Morgunblaðið - 16.04.2003, Blaðsíða 54

ÍÞRÓTTIR
54 MIÐVIKUDAGUR 16. APRÍL 2003 MORGUNBLAÐIÐ
FYLKISMENN gera sér vonir um
að fá knattspyrnumanninn Helga
Val Daníelsson til liðs við sig í sum-
ar en 3ja ára samningur hans við
Peterborough rennur út á árinu.
„Þetta er í biðstöðu en það er
ekkert launungarmál að við höfum
áhuga á að fá Helga. Það er hins
vegar túlkunaratriði hvort samn-
ingur hans við Peterbrough rennur
út í vor eða síðar á árinu. Helgi
heldur því fram að samningurinn
klárist í vor en Peterbrough heldur
öðru fram. Ef þetta fer á þann veg
að hann verði laus í vor munum við
að sjálfsögðu bjóða honum að koma
til okkar,“ sagði Ámundi Hall-
dórsson, formaður knattspyrnu-
deildar Fylkis, við Morgunblaðið.
Helgi Valur er öllum hnútum
kunnugur hjá Fylki en hann er upp-
alinn hjá félaginu og lék með því
síðast sumarið 2000.
Þá er Finnur Kolbeinsson, fyr-
irliði Fylkis, sem útnefndur var
knattspyrnumaður ársins á lokahófi
KSÍ í fyrra, byrjaður að æfa að nýju
en meiðsl í hásin hafa komið í veg
fyrir að hann gæti æft á undirbún-
ingstímabilinu. Rifa myndaðist í há-
sin sem illa gekk að fá til að gróa en
eftir að fótur Finns var settur í
spelku hafa komið í ljós batamerki.
Á tímabili voru forráðamenn Ár-
bæjarliðsins frekar svartsýnir á að
Finnur gæti yfirhöfuð leikið í sumar
en þeir segjast nú gera sér vonir um
að hann geti verið með.
Helgi Valur með
Fylki í sumar?
HERMANN Hreiðarsson og Heiðar
Helguson eru báðir í íslenska lands-
liðshópnum í knattspyrnu sem til-
kynntur var í gær vegna vináttu-
landsleiks gegn Finnum í Vantaa
þann 30. apríl. Þeir misstu af Evr-
ópuleiknum í Skotlandi í lok mars
vegna meiðsla. Þrír leikmenn detta
út úr hópnum í staðinn, þeir Pétur
Marteinsson, Bjarni Þorsteinsson
og Tryggvi Guðmundsson, en Atli
Eðvaldsson valdi 17 leikmenn til
Finnlandsfararinnar í stað 18 sem
voru í Skotlandi.
Hópinn skipa eftirtaldir leik-
menn: Árni Gautur Arason (Rosen-
borg), Birkir Kristinsson (ÍBV),
Rúnar Kristinsson (Lokeren),
Guðni Bergsson (Bolton), Arnar
Grétarsson (Lokeren), Hermann
Hreiðarsson (Charlton), Þórður
Guðjónsson (Bochum), Lárus Orri
Sigurðsson (WBA), Brynjar Björn
Gunnarsson (Stoke), Heiðar Helgu-
son (Watford), Arnar Þór Viðarsson
(Lokeren), Eiður Smári Guðjohnsen
(Chelsea), Marel Baldvinsson (Lok-
eren), Ívar Ingimarsson (Brighton),
Jóhannes Karl Guðjónsson (Aston
Villa), Gylfi Einarsson (Lilleström)
og Indriði Sigurðsson (Lilleström).
Þetta er eini vináttuleikur Ís-
lands sem fyrirhugaður er á þessu
ári og hann er ætlaður til undirbún-
ings fyrir leikina tvo í Evrópu-
keppninni í júní, gegn Færeyjum á
Laugardalsvellinum og Litháen í
Vilnius.
