Morgunblaðið - 14.04.2003, Blaðsíða 2

ÍÞRÓTTIR
2 B MÁNUDAGUR 14. APRÍL 2003 MORGUNBLAÐIÐ
MICHAEL Jordan lýkur glæsilegum körfubolta-
ferli sínum aðfaranótt fimmtudags. Það varð end-
anlega ljóst um helgina þegar lið hans, Wash-
ington Wizards, missti af síðasta möguleikanum á
að tryggja sér sæti í úrslitakeppni NBA-deildar-
innar. Washington lagði reyndar Miami að velli
aðfaranótt laugardagsins, 91:87, en önnur úrslit
gerðu vonir liðsins um að ná áttunda sætinu í
Austurdeildinni að engu. Jordan, sem varð fer-
tugur í febrúar, leikur síðasta heimaleik sinn
gegn New York Knicks í nótt og kveður síðan
endanlega með útileik gegn Philadelphia 76ers.
„Ég vona að okkar menn taki á öllu sínu og
vinni þennan síðasta heimaleik, ég vil svo gjarn-
an að við sigrum í kveðjuleik Jordans á þessum
velli,“ sagði Doug Collins, þjálfari Washington
Wizards.
Ferli Jordans
lýkur í vikunni
Michael Jordan
Það ríkir mikill keppnisandi á æf-ingunum hjá okkur. Þrátt fyrir
að aldursmunurinn sé allt að því 20 ár
á þeim elsta og yngsta á æfingunum
eru allir að stefna að sama marki. Að
auki má ekki gleyma því að öllum
finnst mjög gaman að mæta á æfing-
ar og takast á við þau verkefni sem
þar standa fyrir dyrum,“ segir Sig-
urður Þorbjörn Ingimundarson,
þjálfari körfuknattleiksliðs Keflvík-
inga, sem fagnaði sigri á öllum þrem-
ur vígstöðvum íþróttarinnar á nýaf-
stöðnu keppnistímabili. Þrátt fyrir að
vera aðeins 36 ára gamall er þetta í
annað sinn sem Sigurði tekst að ná í
alla þá titla sem í boði eru á hverju
tímabili en það gerði hann keppnis-
tímabilið 1996–1997.
Sigðurður er menntaður sem kenn-
ari og hefur starfað sem slíkur í ein
þrettán ár en í vetur tók hann við
starfi sem aðstoðarskólastjóri í
Myllubakkaskóla í Reykjanesbæ.
Þjálfarinn sigursæli sagði að hann
myndi ekki leiða hugann að körfu-
knattleik næstu vikurnar, einhverj-
um tíma yrði varið til þess að njóta
augnabliksins eftir glæsilegan vetur
en síðan yrði að sinna „aðalmannin-
um“ á heimili hans og Halldísar Jóns-
dóttur sem eiga tveggja ára gamlan
dreng Nóa að nafni sem á eina systur,
Arndísi, sem er fimmtán ára gömul.
Sigurður er fæddur 14. júní 1966 í
Reykjavík en þar hefur hann aldrei
búið, ólst að hluta til upp á Stokkseyri
og flutti ellefu ára til Keflavíkur Sig-
urður lék með liði Keflvíkinga sjálfur
áður en hann tók við sem þjálfari af
Jóni Kr. Gíslasyni en þeir hafa landað
þeim titlum sem félagið hefur unnið
að undanskildum fyrsta Íslands-
meistaratitli félagsins árið 1989.
„Allir leggja mikið á sig“
Spurður um gengi liðsins í vetur
svaraði hann því til að mikill kraftur
hefði einkennt leik liðsins auk þess
sem gríðarleg samkeppni væri um
stöðurnar. „Það eru mjög góðir leik-
menn sem komast ekki í leikmanna-
hóp liðsins og mér þykir vænt um það
hve hart menn leggja á sig til þess að
verða betri. Að auki hafa þeir sem
ekki hafa fengið mörg tækifæri verið
þolinmóðir og ekki farið í önnur lið.“
Sigurður bætti því við að mjög gaman
væri á æfingum liðsins þar sem eng-
inn vildi ganga af velli án þess að vera
í sigurliði og skipti þá engu í hverju
væri keppt. „Það stefna allir að sama
marki og það er að standa uppi sem
sigurvegari. Magnús Gunnarsson er
gott dæmi um hvernig ungir leik-
menn hafa tileinkað sér það hugarfar
sem hefur einkennt okkar lið í gegn-
um tíðina. Magnús var sá sem sá um
vatnið þegar ég var að leika með lið-
inu sjálfur og í dag leikur hann lyk-
ilhlutverk ásamt mörgum af þeim
leikmönnum sem skipuðu liðið á með-
an hann var smápjakkur á bekknum
með okkur.“
Á hliðarlínunni sem þjálfari tekur
Sigurður þátt af lífi og sál – rökræður
við dómara taka oftar en ekki sinn
tíma auk þess sem gefa þarf leik-
mönnum liðsins góð ráð. Sigurður
segir að hann noti ýmislegt frá þeim
þjálfurum sem hafi þjálfað hann í
gegnum tíðina og noti það enn í dag.
Mikill tími hafi farið í þróunarvinnu
hjá honum sem þjálfara en nú hafi
hann mjög heilsteyptar skoðanir á því
hvernig hans lið eigi að spila körfu-
knattleik. „Ég hef setið yfir ófáum
myndböndum, lesið afar mikið og
spjallað við marga aðila á undanförn-
um árum. Ég er smátt og smátt að
finna þá leið sem ég vil fara og hef nú
