Morgunblaðið - 09.04.2003, Blaðsíða 3

MORGUNBLAÐIÐ MIÐVIKUDAGUR 9. APRÍL 2003 B 3
bílar
NÝR Avensis verður frumsýndur hjá
Toyota við Nýbýlaveg um næstu helgi. Beð-
ið hefur verið eftir nýrri útfærslu af Avensis
með nokkurri eftirvæntingu, enda er bíllinn
nýr frá grunni. Nýr Avensis er hannaður í
Evrópu með þann markað í huga og fram-
leiddur í Bretlandi.
Nýjungar sem nú eru kynntar í fyrsta
sinn í Avensis eru m.a.:
 Háþróað öryggiskerfi með 9 loftpúðum.
Þetta er í fyrsta sinn sem bíll er kynntur í
Evrópu með 9 púða sem staðalbúnað.
 Stiglaus hitastilling í framsætum.
 Tölvustýrt loftræstikerfi með aðskildum
stillingum fyrir hvort framsæti.
 Sjálfvirkur regnskynjari í rúðuþurrkum.
 Aksturstölva.
 Sjálfskipting með handskiptimöguleika.
 Ný, 2,0 lítra dísilvél.
Um 1 milljón prófana var gerð á búnaði
bílsins á hönnunartímanum og honum ekið
vegalengd sem jafngildir ferðalagi 1,5 sinn-
um kringum jörðina.
Nýr Toyota Avensis verður sýndur hjá
Toyota við Nýbýlaveg nk. laugardag, 12.
apríl, frá kl 12–16, og á sunnudag 13. apríl
frá kl. 13–16. Boðið verður upp á léttar veit-
ingar.
Helgina 26.– 27. apríl verður nýr Avensis
frumsýndur hjá Toyota á Akureyri, Sel-
fossi og í Reykjanesbæ.
Nýr Avensis kynntur
Toyota Avensis verður frumsýndur um helgina.
Í SAMANBURÐARTÖFLU í um-
fjöllun um Nissan Patrol í síðasta
bílablaði kom fram rangt verð á Lux-
ury-útgáfu bílsins. Rétt verð fyrir bíl-
inn beinskiptan er 4.590.000 kr. og
4.790.000 kr. fyrir bílinn sjálfskiptan,
eins og kom fram í sjálfum textanum.
Leiðrétt
BÍLHEIMAR hf. hafa hafið innflutn-
ing á nýjum Opel Combo sem er
eftirtektarverður kostur fyrir
smærri verktaka og til sendiferða á
vegum fyrirtækja. Bíllinn er til í
fjölmörgum útfærslum, t.d. með
breiðum rennihurðum á annarri eða
báðum hliðum.
Opel Combo er með öflugri 1,6
lítra vél, hleðslugetan er allt að
695 kg og hleðslurýmið allt að
3.200 lítrar, sem er það mesta
sem þekkist í þessum stærð-
arflokki. Hægt er að fá bílinn með
eða án hliðarglugga. Hægt er að
fella niður framsætisbak og nýta
þar með gólflengdina að fullu frá
afturhurð og fram í innréttingu
bílsins. Þegar þetta er gert fellur
öryggisgrind að ökumanni og um-
lykur hann frá tveimur hliðum.
Combo kemur með fjarstýrðum
samlæsingum, útvarpi og geisla-
spilara með fjarstýringu í stýri, svo
og öflugum vinnuljósum og gúmmí-
mottu í hleðslurými.
Sveigjanlegur
Opel Combo
MJÖG hefur dregið úr slysum og
dauðsföllum, sem rakin hafa verið til
öryggispúða í bílum, eftir að bíla-
framleiðendur byrjuðu fyrir fimm ár-
um að setja aflminni púða í bíla sína.
Þetta gerist án þess að dregið hafi úr
því öryggi sem búnaðurinn á að veita.
Þessar eru niðurstöðurnar í sameig-
inlegri rannsókn samtaka bíla-
framleiðenda í Bandaríkjunum og sér-
fræðinga á sviði umferðaröryggis.
Rannsóknir hafa leitt í ljós að þeim
sem var mest hætta búin af eldri gerð
öryggispúða voru lágvaxnar konur og
börn. Áhættan núna á alvarlegum
höfuð-, háls- eða brjóstmeiðslum er
mun minni eftir að farið var að setja
nýjar gerðir, aflminni púða í bíla upp
úr 1998.
Aflminni
púðar og færri
meiðsli
♦ ♦ ♦
♦ ♦ ♦