Morgunblaðið - 14.04.2003, Blaðsíða 5
FÓLK
KNATTSPYRNA
MORGUNBLAÐIÐ MÁNUDAGUR 14. APRÍL 2003 B 5
LÁRUS Orri Sigurðsson hélt táningnum Wayne Rooney al-
gjörlega niðri í viðureign WBA og Everton á The Hawthorns á
laugardaginn. Það kom hins vegar ekki í veg fyrir að Everton
vann leikinn, 2:1, og minnkaði þar með veikar vonir Lárusar Orra
og samherja á að halda sæti sínu í úrvalsdeildinni á næstu leiktíð.
Rooney hefur leikið margan varnarmanninn grátt á leiktíðinni
þrátt fyrir ungan aldur en í Lárusi Orra fann hann fyrir ofjarl
sinn með þeim afleiðingum að Rooney sást vart í leiknum, að sögn
enskra fjölmiðla sem hældu Lárusi mjög fyrir frammistöðu sína
að þessu sinni. Náði Rooney aðeins einu sinni að ógna marki WBA
svo einhverju nam. Lárus Orri fékk gult spjald á 38. mínútu.
Leikurinn byrjaði vel fyrir heimamenn sem komust yfir með
marki Igors Balis úr vítaspyrnu. David Weir jafnaði metin fimm
mínútum síðar og á síðustu mínútu skoraði markahrókurinn Kev-
in Campbell markið sem reyndist skilja liðin að þegar upp var
staðið. Með sigrinum heldur Everton sig í hópi efstu liða deild-
arinnar.
Lárus Orri hélt
Rooney niðri
Morgunblaðið/Kristinn
Lárus Orri Sigurðsson í
landsleik gegn Skotum.
PATRICK Vieira, fyrirliði Arsen-
al, haltraði meiddur af velli er lið
hans sigraði Sheffield United í bik-
arkeppninni í gær. Aðeins eru tald-
ar helmings líkur á því að hann geti
verið með í toppslagnum gegn Man-
chester United á miðvikudags-
kvöldið.
ARSENE Wenger, knattspyrnu-
stjóri Arsenal, tilkynnti eftir bik-
arleikinn í gær að David Seaman
yrði áfram í röðum félagsins næsta
vetur. Samningur Seamans rennur
út í sumar og Wenger sagði að ekki
væri ljóst hvort hann héldi áfram að
spila, en hinsvegar væri frágengið
að hann yrði markvarðaþjálfari hjá
félaginu.
NEIL Warnock, knattspyrnu-
stjóri Sheffield United, sendi Gra-
ham Poll dómara kaldar kveðjur
eftir leikinn gegn Arsenal í gær.
Warnock taldi að lið sitt hefði átt að
fá aukaspyrnu hinum megin á vell-
inum rétt áður en Freddie Ljung-
berg skoraði sigurmark Arsenal,
auk þess sem Poll flæktist fyrir
Michael Tonge, leikmanni Shef-
field United, sem var á góðri leið
með að bægja hættunni frá. „Svo
brosa þessir menn endalaust, sama
hvaða vitleysur þeir gera,“ sagði
Warnock sem hefur almennt afar
lítið álit á dómurum í ensku knatt-
spyrnunni.
MARCUS Ällback, leikmaður
Aston Villa, gæti verið á leið aftur
til Hollands. Hann er a.m.k. efstur á
óskalista Ronald Koeman, þjálfara
Ajax. Ällback kom til liðs við Aston
Villa sl. sumar frá Heerenveen í
Hollandi en hefur ekki náð að sýna
sitt rétta andlit á knattspyrnuvöll-
um Englands.
DAVID Moyes, knattspyrnustjóri
Everton, á yfir höfði sér sekt í fram-
haldi af því að hann var rekinn upp í
áhorfendastúku á 38. mínútu leiks
WBA og Everton á laugardaginn.
Moyes varð alveg öskureiður þegar
vítaspyrna var dæmd á hans menn á
18. mínútu. Sendi hann dómara og
aðstoðarmönnum tóninn.
NOKKRU síðar kom upp atvik í
leiknum þar sem Moyes þótti halla á
sína menn helti hann á ný úr skálum
reiði sinnar með þeim afleiðingum
að hann varð að fylgjast með því
sem eftir var af leiknum úr áhorf-
endastúkunni.
