma höggi á Júlíus
Hafstein, af einskærri óvild í hans
garð. Þetta þykir mér og mörgum
öðrum sem ég hef talað við í dag,
hið ljótasta mál. Hverjar sem per-
sónulegar skoðanir manna eru á
þeim sem valdir eru til starfa í Al-
þjóða Ólympíunefndinni, er
ódrengilegt að fara fram með fjöl-
mæli, gagngert til að koma við-
komandi frá. Þetta á sérstaklega
við, þegar tilnefning Júlíusar virð-
ist vera á grunni hans verðleika en
ekki stöðu innan íþróttahreyfing-
arinnar á Íslandi.
Vonandi koma svör við bréfinu á
síðum Morgunblaðsins hið fyrsta
og þar lagist ásýnd forystu ÍSÍ í
þessu máli. Hin óbrotgjörnu gildi
sem ungmennafélögin voru reist á,
geta ekki undir neinum kringum-
stæðum samrýmst rógsherferðum.
Slík vinnubrögð grafa ekki einung-
is undan starfinu í bráð, heldur
lengd.
BJARNI KJARTANSSON,
Sóleyjargötu 23,
101 Reykjavík.
Ellert í
bakher-
bergjum
Frá Bjarna Kjartanssyni:
FYRIR nokkrum árum notaði ég
þennan vettvang til þess að fara
fram á úrbætur varðandi hlustunar-
skilyrði á stuttbylgjusendingum
Ríkisútvarpsins til Evrópu. Ég var
þá búsettur í Brussel og háður
fréttasendingum útvarpsins sem
ekki náðust almennilega. Svo bar
við að daginn eftir að ábendingin
birtist var allt fallið til betra horfs
og ég naut þess að geta fylgst með
aflabrögðum að norðan og öðrum
fréttum frá Íslandi.
Á þessu ári eru orðin átta ár síð-
an ég sneri til baka frá Belgíu og
hef síðan notið þess á virkum dög-
um að hlusta á morgunútvarpið á
Rás 1 milli kl. 7 og 9 á morgnana,
hvar Vilhelm G. Kristinsson hefur
hin seinustu ár leikið ljúfa tónlist í
þættinum Árla dags með kynning-
um að hætti Jóns Múla af mikilli al-
úð. Hjá mér hafa þetta verið helgi-
stundir að vakna við þessa ljúfu
morguntóna, drekka mitt kaffi og
sinna öðrum morgunverkum, þ.m.t.
að lesa Moggann minn.
Undanfarnar vikur hafa þessar
morgunstundir verið truflaðar af
nýjum fréttaþætti, sem mér heyrist
reyndar vera hinn ágætasti þáttur,
en mér ekki að skapi á þessum tíma
dags.
Þessum þætti er útvarpað á sam-
tengdum rásum Ríkisútvarpsins og
fæ ég ekki skilið hvaða hagkvæmni
geti legið í þessu, einkum þar sem
Vilhelm er þegar vaknaður og ekki
skrúfaður niður fyrren kl. 7:30 og
kemur svo aftur kl. 8:30. Ég fæ
ekki annað séð en að það hljóti að
koma nokkurn veginn á sama stað
niður þótt Vilhelm fái glaðbeittur
að halda áfram með Árla dags á
Rás 1 og að þeir sem það vilja
hlusti á fréttaþáttinn á Rás 2. Mikið
yrði ég glaður ef stjórnendur Rík-
isútvarpsins brygðust eins skjótt
við þessari ábendingu minni og þeir
gerðu um árið vegna stuttbylgju-
sendinganna. Ég held reyndar að
ég geti átt fleiri stuðningsmenn að
því er þessa ábendingu varðar en
hina fyrri.
ÁRNI VILHJÁLMSSON,
Kúrlandi 13, Reykjavík.
Árla dags með Vilhelm
Frá Árna Vilhjálmssyni:
Tvö sóltjöld
fylgja öllum
bílstólum
til páska.
Engjateigi 5 • 105 Reykjavík • S. 533 4200 og 892 0667,
arsalir@arsalir.is • Björgvin Björgvinsson, lögg. fasteignasali.
ATVINNUHÚSNÆÐI TIL SÖLU EÐA LEIGU
Grandavegur Ca 150 fm húsnæði fyrir sólbaðstofu til leigu.
Dalvegur 280 fm húsnæði til sölu eða leigu.
Brautarholt 355 fm verslunarhúsnæði á 1. hæð til leigu.
Krókháls 300 fm nýtt atvinnuhúsnæði með hárri innkeyrsluhurð.
Grensásvegur 122 fm verslunar- og skrifstofuhúsnæði til leigu.
Fákafen 133 fm + 150 fm + 128 fm til leigu.
Ármúli Ca 155 fm gott skrifstofuhúsnæði á 2. hæð til leigu.
Auðbrekka 487 fm atvinnuhúsnæði sem má breyta í íbúðir til sölu.
Funahöfði Til sölu gott atvinnuhúsnæði með lokuðu porti 757 fm.
Vegmúli 150–300 fm verslunarhúsnæði til leigu - laust strax.
Hlíðasmári 150–350 fm húsnæði til leigu.
Höfum til sölu eða leigu ýmsar stærðir
af atvinnuhúsnæði á skrá á stór-
Reykjavíkursvæðinu. Vinsamlega
hafið samband við skrifstofu
okkar í síma 533 4200.
Ársalir - fasteignamiðlun Ársalir - fasteignamiðlun