Morgunblaðið - 10.04.2003, Blaðsíða 11
ÞÓTT saltfiskurinn okkar sé
vissulega gómsætur soðinn með
kartöflum og hamsatólg, er hann
ekki síðri þegar hann er matreiddur
líkt og gert er sunnar í álfunni, eink-
um á Spáni og í Portúgal. Íslenskir
sælkerar tileinka sér slíka matseld í
vaxandi mæli, enda auðvelt að nálg-
ast fyrsta flokks útvatnaðan saltfisk
nú á dögum. Trillukarlar eru rómaðir
sælkerar og sýna það í verki á dagatali Landssambands smábátaeig-
enda en þar er að finna uppskriftir sem trillukarlar hafa galdrað upp úr
afla sínum. Það er Gunnar Pálmason, trillukarl á Jóa litla HF, sem býður
upp á soðningu dagsins, tilbrigði við suðurevrópskan saltfiskrétt. Rétt-
urinn er fyrir 5–6 manns. Verði ykkur að góðu!
½ kg útvatnaður saltfiskur
hveiti
olía til steikingar
1 stk. meðalstór laukur, skor-
inn í sneiðar
½ dós tómatar (ásamt saf-
anum úr dósinni) eða 3 stórir
tómatar
½ kg grænar baunir (laus-
frystar)
1–2 saxaðir hvítlauksgeirar
1 rauð paprika, kjörnuð og
skorin í bita
2 harðsoðin egg
UPPSKRIFTIN
Veltið fiskinum upp úr hveitinu og steikið í vel heitri olíu á pönnu. Takið
fiskinn af pönnunni og steikið í sömu olíu laukinn þar til hann er glær.
Bætið þá á pönnuna papriku, baunum, hvítlauk og tómötum og látið
malla við meðalhita í nokkrar mínútur. Leggið fiskinn í stórt eldfast leir-
fat eða víða pönnu og hellið sósunni yfir. Sjóðið réttinn við hægan hita í
5 mínútur. Takið af hellunni, skreytið með eggjabátum og berið fram
með soðnum kartöflum og brauði. Gott er að setja örlítinn pipar á fisk-
inn.
Steiktur saltfiskur
S O Ð N I N G I N
AÐFERÐIN
MORGUNBLAÐIÐ FIMMTUDAGUR 10. APRÍL 2003 B 11
NFRÉTTIR Ingimar Jóns-
son er forstjóri
Kaupáss. Ingimar er
viðskiptafræðingur,
útskrifaður frá Há-
skóla Íslands árið
1988. Ingimar
gegndi stöðu fjár-
málastjóra Fiskiðj-
unnar Skagfirðings
á árunum 1988–
1996. Þá tók hann
við stöðu forstöðumanns smásölusviðs
Pennans og varð framkvæmdastjóri fyr-
irtækisins árið 2000. Frá nóvember 2001
hefur hann stýrt Kaupási. Ingimar er í
sambúð með Ingibjörgu Rósu Friðbjörns-
dóttur, hjúkrunarfræðingi, og á þrjú börn.
Bjarki Júlíusson
er framkvæmda-
stjóri fjárreiðusviðs
Kaupáss. Hann út-
skrifaðist af endur-
skoðunarsviði Há-
skóla Íslands árið
1984 og varð löggilt-
ur endurskoðandi
árið 1992. Bjarki
nam endurskoðun
frá árinu 1980 hjá
endurskoðunarskrifstofunni Stoð hf. sem
nú er hluti af Deloitte & Touche. Frá árinu
1987 gegndi hann stöðu fjármálastjóra
Þróunar hf. og stýrði fjármálasviði Hótels
Sögu hf. frá 1990 og jafnframt Hótels Ís-
lands hf. frá árinu 1995. Þá tók hann við
stöðu framkvæmdastjóra fjármálasviðs
KÁ á Selfossi árið 1997. Árið 1999 verður
hann framkvæmdastjóri fjármálasviðs
Kaupáss hf. Bjarki er kvæntur Elfu Björk
Björgvinsdóttur, nema í viðskiptafræði við
HÍ, og á þrjú börn.
Sigurður Hinrik
Teitsson er fram-
kvæmdastjóri
matvörusviðs
Kaupáss. Sigurður
lauk stúdentsprófi
frá Fjölbrautaskól-
anum í Breiðholti ár-
ið 1988 og tók við
stöðu versl-
unarstjóra hjá Hag-
kaupum. Árið 1994
til 1998 gegnir Sigurður framkvæmda-
stjórastöðu verslunasviðs KÁ á Selfossi
og samhliða stöðu stjórnarformanns 11-
11 á árunum 1996 til 1998. Árið 1998
tók hann við framkvæmdastjórnarstöðu
11-11 og við sameiningu fyrirtækisins,
Nóatúns og KÁ tekur hann við fram-
kvæmdastjórn verslana og við skipulags-
breytingu innan Kaupáss á síðasta ári er
yfirstjórn allra matvöruverslana felld undir
matvörusvið og hefur Sigurður verið fram-
kvæmdastjóri þess frá upphafi. Sigurður
er kvæntur Önnu Björgu Jónsdóttur, hár-
greiðslumeistara, og á þrjú börn.
