Morgunblaðið - 09.04.2003, Blaðsíða 6

FRÉTTIR
6 MIÐVIKUDAGUR 9. APRÍL 2003 MORGUNBLAÐIÐ
Fyrri umsóknarfrestur
er til 15. apríl
ÍS
LE
N
S
K
A
A
U
G
LÝ
S
IN
G
A
S
TO
FA
N
/S
IA
.I
S

H
IR
2
05
75

03
/2
00
3
www.ru.is
Lagadeild • Viðskiptadeild • Tölvunarfræðideild
Þeir sem sækja um nám við Háskólann í Reykjavík
fyrir 15. apríl fá svar innan þriggja vikna
VALGERÐUR Sverrisdóttir við-
skiptaráðherra hefur veitt forstjóra
Löggildingarstofu, Gylfa Gauti Pét-
urssyni, tímabundna lausn frá emb-
ætti vegna „stórfelldrar óreiðu“,
eins og það er orðað í fréttatilkynn-
ingu, á bókhaldi og fjárreiðum
stofnunarinnar. Í samtali við Morg-
unblaðið segist Valgerður telja
ástæðu til að veita forstjóranum
fulla lausn frá störfum. Þá telur hún
að fráfarandi stjórn hafi að nokkru
leyti brugðist eftirlitsskyldu sinni
og útilokar hún ekki möguleikann
að stofnunin sameinist öðrum.
Ný stjórn Löggildingarstofu hef-
ur verið skipuð og hefur viðskipta-
ráðherra ákveðið að láta gera heild-
arúttekt á framtíðarfyrirkomulagi
verkefna stofnunarinnar og fjár-
mögnun þeirra. Þá hefur ráðherra
sett Tryggva Axelsson, deildar-
stjóra í viðskiptaráðuneytinu, í emb-
ætti forstjóra Löggildingarstofu um
stundarsakir.
Í tilkynningu frá viðskiptaráðu-
neytinu segir meðal annars:
„Fyrir liggur að fjarskiptakostn-
aður stofnunarinnar hefur verið
óeðlilega hár, eignakaup hafa verið
úr hófi og ekki í samræmi við þarfir
stofnunarinnar, auk þess sem dæmi
eru um ýmsan óeðlilegan kostnað.
Þá hafa eignir týnst vegna ófull-
nægjandi utanumhalds. Launamál
og bókhald stofnunarinnar hafa ver-
ið í ólestri og risna, ferða- og aug-
lýsingakostnaður hefur verið óeðli-
lega hár miðað við fjárhag og
umfang reksturs stofnunarinnar.“
Viðskiptaráðherra hefur sam-
kvæmt lögum um réttindi og skyld-
ur starfsmanna ríkisins vísað mál-
inu til þriggja manna nefndar sem
Björg Thorarensen lagaprófessor
veitir almennt forstöðu. Kallað
verður eftir tilnefningum um aðra
nefndarmenn henni til aðstoðar,
annars vegar frá viðskiptaráðuneyt-
inu og hins vegar frá samtökum rík-
isstarfsmanna. Er nefndinni ætlað
að rannsaka hvort rétt sé að veita
Gylfa Gauti lausn að fullu eða láta
hann taka aftur við embættinu.
Sem fyrr segir hefur ný stjórn
Löggildingarstofu verið skipuð. Í
henni sitja Guðrún Rögnvaldsdóttir,
verkfræðingur og framkvæmda-
stjóri Staðlaráðs, sem er formaður,
Arnar Þór Másson, sérfræðingur í
fjármálaráðuneytinu, og Eyvindur
Grétar Gunnarsson lögmaður. Frá-
farandi stjórn var skipuð Hauki
Ingibergssyni, sem var formaður,
Drífu Sigfúsdóttur og Agli B.
Hreinssyni.
Heildarúttekt á framtíðarfyrir-
komulagi stofnunarinnar á að vera
lokið fyrir næstu áramót og hún
verður unnin af ráðgjafarverkfræð-
ingi í samráði við stjórn, settan for-
stjóra, ráðuneytið og starfsmenn
Löggildingarstofu.
Fordæmisgefandi
„Forstöðumenn ríkisstofnana
bera mikla ábyrgð á fjármunum al-
mennings. Miðað við að hann [Gylfi
Gautur] hefur sýnt mikla vanrækslu
í starfi, og óreiða hefur verið þarna
á háu stigi, þá varð þetta niðurstað-
an að mjög vel athuguðu máli í
ráðuneytinu. Við gerum okkur grein
fyrir því að þetta mál er fordæm-
isgefandi og því höfum við vandað
til verka,“ sagði Valgerður Sverr-
isdóttir við Morgunblaðið í gær.