Hermann og
Heiðar til Finnlands
 PAT Rice, aðstoðarstjóri Arsenal,
segir að í herbúðum liðsins sé hlegið
að tilraunum Alex Fergusons, knatt-
spyrnustjóra Manchester United, til
að trufla einbeitingu leikmanna Ars-
enal fyrir slag liðanna í kvöld. „Alex
er stöðugt að reyna að koma mönn-
um úr jafnvægi. Hann reyndi það við
Arsene Wenger í fyrra og fékk það
allt saman í andlitið aftur,“ sagði
Rice við BBC í gær.
 GARY Neville, enski landsliðsbak-
vörðurinn hjá Manchester United,
segir að sitt lið sé komið með und-
irtökin í baráttunni við Arsenal um
enska meistaratitilinn. „Í fyrra setti
Arsenal pressu á okkur með því að
vinna stöðugt sína leiki. Nú hefur
þetta snúist við, við vinnum jafnt og
þétt og pressan er öll á Arsenal,“ seg-
ir Neville.
 PATRICK Viera, fyrirliði Arsenal,
segist vera tilbúinn að glíma við Roy
Keane, fyrirliða Manchester United,
á miðjunni í leik liðanna á Highbury í
kvöld.
 ARSENE Wenger, knattspyrnu-
stjóri Arsenal, er óhræddur við upp-
gjörið við Manchester United. „Unit-
ed-liðið er sterkt, en við vitum vel
hvað þarf til að leggja það að velli.
Við höfum gert það áður.“
 RUUD van Nistelrooy, marka-
hrókur Manchester United, hefur
ekki náð að skora mörk í deildarleik
gegn tveimur liðum – Leeds og Ars-
enal. Thierry Henry, miðherji Ars-
enal, hefur skorað fjögur mörk í sex
leikjum gegn United.
 ARSENAL á möguleika á að vinna
sinn þriðja meistaratitil á síðustu sex
árum og 13. meistaratitilinn í það
heila en Manchester United getur
hampað meistaratitlinum í áttunda
sinn á síðustu 11 árum og 15. meist-
aratitlinum í sögu félagsins. Síðustu
10 árin hefur titillinn níu sinnum
hafnað í höndum Arsenal eða United.
 SVÍINN Frederik Ljungberg,
miðjumaðurinn knái í liði Arsenal,
heldur upp á 27 ára afmæli sitt í dag
en oftar en ekki hefur hann gert
United-mönnum skráveifu.
 MANCHESTER United vann fyrri
leik liðanna í deildinni á Old Traf-
ford, 2:0, með mörkum frá Paul
Scholes og Juan Sebastian Veron en
Arsenal bætti fyrir það tap og hafði
betur í leik liðanna í 8-liða úrslitum
bikarkeppninnar, 2:0, þar sem Edu
og Siylvain Wiltord voru á skotskón-
um.
 ARSENAL er komið með forskot í
baráttunni um tyrkneska landsliðs-
markvörðinn Rüstü Recber, sam-
kvæmt fréttum enskra fjölmiðla í
gær. Rüstü, sem leikur með Fen-
erbache, er laus allra mála þar í sum-
ar og Arsene Wenger, stjóri Arsenal,
er sagður vera kominn langt með að
semja við hann.
FÓLK
Þetta hefur auðvitað þýtt það aðég hef þurft að forgangsraða
hlutum í daglegu amstri. Ég læri oft
á öðrum tíma en
samnemendur mín-
ir og auðveldar mér
góð aðstaða HR tví-
mælalaust það
hlutskipti. Svo er það bara það gamla
góða að vera skipuplagður og metn-
aðarfullur auk þess að leggja hart að
sér þá er allt hægt. Þegar maður er
ungur þá tel ég maður bara hafa gott
af því að hafa nóg að gera. Maður er
líka alltaf að átta sig meir og meir á
því hvað íþróttirnar eru góður und-
irbúningur. Þær héldu manni alveg
við efnið á sínum tíma og komu í veg
fyrir að maður tók alvarleg feilspor.“
Markús sem er nú langt kominn
með annað námsár sitt í viðskipta-
fræði við viðskiptadeild Háskólans í
Reykjavík hefur náð framúrskarandi
námsárangri. Hann hefur lokið öll-
um áföngum til þessa með fyrstu ein-
kunn og hefur nýtt sér það m.a. til að
fara heldur óvenjulega leið, a.m.k. á
íslenskan mælikvarða, við að fjár-
magna námið, en síðasta haust gerði
Markús samning við stjórendur Há-
skólans í Reykjavík þess efnis að
hann auglýsti háskólann í Reykjavík
á keppnispeysu sinni hjá Val og
greiddi þannig skólagjöldin.