Eysteinn Helgason er forstöðumaður
þróunar- og innkaupasviðs Kaupáss. Ey-
steinn er viðskipta-
fræðingur, útskrif-
aður frá Háskóla
Íslands árið 1973.
Hann gegndi stöðu
sölustjóra og síðar
framkvæmdastjóra
Sölustofnunar lag-
metis til ársins
1978. Þá tók hann
við stöðu fram-
kvæmdastjóra Samvinnuferða, síðar Sam-
vinnuferða-Landssýnar, til ársins 1984.
Frá árinu 1986 var Eysteinn fram-
kvæmdastjóri hjá Icelandic Seafood corp.
og hjá Plastprenti frá árinu 1988 til ársins
2000. Þá tók hann við stöðu fjárfesting-
arráðgjafa hjá EFA, nú Framtak, fjárfest-
ingarbanki. Eysteinn var ráðinn til starfa
hjá Kaupási í upphafi árs 2003. Eysteinn
er kvæntur Kristínu Rútsdóttur, hjúkr-
unarritara, og á þrjú börn.
Friðbert Frið-
bertsson er fram-
kvæmdastjóri sérvö-
rusviðs Kaupáss.
Hann lauk stúdents-
prófi frá Mennta-
skólanum við
Hamrahlíð og prófi í
vörustjórn-
unarfræðum frá Uni-
versity of Wales í
Bretlandi. Samhliða
starfi í Austurríki lagði Friðbert stund á
MBA-nám hjá E.I.P.M. í Frakklandi. Frið-
bert starfaði hjá Vífilfelli hf. á árunum
1991–1996, síðast sem fram-
kvæmdastjóri rekstrarsviðs. Frá 1996
starfaði Friðbert á vegum Coca-Cola
Company, fyrst í Noregi og síðan í Mið- og
Austur-Evrópu með aðsetur í Vínarborg, að
verkefnum tengdum vörustjórnun, inn-
kaupum og framleiðslustýringu. Friðbert
var ráðinn til Kaupáss í október 2002.
Sambýliskona Friðberts er Soffía Huld
Friðbjarnardóttir, músíkþerapisti.
Framkvæmda-
stjórn Kaupáss
YFIRMENN skyndibitakeðjunn-
ar McDonald’s hafa komist að
þeirri niðurstöðu að gæði matarins
á veitingastöðum keðjunnar séu
ekki nógu mikil og að hann sé ekki
nógu hollur. Í kjölfar taprekstrar á
fjórða ársfjórðungi síðasta árs, í
fyrsta sinn í 55 ára sögu félagsins,
ætlar McDonald’s að snúa við
blaðinu og einbeita sér að gæðum
fremur en magni.
Í frétt BBC um stefnubreytingu
McDonald’s segir að á þessu ári
ætli fyrirtækið að fjárfesta fyrir 1,2
milljarða dollara, sem nemur um 90
milljörðum króna. Sú fjárhæð er þó
um 800 milljónum dollara lægri en
á síðasta ári en þá fjárfesti McDon-
ald’s fyrir sem nemur um 120 millj-
örðum íslenskra króna.
Á síðasta ári opnaði McDonald’s
yfir 1.000 nýja veitingastaði en á
þessu ári er ætlunin að opna ein-
ungis um 360 nýja staði.
Í fréttinni er haft eftir forstjór-
anum, Jim Cantalupo, að McDon-
ald’s ætli að einbeita sér að fáum
hlutum en gera þá vel.
Hingað til hefur McDonald’s
helst einbeitt sér að því að bjóða
upp á ódýra hamborgara og að
selja eins mikið og kostur er á sem
flestum veitingastöðum. Alls eru
veitingastaðir McDonald’s nú um 30
þúsund.
„Heimurinn hefur breyst. Við-
skiptavinir okkar hafa breyst. Við
verðum að breytast líka,“ segir
Cantalupo.
Hollari hamborgarar
Ný ímynd skyndibitakeðjunnar
McDonald’s verður rækilega kynnt
fyrir heiminum í auglýsingaherferð
á alheimsvísu. Meðal breytinga er
nýr fyrsta flokks hollustuhamborg-
ari sem kynntur verður fljótlega.
Þá á starfsfólk staðanna að verða
betur þjálfað og brosa meira, að því
er fram kemur í fréttinni. Plasti og
stáli verður skipt út fyrir „hlýlegri“
efni á veitingastöðunum.
