Morgunblaðið - 07.04.2003, Blaðsíða 8
FÓLK
KÖRFUKNATTLEIKUR
8 B MÁNUDAGUR 7. APRÍL 2003 MORGUNBLAÐIÐ
JÓN Arnór Stefánsson skoraði 19 stig fyrir lið sitt TBB Trier í
þýsku 1. deildinni í körfuknattleik á sunnudag er liðið tapaði
110:94 fyrir Brand Hagen. Trier er sem fyrr í neðsta sæti
deildarinnar og er allt útlit fyrir að liðið falli í 2. deild í vor.
Jón Arnór lék í 30 mínútur í leiknum og stal knettinum 4
sinnum af mótherjum sínum. Hann hitti 6 af 12 tveggja stiga
skotum sínum og setti niður tvö þriggja stiga skot úr sjö til-
raunum.
Logi Gunnarsson og lið hans Ulm lagði FC Kaiserslautern
að velli í s-riðli 2. deildar, 94:76, að viðstöddum 1200 áhorf-
endum á heimavelli Ulm.
Logi skoraði 19 stig í leiknum en hann snéri sig á ökkla í
fyrri hálfleik og lék lítið með eftir það. Ulm eygir enn von um
að komast í efsta sæti deildarinnar og tryggja sér sæti í efstu
deild en til þess þarf BG Karlsruhe að tapa flestum leikjum sín-
um á lokakafla mótsins en fimm umferðir eru eftir af mótinu.
Jón Arnar
Stefánsson
Jón og Logi
með 19 stig hvor
STJÓRN körfuknattleiksdeildar Tindastóls mun ræða við Kristinn
Friðriksson á næstu dögum þess efnis að hann verði áfram leik-
maður og þjálfari liðsins. Kristinn stýrði liðinu í vetur í fyrsta sinn
og var það jafnframt frumraun hans sem þjálfara í efstu deild.
Tindastóll lagði Hauka að velli í fyrstu umferð úrslitakeppninnar en
féll síðan úr keppni í oddaleik í undanúrslitum gegn Grindvík-
ingum. Samkvæmt heimildum Morgunblaðsins ætlar Svavar Birg-
isson að leika með liðinu á næstu leiktíð en hann lék með Hamars-
mönnum framan af vetri en hætti undir lok Íslandsmótsins. Svavar
var þá stigahæsti íslenski leikmaður Intersport-deildarinnar, en
hann mun jafnframt stunda nám í Íþróttakennaraskóla Íslands á
Laugarvatni.
Forráðamenn Tindastóls hafa rætt við Clifton Cook þess efnis að
hann leiki með liðinu á ný á næstu leiktíð en Óli Barðdal Reynisson
verður ekki með liðinu þar sem hann er á leið til Danmerkur í nám.
Svavar
á heimleið?
Þetta eru frábær lið sem eigastvið og þeir sem sáu leikinn
hljóta að hafa hrifist með. Tilþrifin
voru mikil og mínir
menn bjuggu yfir
miklum krafti sem
þeir komu til skila í
leikinn sjálfan. Að
auki notuðum við fleiri leikmenn í
fyrri hálfleik og allir voru ferskir
þegar á leið.“
Sigurður sagði að leikmenn liðs-
ins ættu von á ýmsu þegar að liðs-
uppstillingunni kæmi og að þessu
sinni hefði hann ákveðið að setja
Guðjón Skúlason inná í upphafi
annars og fjórða leikhluta og það
hefði heppnast vel. „Ég hef nú
prófað ýmislegt í vetur og við
bregðumst við á ýmsan hátt en
markmiðið er að liðsheildin njóti
góðs af því sem við erum að gera.“
Sigurður játti því að Grindvík-
ingar ættu í erfiðleikum gegn Da-
mon Johnson og Edmund Saund-
ers í vítateignum. „Við munum
nýta okkur það áfram og þeir
verða að tvídekka þá til þess að
eiga möguleika gegn þeim. Og ef
þeir gera slíkt þá verður knött-
urinn sendur á skytturnar sem
hafa staðið sig vel í vetur.“
Sigurður var ánægður með
svæðisvörnina sem hann greip til í
fjórða leikhluta og virtist slá
Grindvíkinga útaf laginu.
