Morgunblaðið - 16.04.2003, Blaðsíða 18

STRÍÐ Í ÍRAK
18 MIÐVIKUDAGUR 16. APRÍL 2003 MORGUNBLAÐIÐ
ALÞJÓÐARÁÐ Rauða krossins
skoraði í gær á Bandaríkjaher að
gera fleiri ráðstafanir til þess að
vernda sjúkrahús í Írak og gera
hjálparstofnunum kleift að sjá þeim
fyrir lyfjum, lækningaáhöldum,
vatni og matvælum.
Hjálpargögn voru flutt í gær frá
Tyrklandi um yfirráðasvæði Kúrda í
Norður-Írak en dreifingin tafðist í
öðrum landshlutum vegna hættu á
árásum, ránum og gripdeildum.
Alþjóðaráð Rauða krossins kvaðst
hafa kannað ástandið á tíu sjúkra-
húsum í Bagdad og sagði að aðeins
þrjú þeirra gætu veitt viðunandi
læknisþjónustu. Ráðið áréttaði að
innrásarliðinu bæri skylda til að
tryggja að íbúarnir fengju matvæli,
vatn og læknisaðstoð. Ástandið væri
enn slæmt í Bagdad en hefði batnað
í Basra, stærstu borg Suður-Íraks,
þar sem breskir hermenn hefðu
„tryggt öryggi mikilvægra bygg-
inga“.
„Hörmulegt ástand“
Yfirmenn eins af sjúkrahúsunum
í Bagdad, al-Kindi, vonuðust í gær
til að geta tekið á móti sjúklingum
að nýju – ef nógu margir starfs-
menn geta mætt til vinnu, ef sjúkra-
húsið verður ekki uppiskroppa með
lyf, ef öryggi þess verður tryggt, ef
það fær hreint vatn og eldsneyti
fyrir rafalana.
„Hverjar eru brýnustu þarfirnar?
Eldsneyti og öryggi,“ sagði Tara
Barki, augnlæknir sjúkrahússins.
„Okkur veitir ekki heldur af svolítilli
heppni.“
Barki sagði að tæpur fjórðungur
starfsliðsins hefði mætt til vinnu á
mánudag og vonast væri til þess að
um 60% starfsmannanna kæmust til
vinnu í dag. Reynt hefur verið eftir
bestu getu að sinna neyðartilvikum
síðustu daga, hlú að fólki sem særð-
ist í loftárásunum á borgina og þeim
sem slasast í bílslysum.
Flest herbergjanna eru tóm þar
sem sjúklingarnir vildu fara heim til
sín vegna loftárásanna. „Þeir vildu
ekki vera hér um kyrrt, þótt við
segðum þeim að þeir þyrftu að vera
á sjúkrahúsi,“ sagði Mohammed
Maazen, 25 ára hjúkrunarfræðing-
ur.
Þrír olíubílar voru á leiðinni til
sjúkrahússins frá Norður-Írak á
vegum ítalskra mannúðarsamtaka
sem sérhæfa sig í því að aðstoða
sjúkrahús á átakasvæðum. „Við
vonum að þeir komi hingað í dag,“
sagði Carlo Guce, sem annast að-
drætti fyrir sjúkrahúsið. Hann
bætti við að ástandið á sjúkrahúsinu
væri „hörmulegt“.
Ræningjar létu greipar sópa um
mörg sjúkrahús í Írak eftir fall
stjórnar Saddams Husseins en þeir
létu al-Kindi-sjúkrahúsið í friði.
Prédikarar í moskunum hafa hvatt
ræningjana til að skila ránsfengnum
og al-Kindi hefur fengið lyfjakassa
sem stolið var á öðrum sjúkrahús-
um.
Mohammad Fulaih, aðstoðarlyf-
læknir á sjúkrahúsinu, sagði að mik-
ill skortur væri þar „á öllu, meðal
annars lyfjum og lækningaáhöld-
um“.
