Morgunblaðið - 16.04.2003, Blaðsíða 39
MINNINGAR
MORGUNBLAÐIÐ MIÐVIKUDAGUR 16. APRÍL 2003 39
✝ Guðlaug HelgaSveinsdóttir
fæddist í Reykjavík
26. september 1929.
Hún lést á Landa-
kotsspítala 11. apríl
síðastliðinn. Foreldr-
ar hennar voru hjón-
in Sveinn Helgason
frá Ketilsstöðum á
Kjalarnesi, yfir-
prentari hjá Guten-
berg, f. 22.4. 1891, d.
18.12. 1964, og Björg
Sigríður Þórðardótt-
ir, húsmóðir frá
Sperlahlíð í Arnar-
firði, f. 15.10. 1890, d. 1943. Þau
Sveinn og Björg áttu fjögur börn
saman en þau voru Margrét, f.
16.12. 1913, Ingi Gests, f. 4.11.
1919, Helgi Kalman, f. 14.1. 1916,
og Guðlaug Helga. Þau eru öll
látin.
Guðlaug Helga giftist Ólafi
Jónssyni leigu- og strætisvagna-
bílstjóra frá Ásólfsskála, f. 10.1.
1918, d. 12.8. 1989. Fyrir átti þá
Ólafur tvo syni frá fyrra hjóna-
bandi. Guðlaug Helga og Ólafur
eignuðust saman tvö börn. Þau
eru: 1) Sigríður Ragnheiður
Ólafsdóttir leikskólakennari, f.
22.6. 1950, gift Höskuldi Einars-
syni slökkviliðs-
manni, f. 3.1. 1953,
börn þeirra eru Sig-
fús Ómar, f. 23.12.
1970, Hlynur, f. 7.9.
1977, og Helga, f.
4.10. 1987. 2) Jón
Ólafsson hljóðfæra-
leikari, f. 28.4. 1952.
Börn hans eru Ólaf-
ur, f. 30.1. 1970,
Haukur Ingi, f.
17.12. 1975, og Hall-
dór Hrafn, f. 13.8.
1981.
Guðlaug Helga og
Ólafur slitu samvist-
um árið 1957. Sambýlismaður
Guðlaugar Helgu eftir það til
fimmtán ára var Ólafur Gríms-
son.
Guðlaug Helga Sveinsdóttir
ólst upp í Mjölnisholtinu í Reykja-
vík og eftir hefðbundna skóla-
göngu stundaði hún nám í Hús-
mæðraskóla Reykjavíkur.
Guðlaug Helga stundaði versl-
unarstörf til margra ára og síðar
við heimilishjálp á vegum Reykja-
víkurborgar.
Útför Guðlaugar Helgu Sveins-
dóttur fer fram frá Fríkirkjunni í
Reykjavík í dag og hefst athöfnin
klukkan 13.30.
Minningar streyma fram, margar
góðar, aðrar miður góðar en samt allt
minningar.
En hún elsku amma mín er farin.
Ég hugsa um stundirnar með henni
ömmu minni í Hraunbænum og þeg-
ar hún bjó með Óla Gríms.
Ég man líka okkar góðu stundir í
Rofabænum og á Sogaveginum.
Stóra stundin þegar við, ég og
amma, fluttum saman inn í Suðurhól-
ana og ég fékk að eiga litla herbergið
frammi á gangi.
Legokubbarnir og litla Spánardót-
ið sem ég lék mér með kalla fram
sterkar minningar núna þegar ég
skrifa um hana elsku ömmu mína.
Til útlanda fórum við amma tvisv-
ar saman, Costa del sol og Kanarí-
eyja. Í bæði skiptin tókst mér að týn-
ast og láta ömmu verða bæði
áhyggjufulla og reiða.
Hún varð samt aldrei mikið reið út
í mig, ég var alltaf engillinn hennar.
Amma gagga, eins og ég og Hlyn-
ur bróðir kölluðum hana, talaði oft
um þegar ég kom einu sinni að kíkja
á hana og hafði þá verið að vinna fyrir
utan húsið hennar og fékk að leggja
mig inn í sófa hjá ömmu. Það kunni
hún vel að meta.
Ég man líka þegar hún kom í
skírnina hjá Baldvin Hauk á spítal-
ann, þá átti hún erfitt, að vita til þess
að litli drengurinn minn væri veikur
á spítala.
Stundum gerði hún amma mín
margt sem ég hefði viljað að hún hún
hefði síður gert en ég gat einhvern
veginn aldrei sagt henni að ég hefði
verið sár út í hana.
Kannski get ég það aldrei.
Elsku besta amma mín, ég veit
bæði og finn að henni líður betur í
dag. Hún á eftir að vera áfram með
mér í gegnum allt mitt.
Hún er og verður alltaf amma mín.
Þær passa jú alltaf uppá englana
sína.
Opna dyr uppá gátt
til að bjóða mína sátt.
Það sem einu sinni var
það getur lifnað við á ný.
Annað líf, enginn veit.