KEVIN Keegan missti þolinmæð-
ina gagnvart Robbie Fowler og
Nicolas Anelka eftir rúmlega
klukkustundarleik gegn Middles-
brough á laugardaginn, en Keegan
eyddi nærri 2,5 milljörðum króna í
að kaupa til félagsins. Þeir félagar
höfðu aðeins átt eitt skot á mark
Middlesbrough á 64 mínútum og
því var þeim báðum skipt út af á
einu bretti og Jon Macken og
Shaun Goater sendir til leiks. Það
skipti engu máli en heldur voru þeir
Macken og Goater líklegri til að
skora en félagar þeirra.
Fredrik Ljungberg skoraði einamark leiksins á 34. mínútu en
það var Seaman sem að allra mati
var hetja Arsenal. Sjálfur sagðist
hann hafa haldið að boltinn hefði ver-
ið kominn yfir marklínuna. „Ég hélt
að þetta vær mark. Ég teygði út
höndina og einhvern veginn tókst
mér að komast í veg fyrir boltann og
hindra að hann færi lengra,“ sagði
Seaman, sem hreinlega mokaði bolt-
anum af línunni. Tilþrif hans voru
sögð þau mögnuðustu síðan Gordon
Banks framkvæmdi „bestu mark-
vörslu allra tíma,“ þegar hann varði
skalla frá Pelé hinum brasilíska í
lokakeppni HM árið 1970.
Peter Schmeichel, jafnaldri Sea-
mans og markvörður Manchester
City, sagði í þætti BBC eftir leikinn
að þetta væri besta markvarsla sem
hann hefði séð á ævinni. „Oftast
sláum við markverðirnir boltann í
markið í þessari stöðu. Þetta var
ótrúlegt. Seaman var ekki í jafnvægi,
þurfti að kasta sér aftur á bak til að
ná til boltans. Hann hlýtur að vera
með skóflur í stað handa! Ég er afar
ánægður fyrir hans hönd. Hann hef-
ur mátt þola margs konar gagnrýni
og var að snúa aftur eftir meiðsli, og
svo gerir hann þetta í sínum þúsund-
asta leik,“ sagði Schmeichel.
Southampton í vandræðum
með Watford
Heiðar Helguson og félagar töp-
uðu naumlega fyrir Southampton,
2:1, á Villa Park og misstu þar með af
úrslitaleiknum og Evrópusæti, sem
fellur Southampton í skaut. Heiðar
lék allan leikinn með Watford og var
nálægt því að skora strax á 5. mínútu
þegar Paul Jones varði skalla hans
með naumindum. Southampton er
þar með komið í bikarúrslitin í fyrsta
skipti frá 1976, þegar félagið lék í
næstefstu deild, og lagði þá Man-
chester United að velli í úrslitaleikn-
um. Áður lék Southampton til úrslita
árin 1900 og 1902 og tapaði í bæði
skiptin, fyrir Bury og Sheff. United.
Brett Ormerod kom Southampton
yfir rétt fyrir hlé og átti drjúgan þátt
í sjálfsmarki Watford-manna seint í
leiknum. Marcus Gayle minnkaði
muninn fyrir Watford, sem átti síst
minna í leiknum.
„Þetta er stærsti dagur lífs míns.
Ég var búinn að bíða eftir marki frá
því í október og þegar það loksins
kom, var það í sigurleik í undanúr-
slitum í bikarnum. En þetta var tæpt
hjá okkur, við þurftum virkilega að
hafa fyrir þessum sigri og eflaust
telja leikmenn Watford að þeir séu
óheppnir með þessi úrslit,“ sagði
Ormerod, sem kom til Southampton
frá Blackpool í fyrra.
Reuters
Heiðar Helguson, sem var í fremstu víglínu hjá Watford, rennir sér á boltann í baráttu við Matt
Oakley, varnarmann Southampton, í bikarleiknum í gær.
Markvörslu
Seamans líkt við
Gordon Banks
MARKVARSLA hins 39 ára gamla Davids Seamans skyggði á allt
annað í naumum sigri Englands- og bikarmeistara Arsenal á
Sheffield United, 1:0, í undanúrslitum ensku bikarkeppninnar í
gær. Sex mínútum fyrir leikslok varði Seaman á ótrúlegan hátt
þegar Paul Peschisolido skallaði að marki Arsenal úr dauðafæri
á markteig og kom í veg fyrir að 1. deildar liðið næði að jafna
og knýja fram framlengingu. Það sem meira var, Seaman lék í
gær sinn 1.000. leik á ferlinum sem atvinnumaður og hélt upp á
það á einstæðan hátt. Hann sá til þess að það er Arsenal sem
leikur gegn Southampton í úrslitum bikarkeppninnar í Cardiff
hinn 17. maí.
