Morgunblaðið - 09.04.2003, Blaðsíða 19
standa okkur vel það sem eftir er,“
bætir hann við.
Söguleg tölfræði er hliðholl
McLaren hvað varðar möguleika
liðsins á að binda enda á fjögurra
ára einræði Ferrari í keppninni um
heimsmeistaratitil bílsmiða. Í sex af
sjö tilvikum áður þar sem sama
liðið hefur unnið þrjú fyrstu mót
ársins hefur það einnig hampað
bílsmiðatitlinum. Undantekningin
var árið 1994 er Schumacher vann
fyrstu fjögur mót ársins en
Williams vann bílsmiðatitilinn þrátt
fyrir að hafa misst Ayrton Senna
sem beið bana í kappakstrinum í
Imola. McLaren-stjórinn Ron
Dennis segir að ekkert sé þó gefið í
Formúlu-1 og vertíðin hafi þegar
verið einkar tíðindasöm og
ófyrirsjáanleg og óvæntir atburðir
gerst.
„Auðvitað er það frábært að
vinna fyrstu þrjú mótin, en við
gerum okkur engar grillur. Ferrari
er afar verðugur keppinautur. Ég
gef ekki mikið fyrir tölfræði, það
má segja hvað sem er með hjálp
hennar. Byrjunin er góð en það er
langur vegur alla leið í mark.
Titlatal er mjög ótímabært,“ segir
Dennis.
MORGUNBLAÐIÐ MIÐVIKUDAGUR 9. APRÍL 2003 B 19
bílar
DAVID Coulthard hjá McLaren
segir gagnrýndendur sína hljóta að
hafa étið hatt sinn með frammi-
stöðu sinni það sem af er keppn-
istímabilinu þótt félagi hans Kimi
Räikkönen hafi breikkað bilið milli
þeirra í keppninni um heimsmeist-
aratitil ökuþóra í Formúlu-1.
Auðveldur sigur rann Skotanum
Coulthard úr greipum á sunnudag
er stöðva varð keppni fyrr en ella
vegna tveggja hryllilegra óhappa
þar sem bílar óku á öryggisvegg og
tættust í sundur með þeim afleið-
ingum að brakið dreifðist yfir braut-
ir.
Coulthard varð fjórði en þeir sem
á undan voru áttu allir eftir að
stoppa einu sinni og hann hefði því
náð góðri forystu á þá á ný ef ekin
hefði verið full vegalengd. Hann er
engu að síður annar í keppninni um
heimsmeistaratitilinn, 11 stigum á
eftir McLaren-félaga sínum Räikkö-
nen sem úrskurðaður var sigur á
tæknilegum forsendum.
„Ég gæti hafa verið í þeirri stöðu
að vera sigurvegari í þremur fyrstu
mótunum,“ staðhæfir Coulthard
sem vann fyrsta kappakstur ársins,
í Melbourne, en sá síðan afar líkleg-
an sigur gufa upp í Malasíu er kerti
biluðu í Mercedes-mótornum, en
það hefur verið rakið til mistaka af
hálfu eins af vélvirkjum hans, að
sögn breska útvarpsins BBC.
„Ég virðist ekki njóta verndar
heilladísanna, eins og Michael Schu-
macher á árum áður. Nú rann mér
annað mót úr greipum, Kimi fékk
sigurinn og ég er 11 stigum á eftir
honum.
Ég hef hvert keppnistímabil
þannig að hópur fjölmiðla er á
mínu bandi en annar hópur dregur
stanslaust í efa að ég hafi það til
að bera að vinna. Frammistaða
mín, við erfiðar aðstæður, ætti að
þagga niður í efasemdarmönn-
unum. Án yfirlýsinga um eigið
ágæti legg ég mig látlaust fram
við að skila mínu hlutverki og get
ekki séð að menn þurfi að efast
miðað við frammistöðu mína í
þremur síðustu mótum. Ég er
kappakstursmaður, ef til vill með
veikleika sem þið viljið greina, en
þetta er kappaksturskeppni sem
við erum þátttakendur í, þar sem
allt snýst um það eitt að keppa,
það mun aldrei breytast,“ segir
Coulthard.