„Við eigum helling af varnaraf-
brigðum í handraðanum og ef ég
man rétt þá höfum við ekki leikið
þessa vörn áður í vetur – þ.e. með
Edmund í hlutverki bakvarðar í
vörninni,“ sagði Sigurður og lagði
áherslu á gamla tuggu úr íþrótta-
heiminum. „Við munum hvíla okk-
ur fram að næsta leik og lengra
höfum við ekki skipulagt hlutina.
Næsti leikur er það sem skiptir
máli.“
„Mitt hlutverk er að skjóta“
Guðjón Skúlason, leikmaður
Keflvíkinga, sagði að hlutverka-
skipting innan liðsins væri skýr og
allir vissu hvert þeirra hlutverk sé.
„Siggi (Sigurður Ingimundarson)
lagði upp með varnarlið í upphafi
leiks. Okkur varamönnum liðsins
var ætlað að koma inná með kraft í
sóknina þegar liði á leikinn og þeir
væru orðnir þreyttir,“ sagði Guð-
jón en hann setti niður fjögur
þriggja stiga skot á mikilvægum
augnablikum. „Þessi uppstilling
hentar vel á móti Grindavík að
okkar mati og það er því um að
gera að nota það sem við höfum.
Liðsheildin er afar sterk hjá okkur
og við kunnum að nota okkar styrk
hverju sinni. Það er ekkert leynd-
armál að við reyndum að koma
knettinum á Damon og Edmund
undir körfunni og ef þeir fengu
ekki auðveld skot var þeim ætlað
að senda knöttinn á okkur sem
voru fríir fyrir utan. Grindvíkingar
eiga í erfiðleikum með að stöðva
okkar leik og við munum halda
áfram á þessum nótum.“ Guðjón
vildi ekki taka undir það að Kefla-
vík myndi vinna þrjá leiki í röð í
einvíginu og hampa Íslandsmeist-
aratitlinum í Grindavík. „Það er
sálfræðilega sterkt að vinna fyrsta
leikinn en við verðum bara að bíða
og sjá til.“
Sigurður Ingimundarson, hinn sigursæli þjálfari Keflavíkur
„Við bregðumst við
með ýmsum hætti“
ÞAÐ hefur gengið upp og ofan
að halda mönnum með hugann
við efnið eftir að viðureign okk-
ar gegn Njarðvík lauk. En ég get
ekki verið annað en ánægður
með hvernig liðið hóf þennnan
leik eftir langa hvíld,“ sagði Sig-
urður Ingimundarson, þjálfari
Keflvíkinga.
Morgunblaðið/Árni Torfason
Darrell Lewis í liði Grindavíkur var í strangri gæslu frá upphafi til enda og átti í erfiðleikum gegn
Edmund Saunders og félögum hans í Keflavíkurliðinu í baráttunni í vítateignum.
Eftir
Sigurð Elvar
Þórólfsson
Keflvíkingarnir Falur Harð-
arson (4), Damon Johnson
og Guðjón Skúlason fögn-
uðu vel sigri liðsins á útivelli
gegn Grindavík.
ÞJÓÐSÖNGUR Íslands var leik-
inn áður en fyrsti úrslitaleikur
Grindavíkur og Keflavíkur hófst á
laugardaginn. Eitthvað brást þó
tæknin umsjónarmönnum leiksins
því í miðju lagi hljómaði stef sem
nota átti í leiknum. Stefið fékk ekki
að hljóma nema í stutta stund og
fékk þjóðsöngurinn „frið“ það sem
eftir var.
Á meðan leiknum stóð var leikið
stef sem körfuknattleiksáhugamenn
ættu að þekkja frá leikjum úr NBA-
deildinni. Var stefið notað í vörn sem
sókn og hljómaði frá upphafi leiks og
allt til loka.
KEFLVÍKINGAR ætla að bjóða
uppá mikla skemmtun áður en annar
úrslitaleikur liðanna fer fram í kvöld
í íþróttahúsi Keflavíkur. Söngkonan
Birgitta Haukdal mun skemmta
áhorfendum með söng fyrir leikinn
og mun Birgitta hefja upp raust sína
kl. 18.30 en leikurinn sjálfur hefst kl.
19.15.
ÞAÐ verður ekki aðeins boðið
uppá söng í Keflavík í kvöld því
stúlkur úr fimleikadeild félagsins
munu sýna atriði þegar færi gefast.
KEFLVÍKINGAR hafa notað við-
urnefnið „Sláturhúsið“ yfir íþrótta-
hús sitt og er það nafn notað í öllum
auglýsingum frá félaginu.