Hópur sjálfboðaliða hefur tekið
að sér að vernda sjúkrahúsið með
samþykki Bandaríkjahers sem setti
það skilyrði að sjálfboðaliðarnir
bæru aðeins þrjá Kalashníkov-riffla,
færu ekki með þá af sjúkrahússlóð-
inni og klæddust læknasloppum.
Bandarískir hermenn vernda nú
annað sjúkrahús, sem kennt hefur
verið við Saddam Hussein. Her-
mennirnir eru þar með skriðdreka
og leita á öllum sem fara inn í
sjúkrahúsið.
Herinn veiti
sjúkrahúsum
meiri vernd
Aðeins þrjú sjúkrahús af tíu í
Bagdad geta veitt viðunandi þjónustu
Bagdad, Genf. AFP.
AP
Írösk fjölskylda bíður eftir læknisaðstoð fyrir utan sjúkrahús í Bagdad.
Í DÝRAGARÐI Udays, elsta sonar
Saddams Husseins, eru ljón, bletta-
tígrar og skógarbjörn. Í vöru-
geymslu hans er heróín og eðalvín
að andvirði um 80 milljóna króna. Í
einbýlishúsinu hans eru vindlar frá
Kúbu, kampavínsflöskur og myndir
af vændiskonum.
Á sama tíma og flestir Írakar
þurftu að herða sultarólarnar vegna
viðskiptabanns Sameinuðu þjóð-
anna snerist líf Udays um hrað-
skreiða bíla, eðalvín og lauslátar
konur. Að þessu komust blaðamenn
sem fengu að skoða hús hans í
Bagdad á mánudag.
Hýbýli Udays eru í húsaþyrpingu
við forsetahöll Saddams Husseins,
þorpi inni í írösku höfuðborginni
með sex akreina breiðstræti, um-
ferðarljós og sjúkrahús. Bandarísk-
ir hermenn, sem hafa lagt húsa-
þyrpinguna undir sig, segja að
Uday hafi þar átt einbýlishús, vöru-
geymslu, íþróttahús, kvennabúr og
dýragarð.
Á veggjum íþróttahússins voru
myndir af konum sem prentaðar
voru af Netinu. „Þetta er mesta
safn mynda af nöktum konum sem
ég hef nokkru sinni séð,“ sagði
bandaríski höfuðsmaðurinn Ed
Ballanco. „Þetta var eins og höfð-
ingjasetur glaumgosa.“
Á veggjunum voru einnig ljós-
myndir af 21 árs tvíburadætrum
George W. Bush Bandaríkjaforseta.
„Þær voru í glæsilegum kvöld-
kjólum,“ sagði Ballanco og bætti við
að hermennirnir hefðu tekið mynd-
irnar niður „til að vernda forset-
ann“.
Enginn vafi leikur á því að Uday
bjó í einbýlishúsinu. Innan um brak
eftir sprengju, sem varpað var á
húsið og sprakk í neðanjarðarbyrgi
undir því, liggur bréfsefni merkt
Uday með gylltu letri, myndir af
honum og tugir eintaka af dokt-
orsritgerð hans, „Heimurinn eftir
kalda stríðið“.
Í húsinu er margt sem staðfestir
það sem íraskir andófsmenn hafa
lengi haldið fram: að Uday hafi ver-
ið haldinn óseðjandi fýsn í áfengi,
nautnalyf og konur.
Þar eru meðal annars flöskur af
Cuervo 1800-tekíla, dönsku brenni-
víni og Delamein-koníaki, og ýmsar
bjórtegundir, svo sem Chimay, Cor-
ona og Miller Genuine Draft. Þarna
voru einnig pokar og kassar sem
innihéldu ýmsar töflur og lyf, svo
sem þunglyndislyfið Prozak og töfl-
ur sem eiga að auka kynhvötina. Á
skrifstofu Udays var kassi með
búnaði fyrir alnæmispróf.