„Þetta þekkist í bandarískum há-
skólum, þar koma háskólar til móts
við nemendur sína sem skara til
dæmis fram úr í námi og í íþróttum,
þar þætti samningur minn við Há-
skólann í Reykjavík vera sjálfsagð-
ur. Ég kom að máli við stjórnendur
skólans í síðasta haust og bar upp við
þá hugmyndir mínar. Svo fór að þeir
keyptu hana,“ segir Markús sem er
21 árs gamll og á meðal efnilegri
handknattleiksmanna landsins.
Hann hefur m.a. verið nokkrum
sinnum verið valinn í íslenska lands-
liðið í handknattleik og á einn lands-
leik að baki auk fjölda leikja með
ungmenna- og unglinga landsliðum
Íslands. Markús var m.a. inni í
myndinni hjá landsliðsþjálfaranum
fyrir HM í Portúgal snemma á þessu
ári.
Vona að samstarfið komi
báðum aðilum til góða
Markús segir engan vafa leika á að
samningur sinn við HR ýti enn frek-
ar undir metnað sinn við námið og
þar með hagnist báðir aðilar þegar
upp er staðið. „Það er að minnsta
kosti von mín. Ég er þakklátur fyrir
samstarfið sem ég vænti að komi
báðum aðilum til góða,“ segir Mark-
ús og segir skólann koma einnig
mjög til móts við óskir nemenda sem
geta m.a. komið í hann hvenær sem
er sólarhringsins til þess að læra.
„Það heftur hentað mér mjög vel því
það fer oft mikill tími í æfingar og
ferðir tengdar handknattleiknum.
Þegar mikið er um að vera á einu
sviði þá er gott að geta „kúplað“ sig
frá náminu á tíma, einbeitt sér að
handknattleiknum og geta síðan
komið í skólann og einbeitt sér að
honum, ekki vera endilega bundinn
af sérstökum tímum,“ segir Markús.
„Ég valdi Háskólann í Reykjavík af
einfaldri ástæðu. Skólinn stefnir að
því að vera framúrskarandi mennta-
stofnun á sínu sviði. Hann miðar sig
við þá háskóla sem náð hafa hvað
mestum árangri í sínum greinum á
alþjóðlegum grundvelli. Með því
markmiði skapast starfsumhverfi
fyrir nemendur HR álíkt því sem
þekkist hjá erlendum skólum sem
skara framúr á heimsvísu.
„Ég held að allir íþróttamenn sem
stefna hátt óski þess að æfa við að-
stæður eins og þær gerast bestar.
Eins er það með námið, þú ert að
fjárfesta í sjálfum þér. Í HR eins og í
íþróttunum sameinast menn um að
setja sér markmið og ná þeim, keppa
á meðal þeirra bestu
Þetta er vænlegasta leiðin til að ná
árangri og samræmist mjög þeim
markmiðum sem ég þekki úr hand-
knattleiknum. Þá er liðsandinn mik-
ill meðal nemenda, liðsheildin er
virk, líkt og í góðu handknattleiksliði
og því má því með sanni segja að
mikill samhljómur sé með náminu og
íþróttunum,“ segir Markús
Markús segist einnig hafa mikinn
metnað á íþróttasviðinu og hann vill
gjarnan ná lengra, vinna sér sæti í ís-
lenska landsliðinu og komast einnig í
atvinnumennsku í handknattleik í
Þýskalandi eða Spáni.
Fyrst er þó ætlunin að ljúka nám-
inu en að því loknu er meiningin að
einbeita sér að handknattleiknum.
