Morgunblaðið - 16.04.2003, Blaðsíða 29

LISTIR
MORGUNBLAÐIÐ MIÐVIKUDAGUR 16. APRÍL 2003 29
SÖNGLÖG dr. Páls Ísólfssonar
verða flutt í heild sinni á tónleikum í
Salnum í kvöld kl. 20. Flytjendur eru
Hanna Dóra Sturludóttir sópran,
Finnur Bjarnason tenór og Nína
Margrét Grímsdóttir píanóleikari,
sem jafnframt átti frumkvæði að því
að halda tónleikana.
„Ég hef verið að vinna með ein-
leiksverk Páls fyrir píanó í nokkur ár
og hef haft mikið samband við dóttur
hans, Þuríði Pálsdóttur, í tengslum
við það verkefni. Í framhaldi af því
var hún svo rausnarleg að gefa mér
nótur að sönglögum hans, en fram að
því hafði ég bara þekkt allra þekkt-
ustu lögin hans, eins og Snata og Óla
og Máríuvers, og ekki spáð sérstak-
lega í þau sem heild. Þegar ég fékk
þessar nótur í hendur varð mér ljóst
að þarna var á ferðinni mikill fjár-
sjóður og sérstaklega fyrir píanist-
ann – Páll leggur svo mikið upp úr
píanóhlutanum að það er óvanalegt,
og minnir einna helst á Schubert,
Schumann og Brahms. Mér fannst
því mikill fengur að þessu,“ segir
hún í samtali við Morgunblaðið. Nína
Margrét viðraði hugmyndina að tón-
leikum tileinkuðum sönglögum Páls
við Finn Bjarnason og Hönnu Dóru
Sturludóttur, sem tóku hugmyndinni
vel. „Það var auðvitað eins með þau
og mig, að þau þekktu sum lögin
hans en alls ekki öll. En þau voru til í
fara út í þetta verkefni með mér, og
þetta er árangurinn í dag.“
Tvö óútgefin lög
Meðal þekktra laga eftir Pál Ís-
ólfsson eru Sáuð þið hana systur
mína og Kvæðið um litlu hjónin. Á
tónleikunum verða jafnframt flutt
tvö óútgefin lög, sem Þuríður tók
upp með föður sínum fyrir Ríkisút-
varpið á sínum tíma, en hafa ekki
verið sungin á tónleikum áður.
„Hanna Dóra flytur því þessi tvö óút-
gefnu lög, og í heild verða því 42
sönglög flutt á þessum tónleikum,“
segir Nína Margrét. Lögin samdi
Páll á öllum tímabilum ferils síns,
þau elstu eru frá 1920, en þau yngstu
frá 1973. Páll lést árið 1974. „Þannig
að það er líka mjög skemmtilegt að
lögin mynda eins konar kort af ferli
hans og hvernig hann hefur þróað
stíl sinn. Þau eru mjög ólík, fyrstu
lög hans eru mjög hefðbundin í form-
inu og feikilega vel skrifuð, en í þeim
síðustu fer hann hins vegar inn í
módernismann.“
Nína Margrét bendir á að söng-
lögin hafi verið Páli mjög hjartfólgin,
enda var hann mikill frumkvöðull í
sönglist hérlendis. „Lögin eru afar
fjölbreytt og samin við ólíka texta
sem hann valdi gaumgæfilega, marg-
ir eru eftir Davíð Stefánsson sem var
félagi hans og kollegi, en einnig eftir
Þorstein Erlingsson, Kristján frá
Djúpalæk og Eggert Ólafsson. Við-
fangsefnin eru af ýmsum toga, þarna
koma fyrir viðfangsefni eins og ástin,
sorgin, gleðin og trúin, og íslensk
náttúra – þannig að þau gefa heil-
mikla mynd af Páli sjálfum líka,“
segir Nína Margrét að síðustu.
Í hléi á tónleikunum verður af-
hjúpuð brjóstmynd af Páli eftir
Ragnar Kjartansson, sem aðstand-
endur Páls færa Salnum að gjöf af
þessu tilefni.
Mynda kort af ferli
dr. Páls Ísólfssonar
Morgunblaðið/Árni Torfason
Nína Margrét Grímsdóttir píanóleikari og söngvararnir Hanna Dóra
Sturludóttir og Finnur Bjarnason eru flytjendur á tónleikum í Salnum í
kvöld, þar sem sönglög dr. Páls Ísólfssonar verða flutt í heild sinni.
erful World eftir Wiss og Thiele og
þar lék söngstjórinn með á trompet.
Í Bónorðinu eftir G. Nash átti kórinn
nokkuð góðan sprett. Lagið Hraust-
ir menn eftir Bromberg gerði Guð-
mundur Jónsson frægt á sinni tíð.