Endalaus er okkar leit.
Ef þú átt aðeins þetta líf
er betra að fara að lifa því.
Samferða, öll við erum samferða.
Hvert sem liggur leið,
gatan mjó og breið,
torfær eða greið.
Viltu ganga um mínar dyr.
Verst ég opnaði ekki fyrr,
En ég veit að enn er hægt
að biðja meir og betri byr.
(Magnús Eir.)
Sigfús Ómar Höskuldsson.
Elsku amma mín. Þá kom að því,
að augun þín lokuðust fyrir fullt og
allt. Ég á enn frekar erfitt með að
skilja þetta en ég vissi að það kæmi
loks að þessu tímabili í lífi okkar
allra.
Undanfarin tvö ár voru frekar erf-
ið hjá þér, elsku amma mín, vegna
veikinda þinna. En þér, sem varst
alltaf svo sterk kona, tókst alltaf að
brosa í gegnum tárin.
Manstu þegar við komumst öll
fyrst að því að þú værir veik? Ég man
hvað okkur þótti það erfitt. En þú
bara brostir og sagðir við okkur að
sama hvað gerðist, þá ætlaðir þú að
koma í ferminguna mína. Og þú
stóðst við það. Þú mættir í veisluna
hress og kát og lést þennan dag vera
fullkominn fyrir mig.
Þú varst svo glöð þegar ég kom í
heiminn, amma mín. Í barnabarna-
hópnum þínum voru eingöngu strák-
ar og loksins fékkstu litla ömmu-
stelpu, sem auk þess hlaut nafnið
þitt.
Þú varst alltaf svo stolt af mér,
sama hvað ég gerði. Og nú er það ég
sem er stolt af þér, elsku amma.
Ég á svo margar minningar um
þig, sem ómögulegt er að telja allar
upp hér en ég mun geyma þær í
hjarta mínu að eilífu.
Þú hvíslaðir svo oft að mér ,,Vertu
góð við mömmu.“ Það loforð skal ég
standa við alla tíð.
Ég er þess fullviss að nú hefur þú
hitt hann Trítla þinn aftur, kisuna
þína sem þér þótti svo vænt um og
saknaðir svo mikið.
Þakka þér fyrir allt sem þú hefur
gefið mér, elsku amma mín. Ég mun
alltaf sakna þín.
Ástar- og saknaðarkveðjur.
Þín nafna,
Helga.
Með örfáum orðum langar mig að
minnast Helgu frænku minnar eins
og ég kallaði hana alltaf, en hún var
yngst af systkinum pabba míns.
Ég man fyrst eftir henni þegar ég
var lítil stelpa en hún var ung dama
og kom í heimsókn til okkar á Sauð-
árkróki ásamt vinkonu sinni. Mikið
fannst mér þær glæsilegar er þær
stóðu við stóra spegilinn yfir stigan-
um á Eiríksstöðum húsi ömmu minn-
ar og afa og lyktin var svo góð af öllu
snyrtidótinu sem þær voru með. Þær
voru svo glaðar og fallegar og höfðu
með sér gítar og sungu og spiluðu,
höfðu víst verið saman í Sólskins-
kórnum frá því þær voru litlar stelp-
ur. Helga söng vel og hafði mjög
gaman af því. Hún var mjög fé-
lagslynd og skemmtileg.
Ég man þegar ég kom til hennar á
Mjölnisholt 6 en þar var hún upp alin
og flutti þangað aftur seinna á lífs-
leiðinni, þar lágu rætur hennar og
raunar mínar líka.
Ég man eftir heimsóknum mínum
til hennar í „hreiðrið“ hennar í Suð-
urhólum 26. Þar var allt í röð og reglu
og alltaf var kveikt á kertum úti um
allt. Það færðist alltaf yfir mann mik-
il ró og friður er þangað kom.
Ég man hvað hún var stolt af börn-
unum sínum Sigríði og Jóni og
barnabörnunum og svo voru komin
líka langömmubörn.
Ég man hvað hún var stolt þegar
nafna hennar Helga var fermd og
hvað hún var stolt af tengdasyninum
Höskuldi Einarssyni þegar hún sá
hann í sjónvarpinu við einhver
slökkviliðsstörf.
Ég man hvað hún var mikill dýra-
vinur, hundarnir mínir lögðust alltaf
við fætur hennar er hún kom í heim-
sókn til mín og kisan hennar Trítli
var henni mjög kær og alltaf var
kveikt á kerti við stóra mynd af hon-
um á heimili hennar eftir að hann dó.
Ég man að hún sagði mér að hún
hefði átt kisu er hún var lítil og henni
þótti svo vænt um hana. En eftir að
Helga missti móður sína, sem varð
henni mjög erfitt, aðeins 14 ára göm-
ul, þá var afi víst ekki mikið fyrir kis-
ur og hann tók kisuna hennar undir
höndina og fór með hana og það var
mikil sorg. Svo kisinn hennar Helgu
hann Trítli fékk aldrei nema það
besta.