mjög ákveðnar hugmyndir um hvað
gagnist mér og liðinu best.
Áhersla á
grundvallaratriði
Grundavallaratriði íþróttarinnar
sagði Sigurður að væru mikilvægasti
þátturinn auk þess sem hann legði
áherslu á að leikskilningur leikmanna
væri góður. „Þessa þætti legg ég
áherslu á að allir kunni vel. Ef allir
eru á sömu blaðsíðunni þá er auðveld-
ara að keyra upp hraðann – taka lang-
skot og gera þá hluti sem okkur þykir
skemmtilegast að gera. Ég reyni síð-
Keflvíkingurinn Sigurður Þorbjörn Ingimund
„Mikil keppni
á æfingum“
„Titlar eru það eina sem skiptir máli,“
sagði Sigurður Ingimundarson, þjálfari
körfuknattleiksliðs Keflvíkinga, er lið
hans hafði tryggt sér Íslandsmeistaratit-
ilinn í Grindavík sl. fimmtudagskvöld en
undir hans stjórn landaði liðið öllum þeim
titlum sem í boði voru á þessu keppnis-
tímabili. Sigurður Elvar Þórólfsson sló á
þráðinn og gerði heiðarlega tilraun til
þess að fá „uppskriftina“ hjá nafna sínum
að sigurgöngu Keflvíkinga í vetur.
Þetta er í fyrsta skipti sem Ís-lendingur tekur sæti í stjórn
EAA, en Jónas hefur á undanförn-
um árum starfað í ýms-
um nefndum á vegum
EAA auk þess að hafa
verið formaður FRÍ
undanfarin sex ár.
Hann er einn þriggja
nýliða í stjórninni.
Jónas segir að hann
hafi unnið að framboði
sínu um nokkurt skeið
en ákvörðun um að stíga
skrefið og gefa kost á
sér hafi hann tekið á
þingi frjálsíþróttasam-
bands Norðurlandanna
fyrir rúmu ári. „Þetta
hefur verið erfitt en nú
þegar þetta er að baki
mikill léttir,“ segir Jón-
as sem hlaut 28 atkvæði
í kjörinu af 44 mögu-
legum. Skaut hann m.a.
Valery Borzov, fyrrverandi ólymp-
íumeistara í spretthlaupum, aftur
fyrir sig í kjörinu, en Borzov var
einn sjö manna sem þurftu að bíta í
það súra epli að ná ekki kjöri.
Á þinginu var ákveðið að flytja
höfuðstöðvar EAA til Sviss frá
Þýskalandi. Er það gert til þess að
lækka skattgreiðslur EAA sem hafa
verið miklar í Þýskalandi, en EAA
veltir um einum milljaðri króna á
ári hverju. Þá var samþykkt á
þinginu að veita stjórn EAA heimild
til þess að skoða kosti þess og galla
að Evrópumeistaramótin utanhúss
verði haldin annað hvert ár í stað
þess að þau hafa verið haldin á fjög-
urra ára fresti til þessa. „Það fylgja
því bæði kostir að galla að hafa Evr-
ópumeistaramótin á fjögurra ára
fresti. Kosturinn er sá meðal annars
að það myndi auk tekjur EAA tals-
vert en á móti kemur
til dæmis að þá er
ekki hjá því komist að
mótin rekist á við Ól-
ympíuleika. Þetta
verður skoðað ofan í
kjölinn á næstu miss-
erum,“ segir Jónas.
Einnig var ákveðið
á þinginu að Evrópu-
meistaramótin í
maraþonhlaupi verði
í framtíðinni skilin
frá Evrópumótinu
sjálfu. „Þessi sam-
þykkt gefur okkur Ís-
lendingum tækifæri á
að halda Evrópu-
meistaramótið í
maraþonhlaupi, til
dæmis í tengslum við
Reykjavíkurmara-
þonið,“ segir Jónas og bætir því við
að einnig komi til álita að einhver
hluti riðlakeppni Evrópukeppni
landsliða verði haldinn hér á landi á
næsta ári.
Mótaþing EAA
hér á landi
Jónas segir verulegar líkur á því
að árlegt mótaþing EAA verði hér á
landi eftir hálft annað ár þar sem
ákveðin verður mótskrá næstu ára
þar á eftir verður ákveðin. „Þetta
eru fjögur til fimm hundruð manna
þing og því talsverður viðburður í
íslensku íþróttalífi ef af verður sem
góðar líkur eru á,“ sagði Jónas Eg-
ilsson, formaður FRÍ og stjórnar-
maður EAA.
Jónas Egilsson, formaður FRÍ,
kjörinn í stjórn Frjálsíþróttasambands
Evrópu fyrstur Íslendinga
Sigur
frjáls-
íþrótta á
Íslandi
„ÉG lít á þetta kjör mitt sem sigur fyrir frjálsíþróttir á Íslandi og
sýnir að eftir því hefur verið tekið sem við höfum verið að gera á
undanförnum árum,“ sagði Jónas Egilsson, formaður Frjáls-
íþróttasambands Íslands, FRÍ, eftir að hann var á laugardaginn
kjörinn í stjórn Frjálsíþróttasambands Evrópu, EAA, til næstu
fjögurra ára, á þingi þess í Aþenu í Grikklandi. Jónas var á meðal
20 karla og kvenna sem sóttust eftir 13 sætum í stjórn EAA og
hlaut Jónas kosningu strax í fyrstu umferð kjörsins. Hann er eini
Norðurlandabúinn í stjórninni en Dani sóttist eftir kjöri að þessu
sinni en hlaut ekki brautargengi.
Jónas Egilsson,
formaður FRÍ,
Frjálsíþróttasam-
bands Íslands.

