Morgunblaðið - 16.04.2003, Blaðsíða 51

FRÉTTIR
MORGUNBLAÐIÐ MIÐVIKUDAGUR 16. APRÍL 2003 51
Utankjörfundaratkvæðagreiðsla vegna alþingiskosninganna
10. maí er hafin. Kosið er hjá sýslumönnum og hreppstjórum
um land allt, sendiráðum og mörgum ræðismönnum erlendis.
Í Reykjavík er kosið í Skógarhlíð 6, alla daga frá kl. 10-22.
Utankjörstaðaskrifstofan veitir allar upplýsingar og aðstoð við
kosningu utan kjörfundar. Einnig er hægt að nálgast upplýs-
ingar á heimasíðu Sjálfstæðisflokksins www.xd.is og á upplýs-
ingavef dómsmálaráðuneytisins www.kosningar2003.is.
Sjálfstæðisfólk! Látið okkur vita um
stuðningsmenn sem ekki verða heima á kjördag,
t.d. námsfólk erlendis.
Utankjörstaðaskrifstofa
Sjálfstæðisflokksins
Valhöll, Háaleitisbraut 1, 3. hæð,
105 Reykjavík – Símar 515 1735 og 515 1736
Bréfasími 515 1739 – Farsími 898 1720
Netfang: oskar@xd.is
SVO virðist sem róast hafi yfir mörg-
um sjóbirtingsslóðum, a.m.k. á það
við í Tungulæk, Tungufljóti og í Geir-
landsá og telja menn að óvenjuhlýr
vetur og vor hafi valdið því að fiskur
hafi hörfað fyrr til sjávar en vant er.
Enn eru menn þó að draga fiska og
enn einn rúmlega 90 sentimetra ris-
inn var dreginn á land.
Gunnar Óskarsson, formaður
Stangaveiðifélags Keflavíkur, sagði
fyrsta holl eftir opnun í Geirlandsá
hafa veitt 17 fiska og síðan kom holl
með 6 stykki, en sá hópur lenti í leið-
indaveðri. „Síðan hafa verið gloppur í
sölunni og því ekki alltaf verið að
veiða. Menn hafa þó verið að skreppa,
mest í Ármótin og þar hefur verið líf
og menn hafa sett í fiska. Þetta virð-
ist þó ætla að ganga fyrr yfir en vant
er ef að líkum lætur,“ sagði Gunnar
og Þröstur Elliðason, leigutaki
Tungulækjar, tók í sama streng.
Hollin þar hafa verið að fá frá litlu og
upp í 30 fiska á 3 stangir á tveimur
dögum. Sigurbrandur Dagbjartsson
veiddi þar rúmlega 90 sentimetra
risa á Black Ghost um síðustu helgi.
„Ég tók hann í Opinu, sá hann koma
inn í þokkalega björtu um kvöldið, en
hann tók svo þegar farið var að
rökkva. Ég er með 90 sentimetra
kvarða á stönginni og hann var vel
rúmlega það og í góðum holdum.
Þetta var því gríðarlega mikill fisk-
ur,“ sagði Sigurbrandur sem notaði
hraðsökkvandi línu númer fimm og
öngulstærð númer fjögur.
Fiskar hér og þar
Í gær var engin bleikja komin á
land úr Hítará, en menn hafa aðeins
verið að prika við Þingvallavatn og
gengið betur. Í þjóðgarðinum náði
einn náungi t.d. tveimur bleikjum um
helgina, annarri tæplega fjögurra
punda. Þær komu báðar á stóra Wat-
son púpu, stíflakkaða og án kúlu.
Menn eru einnig loks farnir að setja í
fiska í Brúará, 2–5 fiskar voru að
koma á stöng um helgina, en sumir
veiddu líka ekki neitt. Þetta voru
tveggja til fjögurra punda bleikjur og
sumar a.m.k. komu á Peacock veidd-
an andstreymis.
Menn stóðu og vaktina í Vífils-
staðavatni um helgina og fengu sumir
þokkalega veiði. Einn veiddi sjálfan
sig, setti Peter Ross púpu númer 12 í
gegnum neðri vörina og þurfti frá að
hverfa.
Nýtt stanga-
veiðifélag
Stangaveiðifélag Akureyrar virðist
vera í burðarliðnum eftir að 80 manns
mættu á undirbúningsfund nyrðra
um helgina. Miklar umræður urðu
um hlutverk slíks félags, einnig stöðu
þeirra litlu félaga sem þegar eru á
Akureyri. Skipuð var í lokin undir-
búningsnefnd til að koma félaginu á
koppinn.
Hnýttu og bíttu …
Næsta Hnýttu og bíttu kvöld vetr-
arins hjá SVFR verður í kvöld klukk-
an 20 í samvinnu við Arkó-veiðivörur.