„Ég geri ráð fyrir því að ef menn
halda rétt á spöðunum þá getur at-
vinnumenskan verið lúxuslíf, maður
getur einbeitt sér að boltanum og
dúllað sér við eitt og annað sem vek-
ur áhuga hjá manni. Notaður blæju-
bíll þarf ekki að kosta mikið síðan er
það bíltúr í frönsku Ríveríuna, góð
tónlist, sólin og vindinn í hárið. Frá-
bært að njóta þess að vera ungur áð-
ur en maður fer að hella sér af fullum
þunga út í alvarlegri mál,“ segir
Markús með bros á vör.
Fæddur í Berlín 17. júní
Markús er af þýsku bergi brotinn,
faðir hans, Michael Maute, er þýskur
og móðir hans Margrét Bárðardóttir
er hálf þýsk, en móðir hennar, Mon-
ika Ríkharðsdóttir Guðmundsson,
komst frá austur hluta Þýskalands í
lok síðari heimstyrjaldarinnar árið
1945 og til Íslands hvar hún kynntist
eiginmanni sínum Bárði Guðmunds-
syni. „Með gamni má segja að í mér
blandist þýski aginn og hin íslenski
landnámsmaður,“ segir Markús sem
hefur mjög sterkar taugar til Þýska-
lands er fæddur þar og alinn upp til
sex ára aldurs auk þess sem hann
heldur ættarnafni föður síns, Maute
til að varðveita þýska upprunann.
„En þátt fyrir alla þessa þýsku teng-
ingar þá vill svo skemmtilega til að
ég er fæddur í Berlín á þjóðhátíð-
ardegi okkar Íslendinga, 17. júní. Ég
átti víst að heita Bárður en fljótlega
kom það í ljós að það gekk ekki
vegna skyldfólks míns í Þýskalandi,
þau gátu ómögulega borið fram nafn
afa míns og því var ég skírður al-
þjóðlegra nafni.“
Fljótlega eftir komuna frá Þýska-
landi settist Markús á skólabekk í
Hlíðaskóla þar sem hann kynntist
meðal annars Snorra Steini Guðjóns-
syni, félaga sínum hjá Val. „Um leið
fór ég að stunda íþróttir, bæði hand-
bolta og fótbolta, við fórum í hand-
boltann ekki síst vegna áhrifa frá
föður Snorra, Guðjóni Guðmunds-
syni [Gaupa] þáverandi liðsstjóra ís-
lenska landsliðsins og núverandi
íþróttafréttmanni á Stöð 2. Þær voru
ófáar handboltaæfingarnar hjá okk-
ur Snorra í bílskúrnum heima hjá
Gaupa í Eskihlíðinni þar sem við
dáðumst að þáverandi gulldrengjum
íslenska handboltans.“
Markús og félagar voru afar sig-
ursælir í yngri flokkunum og hluti
Markús Máni Michaelsson, handknattleiksmaður hjá
Val, hefur farið óvenjulega leið til að kosta nám sitt
„ÉG vil að mörgu leyti þakka góðan námsárangur því uppeldi sem
ég hef fengið innan íþróttahreyfingarinnar. Frá því að ég byrjaði í
íþróttum í Val hef ég verið svo lánsamur að njóta leiðsagnar góðra
þjálfara og frábærra félaga.Við lærðum snemma að leggja hart að
okkur setja okkur markmið og vinna eftir þeim. Þjálfara okkar voru
metnaðarfullir og nutum við sannarlega góðs af því,“ segir Markús
Máni Michaelsson Maute, handknattleiksmaður hjá Val, en hann er
hefur náð afbragðsárangri í námi samhliða því að leggja hart að sér
við æfingar og keppni.
Eftir
Ívar
Benediktsson
Morgunblaðið/Kristinn
Markús Máni leikur með auglýsingu frá Háskóla Reykjavíkur á
ermi hægri handar, skothendinni, í leikjum með Valsliðinu.
Þýskur agi og
íslenskur víkingur