Hér söng nemandi Guðmundar, Þor-
valdur Þorvaldsson, glæsilegan ein-
söng með kórnum. Hér kvað við allt
annan hljóm í kórnum og hann
hrökk loksins almennilega í gang og
þessi góði þétti og fallegi hljómur og
lifandi söngur hélst áfram það sem
eftir lifði tónleikanna. Einsöng í
Nautabanasöngnum úr Carmen eft-
ir Bizet söng söngneminn Ásgeir
Páll Ágústsson. Einhvern veginn var
þetta því miður ekki hans dagur og
réð hann alls ekki við aríuna. Þor-
valdur Halldórsson söng einsöng í
lagi D. Young, Að leiðarlokum, og
gerði það vel og fallega eins og hans
var von og vísa. Á víkingaslóð er
þjóðlagasyrpa frá Wales sem kórinn
söng næst. Einsöngvari í einu lagi
syrpunnar var Birgir Hólm. Negra-
sálmurinn Amen innsiglaði síðan
efnisskrána. Af aukalögum má nefna
Nú sefur jörðin eftir Þorvald Blön-
dal og Brennið þið vitar eftir Pál Ís-
ólfsson.
Kórinn sýndi í síðasta hluta efnis-
skrárinnar að hann getur sungið
ljómandi vel þó hann hafi verið lengi
í gang, kanski átti löng bið sinn þátt í
því. Undirraddirnar eru þéttar og
góðar og bassinn fallegur en spurn-
ing er hvort allir 1. tenórarnir séu í
réttri rödd. Nokkur lög í fyrri hluta
voru óþarflega líflaus í flutningi og
náðu ekki að lifna og verða að tón-
list. Innkomur voru oft ákaflega óör-
uggar og ósamtaka. Píanóleikur Sig-
urðar Marteinssonar var óaðfinnan-
legur og studdi vel við kórinn.
Kammerkór Skagfirsku söng-
sveitarinnar var gestgjafi norska
kórsins Ra sanglag og sem slíkur
bauð hann gestina velkomna, hóf síð-
an tónleikana með þremur lögum.
Ra sanglag hóf raust sína með afr-
ískri bæn á norsku við lag og ljóð
Bengt Hallberg. Þarna hafði kórinn
góðan samhljóm og var hreinn inn-
byrðis, jasslagið Pärlan eftir H.
Sund var ekki eins gott og veiki
söngurinn ræfilslegur. Cantique de
J. Racine eftir Fauré hljómaði alls
ekki hjá kórnum nema endahljóm-
urinn. Söngstjórinn söng einsöng
með kórnum í gospellaginu I
Surrender eftir W. S. Weeden og
fórst það vel úr hendi. Fröken
tankelös eftir B. Amdahl, og lög E.
Taube, Fragansia og Änglamar voru
aftur mun betur sungin og allur
flutningur fór nú batnandi. Síðustu
lögin á efnisskránni voru The
Beauty And The Beast eftir A.
Menken, The Bare Necessities og
syrpan Mikkel Rev eftir N.H.
Asheim, í þeim tveim síðustu fór
kórinn loksins í gang og hefði verið
gaman að heyra alla tónleikana
sungna með þeim hljóm og þeirri
tónstöðu. Geir Salvesen lék á píanóið
og gerði það með miklum ágætum.
Allir áttu kórarnir það sameigin-
legt að glögglega mátti heyra hvað
var gaman að syngja og hvað var
ekki eins gaman að syngja. Einnig
voru kórarnir allir svolítið seinir í
gang og síðari hluti efnisskránna alls
staðar betur sunginn en sá fyrri.
Jón Ólafur Sigurðsson
Á ÁRSFUNDI Nýlistasafnsins á
dögunum urðu líflegar umræður um
afskiptaleysi borgaryfirvalda gagn-
vart safninu. Ásmundur Ásmunds-
son bar upp svohljóðandi tillögu:
„Ársfundur Nýlistasafnsins mót-
mælir þeirri menningarstefnu borg-
aryfirvalda sem endurspeglast í
áhugaleysi og þekkingarskorti á eðli
og störfum framsækinnar myndlist-
ar, jafnframt mótmælir fundurinn
vanhugsuðum og illa undirbúnum
styrkveitingum á vettvangi sam-
tímamyndlistar. Reykjavíkurborg er
hvött til að hafa fagleg vinnubrögð
að leiðarljósi í framtíðinni.“
Eftir nokkrar umræður var svo-
hljóðandi breytingatillaga samþykkt
sem endanleg ályktun ársfundarins.
„Ársfundur Nýlistasafnsins fór
fram 13. apríl sl. en í ár heldur safnið
upp á 25 ára starfsafmæli sitt. Ný-
listasafnið er þekktasta vörumerki
Íslands í hinum alþjóðlega myndlist-
arheimi og hefur frá upphafi verið
framvörður framsækinnar myndlist-
ar á Íslandi. Ársfundur Nýlista-
safnsins fagnar framlögum borgar-
innar til einkasafns Péturs Arasonar
á Laugavegi 37 en jafnframt lýsir
fundurinn þungum áhyggjum af því
að á sama tíma er fótunum kippt
undan rótgróinni starfsemi fram-
sækinna myndlistarmanna í borg-
inni. Fundurinn lýsir undrun sinni
yfir seinagangi og áhugaleysi um
Nýlistasafnið á 25 ára afmæli þess.“
Áhugaleysi
um Nýló