Margir velta fyrir sér hvort nafn
McDonald’s sé svo mikið tengt lágu
verði og litlum gæðum að neyt-
endur taki illa í breytingarnar.
Fjárfestar virðast taka breytingun-
um vel því verð á hlutabréfum
McDonald’s hefur hækkað um 9%
frá því tilkynnt var um nýja ímynd
félagsins í upphafi vikunnar.
Reuters
McDonald’s ætlar að bjóða upp á meiri gæði og hollari hamborgara.
McDonald’s
breytir um ímynd
BANDARÍSKA fjölmiðlafyrirtæk-
ið AOL Time Warner gæti þurft að
færa tekjur í bókhaldi sínu fyrir síð-
ustu tvö ár niður um allt að 400 millj-
ónir Bandaríkjadala, tæpan 31 millj-
arð króna, að kröfu bandaríska
fjármálaeftirlitsins sem haft hefur
fjármál America Online undir smá-
sjánni um nokkra hríð, en AOL er
netdeild AOL Time Warner.
Um er að ræða tekjur vegna
tveggja auglýsingasamninga sem fyr-
irtækið gerði við þýska fjölmiðlaris-
ann Bertelsmann þegar kaup AOL á
hlut Bertelsmann í AOL Europe
stóðu yfir.
Fjármálaeftirlitið álítur sem svo að
hluti af tekjum vegna samninganna
ætti að hafa verið færður í bækur sem
minnkun á kaupverði AOL Europe, í
stað þess að vera færður sem tekjur.
Dick Parsons forstjóri félagsins
reynir nú hvað hann getur að bjarga
vörumerkjum hins sameinaða félags
AOL Time Warner, sem vefmiðillinn
FT.com kallar í frétt sinni um málið
einn hörmulegasta fyrirtækjasam-
runa í sögu Bandaríkjanna.
AOL viðurkenndi sl. haust að það
hefði ranglega fært til bókar 190
milljóna dala tekjur á árunum 2000–
2001 í framhaldi af vöruskiptasamn-
ingum við önnur sprotafyrirtæki.
Í frétt FT.com segir að þó að 400
milljóna viðbótarlagfæring yrði
óveruleg þegar heildartekjur fyrir-
tækisins á síðasta ári, alls 41 millj-
arður dala, eru hafðar í huga, myndi
málið grafa undan trúverðugleika fyr-
irtækisins á sama tíma og það er að
reyna að grynnka á skuldum sínum.
AOL þarf
hugsanlega
að leiðrétta
bókhald sitt
Gunnar Thoroddsen hefur verið ráðinn
framkvæmdastjóri Hamla hf., fullnustu-
félags í eigu Landsbanka Íslands hf. Gunn-
ar mun jafnframt taka sæti sem formaður í
fagráði bankans um útlánavandamál og
stýra sérstakri starfseiningu sem mun ann-
ast úrlausn vandasamari útlána. Starfs-
svið Hamla hf. verður aukið og tryggt að að-
koma bankans að úrlausn vandasamari
útlána verði sem skilvirkust. Jónína Líndal,
sem verið hefur framkvæmdastjóri Hamla
hf., verður aðstoðarframkvæmdastjóri.
Gunnar er lögfræðingur frá Háskóla Ís-
lands með meistarapróf í lögfræði frá
Duke University í Bandaríkjunum og MBA
frá Háskólanum í Reykjavík. Gunnar hefur
breiða reynslu af ýmiss konar lögfræði-,
ráðgjafar- og stjórnunarverkefnum. Gunnar
var m.a. einn af stofnendum og síðar
stjórnarformaður Intrum á Íslandi, stjórn-
arformaður Dreifingarmiðstöðvarinnar og
einn stofnenda Fjárstoðar.
Nýr framkvæmda-
stjóri Hamla hf.
Höfðabakki - til leigu
mjög hagstæð leiga
Atvinnuhúsnæði
Góð lofthæð, mjög góð staðsetning, góð aðkoma og næg bílastæði.
Eigum eftirfarandi til ráðstöfunar.
Upplýsingar veitir
Magnús Gunnarsson í
síma 588 4477 eða 822 8242
www.valholl.is - Opið virka daga frá kl. 9-17.30
Mögulegt er að skipta ofangreindum stærðum í smærri einingar.
Húsnæðið hefur verið í notkun fyrir höfuðstöðvar Marels.
Hentar fyrir ýmiss konar starfsemi, s.s. iðnað, heildsölu, skrifstofustarfsemi o.fl.
Eignin er í eigu Landsafls, sem er öflugt sérhæft fasteignarfélag.
1. hæð 266 fm Innkeyrslud./lofth. 3,7 m
312 fm Innkeyrslud./lofth. 3,7 m
780 fm Innkeyrslud./lofth. 7,6 m
2. hæð 1.040 fm - Skrifst. o.fl.
266 fm - Skrifst. o.fl.