Reuters
David Coulthard hjá McLaren ók eins
og herforingi í Sao Paulo, en hér fer
hann á undan Mark Webber hjá Jagúar.
Coulthard kveðst hafa
svarað gagnrýnisröddum
RUBENS Barrichello horfði til
himna og fór með örvæntingarþulu er
hann sat í kyrrstæðum Ferrari-fák sín-
um við jaðar Interlagos-brautarinnar í
Sao Paulo. Hafði náð forystu í kapp-
akstrinum nokkrum hringjum áður við
trylltan fögnuð heimamanna sem í
stað þess að fagna honum sem sig-
urvegara máttu sætta sig við að hann
félli úr leik á heimavelli níunda árið í
röð.
Enn einu sinn rættist ekki sá æðsti
draumur Barrichellos, að vinna heima-
kappakstur sinn á brautinni sem hann
fæddist rétt hjá og ólst upp á. Ferrari-
fákurinn brást honum – og þó – miklu
fremur virðast mannleg mistök við
bensínáfyllingu hafa stöðvað för hans.
Liðsstjórinn Jean Todt sagði í fyrstu
að bensíndælan hefði bilað í bílnum en
játar nú að áfyllingarbúnaðurinn hafi
bilað og því hafi Barrichello ekki fengið
nema skvettu í tankinn í þjón-
ustustoppi í stað nær tankfylli.
Með öðrum orðum, skarlatsrauðan
hugsanlegan sigurfák Barrichellos
þraut örendi þar sem tankurinn var
orðinn tómur! Þar með varð ekkert úr
þeim draumi heimamanna að eignast
fyrsta sigurvegara Brasilíukappakst-
ursins í áratug, eða frá því Ayrton
Senna vann 1993.
Barrichello varð
bensínlaus!
SPÆNSKI ökuþórinn Fernando
Alonso marðist aðeins lítillega á hné en
slapp að öðru leyti alveg ómeiddur er
Renault-bifreið hans skall á um 300
km hraða á öryggisveggjum
Interlagos-brautarinnar í Sao Paulo á
sunnudag og gjöreyðilagðist.
Í öryggisskyni var Alonso fluttur á
spítala og hafður þar fram á mánudag
en þá var hann útskrifaður og gefið
grænt ljós á að keppa í næsta móti, í
Imola á Ítalíu eftir 10 daga.
Sjálfur segist Alonso vera undrandi
og þakklátur fyrir að hafa ekki meiðst
en hann gat ekki forðast brak úr Jagú-
arbíl Marks Webbers sem rétt áður
flaug út úr brautinni einnig og skall á
vegg með þeim afleiðingum að brak úr
bílnum dreifðist yfir brautina. Er Jagú-
arbíllinn stöðvaðist var ekkert eftir af
honum nema „baðkarið“ sem umlykur
ökuþórinn í stjórnklefa bílsins.
Keppni var stöðvuð strax og óhöpp
Webbers og Alonso áttu sér stað en
Spánverjinn, yngsti ökuþór Formúlu-1,
var þá í þriðja sæti. Er það annað mótið
í röð sem hann er meðal þriggja
fremstu á mark og í öllum þremur mót-
um ársins hefur hann unnið til stiga.
Gat hann þó ekki tekið við verðlaunum
vegna slyssins því hann var þá strax
fluttur í spítala í öryggisskyni. Með
frammistöðu sinni er Alonso í þriðja
sæti í stigakeppninni um heimsmeist-
aratitil ökuþóra, á eftir Kimi Räikkönen
og David Coulthard hjá McLaren.
Alonso má
keppa í Imola