GUÐMUNDUR Steinarsson,
knattspyrnumaður frá Kefla-
vík, skoraði í gær sitt þriðja
mark í fjórum fyrstu leikjum
sínum með Brönshöj í dönsku
1. deildinni. Hann kom liðinu
yfir gegn Frem en það dugði
þó ekki því Frem, sem er í
öðru sæti deildarinnar, vann
að lokum, 2:1. Brönshöj er í 9.
sæti af 16 liðum í deildinni, er
með 22 stig eftir 19 umferðir.
Guð-
mundur
skorar enn
ÍTÖLSKU meistararnir í Juv-
entus juku forskot sitt úr
fimm stigum í sex í gærkvöld
þegar þeir gerðu jafntefli, 2.2,
við Bologna á útivelli. Lengst
af stefndi í tap hjá toppliðinu
því Julio Cruz og Tomas Loc-
atelli komu heimaliðinu tveim-
ur mörkum yfir. Undir lok
leiksins náði Alessio Tacch-
inardi að laga stöðuna fyrir
Juventus og á síðustu sekúnd-
unum tókst Mauro German
Camoranesi að jafna metin.
Filippo Inzaghi tryggði AC
Milan sigur á grönnum sínum
í Inter, 1:0, í Mílanóslag á
laugardaginn. Þar með komst
AC Milan uppfyrir Inter á
hagstæðari markatölu og í
annað sætið, en grannliðin tvö
eru bæði sex stigum á eftir
Juventus. Inter hefur ekki náð
sigri í síðustu þremur leikjum
sínum og möguleikar liðsins á
fyrsta meistaratitli sínum í 14
ár fara þverrandi. Inzaghi
skoraði markið á 62. mínútu
og rétt á eftir var Ivan Cord-
oba, kólumbíski varnarmað-
urinn hjá Inter, rekinn af velli
fyrir að brjóta gróflega á
Serginho, brasilíska kant-
manninum hjá AC Milan.
Tvö mörk
Juventus
í blálokin
BAYERN München hefur ákveðið að greiða til
baka 3 milljónir evra, um 250 millj. króna, af þeim
tekjum sem félagið fékk af leynisamningi sem það
gerði við fyrirtækið sem á útsendingarréttinn frá
þýsku knattspyrnunni. Samninginn gerði Bayern
án þess að félög í 1. deild hefðu hugmynd um og
tryggði félaginu hærri tekjur en hinn opinberi
samningur kvað á um. Þegar málið komst í há-
mæli snemma á árinu varð uppi fótur og fit meðal
annarra liða í þýsku 1. deildinni enda var þar
hermt að Bayern hefði fengið í sinn hlut sjöfalda
þá upphæð sem félagið hefur nú ákveðið að greiða
til baka. Meginhluti þess fjár sem Bayern greiðir
nú til baka rennur til félags 1. deildarliða í Þýska-
landi en um hálf milljón evra, rúmar 40 millj.
króna, rennur í sjóð samtaka knattspyrnumanna.
Bayern borgar
til baka úr
„leynisjóðnum“
STJÖRNURNAR í Real Madr-
id eru mannlegar eftir allt
saman. Það sást í gær þegar
stórveldið frá Madrid fékk á
sig fjögur mörk á fyrstu 34
mínútunum í toppslag gegn
Real Sociedad og beið lægri
hlut fyrir Böskunum, 4:2. Þar
með er enn spenna í baráttunni
um spænska meistaratitilinn
því Real Sociedad og Deport-
ivo La Coruna eru bæði þrem-
ur stigum á eftir Real Madrid.
Það var Darko Kovacevic
sem lék Madrídinga verst en
hann skoraði tvö fyrstu mörk
leiksins og staðan var 3:0 áður
en Ronaldo kom Real Madrid á
blað.
Barcelona beið sinn fyrsta
ósigur á heimavelli frá því
Radomir Antic tók við liðinu í
febrúar, 2:4 gegn Deportivo
La Coruna á laugardags-
kvöldið. Barcelona komst þó
tvisvar yfir í fyrri hálfleik en
varnarmenn liðsins réðu ekki
við hollenska markaskorarann
Roy Makaay sem skoraði tví-
vegis fyrir Deportivo. Javier
Saviola, sem gerði fyrra mark
Barcelona, var rekinn af velli
um miðjan síðari hálfleik, rétt
eftir að Romero í liði Deport-
ivo hafði fengið rauða spjaldið
fyrir brot á honum.
Baskarnir
léku stjörn-
ur Real
Madrid
grátt