Ég man þegar við fórum saman í
sumarbústaðinn fyrir tæpum tveim
árum. Helga lét sig hafa það að
klöngrast upp í gamla jeppann, við
settum bara kassa til að stíga fyrst á
og síðan var lagt í hann. Okkur
fannst svo gaman og okkur leið mjög
vel og mikið var talað saman auðvitað
við kertaljós þó að hásumar væri.
Ég man heimsóknirnar til hennar
á sjúkrastofnanirnar síðustu eitt til
tvö árin. Hún spurði alltaf um líðan
allra í minni fjölskyldu, hún var alveg
með allt á hreinu, minnið, sjónin og
heyrnin voru alveg í góðu lagi. Alltaf
var hún hress og sagðist hafa það
bara gott og fyndi ekki neitt til. Það
gustaði alltaf af henni og alltaf vildi
hún vera fín þó að hún væri sárlasin
og berðist hetjulega við illvígan sjúk-
dóm sem að lokum hafði yfirhöndina.
Ég þakka henni allar góðu sam-
verustundirnar og allar minningarn-
ar sem ég get yljað mér við og ég bið
góðan Guð að blessa hana alltaf og
minningu hennar og styrkja alla
hennar ástvini.
Jakobína R. Ingadóttir.
GUÐLAUG HELGA
SVEINSDÓTTIR Ástkær eiginmaður minn, faðir okkar, tengda-
faðir og afi,
JÓNAS JÓHANNSSON
fyrrv. verkstjóri Ísaga hf.,
Sigtúni 27,
Reykjavík,
lést á hjartadeild Landspítalans við Hringbraut
að morgni mánudagsins 14. apríl.
Sigríður Aðalheiður Jónsdóttir,
Jóhann Jónasson, Sigríður B. Jónsdóttir,
Benedikt Jónasson, María B. Jóhannsdóttir,
Björk Elva Jónasdóttir, Kjartan Kjartansson,
Atli Viðar Jónasson
og barnabörn.
Elskuleg móðir okkar,
HELGA ÁSGRÍMSDÓTTIR,
Lerkigrund 1,
áður Suðurgötu 124,
Akranesi,
andaðist á Sjúkrahúsi Akraness laugardaginn 12. apríl.
Útför hennar fer fram frá Akraneskirkju miðvikudaginn 23. apríl kl. 14.00.
Fyrir hönd fjölskyldunnar,
börn hinnar látnu.
Móðir okkar,
VILBORG PÁLÍNA BJARNADÓTTIR
frá Stóra-Bóli,
Víkurbraut 30, Höfn,
lést á Landspítala Fossvogi laugardaginn
12. apríl.
Kveðjuathöfn verður í Bænhúsinu í Fossvogi
í dag kl. 16.30.
Útför fer fram frá Hafnarkirkju, Höfn í Hornafirði, og verður auglýst síðar.
Páll Helgason,
Gunnar Helgason.
Ástkær móðir okkar, dóttir og systir,
MATTHILDUR GUÐMUNDSDÓTTIR,
Hátúni 10A,
áður Fellsmúla 18,
andaðist fimmtudaginn 3. apríl.
Útförin hefur farið fram í kyrrþey að ósk hinnar
látnu.
Þökkum innilega hlýhug og vináttu við andlát
hennar.
Pétur Mogensen,
Sigríður Ösp Mogensen
Guðmundur Freyr Mogensen,
Sigríður Kristjánsdóttir,
Guðmundur Fr. Guðmundsson
Þór Guðmundsson,
Karl Guðmundsson.
Ástkær móðir okkar,
AÐALHEIÐUR GUÐMUNDSDÓTTIR,
áður til heimilis
í Furugrund 70, Kópavogi,
síðast til heimilis
á hjúkrunarheimilinu Sunnuhlíð,
Kópavogi,
andaðist á pálmasunnudag 13. apríl.
Útförin fer fram frá litlu kapellunni í Fossvogi miðvikudaginn 23. apríl
kl. 10.30.
Baldur Sveinsson,
Hjálmar Sveinsson,
Guðný Ása Sveinsdóttir,
Jóhanna Elínborg Sveinsdóttir.
Elskulegur eiginmaður minn, faðir okkar,
tengdafaðir, afi og langafi,
JÓHANN HERMANN SIGURÐSSON,
Litlu-Hlíð,
Víðidal,
Vestur Húnavatnssýslu,
lést á heimili sinu laugardaginn 12. apríl.
Jarðarförin auglýst síðar.
Fyrir hönd aðstandenda,
Erla Péturdóttir
og börn.
Elskuleg móðir okkar, tengdamóðir, amma og
langamma,
ÞURÍÐUR GUÐRÚN TÓMASDÓTTIR,
Sandgerði,
Stokkseyri,
lést á vist- og hjúkrunarheimilinu Kumbaravogi
mánudaginn 14. apríl.
Jarðarförin auglýst síðar.
Vilborg Gísladóttir,
Magnús Gíslason, Alda Einarsdóttir,
barnabörn og langömmubörn.