Meðal annars mun veiði- og hnýting-
armeistarinn Þór Nielsen mæta og
sýna listir sínar.
Stórurriði í Minnivallalæk nálgast háfinn.
ERU
ÞEIR AÐ
FÁ’ANN?
Annað fer-
líki úr
Tungulæk
Kappræður stjórnmálaflokkanna í
Suðvesturkjördæmi verða haldnar í
dag, miðvikudaginn 16. apríl, kl. 20 á
Hraunholti í Dalshrauni, Hafnarfirði.
Tveir fulltrúar frá hverjum stjórn-
málaflokki í Suðvesturkjördæmi etja
kappi um menntamál og verkefni
framtíðarinnar. Þau eru: frá Sam-
fylkingunni Katrín Júlíusdóttir og
Kolbrún Benediktsdóttir, frá Frjáls-
lynda flokknum Gunnar Örlygsson og
Guðmundur Örn Jónsson, frá Fram-
sóknarflokknum Páll Magnússon og
Egill Arnar Sigurþórsson, frá Sjálf-
stæðisflokknum Bjarni Benediktsson
og Bryndís Haraldsdóttir, frá Vinstri
grænum Kolbeinn Óttarsson Proppé
og Anna Tryggvadóttir. Úlfar Linnet
verður með uppistand og hljóm-
sveitin Die Franche Bröder leikur
fyrir gesti. Að loknum fundarhöldum
eru seldar léttar veitingar.
STJÓRNMÁL
BORIST hefur eftirfarandi yfirlýs-
ing frá Samtökum verslunar og
þjónustu, SVÞ:
„Samtök verslunar og þjónustu
mótmæla ætlun landbúnaðarráð-
herra að festa í sessi opinbera verð-
stýringu á landbúnaðarvörum.
Einnig ásökunum sem felast í orð-
um hans um að smásöluverslunin
hafi náð tökum á kjötmarkaði og
dreymi um að ná svipuðum tökum á
mjólkurvörumarkaði.
Landbúnaðarráðherra ítrekaði
kröftuglega þá skoðun sína á aðal-
fundi Landssambands kúabænda,
að frjáls verðlagning ógnaði mjólk-
uriðnaðinum og vill að samningur
um opinbera verðákvörðun á heild-
söluverði mjólkurvara verði fram-
lengdur til 7–10 ára. Þessi yfirlýsing
gengur þvert á álit samkeppnisráðs
sem beindi þeim tilmælum til land-
búnaðarráðherra í október 2002 að
heildsöluverðlagning á búvöru yrði
gefin frjáls eins fljótt og auðið er og
eigi síðar en 30. júní 2004.
Í áliti samkeppnisráðs (álit sam-
keppnissráðs) kemur fram að opin-
ber verðálagning stangist á við sam-
keppnislög en þar sem sérákvæði
búvörulaga ganga framar sam-
keppnislögum getur ráðið ekki að-
hafst að öðru leyti en að beina þess-
um tilmælum til landbúnaðarráð-
herra. Í niðurstöðum álitsgerðar
samkeppnisráðs segir einnig að
virkri samkeppni stafi veruleg
hætta af samráði afurðastöðva í
mjólkuriðnaði sem felist í verðtil-
færslu og samningum um verka-
skiptingu afurðastöðva í mjólkuriðn-
aði.
Ástæða þess að Samkeppnisráð
ályktaði í málinu var beiðni SVÞ,
Samtaka verslunar og þjónustu, um
að skorið yrði úr því hvort opinber
verðákvörðun á landbúnaðarafurð-
um stæðist samkeppnislög.
Yfirlýsingar landbúnaðarráðherra
um að viðhalda áframhaldandi op-
inberum stuðningi við landbúnaðinn
eru ótrúlegar í ljósi álits nýlegrar
skýrslu OECD um helmingi meiri
framleiðslustyrki í landbúnaði hér á
landi en að meðaltali í öðrum ríkjum
sem eiga aðild að stofnuninni. Ráð-
herrann sagði á fundi kúabænda að
íslensk stjórnvöld hefðu mótmælt
tillögum alþjóðaviðskiptastofnunar-
innar WTO um minni afskipti rík-
isins af landbúnaði. Því verður vart
trúað að stjórnvöld ætli sér að festa
í sessi opinbera verðstýringu á land-
búnaðarvörum og hindra frjáls við-
skipti sem hvarvetna hafa leitt til
lægra matarverðs.
Vandamál landbúnaðarins eru
ekki runnin undan rifjum smásölu-
verslunarinnar og er slíkum ásök-
unum vísað til föðurhúsanna.“
Segja stefnu land-
búnaðarráðherra
stangast á við lög
Fyrsti verkfræðingurinn
Í grein í síðasta sunnudagsblaði
var sagt að 1895 hefðu fyrstu íslensku
verkfræðingarnir verið komnir til
starfa, þeir Sigurður Thoroddsen og
Jón Þorláksson. Þarna var fullmikið
sagt, það var aðeins Sigurður Thor-
oddsen sem kominn var hér til starfa
1895. Hann lauk verkfræðiprófi frá
Háskólanum í Kaupmannahöfn 1891
og varð landsverkfræðingur 1893.