7 Íslandsmeistaratitlar sem
þjálfari hjá Keflavík.

Kvennalið: 1992, 1993, 1994
og 1996.

Karlalið: 1997, 1999 og 2003.

6 Bikarmeistaratitlar.

Kvennalið: 1993, 1994, 1995
og 1996.

Karlalið: 1997 og 2003.

7 Deildarmeistaratitlar

Kvennalið: 1993, 1994, 1995
og 1996

Karlalið: 1997, 1999 og 2002.

4 Deildabikarmeistaratitlar

Karlalið: 1997, 1998, 1999 og
2003.

Meistarar meistaranna,
karlalið árið 1998.
25 titlar
þjálfarans
UNDIR stjórn Sigurðar hefur
Keflavíkurliðið verið í stöðugri
framför frá því að liðið landaði
Íslandsmeistaratitlinum síðast
undir hans stjórn eða vorið 1999.

1998–1999 Íslandsmeistarar

1999–2000, féllu úr leik í átta
liða úrslitum gegn Grindavík,
2:1.

2000–2001, féllu úr leik í und-
anúrslitum gegn Tindastól,
2:3.

2001–2002, töpuðu í úrslitum
um Íslandsmeistaratitilinn
gegn Njarðvík, 0:3.

2002–2003 Íslandsmeistarar
með því að leggja Grindavík
að velli, 3:0, í úrslitum.
Upp og nið-
ur frá 1999
REYNIR Þór Reynisson handknatt-
leiksmarkvörður hefur ákveðið að
snúa heim til Víkings. Reynir hefur
sl. þrjú ár verið í herbúðum Aftur-
eldingar en þar áður lék hann með
KA og Fram eftir að hann yfirgaf
Víking fyrir sjö árum. „Ég hlakka
til þess að leika með Víkingi. Þar er
kominn til starfa nýr og öflugur
þjálfari, Gunnar Magnússon, sem
minnir mig um margt á Guðmund
Guðmundsson landsliðsþjálfara.
Gunnar virðist hafa sama eldmóð-
inn,“ sagði Reynir Þór, sem sagðist
hafa sterkar taugar til Víkings eftir
að hafa alist upp hjá félaginu og
leikið með því upp í gegnum alla
yngri flokkana. „Mér líst vel á það
sem framundan er hjá Víkingi. Fé-
lagið hefur yfir að ráða góðum
kjarna af efnilegum handknatt-
leiksmönnum sem hafa mikinn
metnað. Vonandi get ég lagt mitt
lóð á vogarskálina þannig að í
framtíðinni getum við verið með í
baráttunni um titla,“ sagði Reynir
Þór sem stendur á þrítugu og á að
baki allnokkra landsleiki.
„Mér skilst að það standi fyrir
dyrum að styrkja liðið eitthvað fyr-
ir næstu leiktíð en það verður gert
með því að stóla á brottfluttra Vík-
inga, vonandi tekst okkur að fá þá
sem flesta til baka aftur.“
Reynir Þór heldur
„heim“ til Víkings