Í tölvupósti frá 22. desember
2000 ráðlagði læknir Uday að gang-
ast undir rafmeðferð vegna meiðsla
á hnjám og synda eða stunda út-
reiðar á hverjum degi. Uday hefur
þurft að ganga með staf frá því að
hann fékk byssukúlu í hrygginn í
skotárás á Porsche-bíl hans árið
1996.
Lyfjakassar frá UNICEF
Í húsi hans voru kassar fullir af
skammbyssum og staflar af tímarit-
um um byssur og spænsku bíla-
blaði. Bandarísku hermennirnir
segjast hafa séð kvittanir fyrir
sportbílum. Neðanjarðarbíla-
geymsla og innisundlaug eyðilögð-
ust í sprengjuárásinni á húsið.
Ballanco sagði að í vörugeymsl-
unni væru nokkur herbergi full af
áfengi, tóbaki og byssum. Ballanco
áætlaði að þar væri áfengi að and-
virði 80 milljóna króna. „Við sáum
Dom Perignon, 30–40 ára gamalt
franskt gæðavín, mikið af mjög
góðu koníaki og viskíi,“ sagði Ball-
anco. „Þarna voru vindlakassar frá
Kúbu, merktir „Uday Saddam
Hussein“, hundruð kassa. Her-
mennirnir okkar reyktu vindlana.“
Höfuðsmaðurinn bætti við að
einnig hefðu fundist sex pokar af
heróíni. „Þarna voru lyfjakassar frá
UNICEF [Barnahjálp Sameinuðu
þjóðanna], ætlaðir börnum í Írak,
en þessir þorparar fluttu þá í hús
Udays,“ sagði bandaríski majórinn
Kent Rideout.
Hús fyrir frillurnar
Hvarvetna blöstu við vísbend-
ingar um að Uday hafi verið með
konur og kynlíf á heilanum. Húsið
var skreytt með málverkum af
nöktum konum og þar voru einnig
fjölmargar klámmyndir af Netinu,
aðallega af vændiskonum og hver
þeirra hafði fengið einkunn sem
skráð var á myndirnar. Í lítilli
svartri minnisbók voru hundruð
nafna og símanúmera kvenna og
hermennirnir fundu prentaðan
tölvupóst frá evrópskri konu sem
kvartaði yfir því hún ætti í mestu
erfiðleikum með að finna karlmann
sem ekki væri hommi.
Í húsinu voru einnig veggspjöld
með myndum af brautskráðum há-
skólanemum og virtust þær renna
stoðum undir ásakanir um að Uday
hefði haft auga með háskólastúd-
ínum, látið ræna þeim sem honum
leist best á og tekið þær frillutaki.
Einbýlishúsið virtist ekki nægja
fyrir konur Udays. Við hlið þess var
margra herbergja hús sem talið er
að hafi verið kvennabúr. Í því voru
styttur af pörum í ástarleik og
margir legubekkir með dúnmjúkum
koddum. Í húsinu var einnig önnur
sundlaug og bar.
„Bleiki liturinn og húsbúnaðurinn
bendir til þess að húsið hafi verið
fyrir frillurnar,“ sagði Ballanco.
Í garði á bak við húsið voru tveir
blettatígrar, fimm ljónshvolpar og
ungur skógarbjörn. Hermennirnir
hafa tekið að sér þrjá stórvaxna
varðhunda Udays og alið villtu dýr-
in á sauðfé sem fannst í stíu í garð-
inum.
Haldinn fýsn í konur,
áfengi og nautnalyf
Skyggnst inn í
kvennabúr, dýra-
garð og lastabæli
Udays Sadd-
amssonar
AP
Bandarískur hermaður í svefnherbergi Udays, elsta sonar Saddams Husseins, í höll hans í Bagdad.
Bagdad. AP.
’ Líf Udays sneristum hraðskreiða bíla,
áfengi og lauslátar
konur. ‘