Hann gegndi því starfi til ársins 1905
og sá á þeim tíma um vega- og brúar-
gerð á landinu. Jón Þorláksson út-
skrifaðist hins vegar sem verkfræð-
ingur 1903 og tók við sem lands-
verkfræðingur þegar Sigurður
Thoroddsen lét af því starfi. Um þetta
má nánar lesa í ritinu „Frumherjar í
verkfræði á Íslandi“, sem Verkfræð-
ingafélag Íslands gaf út á sl. ári. Beð-
ist er velvirðingar á þessari missögn.
LEIÐRÉTT
FYRIR KOMANDI páskahátíð
vill Slysavarnafélagið Lands-
björg beina þeim tilmælum til
ferðafólks að það vandi undir-
búning að ferðalögum vel. Mik-
ilvægt er að gera ferðaáætlun
sem farið er eftir, láta aðstand-
endur vita af henni og aka sam-
kvæmt aðstæðum með beltin
spennt.
Síðastliðna páska voru björg-
unarsveitir Slysavarnafélagsins
kallaðar út daglega til aðstoðar
fólki og tóku yfir 300 björg-
unarsveitarmenn þátt í björg-
unar- og leitaraðgerðum þessa
dagana. Meðal verkefna var leit
að vélsleðamanni við Veiðivötn,
aðstoð við ferðalanga á Holta-
vörðuheiði og björgun ferða-
manna sem hröpuðu á jeppa sín-
um fram af Þursaborgum á
Langjökli.
Nauðsynlegt er að ferðamenn
kynni sér vel allar aðstæður og
veðurspá á þeim svæðum sem
ferðast er um á, en nú er lítið
um snjó á hálendinu þar sem
páskarnir eru óvenjuseint í ár.
Mikilvægt er að láta vita af
breytingum sem gerðar eru á
ferðaáætlunum til að koma í veg
fyrir óþarfa áhyggjur og jafnvel
leitaraðgerðir björgunarsveita.
Hvatt til varúðar
í páskaferðum
AFÞREYINGARDAGSKRÁ verð-
ur í Hótel Reynihlíð við Mývatn um
páskana. Þetta er í 10. skipti sem
hótelið stendur fyrir henni og verður
dagskráin með breyttu sniði þetta
árið vegna óvenju góðs veðurfars.
Aðalinntakið á dagskránni að
þessu sinni verða skipulagðar
gönguferðir, ber þar hæst svokallaða
píslargöngu umhverfis Mývatn á
föstudaginn langa sem hefst kl. 9.
Með í för verður bíll þar sem þátt-
takendur geta geymt nesti og auka-
búnað og geta þátttakendur hafið
gönguna og lokið henni að vild. Einn-
ig verða stuttar gönguferðir um
náttúruperlur Mývatnssveitar á
laugardag og páskadag. Auk göngu-
ferðanna hefur tónlistin sinn sess.
Tónlistarhópurinn Músík verður
með tónleika í Reykjahlíðakirkju að
kvöldi föstudagsins langa kl. 21 og í
Skjólbrekku á laugardaginn kl. 14.
Einnig láta sjá sig ýmsir tónlist-
armenn, s.s. Sigrún Hjálmtýsdóttir,
Þorkell Jóelsson, Þórunn Ósk Mar-
inósdóttir og fleiri góðir gestir. Bar-
inn í Gamlabæ verður opinn frá skír-
degi til annars páskadags og munu
þeir Stefán Jakobsson og Ottó Páll
Arnarsson skemmta gestum á laug-
ardags- og páskadagskvöld.
Páskaganga við Mývatn
AÐSÓKN í félagsheimilið Þjórsár-
ver hefur verið með ágætum á hið
sígilda verk Davíðs Stefánssonar
Gullna hliðið.
Verkið var frumsýnt í síðustu
viku og hefur verið vel tekið af
áhorfendum og gagnrýnendum.
Vegna mikillar aðsóknar hefur ver-
ið ákveðin aukasýning á skírdags-
kvöld 17. apríl og hefst sýning kl.
20.
Hvort hin syndum hrjáða sál
Jóns bónda á erindi í gegnum hliðið
ræðst skírdagskvöld. Leikstjóri
sýningarinnar er Gunnar Sigurðs-
son en leikhópurinn er frá ung-
mennafélaginu Vöku.
Gullna hliðið
í Flóanum
Gaulverjabæ. Morgunblaðið.
AUGLÝSINGADEILD
netfang: augl@mbl.is eða sími 569 1111