Hún sagði að samkvæmt lögum
væri það verkefni sérstakrar nefnd-
ar að kanna nú hvort veita ætti
Gylfa lausn frá störfum að fullu eða
að hann héldi embættinu. Hún sagði
það sitt mat, miðað við fyrirliggj-
andi gögn og niðurstöðu Ríkisend-
urskoðunar í byrjun þessa árs, að
ástæða væri til að veita honum al-
farið lausn frá störfum. Um það al-
varlegt brot væri að ræða.
Aðspurð um ábyrgð fráfarandi
stjórnar Löggildingarstofu sagðist
Valgerður hafa átt fund með henni.
Stjórnin hefði ekki gert rétt með
því að hætta störfum um mitt síð-
asta ár, þegar Ríkisendurskoðun
hóf sína athugun. „Ég taldi ekki
ástæðu til að skipa stjórnina á nýj-
an leik. Vissulega ber forstjóri
ábyrgð á daglegum rekstri ríkis-
stofnunar en stjórnin hefur ákveðna
eftirlitsskyldu. Hún hefði getað
staðið sig betur í þeim efnum að
hafa eftirlit með rekstrinum,“ sagði
Valgerður.
Hún vildi benda á að Löggilding-
arstofa stæðist skoðun í dag, tekið
hefði verið á málum og þau færð til
betri vegar. Nú yrði úttekt sett af
stað og m.a. kannað hvort stofnunin
gæti sameinast öðrum í framtíðinni.
Útilokaði hún ekki sameiningu að
einhverju eða öllu leyti við t.d. Iðn-
tæknistofnun, Orkustofnun eða
Samkeppnisstofnun.
Viðskiptaráðherra veitir forstjóra Löggildingarstofu
tímabundna lausn frá störfum
Telur ástæðu til að veita
forstjóra fulla lausn
FJÖLBÝLISHÚS eitt við Hvassa-
leiti er um þessar mundir að fá nýj-
an svip. Búið er að klæða húsið að
utan með álklæðingu og var verið
að taka plastfilmu af klæðningunni
þegar ljósmyndari átti leið hjá.
Morgunblaðið/Ómar
Húsið fær nýjan lit
UMBOÐSMAÐUR Alþingis hefur
komist að þeirri niðurstöðu að úr-
lausn félagsmálaráðuneytisins um
hæfi tveggja hreppsnefndarmanna
til að fjalla um breytta úthlutun
byggðakvóta hafi ekki verið í sam-
ræmi við lög og beinir því til ráðu-
neytisins að taka málið fyrir að nýju.
Ekki kemur fram í áliti umboðs-
manns um hvaða hrepp er að ræða
en samkvæmt vefsíðu félagsmála-
ráðuneytisins er þetta Kaldrananes-
hreppur á Ströndum en ráðuneytið
felldi þann úrskurð í desember árið
2001 að ákveðnir hreppsnefndar-
menn hefðu ekki verið vanhæfir til
að fjalla um breytta úthlutun
byggðakvóta í sveitarfélaginu.
Málavextir eru þeir helstir að út-
gerðarmaður í hreppnum óskaði eft-
ir því við hreppsnefnd að reglum um
skiptingu byggðakvóta í sveitarfé-
laginu yrði breytt. Umræddum
kvóta hafði Byggðastofnun á sínum
tíma úthlutað, að tillögu hrepps-
nefndar, til tveggja fyrirtækja í
Kaldrananeshreppi, annað var að
hluta til í eigu hreppsins og hitt í
eigu útgerðarmannsins. Erindi hans
um breytta úthlutun var synjað í
hreppsnefnd og kærði útgerðarmað-
urinn málið til félagsmálaráðu-
neytisins á þeim forsendum helstum
að þrír nefndarmenn hefðu verið
vanhæfir til að fjalla um það. Komst
ráðuneytið að þeirri niðurstöðu að
svo hefði ekki verið og leitaði útgerð-
armaðurinn þá til umboðsmanns Al-
þingis.
Í áliti sínu telur umboðsmaður
m.a. að útgerðarfyrirtækið, sem að
hluta var í eigu hreppsins, hafi haft
verulegra hagsmuna að gæta við af-
greiðslu hreppsnefndarinnar. Odd-
viti hreppsnefndar og einn nefndar-
maður sátu í stjórn fyrirtækisins og
telur umboðsmaður að þeir hafi báð-
ir verið vanhæfir til að fjalla um er-
indi útgerðarmannsins. Kvörtun
hans beindist einnig að fram-
kvæmdastjóra fyrirtækisins, sem sat
í hreppsnefnd, en þar sem hann vék
af fundum nefndarinnar er málið
kom til meðferðar segist umboðs-
maður vera sammála félagsmála-
ráðuneytinu um hæfi viðkomandi.
Sætti hann sig ekki við niðurstöðu
hreppsnefndar og kærði hana til fé-
lagsmálaráðuneytisins á þeim for-
sendum að þrír nefndarmenn hefðu
verið vanhæfir til að fjalla um málið.
Kemur þar fram önnur túlkun á hæf-
isreglu sveitarstjórnarlaga en ráðu-
neytið var með á sínum tíma.
Umboðsmaður um hæfi hrepps-
nefndarmanna á Ströndum
Niðurstaða ráðu-
neytis ekki í
samræmi við lög
SJÁLFSTÆÐISFLOKKURINN
nýtur fylgis 41,7% þeirra sem tóku
þátt í skoðanakönnun sem Viðskipta-
ráðgjöf IBM gerði fyrir Stöð 2 dag-
ana 4–6. apríl. Er þetta svipað fylgi
og mældist í könnun sem gerð var
20.–23. mars. Samfylkingin mældist
með 30% fylgi og lækkar um 4,2 pró-
sentustig.
Vinstrihreyfingin – grænt fram-
boð mældist með 10,5% fylgi í könn-
uninni nú en var með 8,2% í síðustu
könnun. Fylgi Framsóknarflokksins
mældist 8,2% nú en 10,2% í mars.
Fylgi Frjálslynda flokksins mældist
7% nú en 4,8% í mars. Aðrir flokkar
fengu samtals 2,6% fylgi.
Úrtakið í könnuninni var lagskipt
slembiúrtak fólks á aldrinum 18–67
ára. Spurðir voru 800 einstaklingar.
Sjálfstæðisflokkur
með 41,7% atkvæða
„ÞAÐ kemur mér mjög spánskt fyrir
sjónir hvernig haldið er á þessu máli í
ráðuneytinu,“ segir Ragnar Hall, lög-
maður Gylfa Gauts Péturssonar um
ákvörðun iðnaðarráðherra að veita
Gylfa tímabundna lausn frá embætti
forstjóra Löggildingarstofunnar.
„Í fyrsta lagi finnst mér ákaflega
einkennilegt að ráðuneytið skuli telja
núna að það sé nauðsynlegt að víkja
honum frá störfum tímabundið með
þeim hætti sem gert er, vegna þess að
ráðuneytið hefur verið að leita samn-
inga við hann um að hann gegndi
starfinu til áramóta og hann myndi þá
láta af störfum,“ segir Ragnar.
„Af því að hann hlýðir ekki þeim
vilja ráðherrans, þá er allt í einu nauð-
synlegt að víkja honum frá störfum
núna. Það er þó óumdeilt að það er
enginn eldur laus í stofnuninni. Það er
búið að koma góðu lagi á öll þau atriði
sem talið var að hefðu farið úrskeið-
is,“ segir Ragnar.
Hann bendir einnig á að í lausn-
arbréfinu sé fjallað sérstaklega um að
ráðuneytið fallist ekki á að Gylfi hafi
ekki fengið að njóta andmælaréttar.
Með bréfinu fylgi hins vegar ýmis
gögn sem ráðuneytið hafi aflað eftir
að það tilkynnti Gylfa að honum gæf-
ist kostur á að tala máli sínu. „En hon-
um var aldrei gefinn neinn kostur á að
tjá sig um þau gögn. Þetta er alveg
nýtt fyrir hann og fyrir mig, því ég
hafði ekki séð þessi gögn áður.“
Ragnar segist einnig hafa gert
rækilega grein fyrir því í greinargerð
til ráðuneytisins að það sé meginregla
skv. lögum um réttindi og skyldur
starfsmanna ríkisins að ef um ávirð-
ingar í starfi sé að ræða, þá beri að
gefa starfsmanni áminningu og gefa
honum kost á að bæta ráð sitt. Þessa
sé hvergi getið í lausnarbréfinu. „Það
er ekkert í málinu sem bendir til þess
að Gylfi hafi sjálfur hagnast um eitt-
hvað í tengslum við þá óreiðu sem
sögð er hafa verið á málefnum stofn-
unarinnar. Það heldur enginn því
fram að hann hafi gerst sekur um
refsiverða háttsemi. Þess vegna eiga
þessi áminningaratriði við í málinu.
Þegar það er svo lesið saman við með-
alhófsregluna í stjórnsýslulögunum,
þá er mér það alveg óskiljanlegt að
ráðuneytið skuli telja það núna nauð-
synlegt að víkja honum frá störfum
tímabundið. Ég átta mig ekki á af
hverju það er,“ segir Ragnar.
Undrast vinnubrögðin